المساعد الشخصي الرقمي

مشاهدة النسخة كاملة : ساعدوني في بناء خيمه ملكيه ....


مستر قطر
18-09-2011, 11:00 PM
السلام عليكم ورحمة الله وبركاته
انشاء الله ببني بيت شعر ملكي في البيت وبغي مشورتكم في مواد البناء
دخت مع محلات الخيام :rolleyes2: من ناحية المواد

الخشب فيه الاندنيسي والماليزي ....

العوازل فيه السعودي والكويتي...

الخشب الي على السقف بعضهم يقول مايحتاج بعضهم يقول لازم :weeping:

عرض العازل ؟؟؟

نوع القماش الخارجي للخيمه فيه الالماني درجه اولى وثانيه وفيه نوع ثالث نسيته

القماش الداخلي فيه سوري وصيني......

تمديدات الكهرباء .....

ياريت الي عنده خبره انه يفيدني بافضل نوع وانسبه.
بوجاسم 75
18-09-2011, 11:01 PM
الله يوفقك اخوي ، انا بعد ناطر الردود
مستر قطر
19-09-2011, 12:36 AM
الله يوفقك اخوي ، انا بعد ناطر الردود

حياك الله اخوي بوجاسم
محاسب
19-09-2011, 09:26 AM
اخوي
هذا راي نقلته لك من صاحبها:
(((((الخيمة فاشلة بمعنى الكلمة .. عندنا في البيت خيمة بيت شعر بلشنا به ! سلبياته كثيرة منها :
-يجمع الغبار والتراب بشكل غير طبيعي فالسدو الخارجي يمسك الغبار وصعب تنظيفه
-مملة نوعا ما بحكم انها لها طابع معين فترة ثم تمل منها
-الجو عندنا مايناسب لها أبدا لأن إذا جاء الصيف وجت الشمس الحارقة أحرقت الشعر الخارجي ثم تضطر الى تغييره
- الشعر الأصلي مع الأمطار والمياه تطلع منه ريحة كريهه تصير كأنك جالس في حوش غنم .!
وعيوب الخيمه من السهل تنثقب او تنقطع))))):

في حل :
تبني طابوق مصبوغ من الخارج بلون بيت الشعر ومن الداخل اذا تبغى تسوي بيت شعر سوي الديكور الداخلي على شكل بيت شعر يعني لبس الجدار ولاتنسى المشـــــــــــــــــــــــب
من غيره ماتحلى القعده
مهل
19-09-2011, 09:30 AM
انصحك تلغي فكره بيت الشعر و بداله تبنيلك بناء بالطوب الاحمر و سقف حديد هرمي و عليه عازل و قرميط .. شي لك و للعمر

بيت الشعر سلال القطاوه يلعبون خشيشا فوق
بايع بايع
19-09-2011, 10:01 AM
اخبر الوالد تخطر في خيمه وسط الحوش

وبعد 3 شهور من عمل الخيمه

قالنا شيلوها وفكوني منها

الاسباب

حاره جدا صيفا
بارده جدا شتاءا
المكيف يبغيله وقت طويل الين يبرد المكان لانه يبرد السقف والسناح والارضيه الين يبرد جو الخيمه
الغبااااااااار يتكدس بالاطنان ومع المطر طين ووصاخه
اي ازعاج خارجي ينسمع وبقوه وتحتاج إلى تنظيف مستمر من الغبار
لازم تجهز قهوتك وشاهيك طول اليوم للنمل متى ما اقلطو لان مالهم موعد محدد
روائع كريهه وكأنك في زريبة خصوصا اذا نزل المطر

وبالنسبة للخيمه الملكيه شيل كم سبب يمكن يصفالك ثلاث او اربع

فنصيحتي لك اذا بغيت تسوي سو غرفه من طابوق او حط كبينه متى مازهقت منها بعتها

وبالتوفيق
مستر قطر
19-09-2011, 10:53 AM
محاسب ومهل وبايع بايع مشكورين علي النصيحه
بايع بايع
20-09-2011, 09:01 AM
ونسيت اذكر سالفة صارت لواحد من الشباب

وهي

كان عامله خيمه ملكيه وليتاتها من نوع سبوت لايت

الليت احتر بزياده وسخن المنطقة اللي حوله فولع الخشب ومن الخشب للقماش ولباقي الخيمه

وامتدت النار للمطبخ اللي كان جنب الخيمه وفي المطبخ سلندرين غاز وبفعل النار والحراره انفجر المطبخ

والله ستر يومها محد كان موجود في المطبخ او الخيمه

وهذا للعلم والحيطه ،،،،
بودحوم
20-09-2011, 10:57 AM
نصيحة يامستر قطر

اسمع كلام الأخوان وابعد عن الخيمة في البيت .
almaf1a
20-09-2011, 12:17 PM
كانت فكرة الخيمة موجوده عندي
بعد الردود راح اعمل طابوق بالرغم من اني لا اعرف الفرق في السعر
Almossafer
20-09-2011, 01:16 PM
احنا عملنا خيمه لكن بالطابوق وتم تلبيسها بالكامل
مستر قطر
21-09-2011, 02:17 AM
مشكورين على النصائح خلاص مافيه خيمه ردودكم تخلي الواحد مايفكر يبني خيمه
ولي نصحني بالطابوق والسقف الهرمي والقرميد كانت الفكره مبيته من قبل والحين اقتنعت فيه وانشأ الله هي الحل القادم