*.* السلام عليكم ،، صباح الخير *.*

[ام السعف]

بسم الله

محمد بو الثلاث سنوات صحى من نومه متأخر في يوم اجازة اخوانه،،
وهو اللي متعود يصحى من نومه كل يوم قبلهم وينطرهم على سفرة الريوق ،،
واول ما دخل قال لهم :

السلام عليكم ،، صباحكم خير ،، وباس راس امه وابوه :eek5:
وطبوا عليه اخوانه وخواته يبوسونه ويلمونه على حركته هذي :shy:

http://www.mwadah.com/imgcache/77010.imgcache.gif
محمد من وين اكتسب هالفعل ؟

تعودت اسرة محمد من الكبير للصغير انهم يحيون بعضهم بتحية الاسلام
مع بداية كل يوم يديد و بعد الدخول من المشاوير الخارجية ،،

فمن قوانين البيت :

http://www.mwadah.com/imgcache/77011.imgcache.gif


كل واحد يقعد من نومه يسلم على القاعدين ويبوس امه او ابوه قبل لايتريقون
وان بدواا يطلعون يردون يبوسونهم ويحيونهم تحية الخروج
" "مع السلامة " " وهم رايحين ،،

* ان دخل الأبو من برع فزوا كلهم لين باب الغرفة وسلموا عليه وباسوه
كل حسب طريقته اللي على راسه واللي خشمه واللي على خده ،،
وفي الوقت نفسه الأبو لدخل ما ينسى تحيته ،، وينشد عن حقه في البوسات
واللمات ،،

* لدخلت الأم من برع فزوا لها العيال الكبير قبل الصغير وسلموا عليها وباسوها
وانشدت عن الغايب وراحت اتدور عليه يا اتبوسه او اييها ويبوسها ،،


* حتى وان تلاقوا بالصدف في المجمعات لا شعوريا تلقونهم
لازم يمرون صوب بعض ويسلمون على بعض والعيال ويبوسون
روس الأم والأبو ،،،

http://www.arabbab.com/wp-content/uploads/2011/07/%D8%A7%D8%BA%D8%B1%D8%A8-%D8%B7%D8%B1%D9%82-%D8%A7%D9%84%D8%AA%D8%AD%D9%8A%D8%A9-%D9%81%D9%8A-%D8%AF%D9%88%D9%84-%D8%A7%D9%84%D8%B9%D8%A7%D9%84%D9%852-300x199.jpg


* لراحوا عند الجدان والكبار في العمر كان لهم نصيب كبير في السلام
والتحية والسؤال والبوس واللم

http://etudiantdz.net/vb/imgcache/21671.imgcache.jpg


هل ما يقوم به افراد أسرة الطفل محمد أمر طبيعي وهل من الواجب علينا
ان ندرب انفسنا على ما يقومون به ؟
:shy::shy::shy:

[حصه20007]

موضوع رائع

تسلم الايادي

[R 7 A L]

:weeping:
:weeping:
:weeping:

أي والله طبيعي
الله يرحم أبوي ( محمد )

أم السعف
حرام عليك :weeping:
جددتي المواجع وجددتي الحنين
غربه وذكرى كلها أقسى من الماضي :(

[المسك1969]

صباحج خير وحب ورزق كثير يالغلا

نعم طبيعي اللي يسووونه ... وانا هاي نظامي مع عيالي في البيت

بس عقب التلمم شنو يصير... تروح فترة الهدوء واللي يتهاوش واللي يقول طقني واللي يقول خذ لعبتي

بس هي طريقة اشوفها جدا صحيه أن حتى الاخوان يسلمون على بعض لو مب بوس ولم على الأقل بالتحيه الاسلام

وأذكر وأنا صغيره أبوي وعمي وهم طالعين لصلاة الفجر كلا منهم يحب خشم الثاني لي طلع كل واحد من داره وهم في نفس حوش البيت ويمشون للصلاة

عادة جدا طيبه واللي ماعلمها لعياله لازم يدرب روحه قبل ثم يدرب عليها عياله... سواء داخل البيت أو مع الاهل مثل الجدان والخالات والعمات والاعمام

دمتي يالغلا في حفظ الله ورعايته:nice:

[الأصيلة]

http://www.sarkosa.com/vb/imgcache/3636ac55a53c9a1bc58bf26451d7ad12.gif

أحلى صباح بإطلالة أم السعف وأحلى موضوع مع محمد الصغير وبوساته
طبعا كل اللي صار طبيعي والمفروض في كل بيت
وهذا يزيد من التقارب ومن الود والحنان بين رب الأسرة وعياله
لكن هناك صراحة أسر جافة تصبح الصبح على عصبية وانفعالات
وصراخ وتوتر...

الحمدالله على نعمة الهدوء والإستقرار والحب والروقان الصباحي...

[basma222]

الحمدلله
هاي نظام أعيالي في البيت يحبوني على راسي الصبح وفي الليل وقت نومهم
حتى وهم طالعين من البيت يقول لي تامرني على شىء يمه
الله يخليهم لي و يوفقهم يارب

[chillis]

تسلمين على الموضوع الحلو

[درع الوطن]

هل ما يقوم به افراد أسرة الطفل محمد أمر طبيعي وهل من الواجب علينا ان ندرب انفسنا على ما يقومون به ؟ [/COLOR]
:shy::shy::shy:

ولماذا لايكون طبيعياً ؟

بل العكس هو الغير طبيعي ...

عندما تتحد المتغيرات من حولنا .. وتوجه سهامها نحونا .. فأين المفر ؟

وعندما يصبح الطبيعي من الشواذ .. والشاذ أمر طبيعي .. فكيف تكون الحياة الطبيعيه ؟

(( عندما قرأت مشاركتك .. أحسست بأنك تتحدثين عن ولدي (حمود) .. وهو أصغر أبنائي وفي الثالثة من العمر ... سبحان الله .. ونفس الطبع ..)) ..
فلم يتبقى لنا إلا أن نتشبث ببعض الأمور الطبيعية المتبقية ..
حتى وإن كانت تعتبر لدى البعض غير طبيعية ...

شكراً على الموضوع الجميل ..

