ّّّّّ إدارة المرور، كيوتل، البلدية ... تبون فلوس؟!!

[QatariFallah]

السلام عليكم ورحمة الله وبركاته

هذا الموضوع يبحث عن طرق ممكن نساعد فيها الادارات الحكوميه اللي تحاول 24\7 انها تبوق فلوس الناس غير بوقة المال العام والميزانيات عن طريق المدراء الجشعين..وترفيه الاجانب من اسيويين وانجليز لكي يبتكروا طرق جديده لسرقة المواطن بطرق قانونيه..ان كان عن طريق فواتير او ضرايب او تحويل معاملات ورسوم ومخالفات او عدم الشفافيه بذكر مساوئ وسلبيات المنتج أو الخدمه إلا "بعد مايفوت الفوت" وجرب تغير او تطلع وبتدفع الضعف، وغيره ..

المهم...

أولا: إدارة المرور..حاب اعطي فكره لادارة المرور بتفيدهم بشكل كبير وبتسعد المواطنين و المقيمين على حد سواء..وفوق هذا يمكن بتكون طريقه لايجاد وظائف لبعض الناس المحتاجه لوظيفه

بخصوص الآليات وسيارات النقل الثقيل والشاحنات والباصات التابعه للشركات والمؤسسات ... مافي شارع في قطر يستمر كما هو نظيف او مايتشقق لمدة شهر..والسبب هالنقليات الكبيره

مثال: على خط الشمال، خط سلوى، الصناعيه، الوكره، الخور، راس لفان، المزروعه، دخان ... الخ دائما نلاقي اطارات محترقه او مطاط التواير مرمي فالشارع..ماقول عالرصيف..(( فالشااااارع)) فمنتصف الشارع او بأي طريقه كانت تسبب عرقله للمرور وتؤدي في اغلب الأوقات الى حوادث وفاه او اصطدامات شديده
ادارتنا العزيزه..شرايج اتركزين شوي بهالموضوع..ويتم تعيين موظفين قطريين..لهالشغله يقومون بتمشيط الشوارع في اوقات محدده..او بفتح خط ساخن خاص لكي يتم التواصل معكم بهذا الشأن عن طريق اي شخص ويبلغكم بالسياره ورقمها وتابعه لاي شركه ومكانها وشيللي صار....فيها شي؟..وبلاش بعد مانبي منكم شي
واذا تبون اتعينون اشخاص..ترى مايحتاجلها شغله ولا شهادات ولا شي..ورواتب حتى مش شرط مثاليه..في شباب 24 ساعه ضرب خطوط من الفراغه لاشغله ولامشغله..شوفوا وين هالنوعيه وكلموهم واستفيدوا منهم...
ياخي افتحوا خدمه..سموها (ساعدنا) أو (بلغنا) او اي شي انتو تختارونه مش مهم الاسم..المهم خدمه شجعوا فيها الشباب والبنات بالابلاغ عن اي شي يصير بالشوارع متعلقه بهالموضوع
او ممكن قسم او فرع من قسم..يختص بهالاشياء وغيرها
مثال:
قسم "ساعدني" أو "بلغني":
قسم 1: مختص بالنقل الثقيل والاليات
قسم2: مختص بالنقل الخفيف
قسم3: مختص بأملاك الدوله من مواد اعلانيه وتخريب ممتلكات
قسم4: مختص برقابه معينه لاشياء تحدث .... وهكذا

طريقه حلوه لتعديل اوضاع عامه فالدوله..وتبليغ الجعات المعنيه (بلديه، داخليه، مرور، شركات،..باي شي يخصها او باخطاءها..وبعد تغريمها) وانتو بعد بتكونون ملمين باللي يصير وبالشوارع
شخص او اثنين يستقبلون المسجات..وفي شفت ليلي يسجلونها فالسيستيم ويطرشونها للجهه المعنيه وخلاص .. والله سهله..مجر افتح خط ساخن..واعلان بسيط فالراديو او التلفزيون..وشكرا

والله في ناس وايده مستعده اطرش مسج لكم عن اشياء تنشاف يوميا في الشوارع او في اماكن عامه...خلونا من خدمة العضيد..ماتكلم عن العضيد..حتى لو شغاله صح..بس مش ملمه بكامل الأفكار..ممكن توسعونها على مستوى اكبر لو تبون..بتكون شي حلو

بهالحاله غرموا هالشركات اللي سايقها يترك مخلفاته فالشارع او يسقطها بالشارع ومايهتم..غرموهم لو تبون 20 و 30 و 40 الف بعد..وتقدرون تبوقون منهم اكثر على حسب نوعية الشارع واهميته وشنو اللي تم تدميره او اسقاطه..ها شرايكم بالفكره الشيطانيه؟..وبعد بالمره بتلاقون لكم كم مخالفه عليهم لاسباب فنيه بالسياره او قانونيه او غير مكتمله...

