المساعد الشخصي الرقمي

مشاهدة النسخة كاملة : مبروك لموظفي مؤسسة حمد (العمل الاضافي ) السينير


سهم مساهم
19-09-2011, 03:44 PM
مبروك لموظفي مؤسسة حمد (العمل الاضافي ) السينير وافق سعاد وزير الصحة على صرف بدل عمل اضافي لجميع المو ظفين السينير اعتبارا من تاريخ 26\6\2011

الف مبروك للجميع والله يوفق الوزير ويحفظه من كل شر
QatariFallah
19-09-2011, 04:03 PM
للاسف
كنت اتمنى انه لايصدر القرار
حرام عليك ياسعادة الوزير..كل هذا خوف ؟

يا اخي..البدل الاضافي معناه اضافي ثابت خلاص

لكن لو كان لم يتم هذا القرار..كان كل عمل اضافي سيتم حسابه اعتمادا على المعادله للمعاش..وهي الان تعتمد على الزياده الجديده فالراتب الاساسي..يعني كان بينصر عالاضافي للموظف وبتصير 3 اضعاف بدل الاضافي هذا..

لكن الوزير لحق على عمره وطلع القرار قبل لحد يستغل الزياده بالاساسي من قبل السينيريه ويبدأ حساب اضافيه كل فتره الدبل الى 3 اضعاف

ايش هالطمع
خل الناس تستانس

طبعا لان السينير معاشه راح فوق ف لمن تحسب عن طريق هالمعادله
(Monthly basic x 12 / 52 / weekly hours) x overtime hours x overtime rate
شوف كم بيطلعلك اذا اساسيك فالعشرينات وفوق..هذا بعد يتراوح لعدد الساعات..واذا كانت ليله او صباحيه
يعني عادي يطلعلك 12 الف فالشهر
لكن للجونيور يوصل حده 5800 ريال شهريا هذا اذا كل يوم اضافي له
لو هو صج مهتم كان حط بدل ثابت بعد للجونيورز..بس عشان اتعرفون انه على طول استهدف السينيريه

هذا اللي قامت اتفكر فيه الاماكن الثانيه الحين
تعطي بدل وقت اضافي ثابت
وتخلي معادلتها التي تعتمد عالاساسي صالحه فقط للاجانب لانهم ماجتهم زياده
عاد تخيل ال اوفر تايم في شركات القطاع النفطي الحين شلون بيصير..بيوصل راتب حكومي قبل الزياده..لا اله الا الله
basma222
19-09-2011, 04:14 PM
الف مبروك للجميع
هدى ورحمه
19-09-2011, 04:18 PM
عمار يا قطر عمار حتى مع الزيادات الخير للاجانب هههه

وينكم يا دكاتره قطرررررررررررررررر
رجل الجزيرة
19-09-2011, 05:13 PM
والتمريض والكادر الطبي كالأشعة والمختبر وإلى آخرهم.
شويهينــه
19-09-2011, 09:47 PM
والتمريض والكادر الطبي كالأشعة والمختبر وإلى آخرهم.

اعتقد ان احنا included

بس حرام في فئه اقل المفروض يضمونهم للقرار اللي هم ال clerk اللي درجتهم 03 هم اللي محتاجين الاوفر تايم*
البحار00
19-09-2011, 11:08 PM
بدل العمل الاضافي على قانون الموارد البشريه

٤٠ بالميه من الراتب الاساسي وبشرط انه ما يتعدى ٧٠٠٠ ريال

يعني مثلا واحد راتبه الاساسي في العشرين بيكون العمل الاضافي مايقل عن ٨٠٠٠ ريال

بس هي ثابته ماياخذ اكثر من ٧٠٠٠ ريال
qatari1
19-09-2011, 11:13 PM
بدل العمل الاضافي على قانون الموارد البشريه

40 بالميه من الراتب الاساسي وبشرط انه ما يتعدى 7000 ريال

يعني مثلا واحد راتبه الاساسي في العشرين بيكون العمل الاضافي مايقل عن 8000 ريال

بس هي ثابته ماياخذ اكثر من 7000 ريال
:nice::nice:

صحيح، وقد وضع هذا السقف لعدم استغلاله استغلالاً سيئاً.

لكن الآن سيرتفع البدل بنسبة 60% أي يمكن أن يصل 11200 إلا إذا تم تقنينها.
البحار00
19-09-2011, 11:23 PM
:nice::nice:

صحيح، وقد وضع هذا السقف لعدم استغلاله استغلالاً سيئاً.

لكن الآن سيرتفع البدل بنسبة 60% أي يمكن أن يصل 11200 إلا إذا تم تقنينها.