تقبلي مروري .. وإحترامي
:nice:

[ام السعف]

موضوع رائع

تسلم الايادي

:shy::shy::shy:

الله يسلمج


:weeping:
:weeping:
:weeping:

أي والله طبيعي
الله يرحم أبوي ( محمد )

أم السعف
حرام عليك :weeping:
جددتي المواجع وجددتي الحنين
غربه وذكرى كلها أقسى من الماضي :(

وانت صاير حمادة إمام نشرد من الدموع وتذكرنا فيها :weeping:


تسلمين على الموضوع الحلو

الله يسلمج
:shy::shy::shy:

[ام السعف]

صباحج خير وحب ورزق كثير يالغلا

نعم طبيعي اللي يسووونه ... وانا هاي نظامي مع عيالي في البيت

بس عقب التلمم شنو يصير... تروح فترة الهدوء واللي يتهاوش واللي يقول طقني واللي يقول خذ لعبتي

بس هي طريقة اشوفها جدا صحيه أن حتى الاخوان يسلمون على بعض لو مب بوس ولم على الأقل بالتحيه الاسلام

وأذكر وأنا صغيره أبوي وعمي وهم طالعين لصلاة الفجر كلا منهم يحب خشم الثاني لي طلع كل واحد من داره وهم في نفس حوش البيت ويمشون للصلاة

عادة جدا طيبه واللي ماعلمها لعياله لازم يدرب روحه قبل ثم يدرب عليها عياله... سواء داخل البيت أو مع الاهل مثل الجدان والخالات والعمات والاعمام

دمتي يالغلا في حفظ الله ورعايته:nice:

كلامج صحيح الموضوع جدا طبيعي والمفروض يكون في كل البيوت
اللي مب طبيعي ،، ان البنت ما اتسلم على امها لما تدخل من باب البيت
او الولد يقط السلام مثل ما يقط غترته ويكمل دربه وحياته ،،

ومثل ما قلتي الأخوان يسلمون على بعض وهالعادة راح يكتسبونها
من الابو واخوانه ،، و امه واخواتها ،،

بس للأسف في بيوت ماله في السوالف هذي :(

[ريتويت]

موضوع رائع

[دااانة قطر]

أم السعف
وعليكم السلااام والرحمه
صبحج الله بالخير والسرور يالطيبه
موضوع في قمة الروعه وفي وقته
الحمدلله هالنظاام مااشي عندنا مطبقينه من كنا صغاار والحين عياالي نفس الشي
وبالعكس هذي تدل على التراابط والمحبه بين الأسره الوااحده
باارك الله فيج وفي طرحج يالطيبه

[بـــــــنت النوخـّــــذه]

اههههه حياتهم كلها بوس اسرة محمد الله يزيد ويبارك:)

الاحترام له عدة طرق 00وبالنسبة لتشجيعهم انهم قاموا ولموه وباسوه:shy: بعد تصرف سليم00

التشجيع والاقتداء لهم عدة طرق (لتعزيز القيم الحميده )

وشكرا"

[أجودية]

صباحك خير ونور اختي ام السعف ... موضوعك يشرح الصدر ويلين القلوب القاسية

ولك اجمل تحيه ...

[ام السعف]

http://www.sarkosa.com/vb/imgcache/3636ac55a53c9a1bc58bf26451d7ad12.gif

أحلى صباح بإطلالة أم السعف وأحلى موضوع مع محمد الصغير وبوساته
طبعا كل اللي صار طبيعي والمفروض في كل بيت
وهذا يزيد من التقارب ومن الود والحنان بين رب الأسرة وعياله
لكن هناك صراحة أسر جافة تصبح الصبح على عصبية وانفعالات
وصراخ وتوتر...

الحمدالله على نعمة الهدوء والإستقرار والحب والروقان الصباحي...

اي والله يا حلوها بوساتهم هاليهال كلها براءة وحنية وحاجة للتعبير الروحي ،،

بالفعل كلامج صحيح ،، كثير من الأسر تصبح على الصراخ والسب واللعن
و تصبح على الخصام والتفكك حتى السلام عليكم يفتقدونه اليهال ما بينهم ،،

احنا مثلا في بيت ابوي كنا وايد ،، ما اتذكر كنا نقول صباح الخير
او السلام عليكم ،، مع ان ما كنا نقوم على السب والصراخ ،،

بس ما اتذكر يوم قلت لهم صباح الخير او مساء الخير او
اني بست امي او ابوي لأني رديت من المدرسة ،،
طبيعة تربيتهم لنا كانت مختلفة نهائيا عن اللي تعلمته من بو العيال ،،

اول ما تزوجت شفته اشلون من يدخل يجب على راس ابوه ويحبه الله يرحمه
وان طلع رد وقال السلام عليكم ،، و عقب ما تزوج اخوه صاروا لتلاقوا
مستحيل ما يسلمون على بعض بالطريقة اللي يفضلونها ،،

حتى خواته وحدة وحدة يسلم عليهم ،،

وعقب صار يطبق هالشي على عياله ،، لأنه اصلا السلام صار سجية عنده ،،
فاليوم لو كنا في بيت ابوي وادخلوا العيال علينا ،، يسلمون على الكل
بما فيهم احنا امهم وابوهم ( مع ان كنا في البيت وسبقناهم على بيت ابوي ) ،،

السلام له دور كبير على كسر الحواجز وتقليل المسافات
وعدم السلام يأجج النفوس ويكسرها ويزيدها بغض وكره ،،

[الرويـس]

والله انا اشوف ان ثقافة البوس والسلام
مش اي شخص يتقنها أو يعتمدها أسلوب حياة ..

فلكل بيت سياسة سلام وبوس معينة
والقليل منهم يضبطها

:(

[ام السعف]

والله انا اشوف ان ثقافة البوس والسلام
مش اي شخص يتقنها أو يعتمدها أسلوب حياة ..