وبهالطريقه تقدرون تساعدون البلدية بالحفاظ على نظافة الشوارع المهمه..وتقليل الحوادث "الخطيره جدا" و كسب المال من شركات ومؤسسات تتحملها ومساعدة الحكومه واجبار الشركات في جلب العماله الصحيحه المثقفه والمهتمه واهم شي التقليل من اللف والدوران بكيفية سرقة المواطن القطري
بعد فكره ثانيه لجني المال لكم...اي شركه تقوم بأعمال تعديل ورصف طرق..عطوها مقاييس محدده تتبعها لضمان سلامة السيارات عالطرق..يعني مثلا شركة تكفن التركيه .. من ضمن الاشياء الممكنه..حطولها مسافه معينه لابعاد الحاجز الاسمنتي عن حافة الطريق يا اخي...يكون نص متر الى متر..لان مرات اي شي يأثر عليه يحركه مع الوقت..اعمال مفاجأه..عمال يفتحون الحواجز يدخلون معدات ومن ثم يسكرونها ولكن مش مثل اول يسكرونها...وتكون في ازاحه .. رصف الحواجز يختلف عن بعضه..واحد سيده وواحد مايل وواحد طالع...
يا أخي نوعية الحبال المستخدمه للربط تكون من درجه معينه وتكون مشدوده لدرجه معينه ايضا...واذا صار حادث تسبب بتخريب اللي سووه من ارشادات مروريه وتغيير لمقاييسكم..عطوهم فتره كم يوم لتعديلها حسب القدره..واذا تأخروا..عطوهم مخالفة تأخير
مش بس احنا نتخالف على الشي وعلى تأخيره..لا وقمتوا بعد تخالفونا على عدم الكماليه او المثاليه باتباع بعض الشروط...هزلت!!

هذي كلها طرق اتجعون فيها فلوس من غير لاتقصون عالمواطنين..لكن مادري شفيكم مقفلين مخوخكم


