اليوم في فيلاجيو

[Miss Merna]

اليوم كنت في فيرجن فيلاجيو واثناء اختياري لكاميرا تفاجات برجل يلبس ثوب وشماغ يعطيني ورقه طبعا استغربت الموقف فقام يقولي بلهجه عربيه غير متقنه نحن نجمع تبرعات لمنظمه في باكستان لكفالة الأيتام ومن هالكلام المهم خذت دفتر الكوبونات منه وطالعته وكان شكله غير كليا عن الكوبونات الي متعودين عليها من الجمعيات الخيريه طبعا عرفت السالفه وانه مش من الجمعيات المصرح لها المهم سالته انت مرخص لك توزيع هالكوبونات فقام يقرالي قران بحجه انه صادق وقراء كم إيه قرانيه المهم أني بعد ماسالته سالت الفلبينه وين المسوؤل أنا ماقلت وين المسؤال الا الاخ مشي بسرعه وطبعا المسؤل بعدين جاني عطيته الكوبونات وقالت له أشلون تسمحون حق هالاشكال انها تدخل المحل وتبيع مثل هالكوبونات طبعا المسؤال استغرب وسألني عن شكله والخ .... طبعا الاخ شرد
أنا حبيت أطر ح الموضوع للتنبيه فقط وياليت المحلات تشدد الرقابه علي هالاشكال علما ان كان هناك اثنين من الأمن بس الرجال طلع وهو ماشي بسرعه كانه بايق شي ولا حد وقفه ولا شي .

[faisalqatar]

انا سمعت ان في رقم خاص تتصلين عليه و اتبلغين على المتسولين
لكن دام شرد شالفايده

اللي يصادف له هالاشكال المفروض يقبض له وما يخليه يروح لين ما ياخذونه الامن

يعطيج العافيه اختي على التنبيه

[Miss Merna]

انا سمعت ان في رقم خاص تتصلين عليه و اتبلغين على المتسولين
لكن دام شرد شالفايده

اللي يصادف له هالاشكال المفروض يقبض له وما يخليه يروح لين ما ياخذونه الامن

يعطيج العافيه اختي على التنبيه

اخوي والله ودي امسكه بس أنا سيده عيب علي المفروض الأمن الي يازعم انهم امن يمسكونه ويكونون منتبهين .

[QTR-SOUL]

صار لي نفس هالموقف في مجمع غرناطه

[بوعلي2]

الله المستعان

[clouds]

انا مره جاني واحد متسول ومقطعه اطرافه بس يخرع شكله ومبين انه نصاب المهم اتصلت في الشرطه وبلغت وكلموني اظنا لمباحث سالوني عن المكان وعن وصف شكله بس مادري اذا جوه او لا لان انا مشيت من المكان

[آهـل شَـرق]

صار لي نفس الموقف في مستشفى العمادي من سنتين تقريباً

[طاش]

رقم الخاص بالمتسولين (((44823455))) اتصل لهم على طول يجونك

[cavok]

ويا كثرهم

[خليفـة]

صار نفس هالموقف قبل حوالي شهرين في احد الأماكن العامة
وطبعاً كنت واثق انه عيار

ومع هذا كنت كريم جدا معاه .. وعطيته علوج نعناع
( الي يحرق البلعوم )
ورحت عنه

:nice:

خليفــة

[بوراشد82]

نفس الشخص اللي تقول عنه جاني في فيلاجيو وقال لي نفس الكلام اللي قاله لك !!!
هالكلام من 7 شهور تقريبا!!

[غزلان]

نفس الشي بالاند مارك برمضان بس انا واختي مشينا عنه وماردينا عليه فراح عنا لناس غيرنا

[مهره]

صار لي هالموقف عند المعرض الراقي باكستاني عطاني ورقة مغلفة فيها اية الكرسي ومرة بعد في سوق الخميس

[فارس الميدان]

لازم نتكاتف جميعاً لمحاربة هذه الظاهرة

[halcrow]

يجب نتكاتف مع هالنوعيه. والمشكله منا وعدم وعينا فتحصل دايما الاماكن الي يتواجد فيها العرب. تحصل طراوره وهم شركات نصب من بانكوك الي الشانزليزيه