فلكل بيت سياسة سلام وبوس معينة
والقليل منهم يضبطها

:(

مب شرط سياسة البوس تكون وحدة في كل البيوت

بنتي اتبوس ابوها على خشمه ،، فهل هذا يعني اني برضى انها
تبوسني على خشمي ؟ ( مستحيل )

واحد من خوالها ما يرضى ياخذ بوستها الا على الخشم
بينما الباقي تبوسهم خد ،،

ابوي مستحيل اتمر منه بنتي من غير ما يبوسها على راسها
مع انها اتبوسه على راسه ،، بينما يبوس اليهال على اياديهم او اخدودهم ،،


فموضوع سياسة البوس مب ملزمة ،، كثر ما هو حلو الواحد
يحسس الأخرين بدفا مشاعره وياخذ حقه من البوس ويعطي حق غيره :(

شي حلو وايد وايد وايد في الأسرة :(

[بوالبيض]

ام السعف موضوع حلو وهي الصح :) ربي يسلمج

[ضوى]

عادة جدا جميلة وحلو نغذي هالثقافة لعيالنا ، الحمد لله تعودنا على هالشي وعيالي تعودوا عليه ويارب يثبيتهم ويورثون هالشي لعيالهم ان شاء الله

[الصاعقة]

نعم امر طبيعي وواجب على كل اسره تربية ابنائها بالطريقه هذي

[الرويـس]

مب شرط سياسة البوس تكون وحدة في كل البيوت

بنتي اتبوس ابوها على خشمه ،، فهل هذا يعني اني برضى انها
تبوسني على خشمي ؟ ( مستحيل )

واحد من خوالها ما يرضى ياخذ بوستها الا على الخشم
بينما الباقي تبوسهم خد ،،

ابوي مستحيل اتمر منه بنتي من غير ما يبوسها على راسها
مع انها اتبوسه على راسه ،، بينما يبوس اليهال على اياديهم او اخدودهم ،،


فموضوع سياسة البوس مب ملزمة ،، كثر ما هو حلو الواحد
يحسس الأخرين بدفا مشاعره وياخذ حقه من البوس ويعطي حق غيره :(

شي حلو وايد وايد وايد في الأسرة :(
va va va

قلت لكم
ام السعف مواضيعها مختصرة في سطر أو سطرين
بس هي تحب تكتب
أصابعها متعودين على القصاص

[ام السعف]

صباحك خير ونور اختي ام السعف ... موضوعك يشرح الصدر ويلين القلوب القاسية

ولك اجمل تحيه ...
صباحج كله سرور وسعادة يارب

بالفعل الموضع يشرح القلب ويوسعه وخاصة لو الواحد منشرح من بوسات عياله
اللهم دم على كل الأسر حب التواصل والبوس واللم :telephone:


اههههه حياتهم كلها بوس اسرة محمد الله يزيد ويبارك:)

الاحترام له عدة طرق 00وبالنسبة لتشجيعهم انهم قاموا ولموه وباسوه:shy: بعد تصرف سليم00

التشجيع والاقتداء لهم عدة طرق (لتعزيز القيم الحميده )

وشكرا"

اي والله مشكلة لما تلقين واحد من العيال كله يبوس ( تمللين من عمرج )

شوفي يابنت النوخذة ،، احنا لما نقول سلموا وبوسوا لا يعني ان يكون بديل
للاحترام ،، وايد عيال يحترمون اهاليهم لكن ما يعرفون يحضنون ويلمون ويبوسون
هذا احنا امي وابوي جزاهم الله كل خير كبرنا على اسلوب تربوي نعجز
انطبقه على عيالنا لكنهم اقدروا علينا لكن ما علمونا انبوسهم او يبوسونا :(

فهل هذا قلل من مكانتهم عندنا او قدر كلمتهم عندنا ؟
كفاية ابوي نظرة منه ترجف اكبر اخواني وخواتي ،، واحنا اليوم
الام والأبو للأسف يفتقدون احترام عيالهم لهم مع انهم مب مقصرين بتوس
وتلملم فيهم :(


أم السعف
وعليكم السلااام والرحمه
صبحج الله بالخير والسرور يالطيبه
موضوع في قمة الروعه وفي وقته
الحمدلله هالنظاام مااشي عندنا مطبقينه من كنا صغاار والحين عياالي نفس الشي
وبالعكس هذي تدل على التراابط والمحبه بين الأسره الوااحده
باارك الله فيج وفي طرحج يالطيبه

بالفعل الموضوع بحد ذاته روعة ،، لأني اليوم الصبح مع ولدي وبنتي
اللي كل يوم متعودة انهم يبوسوني قبل لا يطلعون من البيت ،،
اللي تبوس على الراس والصغير يبوس خد ،، اليوم اصريت اخذ
البوسة على خدي من شفايفهم على طول،،
وعطيتهم نفس البوسة ،، فالولد اللي كان يحاول يصيح علشان يستدرج
عطفي و اوصله المدرسة ( ردت حليمة لعادتها القديمة ) ،،
تغيرت ملامحه وبدأ يضحك لأني ما رضيت يروح الا ابوسه بوسة قوية
على خده واخذ منه بوستين بنفس الدرجة مب القوة ،،
ونفس الشي البنت اضحكت لأني ما خليتها اتروح الا ماخذ اللي للي
ومعطتها اللي لها ،،

[ام السعف]

va va va

قلت لكم
ام السعف مواضيعها مختصرة في سطر أو سطرين
بس هي تحب تكتب
أصابعها متعودين على القصاص

:omg:...............> من اللي خبرك عن القصاص :(
خلاص مب متكلمة كلش :(

[ام السعف]

الحمدلله
هاي نظام أعيالي في البيت يحبوني على راسي الصبح وفي الليل وقت نومهم
حتى وهم طالعين من البيت يقول لي تامرني على شىء يمه
الله يخليهم لي و يوفقهم يارب
ويخلي لج عيالج يارب ويثبتكم على هالعادة الروعة :shy:


ولماذا لايكون طبيعياً ؟

بل العكس هو الغير طبيعي ...

عندما تتحد المتغيرات من حولنا .. وتوجه سهامها نحونا .. فأين المفر ؟

وعندما يصبح الطبيعي من الشواذ .. والشاذ أمر طبيعي .. فكيف تكون الحياة الطبيعيه ؟

(( عندما قرأت مشاركتك .. أحسست بأنك تتحدثين عن ولدي (حمود) .. وهو أصغر أبنائي وفي الثالثة من العمر ... سبحان الله .. ونفس الطبع ..)) ..
فلم يتبقى لنا إلا أن نتشبث ببعض الأمور الطبيعية المتبقية ..
حتى وإن كانت تعتبر لدى البعض غير طبيعية ...

شكراً على الموضوع الجميل ..

تقبلي مروري .. وإحترامي
:nice:

عيل طلع محمد ولدك ؟
وانا اقول من ولده من ولده وين بيتهم :shy:
تسلم على هالمشاركة :nice:

[FCB 123]

تسلم إيدج أختي الكريمة على الموضوع الرائع

[الدمعه]

احلى صباح لاحلى ام السعف واحلى اعضاء منتدى ..


ربي يسعدكم ويكثر بوساتكم ..


احنا تربينا عالسلام وعالتبوس والتلملم ..

وربيت عيالي على نفس الطريقه الله يهديهم ويصلحهم ..

الصبح لازم السلام عليكم صباح الخير شلونج يايمه ياحبيبتي هههههههههه

فديتهم البنات ..

والصبي صباح الخير يمه وحبه عالراس وهو يركض ..اناديه تعال تعال ماسلمت عليك انا

اونه يستحي مايبيني ابوسه .. .. اليوم مريض فديت قلبه ..

[ام السعف]

تسلم إيدج أختي الكريمة على الموضوع الرائع

الله يسلمك



احلى صباح لاحلى ام السعف واحلى اعضاء منتدى ..
وسلام مربع للحلوين الطيبين :secret:

ربي يسعدكم ويكثر بوساتكم ..


احنا تربينا عالسلام وعالتبوس والتلملم ..

وربيت عيالي على نفس الطريقه الله يهديهم ويصلحهم ..

الصبح لازم السلام عليكم صباح الخير شلونج يايمه ياحبيبتي هههههههههه

فديتهم البنات ..

والصبي صباح الخير يمه وحبه عالراس وهو يركض ..اناديه تعال تعال ماسلمت عليك انا

اونه يستحي مايبيني ابوسه .. .. اليوم مريض فديت قلبه ..

ربي يشفي لج اياه يارب ،،
مرات الصبيان يتحسسون من البوس مع اهاليهم ، بس ما عليج
هي مرحلة واتعدي لو اصريتي على حقج منه :telephone:
ويا زينهم وهم يعطونج من حنانهم وان كان على سبيل التعود ،


ام السعف موضوع حلو وهي الصح :) ربي يسلمج

ومشاركتك صح بعد
انت ناجح :shy:

[الفرحه]

مشكوره اختي ام السعف ع الموضوع الرائع .

[الصاعقة]

احلى صباح لاحلى ام السعف واحلى اعضاء منتدى ..


ربي يسعدكم ويكثر بوساتكم ..


احنا تربينا عالسلام وعالتبوس والتلملم ..

وربيت عيالي على نفس الطريقه الله يهديهم ويصلحهم ..

الصبح لازم السلام عليكم صباح الخير شلونج يايمه ياحبيبتي هههههههههه

فديتهم البنات ..

والصبي صباح الخير يمه وحبه عالراس وهو يركض ..اناديه تعال تعال ماسلمت عليك انا

اونه يستحي مايبيني ابوسه .. .. اليوم مريض فديت قلبه ..


مايشوف شر ان شاء الله ... عشان تعرفون انه احنا نستحي اكثر منكم

[ام السعف]

موضوع رائع

تسلم على المرور ،،


نعم امر طبيعي وواجب على كل اسره تربية ابنائها بالطريقه هذي

واحنا نقول علموا ابناءكم كما يقول الصاعقة ،،


عادة جدا جميلة وحلو نغذي هالثقافة لعيالنا ، الحمد لله تعودنا على هالشي وعيالي تعودوا عليه ويارب يثبيتهم ويورثون هالشي لعيالهم ان شاء الله

يارب يثبتكم ويتوارثونه عيالكم جيل بعد جيل
حتىفي الجنة يفزون لشافوا بعض ويسلمون على بعض ،،


مشكوره اختي ام السعف ع الموضوع الرائع .

العفو وشكرا على مشاركتج ،،

[مرتبش]

صباح الخير

حلوة هالعادة الطيبة..عاد لي كبروا اليهال يستحون ويتركونها..

لها فايدة مع الشباب كبيرة.. اذا المراهق يدخن بينكشف من البداية اذا هو دايما يسلم على امه وابوه وحتى ان ما دخن بس يقعد مع ربع يدخنون ريحته بتكون فايحة وممكن علاج وقائي حزتها من الوالدين

[الدمعه]

مايشوف شر ان شاء الله ... عشان تعرفون انه احنا نستحي اكثر منكم


الله يجيركم من الشر ..

ان شاء الله يكون حيا اكثر من ان يكون قساوة قلب تبتدي بحيا وتنتهي بقلب حجر ..

[الصاعقة]

الله يجيركم من الشر ..

ان شاء الله يكون حيا اكثر من ان يكون قساوة قلب تبتدي بحيا وتنتهي بقلب حجر ..



لا ابشرج .. من شب على شي شاب عليه .. والحين ترى تربية البنت اصعب بكثير من تربية الولد

[ام السعف]

صباح الخير

حلوة هالعادة الطيبة..عاد لي كبروا اليهال يستحون ويتركونها..

لها فايدة مع الشباب كبيرة.. اذا المراهق يدخن بينكشف من البداية اذا هو دايما يسلم على امه وابوه وحتى ان ما دخن بس يقعد مع ربع يدخنون ريحته بتكون فايحة وممكن علاج وقائي حزتها من الوالدين

صباح الانوار،،

ما اعتقد انها ممكن تندثر لو كبروا اليهال ،، لو اصروا الوالدين انهم
يحصلون حقهم من السلام ،،

في ناس عيالهم يسلمون عليهم في المجمعات ولا عليهم
من نظرة العالم ويييه شوفوه يبوس راس امه جدام الناس
ويسلمون على خالتهم وعماتهم لأنهم ما يسوون شي غلط ومخالف
للشرع ،،

اما الجزء الثاني من مشاركتك : كلامك صحيح وواقعي ،، ونقدر نعتبرها
احد الطرق اللي تكشف المدحن :telephone:

[بنت البدر 77]

موضوع خفيف ورائع وبالفعل صباحي :)

عندما ولدت طفلي الأول .. وكان صغيراً حينها .. كان والده يصر على ان يقبل

يدي وراسي .. وكنت وقتها اطلب منه الا يضغط عليه .. ولكن كان يردد جملة

( خليهم يكبرون على هالعادة .. كلها خير ) .. وبالفعل بدأ صغيراً واليوم يقبلني

وهو شاب بالثانوي على راسي ويديّ امام اصدقائه وزملاء المدرسة دون ان

يجد في ذلك حياء او انتقاص من شخصيته .. والى اليوم ادعوا الله لابو العيال بكل

خير لانه اصر على ان يربي نبتة طيبة وعادة لم تتغير من ذاك الزمان .

بارك الله في ابنائكم وابنائي وجعلهم قرة عين والديهم ورزقنا برهم وطاعتهم .

شكراً لكِ من الاعماق ام السعف .


قلبتي فينا البدايات .. لا عدمناكِ

[بـــــــنت النوخـّــــذه]

انزين أم السعف كيف نوصلها للابناء بدون أمر وإجبار

بعضهم الا اتبوس رايح داخل قايم قاعد حتى لو غطت عينك وقمت لازم اتبوس هل هالطريقه فعلا" (مصدر ) الاحترام:discuss:

اما هناك سلوك منظم وعادات واوقات محدده لهذا السلوك , او تصرف ملزمين به الشاب او الفتاه او الطفل اتجاه والديهما (لبرهما )
للامانه ام السعف انا بكل فخر اسجل اعترافي كنت استحي :shy:ابوس الوالد وانا (معاه بنفس المنزل ):shy: لو بمنزل ثاني وجايه اسير اكيدببوسه لان بالسلام ملزمين انبوس اههه لكن ولله الحمد والمنه باره بهما واقدم لهم جميع فروض الطاعه بكل المشاعر الساميه كما نص عليها كتاب الله وسنه رسوله ولله الحمد اعتز بشهادتهم لنا ببرهما والله يجعلنا بارين بهم دوما في حياتهم وبعد مماتهم بعد عمر(ن) طويل للاحياء منهم

الي حبيت اوصله لج ان انا اعرف زميله لي كانت اتقول لي ابوهم (يجبرهم) انهم يبسون راسه وراس امهم حتى لو طلع الحوش ودخل لو غاب دقيقه لازم بوسه على الراس اههه كانت تتكلم بغضب فقلت لها ليش انزين تغضبين من طلبه الا بوسه ^_^ قالت لان كله يعايرنا شوفو عيال فلان لي دخل ابوهم مكان فزوا يبوسونه 000 واصلا عيال فلان تصرفاتهم ذي بس جدام الناس:(

يعني لاحظتي ان التصرف بس (عاده) مهب عباده وتقرب وبرّ وحنان ومشاعر جياشه لترابط وتوريث القيم الحميده بسلوك تربوي نابع عن قناعه وحب ورضى وبر

ف سؤالي كيف ممكن تخلين البرّ من عاده إلى عباده تتلذذين بها ؟
وشكرا"

[moonبنتnight]

الله يعطيج العافية على طرح الموضوع 00
والله لا يقطعة من عاده 00 تعودنا عليها وحنا صغار ولا زال مستمرين عليها 00
وصدقيني ربي عليها عيالنا 00 احترام كبير وتهذيب وعطف و حسن خلق واحترام الأخرين 00

[بايع بايع]

هل ما يقوم به افراد أسرة الطفل محمد أمر طبيعي وهل من الواجب علينا
ان ندرب انفسنا على ما يقومون به ؟
:shy::shy::shy:

هو امر طبيعي

ولازم ندرب انفسنا للمحافظة عليه

[الدمعه]

انزين أم السعف كيف نوصلها للابناء بدون أمر وإجبار

بعضهم الا اتبوس رايح داخل قايم قاعد حتى لو غطت عينك وقمت لازم اتبوس هل هالطريقه فعلا" (مصدر ) الاحترام:discuss:

اما هناك سلوك منظم وعادات واوقات محدده لهذا السلوك , او تصرف ملزمين به الشاب او الفتاه او الطفل اتجاه والديهما (لبرهما )
للامانه ام السعف انا بكل فخر اسجل اعترافي كنت استحي :shy:ابوس الوالد وانا (معاه بنفس المنزل ):shy: لو بمنزل ثاني وجايه اسير اكيدببوسه لان بالسلام ملزمين انبوس اههه لكن ولله الحمد والمنه باره بهما واقدم لهم جميع فروض الطاعه بكل المشاعر الساميه كما نص عليها كتاب الله وسنه رسوله ولله الحمد اعتز بشهادتهم لنا ببرهما والله يجعلنا بارين بهم دوما في حياتهم وبعد مماتهم بعد عمر(ن) طويل للاحياء منهم

الي حبيت اوصله لج ان انا اعرف زميله لي كانت اتقول لي ابوهم (يجبرهم) انهم يبسون راسه وراس امهم حتى لو طلع الحوش ودخل لو غاب دقيقه لازم بوسه على الراس اههه كانت تتكلم بغضب فقلت لها ليش انزين تغضبين من طلبه الا بوسه ^_^ قالت لان كله يعايرنا شوفو عيال فلان لي دخل ابوهم مكان فزوا يبوسونه 000 واصلا عيال فلان تصرفاتهم ذي بس جدام الناس:(

يعني لاحظتي ان التصرف بس (عاده) مهب عباده وتقرب وبرّ وحنان ومشاعر جياشه لترابط وتوريث القيم الحميده بسلوك تربوي نابع عن قناعه وحب ورضى وبر

ف سؤالي كيف ممكن تخلين البرّ من عاده إلى عباده تتلذذين بها ؟
وشكرا"


انا اسفه سؤالج لام السعف بس انا تليقفت حابه ابدي رايي ..

عاد موب لدرجه ان يطلع الحوش ويرد يردون يسلمون ..

هو مب القصد البوسه بحذافيرها .. القصد استعطاف وتليين القلب ..

يعني مثل ماقالو اشباع روحاني وبدني ونفسي ..

بوسي الوالده على راسها مع شمه عميقه لريحه شعرها ..بتحسين الدنيا صارت مثل الورده ..<<<<<<<< شرايج في التشبيه ..

المهم زبده الكلام ..

جربي تبوسين راس ابوج او يده ... دام عندج الله يحفظه ويخليه لكم ..

اصعب شي تنحرمين من ابوج وهو عايش على الدنيا .. مثل العيد مرتين في السنه ..:(

[الـقـاسـي]

والله المفروض هو هذا اللي يصير يوميا ,,
يعني احنا بشكل او بآخر مطبق عندنا تلقائيا بدون محد يكوون مخطط له او شي ..

لكن انا مايرفع ضغطي الا اللي يسلمون فالدوام بعضهم لازم حب خشوم كل يوم يكرهونك فالدوام لدرجة قلت لهم بس يوم الاحد وباقي الايام السلام عليكم تكفي وزياده ..

وفعلا صدق المثل اللي يقول كثر السلام يقل المعرفه الا مع الاهل طبعا

[موضي قطر]

والله يا ام السعف موضوع حلو ورجعني 55 سنة ورى :shy:


اول بعض عيالنا يسلمون على العجايز ويحبون روسهم وانا قاعده مرات يسلمون علي مثلهم ومرات لا ..


يقولون لي انتي للحين بنيه :(<<< شدخل


( ركزي على كلمة بنيــــــــه )

اما الحين ماتم حد مايبوس راسي :(

[الـخـالـدي]

لاهنتي يا أم السعف على الموضوع

[ام السعف]

موضوع خفيف ورائع وبالفعل صباحي :)

عندما ولدت طفلي الأول .. وكان صغيراً حينها .. كان والده يصر على ان يقبل

يدي وراسي .. وكنت وقتها اطلب منه الا يضغط عليه .. ولكن كان يردد جملة

( خليهم يكبرون على هالعادة .. كلها خير ) .. وبالفعل بدأ صغيراً واليوم يقبلني

وهو شاب بالثانوي على راسي ويديّ امام اصدقائه وزملاء المدرسة دون ان

يجد في ذلك حياء او انتقاص من شخصيته .. والى اليوم ادعوا الله لابو العيال بكل

خير لانه اصر على ان يربي نبتة طيبة وعادة لم تتغير من ذاك الزمان .

بارك الله في ابنائكم وابنائي وجعلهم قرة عين والديهم ورزقنا برهم وطاعتهم .

شكراً لكِ من الاعماق ام السعف .


قلبتي فينا البدايات .. لا عدمناكِ

اللهم آمين ،،

كلامج صحيح ،، جزا الله كل ام واب او اخ او اخت يزرع بذرة طيبة في نفوس
الأطفال ،، لحد يقلل من الزرع هذا ويستصعبه لأن بيكبر الإنسان وبتكبر معاه
البذرة وبتعيش فيه وما يهنى ليوم من غير ملامسته في الواقع ،،

وجزاج الله كل خير على هالمشاركة ،،


الله يعطيج العافية على طرح الموضوع 00
والله لا يقطعة من عاده 00 تعودنا عليها وحنا صغار ولا زال مستمرين عليها 00
وصدقيني ربي عليها عيالنا 00 احترام كبير وتهذيب وعطف و حسن خلق واحترام الأخرين 00

يارب يقدر الجميع على حسن التربية
ويجزيك خير الجزاء


هو امر طبيعي

ولازم ندرب انفسنا للمحافظة عليه

لازم نضغط على نفوسنا علشان نحافظ على هالعادة وربنا لا يغير على الكل ،،

[ام السعف]

لاهنتي يا أم السعف على الموضوع


الله يسلمك يا الخالدي ،،



والله يا ام السعف موضوع حلو ورجعني 55 سنة ورى :shy:


اول بعض عيالنا يسلمون على العجايز ويحبون روسهم وانا قاعده مرات يسلمون علي مثلهم ومرات لا ..


يقولون لي انتي للحين بنيه :(<<< شدخل


( ركزي على كلمة بنيــــــــه )

اما الحين ماتم حد مايبوس راسي :(

ادري انه موضوع حلو لأنه ردج لأيام كنت بنية ،:(

ايييه اتذكرج زين من 55 سنة اول ما تزوجت شفت وفي ثاني
يوم عرسي شفت وحدة شكلها وع مخربط وييها وصخ قلت لهم من هذي ؟
قالوا مضوي ام السكيك :( الله يرحم ذيك الأيام :(

لا تلومينهم لو عافوا راسج مب منهم ،، انتي لازم اتقدرين
اللي اقدروا يبوسونه :(

[ام السعف]

انزين أم السعف كيف نوصلها للابناء بدون أمر وإجبار

بعضهم الا اتبوس رايح داخل قايم قاعد حتى لو غطت عينك وقمت لازم اتبوس هل هالطريقه فعلا" (مصدر ) الاحترام:discuss:

لا طبعا ،، ماله خص ابدا ،، البوس مب معناته
اني باحترم اللي ببوسه ،، البوس فيه تقدير وتواصل بالمشاعر ،،
وماله خص الاحترام في هالشي ،، الاحترام لو دخل كبير يفز له الصغير ويروح لعنده
مب الكبير ياخذ له لفة في الميلس ويسلم على البزارين او المراهقين او الشباب !!

اما هناك سلوك منظم وعادات واوقات محدده لهذا السلوك , او تصرف ملزمين به الشاب او الفتاه او الطفل اتجاه والديهما (لبرهما )
شوفي الطفل لو عودتيه على الأمور هذي في البيت
بتلقينه مع الأيام يتشرب عدم القرب ،، فمثلا لو عندج طفل زعلانة منه ومتعود يدخل ويطلع يسلم عليج ،، بيفتقد امور كثيرة لو كنت زعلانة منه ،، بيفتقد جبه على امه وبوسه لها ،
فالموضوع له ابعاد ثانية مب محصور في بوز يبي يبوس ،،

للامانه ام السعف انا بكل فخر اسجل اعترافي كنت استحي :shy:ابوس الوالد وانا (معاه بنفس المنزل ):shy: لو بمنزل ثاني وجايه اسير اكيدببوسه لان بالسلام ملزمين انبوس اههه لكن ولله الحمد والمنه باره بهما واقدم لهم جميع فروض الطاعه بكل المشاعر الساميه كما نص عليها كتاب الله وسنه رسوله ولله الحمد اعتز بشهادتهم لنا ببرهما والله يجعلنا بارين بهم دوما في حياتهم وبعد مماتهم بعد عمر(ن) طويل للاحياء منهم
اللهم آمين ،، ويخليهم لج ولا يحوجهم لمخلوق غيركم ،،
احنا مثلج لو دخلنا من برع انسلم وانبوس ، لكن لو رقدت عندهم ،، وقعدت الصبح وشفتهم قلت لهم السلام عليكم صبااااااااح الفول ،، بينما عيالي لو قاموا وشافوني باسوني على راسي
فهل هذا يعني اني ما احترم امي وابوي ؟

الي حبيت اوصله لج ان انا اعرف زميله لي كانت اتقول لي ابوهم (يجبرهم) انهم يبسون راسه وراس امهم حتى لو طلع الحوش ودخل لو غاب دقيقه لازم بوسه على الراس اههه كانت تتكلم بغضب فقلت لها ليش انزين تغضبين من طلبه الا بوسه ^_^ قالت لان كله يعايرنا شوفو عيال فلان لي دخل ابوهم مكان فزوا يبوسونه 000 واصلا عيال فلان تصرفاتهم ذي بس جدام الناس:(

احنا ما نقدر تصرف الشواذ وانطبق على العوام،،
صحيح مرات تكون عادة مكتسبة لكنها بعيدة عن اي احترام وتقدير ،، ومرات ما يكون هناك احترام ولا تقدير ولا عادة مكتسبة ممكن يكسبون عيالهم عليها ،

يعني لاحظتي ان التصرف بس (عاده) مهب عباده وتقرب وبرّ وحنان ومشاعر جياشه لترابط وتوريث القيم الحميده بسلوك تربوي نابع عن قناعه وحب ورضى وبر

ف سؤالي كيف ممكن تخلين البرّ من عاده إلى عباده تتلذذين بها ؟
وشكرا"

بخصوص سؤالج ،، النية ،،
دايما اخلصي نيتج في اعمالج انها تكون عبادة ،، فالابتسامة في ويه الوالدين بيكون بر
لأنه لوجه الله تعالى ،،



انا اسفه سؤالج لام السعف بس انا تليقفت حابه ابدي رايي ..

عاد موب لدرجه ان يطلع الحوش ويرد يردون يسلمون ..

هو مب القصد البوسه بحذافيرها .. القصد استعطاف وتليين القلب ..

يعني مثل ماقالو اشباع روحاني وبدني ونفسي ..

بوسي الوالده على راسها مع شمه عميقه لريحه شعرها ..بتحسين الدنيا صارت مثل الورده ..<<<<<<<< شرايج في التشبيه ..

المهم زبده الكلام ..

جربي تبوسين راس ابوج او يده ... دام عندج الله يحفظه ويخليه لكم ..

اصعب شي تنحرمين من ابوج وهو عايش على الدنيا .. مثل العيد مرتين في السنه ..:(

اتفق معاج يا دمعة

[intesar]

نعم هذا المفروض.. وجود الاحترام.. حتى لو تهاوشوا وقلبوا الطاولة على رووس بعض.. كنت أتناقش مع وحدة على طريقة السلام.. هي أكبر مني بكم سنة.. قالت لي أنا ما أحب عيالي يبوسون راسي.. أعتقد من وجهة نظرها اما أنه يكبرها بالسن او انه يصنع حاجز ما بين الأم والعيال.. هل اصبح احترام الوالدين هو الحاجز نما أدري..ولا أنا غلط مو مهم..
المهم اللي أشوفه البوس على الراس ولا الخد ولا اللم كله.. يصنع ود وتلاحم بين الوالدين والعيال.. وتتوطد العلاقة.. والحواجز سببها أشياء أخرى ويطول شرحها ويبيله موضوع بروحه..

دمتم بود..

[بـــــــنت النوخـّــــذه]

انا اسفه سؤالج لام السعف بس انا تليقفت حابه ابدي رايي ..

عاد موب لدرجه ان يطلع الحوش ويرد يردون يسلمون ..

هو مب القصد البوسه بحذافيرها .. القصد استعطاف وتليين القلب ..

يعني مثل ماقالو اشباع روحاني وبدني ونفسي ..

بوسي الوالده على راسها مع شمه عميقه لريحه شعرها ..بتحسين الدنيا صارت مثل الورده ..<<<<<<<< شرايج في التشبيه ..

المهم زبده الكلام ..

جربي تبوسين راس ابوج او يده ... دام عندج الله يحفظه ويخليه لكم ..

اصعب شي تنحرمين من ابوج وهو عايش على الدنيا .. مثل العيد مرتين في السنه ..:(

اهههههههههه

انا قلت الوالد + الحياء

مع عمق العلاقه لمكانته التي اقرب من دقات قلبي :)

احسج فهمتي الموضوع انه جفاء ووووو0000الخ

امممممم يقولون لج احيانا" من كثر حبج للشخص ومكانته بقلبج وهيبته يزداد حيائك منه حتى لو قبلتيه بتكون القبله ملازمه لرجفه ووجه يتصبب ماء من الحياء وصوت خافت كله خضوع

انا انسانه اقدس صفه الحياء في تربيه الابناء منذ الصغر ف تعبيري كان محصور (بكلمة حياء)

اما واجبات وفروض وعادات وتقاليد واشلون الكبير له احترامه وووو000الخ هذي الامور ولله الحمد عارفتها 00

جميل جدا ان يصحب ذلك التصرف بالتقبيل الحياء من خفض الصوت والجلوس بطريقه معتدله اما م الكبار (ولبس محترم ) 00000الخ :)
يعني هالزمن البنت ولا الولد رجل على رجل جدام امهم وابوهم وهذا عيب 00السان طويل وهذا عيب رفع للصوت وهذا عيب حتى مناداه الاب والام لازم لها طريقه (ونبره صوت ) معينه 0000الخ

تخيلي وحده لابسه ضيق ولا شفاف وصاروخ اتقبل راس ابوها ولا اخوها الكبير اههههه ولا وحده بمجلس حريم رايحه اتقبل روس حريم كبار واخرتها تجلس مشاهدتهم حاطه رجل على رجل ووووو000 الخ والله عندي تلتزم بالحياء أولا" ثم بعد ذلك تقبل الرأس يعني الي بغيت اوصله التقبيل وعادات الاحترام لازم تكون كامله (للوالدين ولمن هم من كبار السن واولياء الامور )

يعني التقبيل وهالعادات الطيبه لازم يكون مصاحب لها تصرف آخر ليعزز من مكانتها وتجعل التصرف له هيبه ومكانه لتكتمل التربيه الصحيحه

ف مادري فهمتي شكنت اقصد من ردي الاول ^_^

[ام السعف]

نعم هذا المفروض.. وجود الاحترام.. حتى لو تهاوشوا وقلبوا الطاولة على رووس بعض.. كنت أتناقش مع وحدة على طريقة السلام.. هي أكبر مني بكم سنة.. قالت لي أنا ما أحب عيالي يبوسون راسي.. أعتقد من وجهة نظرها اما أنه يكبرها بالسن او انه يصنع حاجز ما بين الأم والعيال.. هل اصبح احترام الوالدين هو الحاجز نما أدري..ولا أنا غلط مو مهم..
المهم اللي أشوفه البوس على الراس ولا الخد ولا اللم كله.. يصنع ود وتلاحم بين الوالدين والعيال.. وتتوطد العلاقة.. والحواجز سببها أشياء أخرى ويطول شرحها ويبيله موضوع بروحه..