ثانيا: كيوتل...احبكم ههههه، بس فكره بسيطه..الحين من صجكم فروعكم لصغيره هذي بالمناطق الشبه نائيه اتكلفكم 2 مليون ريال فقط للديزان؟ اللونين الوردي والازرق؟؟ لا ..وكله بعد خشب وقليل بلاستيك...ياربي..مره..مرتين..ياللا ثلاث مرات تبوقون يا مدراء مو مشكله..بس مش كل مره من كل فرع
وقمتوا بعد تفتحون فروع بأماكن مالها داعي ولا بيكون فيها تطوير لا سكني ولا تجاري لمدة 10 سنين قدام..عيل ليش تفتحون الفرع؟...لان المدير وربعه احتاجوا كم من فليسه حق سلفيه او سفره وللا موتر وقالوا خل نفكر نسوي فرع بمكان ونحطله ميزانيه معينه وناخذ نصها..
المهم، مجرد تلميح..مش موضوعنا هذا...بس ابي اعطيكم فكره كيف تبتعدون عن سرقة المواطن..بعد نفس فكرة المرور...حاولوا اتركزون على الشركات والمؤسسات التجاريه بدفع ماعليهاوسالفة ان الفاتوره الورقيه ب 5 ريال..مانبيها اصلا..ولكن لو نبيها نقدر..لان قانون عالمي معترف فيه ان اي شركه او مؤسسه تقدم خدمه للجمهور..يجب عليها اعطاءه او اصدار فاتوره بخدمته وتكاليفها..ولكن طبعا فكرتكم حلوه بتصير مع الوقت..بيضطر المواطن لفتح خدمات انترنت سواء فالبيت او فالجوال لتفقد الفواتير..وبدال ال 5 ريال عالورقه بتربحون فوق ال 150 ريال عالخدمه..وبعد من غير لايستخدمها المواطن اساسا الا فقط للتشييك..غير ان بعض البرامج اللي تسحب من النت وتزيد الفاتوره....ف شكرا لسرقتكم لنا..مش منكم..من الهندي اللي حاطينه يفكرلكم هالافكار وتبخونه فلوس
ترى مانبي منكم شي..ومستعدين ندفع اللي تبونه بس يا اخونا اللي في كيوتل..بذمتكم..كل هالتوسع والاستيلاء على بعض الشركات واسهمها وكل هالشراكات الدوليه وبعد مافكرتوا بيوم اتقلدون دوله من دولنا المجاوره..؟؟
كل كم شهر اجتماعات وياهم وتفكرون بافكار جديده وتطوير..بس مانشوف تطوير الا بدفع الفواتير وكيفية سحب اكبر كمية من المال من المواطن!!
بتقولون عدد سكانهم كبير و احنا قليل..طيب والبحرين؟ وعمان؟..ترى حتى لو عدد سكانهم اكبر بس احنا الشخص يملك مرتين وثلاث مرات قيمة ارقام وفواتير شخص واحد منهم..شهالطمع؟..اشكره مبين طمعكم ليش انكم رضيتوا اتشغلون خدماتكم في دول ثانيه (عمان، فلسطين،...وغيرهم) برخص لتراب لانكم عارفين المواطنين في الدول الثانيه بيجبرونكم على هالشي ولان معيشتهم اقل...ف انتوا مغتنمين العيشه الحلوه بقطر والمال العام المتوفر وتلعنون خير الناس هني
على فكره..انتو ماتبوقونا..انتو تبوقون مال الدوله لان هي اللي تعطينا عشان نعيش عيشه حلوه..ف عيب عليكم
جربوا اتحطون خدمات مثل اي دوله..ويسروا ولاتعسروا..وصدقوني ان مارتفعت ارباحكم فالعلالي ... وبتشوفون..وعلى فكره..بالرغم من وجود منافس لكم الان (فودافون) ترى وايد يقولون نبي فودافون لكن جوالاتنا معضمنا كيوتل ومانقدر نستغني عن كيوتل..فودافون ماخذينه يا عشان رقم مميز لقيناه يا حبا في تملك رقم لشبكه اخرى يا تربصا بعروض مؤقته اسبوعيه لفودافون .. بس...انتوا على غلاكم نستخدم الخدمه مهما صار..ف احترمونا شوي

ثالثا: بالنسبه للبلديه...ماحبكم..بصراحه .. ماقدر اكذب..أم المذله عندكم..تأخير واستحقار للناس الا اذا حد عطاكم على راسكم وعدم الالتزام بالمواعيد واخطاء كثيره هذا غير عدم كفاءة البعض وفقر تعاملهم مع الجمهور..طولوا بالكم علي..اذا مش انت..غيرك فيه هالصفات السلبيه

سؤال لكم: هل انتو ماتصدقون من الله ان اشغال تسوي اي خطأ او تقوم بأعمال حفر وغيره فالشوارع وخلاص تروحون تنامون وتقولون مالنا خص واللي يصير يصير بهالشارع لانهم شغالين عليه؟؟؟
يا أخي تابع معاهم..انتو محتاجين لبعض..مكملين لبعض وضروري جدا جداااااااا التنسيق بينكم..لاتسكت عن اي غلط..وحاسبهم حتى لو كانوا جهه حكوميه اكبر منكم
وغرررررمهم..واثناء عملهم روح شوف اللي يصير وسو جدول زمني لاعمال التشييك والتنظيف والصيانه لاي مرافق تابعه للدوله في هذا المكان اللي صار معزول
مش مصنع نووي عشان يتم الابتعاد عنه ونسيانه


ان شاء الله اذا في شي يزعج الشعب القطري وبالإمكان تفاديه بايجاد حلول أخرى ماتأثر على ميزانية الاداره المعنيه..راح نحاول نذكره هني ونعطيهم حل يريحنا ويساعدهم..وربكم بيحاسبكم على كيفية جمعه ان كان منا او من غيرنا

[OM_OMAR_QATAR]

موضوع خطير يبيله كعدة
برد لك

[saad1125]

آي سي تي قطر يصدر المراجعة الاستراتيجية لقطاع الاتصالات في قطر والتي تقيم وضع المنافسة في القطاع وتقدم التوصيات اللازمة لتنميته مستقبلا.