لا هي في كل الأحوال مقننه ولها سقف ثابت مستحيل تتعداة

سواء قبل الزيادة او بعدها بحكم ربطها بالراتب الاساسي
رجل الجزيرة
20-09-2011, 05:19 AM
اعتقد ان احنا included

بس حرام في فئه اقل المفروض يضمونهم للقرار اللي هم ال clerk اللي درجتهم 03 هم اللي محتاجين الاوفر تايم*

أولا مبروك مقدما والصراحة أنتوا تستاهلون وأنتوا العصب الرئيسي للكادر الطبي.
المسك1969
20-09-2011, 07:00 AM
عفوا شنو العمل الأضافي اللي تقصدونه؟

العيادة المسائيه الخاصه؟

وإلا الدوام غير الاساسي... يعني لما يطلب مثلا منهم في رمضان والعيد مثل الطوارئ وغيره؟

والا أن داوم الصبح وحب ياخذ اضافي العصر أو ليل؟؟

حد يوضح لي لو سمحتوا؟
شويهينــه
20-09-2011, 07:28 AM
عفوا شنو العمل الأضافي اللي تقصدونه؟

العيادة المسائيه الخاصه؟

وإلا الدوام غير الاساسي... يعني لما يطلب مثلا منهم في رمضان والعيد مثل الطوارئ وغيره؟

والا أن داوم الصبح وحب ياخذ اضافي العصر أو ليل؟؟

حد يوضح لي لو سمحتوا؟

العمل الاضافي هي الساعات الزياده اللي ممكن الموظف يداومها غير عن اوقات الدوام اللي هي 8 ساعات في اليوم

وبعد ايام الاجازات الرسميه

قبل كانوا مايعطونا اوفر تايم يعطونا ايام اوف بدل الساعات اللي اشتغلتيها
علي رشيد
20-09-2011, 09:45 AM
العمل الاضافي هي الساعات الزياده اللي ممكن الموظف يداومها غير عن اوقات الدوام اللي هي 8 ساعات في اليوم

وبعد ايام الاجازات الرسميه

قبل كانوا مايعطونا اوفر تايم يعطونا ايام اوف بدل الساعات اللي اشتغلتيها




sorry بس في خطأ

المفروض أن ساعات العمل في الدوله هي ( 7 ساعات )
و احنا في المؤسسه دوامنا 8 ساعات

يعني ساعه إضافيه في اليوم
5 ساعات اسبوعياً


و عليكم الحسبه ..
شويهينــه
20-09-2011, 02:01 PM
sorry بس في خطأ

المفروض أن ساعات العمل في الدوله هي ( 7 ساعات )
و احنا في المؤسسه دوامنا 8 ساعات

يعني ساعه إضافيه في اليوم
5 ساعات اسبوعياً


و عليكم الحسبه ..

مو هذا اللي ملعوزنا

احنا مانتبع قانون الدوله (الموارد البشريه)

نتبع قانون مستشفى حمد الخاص
ahsees
20-09-2011, 02:17 PM
السلام عليكم

طيب ولي هم رؤؤساء الاقسام لهم فيه هذا العمل الاضافي .. بس هم على ما عتقد مش تابعين للموراد البشريه .. والسؤال لهم بعد زياده مثل الباقي ؟؟؟

في عتقادي ما لهم وبعدين طبعا مو لكل البعض يداوم متاخر ويطلع بدري .. طيب ليش ما يطبق هذا العمل الاضافي على كل الدراجات ..



الله كــــــــريم
الروقي
20-09-2011, 10:03 PM
البدل الاضافي لكل السنير ولا فقط للموظفين الي يشتغلون بعد الدوام وفي الاجازات نبي نفهم
درع الوطن
21-09-2011, 08:27 AM
هذا اللي قامت اتفكر فيه الاماكن الثانيه الحين
تعطي بدل وقت اضافي ثابت
وتخلي معادلتها التي تعتمد عالاساسي صالحه فقط للاجانب لانهم ماجتهم زياده
عاد تخيل ال اوفر تايم في شركات القطاع النفطي الحين شلون بيصير..بيوصل راتب حكومي قبل الزياده..لا اله الا الله

السنير ماله أوفر تايم في قطاع النفط والغاز أخوي ....

وماكلينها عدل ... مرات يطلبوني في الليل لعمل ضروري .. ومايتم إحتساب عمل إضافي
يقولون أنه إحنا سنير ورواتبنا أكثر .. وأنه طبيعة عملنا تفرض علينا الإستجابة في أي وقت
بدون إحتساب عمل إضافي .... :anger1:

وين اللي يبي يشتغل في القطاع الخاص؟؟؟ :telephone: