الموظف القطري .. رجاءً احسبها صح ...!!

[sweet qatar]

السلام عليكم ورحمة الله وبركاته..


أثناء جولتي على مواضيع الحوار العام.. بعد عودتي من السفر.. شي متوقع اغلب المواضيع عن زيادة الرواتب .. اسئلة .. استفسارات.. الخ...

لكن راودني سؤال.. وانا اتصفح احد المواضيع ..

هل ممكن الموظفين الي ما شملتهم الزيادة يتركون أماكن عملهم بكل بساطة ؟..

يا جماعة الخير.. اخواني/خواتي..

الوظيفة مب بس راتب.. عندك أمور كثيرة توزنها وتفكر فيها..

اكيد كلنا نعمل لصالح وطنا الغالي.. ما بنختلف هني..

وشخصياً واعتقد في كثير مثلي الي ماعندهم التزامات او ديون تربطهم.. فالبحث يكون عن الوظيفة الي تناسب الطموح.. وتضيف للموظف والموظف يضيف لها..

وللباقي الي اتعبتهم الديون والالتزامات دون التطرق للاسباب..

أرجوكم احسبوها صح... لا تفكرون الوظيفة و مميزاتها راتب بس.. لا شوف باقي الامور الي يغطيها مكان عملك والاشياء الثانية الي يوفرها لك..

مثلا..
اذا كان مكان عملك حالياً يعطيك المجال تتأخر الصبح أو تطلع من وقت عشان توصيل العيال للمدارس..
احسب اذا رحت لمكان ثاني ما بتلقى فيه نفس الميزة وبتضطر انك تجيب دريول وسيارة ثانية و..و....الخ <<< المثال البسيط هذا توضيح للفكرة يعني مب شرط وكلن يقيس المثال على ظروفه..

ياليت كل قطري يفكر في مساره الوظيفي وتطويره.. ويفكر بنتائج ابعد من المنصب والراتب..

والله يوفق الجميع .. ويبارك لهم في اعمارهم واموالهم..

[Mili]

اشمتلج الزيادة؟

[intesar]

ياريت

[sendarala]

الله كريم

[بومحمد55]

الحمد الله على كل حال

[العميد الركن]

نكون واقعيين ونقول الحقيقه

القطاع الخاص شغلهم اكثر واصعب من قطاع الحكومه

واذا الراتب ماكان ازيد مافي اي مميزات اخرى تذكر غير التأمين الصحي واغلبهم ماهم مستفيدين منه

فشي طبيعي بينقلون للحكومه لان راتب اعلى ودوام اريح

والعسكرية صار عليها اقبال اكثر من قبل وهذا شي طيب

والي يسمحون للتأخير طبعا القطاع الحكومي في تسهيلات اكثر من القطاع الخاص

بس الزياده جايه ان شاء الله للقطاع الخاص بس يدرسون المسأله والحسابات

[Dawn]

انا جاتني الزياده وشغلي زين ( مريح )

لكن ناويه اطلع من شغلي او أغير وظيفتي على راتب اقل وممكن اتنازل عن شهادتي الجامعيه ..

السالفه مب سالفة راتب ،، سالفة ارتياح نفسي لطبيعة العمل والناس وحتى المكان والتسهيلات اللي فيه ..

يعني الواحد يوازن بين امور كثيره وبعدين يشوف الراتب ... الا اذا كانت حالته الماديه سيئه جدا في هالحاله اهم شي راح يكون الراتب طبعا ..

[sweet qatar]

Mili

intesar


sendarala


بومحمد55


شاكرة لكم مروركم..

[sweet qatar]

نكون واقعيين ونقول الحقيقه

القطاع الخاص شغلهم اكثر واصعب من قطاع الحكومه

واذا الراتب ماكان ازيد مافي اي مميزات اخرى تذكر غير التأمين الصحي واغلبهم ماهم مستفيدين منه

فشي طبيعي بينقلون للحكومه لان راتب اعلى ودوام اريح

والعسكرية صار عليها اقبال اكثر من قبل وهذا شي طيب

والي يسمحون للتأخير طبعا القطاع الحكومي في تسهيلات اكثر من القطاع الخاص

بس الزياده جايه ان شاء الله للقطاع الخاص بس يدرسون المسأله والحسابات


يااخوي هذي الفكرة الي حبيت اوضحها عن شغل الحكومة..

الكل يظن ان الخاص كرف والحكومة راحة..

الأمور تغيرت في الحكومة... نكررررف كرف .. ونقعد لـ 3 و أربع العصر نخلص شغلنا..

كل وظيفة حسب متطلباتها..

وهذا الي حبيت يوصل للناس.. الحين القطاع الحكومي بتصير عليه تغييرات كثيرة .. طبعا اتكلم بما اني موظفة من اشتغلت في الحكومة وانا في الجانب المالي منها...

ومثل ما قلت قبل المثال الي ذكرته للتوضيح انك كموظف لازم تفكر في كل شي يخدمك ويخدم مصلحتك...مهما كان بسيط فممكن ياثر عليك وعلى مصاريفك..


شاكرة لك مرورك وتعقيبك اخوي...

[sweet qatar]

انا جاتني الزياده وشغلي زين ( مريح )

لكن ناويه اطلع من شغلي او أغير وظيفتي على راتب اقل وممكن اتنازل عن شهادتي الجامعيه ..

السالفه مب سالفة راتب ،، سالفة ارتياح نفسي لطبيعة العمل والناس وحتى المكان والتسهيلات اللي فيه ..

يعني الواحد يوازن بين امور كثيره وبعدين يشوف الراتب ... الا اذا كانت حالته الماديه سيئه جدا في هالحاله اهم شي راح يكون الراتب طبعا ..

عين الصواب اختي..

عسى الله يوفقج بالوظيفة الي تسعدج و تريحج .. شاكرة لج مرورج وتعقيبج

[مشتاقة لقطر]

الله يوفق كل واحد بوظيفته

وسبحان الله لازم في فروقات فردية

[شمعة الدوحه]

موب عن ياسويت

انا من يوم مااشتغلت قطاع خاص وانا ابي حكومه

واللحين مصره عالحكومه اكثر لان ادرس بكليه الساعه 4 ومايمدي سيده من الدوام للكليه وايد تعب ومايقدرون ولايعطون تفرغ في بعض القطاعات الخاصه

البنوك راح يزيدونهم اتوقع خلال هالاسبوع وراتبي ولله الحمد زين وعندي التزامات

بس الله يكتب لي اداوم في وزاره حكوميه حتى لو كان أقل من راتبي اللي بيعطوني اياه


الفلوس ماعاد فيها خير نفس قبل :)

مردها رايحه رايحه

سواء كان الراتب 6 او 30 الف

[قطري 55]

اهم شي الراحة النفسية في وظيفتك عشان تنعم في راتبك ..

[بايع بايع]

الحمد لله

[sweet qatar]

مشكورين اخواني وخواتي على المرور والتعليق..

ومثل ما ذكرتي يا شمعة.. انتي محتاجة الدوام لحكومي لاسباب معينة عسى الله يوفقج في دراستج..

و هذا كل الي ابيه يوصل للموظفين.. احسبها صح وشوف مسؤولياتك انت ومتطلباتك انت وحاجتك انت..

صح لسانك اخوي قطري55 .. والله يرزقنا الراحة في كل امورنا..