أبرز ما خلص إليه تقييم الأعلى للاتصالات للسوق:


يساهم قطاع الاتصالات بنسبة %1.5 من الناتج الإجمالي المحلي القطري ويمكنه أن ينمو إلى مساهمة بـ%2.3.
سوق الهاتف الجوال وصل إلى درجة عالية من التنافسية والمشغل الثاني (فودافون) يستحوذ على %25 من إيرادات السوق مما يشير إلى نجاح دخوله.
المنافسة في سوق الهاتف الثابت تكاد تكون معدومة بعد دخول المشغل الثاني (فودافون) إذ لا تزال كيوتل تستحوذ على %99.9 من إجمالي عدد المشتركين.
تتأثر المنافسة في الهاتف الثابت بصعوبات تواجه المشغلون في تراخيص حقوق البنية التحتية المدنية ويعمل الأعلى للاتصالات مع الهيئات الحكومية المعنية والمشغلين لإيجاد الحلول.
نما معدل انتشار الهاتف الجوال في قطر بقوة إلى %158 في ديسمبر 2010.
انخفضت أسعار الهاتف الثابت والجوال في 2009 بنسبة %35 و%44 على التوالي.
تبقى خدمات الانترنت عريض النطاق (البرودباند) ضعيفة الانتشار رغم الزيادة الكبيرة المحققة فلا تزال نصف البيوت في قطر غير مربوطة، كما أن %90 من المشتركين يستخدمون أقل سعة انترنت متوفرة (1 ميغا بايت).
أسعار خدمات البرودباند مساوية للأسعار في منطقة الخليج (متوسط 280 ريال شهريا لاشتراك 4 ميغابايت) لكنها ضعف متوسط الأسعار المطبق في الاتحاد الأوربي (120 ريال شهريا)
أسعار البرودباند الجوال مساوية للأسعار في دول الخليج الأخرى (900 ريال شهريا) ولكنها أعلى 4 مرات عن متوسط الأسعار في الاتحاد الأوربي (210 ريال شهريا).



شاهد التقرير كامل يوضح الانخفاض الكبير في الاسعر مقارنة مع دول مجلس التعاون لكيوتل وفودفون معاً

http://www.ictqatar.qa/sites/default/files/documents/ar/Strategic_Sector_Review_Report_Ar%20_0.pdf

[كبير المتداولين]

في حفر عند دوار الصناعيه وانت رايح من دوار 25 لين الدوار الي يوديك صوب الصناعيه الجديده صار لها شهرين لو اطيح سياره تنسدح
انا استغرب من هيئه الاشغال وينها عن مثل هالحفر

[QatariFallah]

موضوع خطير يبيله كعدة
برد لك

مرررحب فيك بأي وقت وخذ راحتك بالنقاش

[QatariFallah]

آي سي تي قطر يصدر المراجعة الاستراتيجية لقطاع الاتصالات في قطر والتي تقيم وضع المنافسة في القطاع وتقدم التوصيات اللازمة لتنميته مستقبلا.


أبرز ما خلص إليه تقييم الأعلى للاتصالات للسوق:


يساهم قطاع الاتصالات بنسبة %1.5 من الناتج الإجمالي المحلي القطري ويمكنه أن ينمو إلى مساهمة بـ%2.3.
سوق الهاتف الجوال وصل إلى درجة عالية من التنافسية والمشغل الثاني (فودافون) يستحوذ على %25 من إيرادات السوق مما يشير إلى نجاح دخوله.
المنافسة في سوق الهاتف الثابت تكاد تكون معدومة بعد دخول المشغل الثاني (فودافون) إذ لا تزال كيوتل تستحوذ على %99.9 من إجمالي عدد المشتركين.
تتأثر المنافسة في الهاتف الثابت بصعوبات تواجه المشغلون في تراخيص حقوق البنية التحتية المدنية ويعمل الأعلى للاتصالات مع الهيئات الحكومية المعنية والمشغلين لإيجاد الحلول.
نما معدل انتشار الهاتف الجوال في قطر بقوة إلى %158 في ديسمبر 2010.
انخفضت أسعار الهاتف الثابت والجوال في 2009 بنسبة %35 و%44 على التوالي.
تبقى خدمات الانترنت عريض النطاق (البرودباند) ضعيفة الانتشار رغم الزيادة الكبيرة المحققة فلا تزال نصف البيوت في قطر غير مربوطة، كما أن %90 من المشتركين يستخدمون أقل سعة انترنت متوفرة (1 ميغا بايت).
أسعار خدمات البرودباند مساوية للأسعار في منطقة الخليج (متوسط 280 ريال شهريا لاشتراك 4 ميغابايت) لكنها ضعف متوسط الأسعار المطبق في الاتحاد الأوربي (120 ريال شهريا)
أسعار البرودباند الجوال مساوية للأسعار في دول الخليج الأخرى (900 ريال شهريا) ولكنها أعلى 4 مرات عن متوسط الأسعار في الاتحاد الأوربي (210 ريال شهريا).