[MAZEN37]

صارلي نفس الموقف ومسكت الرجال لكن
تخيلوا شسواا ؟
جرح نفسه المهم خليته وصرت اتحاشى الاحتكاك فيهم

[بومحمد55]

الأمن الوقائي موجودين في كل المجمعات أتصلي على 44714444 خلال دقيقه يكونون عندج
ولاتحسسينه أنج مبلغه

[روعة الجوري]

هذي مش متسول

هذي نصاب و حرامي

[روعة الجوري]

هذي ما يطر (مش متسول... ويا كثرهم لا حريم النقاب على صوب ولا رجاجيل صار يطرون فالمحلات طر ويلحقونا غصب ولو ما تقولون بنكلم الشرطة ما يشردون في لحظة)

هذي طابع كوبونات على اساس انهم جمعية خيرية وانهم يجمعون تبرعات وطبعا مو صج...كوبونات مزورة اللي عنده

لوكانت حقيقية وتابعة لاحدى الجمعيات الخيرية ما كان شرد لان حزتها بيكون مرخص له هالشي وبيكون فالاساس له مكتب فالمجمع مثل باقي جامعي التبرعات المرخصين من الجمعيات الخيرية

[مشتاقة لقطر]

انا ما يقهرني الا في مكة .. جات وحدة تاشر لاخوي من بعيد ؟؟ تعال قمنا طالعناها

وجات تبي تهاوش ليش يقولها روحي

قلنا لها المطلوب قالت مساعدة ؟؟ طالعناها وقلنا تنادين من بعيد ليش قالت لان انا سعودية استحي ؟؟؟؟؟؟؟؟؟

[ريتويت]

لاحول ولاقوه الا بالله

[موضي قطر]

هذه وحده كانت اطر في الصالون :eek5:

تدور على الحريم بس اكتشفت انها تتكلم مع كل وحده بشكل خاص لما وصلت لي الا تقول انا ناسية فلوسي في البيت وماقدر اروح اجيبهم اخاف زوجي يشوفوني وانا ماقلت له اني رايحة الصالون !!!:rolleyes2:

مايرضى ابي 500 ريال عشان اقدر ادفع لهم

والله في خاطري من زمان مارحت صالونات !!:omen2:

انا قلت حتى انا في خاطري تدفعين عني

صار لي 5 سنين ما رحت صالون :shy:

طنقرت علي وراحت وهي اتحندى مادري شتقول:nice:

[الراسية]

وين الرقابة عن هالاشكال

المشكله يجون حق الليدي على بالهم البنت مقصه كل من جي لها راح تساعده

ارجو الحذر من هالاشكال وتشدد الرقابة من قبل المجمعات التجارية

[Miss Merna]

الموضوع اكثر من انه طراره هؤلاء عباره عن منظمات والدليل هالكوبونات نلقها عند اكثر من شخص ويكونون بنفس الهيئه يعني يدخل محل تسوق او مجمع اذكر من سنتين او اكثر نفس ألطريقه جاني شخص في تويز أر اص وكان لبس ثوب وشماغ احمر وكان عنده كوبونات في ذاك الوقت كنت بعطيه لأني بكل صراحه كنت غبييييييه بس الحمدالله ماكان عندي كاش فقلت له ماعندي والله كاش لأني ادفع بالكردت كارد . الهدف من طرح الموضوع توعيه المجتمع القطري ضد هالاشخاص او المنظمات لين مايعرفون ان مالهم مكان أهني لان في وايد ناس يصدقونهم للأسف .*

[تمنيت]

هذا ينصب على العالم وفي مكان عام عشان محد يشك فيه

انا في رمضان كنت فالمول وجاني واحد كشخه وحاله هندي ودخل علي وانا في مانجو يقول انا ابي مساعده ومن هالكلام !!!!

يعني صاروا يدشون المجمعات بعد ومحد يدري عنهم لان وضعهم يكون اوكي !

[قطريه ماركه]

نفس الشخص جاني في رمضان في نفس المجمع ...

[بدون]

نفس الشيء عند الرويال بلازا بس شرد يوم قلت الحين باتصل بالشرطة !

[بنـت الغالـي]

انا مره جاني واحد هندي ضعيف وطويل متوسط عمره في الثلاثينات
اول مره في حياة بلازا في الليل شفته يعدها باقل من اسبوع
في فيلاجيو الظهر ماسك اوراق بايده فيها صورته مع طفل مبين ان ماسح عين الطفل بالفوتوشوب وعباله الناس اغبياء واصلا شكله مايوحي انه فقير

للاسف متندمه اني مابلغت عليه
للعلم السالفه صايره قبل شهر تقريبا

[دلال قطر]

تراا من زمااااااااان هالحالات
اذكر قبل كم سنه والله يمكن 3 او 4 سنين
ف الجمعيه باكستاني شايل سله بيده ويوزع اوراق مطبوعه "اسود وابيض بعد" وفيها احاديث وآيات
جايني انا واختي ويقول انه يجمع تبرعات للمساكين والفقارى ، شكله اللي ذكرتيه من طقته خخخ

كله يجون عند الحريم ، ع بالهم اغبياء مثل اول ويفرّون فلوسهم ع كل من قال "من مال الله " !!!!

[موضي قطر]

لا تنسون الفئة اللي تقتحم بيوتنا بلا احم ولا دستور اغلب الظن هم اخطر من اللي في المجمعات .. الله يحفظ الجميع

[أحمـد]

انا صار لي نفس الشي بس مش بمجمع ,
لا صار لي وانا بالمطار فالسوق الحره كنت عند الكاشير واول ما جيت افتح البوك الا اشوف البكستاني
جه عندي , ويروني جوازه وجواز مرته ويقول ان مرته توها اعتمرت وتبي تيجي قطر وهو ما عنده فلوس
انا قلت بنفسي بعطية 20 او 30 ريال لاكن صدمني قالي اذا تقدر تعطيني بس 2000 ريال !!
انا بصراحه استغربت وعقب قلت له انت مب صاحي ولا شنو , ولا إنت مفتكر حد بيعطيك 2000
وفالمطار قلت روح مؤسسات خيرية بتساعدك
المهم ان ما عطيته اهميه وتم يطالعني وهو بالنظره البريئة هاذي الي كلها تمثيل في تمثيل
وعقب تصورو راح حق شخص ثاني قاله عطني فلوس انا يوعان وما كلت من يومين
بذمتكم هاي شنسوي فيــــه
كلت من يومين

[حليتان*]

لا حول ولا قوة الا بالله


من فتره فالستي جاتني وحده عربيه لا بسه كات وجنز وله تقولي لوسمحت محتاجه ٥٠ريال


والعام تقريباً صوب جرير وانا نازل من السياره جاني هندي عنده تقارير من المستشفى ورفع لي قميصه وله ذاك الجرح الي من شفته صادني مقص :(


وعقب السالفه بفتره الا حاطين فالجريده انها خدعه جديده من خدع المتسولين*

[امـ حمد]

ويش كثرهم

[الصاعقة]

كان بالامكان افضل مما كان

[ضوى]

تسول بطريقة ذربة

[الصاعقة]

وين الذرابة؟؟ الا استغفال وبطريقة جشعه واللعب على وتر العاطفة والدليل انه اتجة للمره لانه يدري انها عاطفية وبتدفع

[كازانوفا]

تقريبا نفس الشخص بس يغير من شكله

[ضوى]

وين الذرابة؟؟ الا استغفال وبطريقة جشعه واللعب على وتر العاطفة والدليل انه اتجة للمره لانه يدري انها عاطفية وبتدفع

اقصد ذربة يعني مب طريقة تهين كرامته ، طرارة بس مش واضحة :)

[ذيبة الريان]

صاروا ينتشرون هذه الفترة
جاني واحد من شهر قدام السوبرماركت
يقولي تبرعات ويعطيني الكوبونات
قالي طلعي صدقة لرمضان
قلت له الحمدلله مطلعه
قال طيب اكفلي يتيم
قلت الحمدلله كافله
جزاك الله خير
وراح

اشكالهم مريبة والله

[الصاعقة]

اقصد ذربة يعني مب طريقة تهين كرامته ، طرارة بس مش واضحة :)


خالتي ... اي كرامة الي اتكلمين عنها؟؟ لو عنده كرامه من الاساس مامد يده

[البائع]

اخواني الحذر من هذا الشخص صار له اكثر من ثلاث سنين يدور في جميع المجمعات وياخذ فلوس من الناس بغير وجه حق وبدعوة التبرع ....وكان يتكلم مع الناس ان هو عمن طريق قطر الخيريه وتم تبليغ قطر الخيريه من قبلي ...وصادف اني وجدته في اكثر من مجمع في الدوحه لان تخصصه مجمعات لقيته في السنتر ولقيته في فلاجيوا ولقيته في مجمع المانع ولقيته في مجمع رويل بلازا وفي كل مره القاه كان ودي اصوره لاكن من خباثته وعارف انه حراامي يهرب بطريقه الحراميه لكن اتمنى كلنا نتكاتف ولو على الاقل نصووره اضعف الايمان

وشكرا لكم اخوواني

والله يهديه ويصلحه ويكفي المسلمين شره :anger1:

[الصاعقة]

السؤال الي يسدح نفسها ... اموت واعرف ليش الي يشحتون ولا يطرون يروحون عند النسوان ؟؟هل لان الشحاتين ينظرون للمره على انها غبيه وساذجه ام لانها عاطفيه ورحيمه وينكسر خاطرها بسرعه ؟

[الصاعقة]

اخواني الحذر من هذا الشخص صار له اكثر من ثلاث سنين يدور في جميع المجمعات وياخذ فلوس من الناس بغير وجه حق وبدعوة التبرع ....وكان يتكلم مع الناس ان هو عمن طريق قطر الخيريه وتم تبليغ قطر الخيريه من قبلي ...وصادف اني وجدته في اكثر من مجمع في الدوحه لان تخصصه مجمعات لقيته في السنتر ولقيته في فلاجيوا ولقيته في مجمع المانع ولقيته في مجمع رويل بلازا وفي كل مره القاه كان ودي اصوره لاكن من خباثته وعارف انه حراامي يهرب بطريقه الحراميه لكن اتمنى كلنا نتكاتف ولو على الاقل نصووره اضعف الايمان

وشكرا لكم اخوواني

والله يهديه ويصلحه ويكفي المسلمين شره :anger1:

سبحان الله .. على كثر ماحصلته ماتصرفت معاه باي تصرف؟؟

[البائع]

اكيد لان المره عاطفيه جدا وهي دائمه تفكر بقلبها اول دقيقتين وبعد الدقيقتين ترجع تفكر بعقلها يكون هذا الحرامي خذ الي يبيه او هرب

[الصاعقة]

اتفق معاك بس سالفة دقيقتين هذي اعجبتني ... يعني كم مره اتفكر المره؟؟ اتوقع مليون تفكير في الساعه والتفكير يحتاج سرعة بديهه واتخاذ القرار يحتاج الى قوة قلب

[Khalid Qatar]

صار نفس هالموقف قبل حوالي شهرين في احد الأماكن العامة
وطبعاً كنت واثق انه عيار

ومع هذا كنت كريم جدا معاه .. وعطيته علوج نعناع
( الي يحرق البلعوم )
ورحت عنه

:nice:

خليفــة

هههههههه مافيك حيله

[قلم صادق]

صارلي نفس هالموقف قبل اسبوعين في فيلاجيو بعد ...دخل المحل وكان كاشخ الثوب والغتره بس من كلامه بين انه مب خليجي والثوب كان تمويه علشان محد يقوله شي وعطاني الاذكار بس انا عطيته ظهري ورد مد لي الكوبونات بس انا طنشته ومارديت عليه قام يقول عن مساعده المساكين يوم شاف اني ما عطيته وجه راح ... بصراحه المفروض انه محد يعطي مساعده الا لجهه معتمده او ناس تعرفونهم شخصيه اما هالاشكال اللي تتصرف بالخفاء والخوف فهم مصدر ريبه وشك والمفروض يتوقفون عند حدهم لانهم يخدعون الناس بأسم الدين ويعرفون ان احنا قلوبنا طيبه ونحب نساعد وهم أستغلوا هالنقطه .