شاهد التقرير كامل يوضح الانخفاض الكبير في الاسعر مقارنة مع دول مجلس التعاون لكيوتل وفودفون معاً

http://www.ictqatar.qa/sites/default/files/documents/ar/strategic_sector_review_report_ar%20_0.pdf


ما اعتقد انك قريت الموضوع..ولا حتى انك قريت القسم اللي تكلمت فيه عن كيوتل اصلا..لانك بتعرف ايش اللي قلناه

وبغض النظر عن قراءتك او لم تقرأ... ف احنا نبي نتفادى تبذير المال في اشياء الدوله في غنى عنها
أو..الحصول على مقترحات وحلول جديده ممكن اتمكن الجهات من الحصول على المال من غير ما تاخذ مال المواطن وتعسير حياته المعيشيه

ومشكور عالمشاركه

[QatariFallah]

في حفر عند دوار الصناعيه وانت رايح من دوار 25 لين الدوار الي يوديك صوب الصناعيه الجديده صار لها شهرين لو اطيح سياره تنسدح
انا استغرب من هيئه الاشغال وينها عن مثل هالحفر


مشكور على مرورك والأحلى مشاركتك...شكلك من النوع اللي يشتط في مواضيع مثل هذي
لكن كفو

[almaf1a]

ما علاقة فتح فرع لكيوتل في سفر المدير وما دخل السيارة؟؟
وماهي الفروع التي ليس لها داعي اذكرها خل القراء يحكمون ان كانت لها اهمية او لا
تفقد الفواتير لا يكلف ولا فلس
لست بمجبور ان تسلم أموال الدولة على حد قولك لكيوتل فإذا أجدت الاستخدام وعرفت الي لك والي عليك ماراح احد يستولي على اموالك

[QatariFallah]

ما علاقة فتح فرع لكيوتل في سفر المدير وما دخل السيارة؟؟
وماهي الفروع التي ليس لها داعي اذكرها خل القراء يحكمون ان كانت لها اهمية او لا
تفقد الفواتير لا يكلف ولا فلس
لست بمجبور ان تسلم أموال الدولة على حد قولك لكيوتل فإذا أجدت الاستخدام وعرفت الي لك والي عليك ماراح احد يستولي على اموالك

ماشاءالله الكل يدافع عن كيوتل
شي جميل

اولا: انا ابي ارد عليك حرف حرف مش بس كلمه كلمه..لان كلام ال (ازيد عدد الكلامات واربك الشخص) عشان مايرد مايمشي مع الناس هاليومين
الكل قام يقرأ ويتمعن بالكلام
ف ردي عليك
1- (ما علاقة فتح فرع لكيوتل في سفر المدير وما دخل السيارة؟؟) كما قلت لك..فروع كيوتل اللي فالمناطق البعيده او اللي مش مهتمه فيها الدوله حاليا وللحين مافيها اعمار سكني سريع او عالي..كيوتل تسوي فيها فروع ليش؟؟ .. يجب توفير المال هذا لخدمة المشترك وتوفير خدمات جديده له
بتقول فلوسهم زايده بكيفهم..لأ..هذي فلوس الناس يتم سرقتها بالتحايل بالخدمات وثم صرفها على اشياء ماتسوى ك اقامة فروع كهذه
وتكلفتها من فوق ال 2 مليون ريال..على شنهوووووو .؟؟ بلاستيك وخشبتين

وروح شوف فروع كيوتل في الشحانيه وام الافاعي ك مثال فقط..وقولي كم واحد من هلك ساكن هناك او من ربعك..ولا تجذب

وثاني شي..مثال السياره والسفر..اكيد ماتفهمه لان لمن ابي اشبه ب بوقة فلوس بقول ينصرف على سياره او سفره..يعني تبيني اعطيك تشبيه وقولك يبوقونه ويعطونك اياه؟؟

وثالث شي في ناس قاموا بالتخطيط وتجهيز مخططات كامله وانهوا جميع الاجراءات (على سبيل المثال) لفتح فرع في ازغوى، لخريطيات أو ام صلال...ولكن كيوتل (مايحتاج اذكر اسم المدير) رفض وقال اذا يبي هو بيحط الفكره...ليش؟ لان بيكون له مكسبين
الاول من كيوتل (فالميزانيه اللي بتطرح للمحل)
وثانيا (عشان يدبر محل ليتم تأجيره ويرجع الدخل بعد له او لحد يعرفه هذا اذا لم يتم تقسيمه)

اذا تبي اتكلم..تكلم وانت اتعرف..السالفه ماره علي وصارت مشكله وتم ايقافها والحين يتم التطرق اليها ودقدقت الأبواب

2- (لست بمجبور ان تسلم أموال الدولة على حد قولك لكيوتل فإذا أجدت الاستخدام وعرفت الي لك والي عليك ماراح احد يستولي على اموالك)....ايش هالخزعبلات اللي كاتبها انت؟..ايش اللي اسلم اموال الدوله وعلى حد قولك .. وشنهو اللي اجدت الاستخدام وعرفت اللي لك واللي عليك..كلام كتاب الصف الابتدائي المبهم هذا مايمشي..بتكلم قول حقائق واسندها بدلائل واسماء..غير كذا بس اقعد استمع وتناقش بالقدر اللي يسمحلك فيه المستوى الثقافي او الخبره

حبيبي..المواطن الدوله تعطيه المال ومن عرق جبينه يكسبه..عاجبك..عاجبك..مش عاجبك..عيل لاتحقد عالمواطن القطري
وكيوتل حالها حالنا..فلوسها اتيي من الدوله + منا احنا..وترجع لهم بعد وترد تصرفها بكميه اقل وترجع تسحب المزيد..يعني حلقه دائريه معتمده على (الكثير من الجمهور والقليل الى الجمهور) اذا فهمتها

وسلام عليكم

[bittersweet]

والله*انا*اشوف*حرام*تنباع*الهواتف*من* 3g*وطالع*في*قطر
*لانه*ما*في*شركة*اتصالات*تعرف*ايش*ممكن*تقدم*هالهوا تف
*وللاسف*الجهة*المنظمة*للاتصالات*خبر*خير*مفكرين*هي* سالفة*فيسبوك*و*تويتر

[رجل مثالي]

مثال: على خط الشمال، خط سلوى، الصناعيه، الوكره، الخور، راس لفان، المزروعه، دخان ... الخ دائما نلاقي اطارات محترقه او مطاط التواير مرمي فالشارع..ماقول عالرصيف..(( فالشااااارع)) فمنتصف الشارع او بأي طريقه كانت تسبب عرقله للمرور وتؤدي في اغلب الأوقات الى حوادث وفاه او اصطدامات شديده
ادارتنا العزيزه..شرايج اتركزين شوي بهالموضوع..ويتم تعيين موظفين قطريين..لهالشغله يقومون بتمشيط الشوارع في اوقات محدده..او بفتح خط ساخن خاص لكي يتم التواصل معكم بهذا الشأن عن طريق اي شخص ويبلغكم بالسياره ورقمها وتابعه لاي شركه ومكانها وشيللي صار....فيها شي؟..وبلاش بعد مانبي منكم شي
واذا تبون اتعينون اشخاص..ترى مايحتاجلها شغله ولا شهادات ولا شي..ورواتب حتى مش شرط مثاليه..في شباب 24 ساعه ضرب خطوط من الفراغه


تعليق - جميل هذا الكلام ونبي رقابة شديدة على الشاحنات وعلى السيارات

التي تدخن وتخرب البيئة وتزعج الناس وين عنهم المخالفات ووين

الدوريات عن السائقين الاسيويين للعائلات الذين يسرعون

باستهتار لان السيارة سيارة الكفيل وعادي يدمرون السيارة

لازم نشدد الرقابة عليهم وعلى سائقين باصات كروة

[almaf1a]

ماشاءالله الكل يدافع عن كيوتل
شي جميل

اولا: انا ابي ارد عليك حرف حرف مش بس كلمه كلمه..لان كلام ال (ازيد عدد الكلامات واربك الشخص) عشان مايرد مايمشي مع الناس هاليومين
الكل قام يقرأ ويتمعن بالكلام
ف ردي عليك
1- (ما علاقة فتح فرع لكيوتل في سفر المدير وما دخل السيارة؟؟) كما قلت لك..فروع كيوتل اللي فالمناطق البعيده او اللي مش مهتمه فيها الدوله حاليا وللحين مافيها اعمار سكني سريع او عالي..كيوتل تسوي فيها فروع ليش؟؟ .. يجب توفير المال هذا لخدمة المشترك وتوفير خدمات جديده له
بتقول فلوسهم زايده بكيفهم..لأ..هذي فلوس الناس يتم سرقتها بالتحايل بالخدمات وثم صرفها على اشياء ماتسوى ك اقامة فروع كهذه
وتكلفتها من فوق ال 2 مليون ريال..على شنهوووووو .؟؟ بلاستيك وخشبتين

وروح شوف فروع كيوتل في الشحانيه وام الافاعي ك مثال فقط..وقولي كم واحد من هلك ساكن هناك او من ربعك..ولا تجذب

وثاني شي..مثال السياره والسفر..اكيد ماتفهمه لان لمن ابي اشبه ب بوقة فلوس بقول ينصرف على سياره او سفره..يعني تبيني اعطيك تشبيه وقولك يبوقونه ويعطونك اياه؟؟

وثالث شي في ناس قاموا بالتخطيط وتجهيز مخططات كامله وانهوا جميع الاجراءات (على سبيل المثال) لفتح فرع في ازغوى، لخريطيات أو ام صلال...ولكن كيوتل (مايحتاج اذكر اسم المدير) رفض وقال اذا يبي هو بيحط الفكره...ليش؟ لان بيكون له مكسبين
الاول من كيوتل (فالميزانيه اللي بتطرح للمحل)
وثانيا (عشان يدبر محل ليتم تأجيره ويرجع الدخل بعد له او لحد يعرفه هذا اذا لم يتم تقسيمه)

اذا تبي اتكلم..تكلم وانت اتعرف..السالفه ماره علي وصارت مشكله وتم ايقافها والحين يتم التطرق اليها ودقدقت الأبواب

2- (لست بمجبور ان تسلم أموال الدولة على حد قولك لكيوتل فإذا أجدت الاستخدام وعرفت الي لك والي عليك ماراح احد يستولي على اموالك)....ايش هالخزعبلات اللي كاتبها انت؟..ايش اللي اسلم اموال الدوله وعلى حد قولك .. وشنهو اللي اجدت الاستخدام وعرفت اللي لك واللي عليك..كلام كتاب الصف الابتدائي المبهم هذا مايمشي..بتكلم قول حقائق واسندها بدلائل واسماء..غير كذا بس اقعد استمع وتناقش بالقدر اللي يسمحلك فيه المستوى الثقافي او الخبره

حبيبي..المواطن الدوله تعطيه المال ومن عرق جبينه يكسبه..عاجبك..عاجبك..مش عاجبك..عيل لاتحقد عالمواطن القطري
وكيوتل حالها حالنا..فلوسها اتيي من الدوله + منا احنا..وترجع لهم بعد وترد تصرفها بكميه اقل وترجع تسحب المزيد..يعني حلقه دائريه معتمده على (الكثير من الجمهور والقليل الى الجمهور) اذا فهمتها

وسلام عليكم

اول شئ ماله داعي الكلام الي قلته اول ابتدائي والخرابيط هذي يا مثقف
ما عطيتنا الرابط بين السفرات والسياراة في افتتاح الافرع الجديدة؟؟ :telephone:

بعدين ان كنت تشوف الافرع مثل ام الافاعي والشحانية مالها لزمه بالنسبه لك في غيرك مستفيدين منها
تعرف حجم الاراضي الي موزعه في بني هاجر والبيوت الي تنبنى تتوقع ان فرع ام الافاعي ماراح يخدمهم؟؟
وارجوا ان لا ترمي التهم بدون ادله وتتهم غيرك انه يستفيد من الموضوع
لان هناك لجنه مشرفه على جميع مشاريع كيوتل وهي الي تحدد الميزانيات وتتابع المشاريع فلا يمكن ان يصير اي تلاعب