دمتم بود..

ودام صباحك سكر في كل يوم

[نور الحور]

وعليكم السلام يا أم السعف .. :)
وصباحج خير وورد وفل وياسمين .. على هالموضوع الحلو من الصبح .. :nice:
وهذي بوسة احترام مني لج وتحية وتقدير:shy: << ترى شكلج بتعودينا عليها حتى في المنتدى هههههه
أنا طبعاً مع هالعادة الحلوة .. وعلمت عيالي عليها بس اللحين زوجي اللي يعاني .. تدرين ليش ؟
أول ما يدخل البيت يتهاوشون من يسبق يلم ويبوس أبوه قبل .. صارت سباق .. ويدخل المسكين على هوشه ومناجر بسبة هالسباق ..
حتى صارت البوسة لعبة.. ما يشوفون أبوهم عدل .. يركضون الله يحفظهم وكل واحد عينه في عين الثاني من اللي يسبق .. وأخذي بعدها الضرب والهواش مع بعض .:anger1:.الله يهديهم بس..
قال لهم محبة جذي ما نبيها :rolleyes2:
أنا الحمدلله وياي الوضع مستقر هههههه .. بس مادري ليش مع أبوهم بس !
ولدي الصغير فديته عمره سنة وتسع شهور .. من يشوفنا يهلي ويرحب فينا يقول (هلاااااااااااا) وأول ما أقرب منه يلمني ويبوس شعري ويشمه.. فديت حركاته والله .. تعودها مني كنت كل ما أشوفه تلقائياً اقول له هلاااااااااا وأضمه .. ولأنها سهلة ..كانت من أول الكلمات اللي عرف ينطقها..
بالنسبة لي أنا أسلم على أمي وأبوي وأبوس إيدهم وروسهم .. بس الحياء يمنعني أسوي أكثر مع الوالد الله يحفظه :shy:.. أما أمي الله يخليها لنا فتعاني مسكينة من كثرة التلملم والتبوس .. حتى ريلها أبوسها .. وأنام في حضنها للحين كأني بيبي..
والله عادة حلوة وتقرب القلوب وتجبر الخواطر وتكسر الحواجز .. الله يديمها علينا يارب ..بس بدون هواش :(

[الدمعه]

اهههههههههه

انا قلت الوالد + الحياء

مع عمق العلاقه لمكانته التي اقرب من دقات قلبي :)

احسج فهمتي الموضوع انه جفاء ووووو0000الخ

امممممم يقولون لج احيانا" من كثر حبج للشخص ومكانته بقلبج وهيبته يزداد حيائك منه حتى لو قبلتيه بتكون القبله ملازمه لرجفه ووجه يتصبب ماء من الحياء وصوت خافت كله خضوع

انا انسانه اقدس صفه الحياء في تربيه الابناء منذ الصغر ف تعبيري كان محصور (بكلمة حياء)

اما واجبات وفروض وعادات وتقاليد واشلون الكبير له احترامه وووو000الخ هذي الامور ولله الحمد عارفتها 00

جميل جدا ان يصحب ذلك التصرف بالتقبيل الحياء من خفض الصوت والجلوس بطريقه معتدله اما م الكبار (ولبس محترم ) 00000الخ :)
يعني هالزمن البنت ولا الولد رجل على رجل جدام امهم وابوهم وهذا عيب 00السان طويل وهذا عيب رفع للصوت وهذا عيب حتى مناداه الاب والام لازم لها طريقه (ونبره صوت ) معينه 0000الخ

تخيلي وحده لابسه ضيق ولا شفاف وصاروخ اتقبل راس ابوها ولا اخوها الكبير اههههه ولا وحده بمجلس حريم رايحه اتقبل روس حريم كبار واخرتها تجلس مشاهدتهم حاطه رجل على رجل ووووو000 الخ والله عندي تلتزم بالحياء أولا" ثم بعد ذلك تقبل الرأس يعني الي بغيت اوصله التقبيل وعادات الاحترام لازم تكون كامله (للوالدين ولمن هم من كبار السن واولياء الامور )

يعني التقبيل وهالعادات الطيبه لازم يكون مصاحب لها تصرف آخر ليعزز من مكانتها وتجعل التصرف له هيبه ومكانه لتكتمل التربيه الصحيحه

ف مادري فهمتي شكنت اقصد من ردي الاول ^_^


والله فاهمتج يالغاليه من اول رد.. بس اقولج استغلي الفرصه اكثر ..

نصيحه من انسانه محرومه من وجود الاب..

واتفق معاج بكل اللي قلتيه ..

الله يخليهم ويطول باعمارهم ...

[ام السعف]

وعليكم السلام يا أم السعف .. :)
وصباحج خير وورد وفل وياسمين .. على هالموضوع الحلو من الصبح .. :nice:
وهذي بوسة احترام مني لج وتحية وتقدير:shy: << ترى شكلج بتعودينا عليها حتى في المنتدى هههههه
أنا طبعاً مع هالعادة الحلوة .. وعلمت عيالي عليها بس اللحين زوجي اللي يعاني .. تدرين ليش ؟
أول ما يدخل البيت يتهاوشون من يسبق يلم ويبوس أبوه قبل .. صارت سباق .. ويدخل المسكين على هوشه ومناجر بسبة هالسباق ..
حتى صارت البوسة لعبة.. ما يشوفون أبوهم عدل .. يركضون الله يحفظهم وكل واحد عينه في عين الثاني من اللي يسبق .. وأخذي بعدها الضرب والهواش مع بعض .:anger1:.الله يهديهم بس..
قال لهم محبة جذي ما نبيها :rolleyes2:
أنا الحمدلله وياي الوضع مستقر هههههه .. بس مادري ليش مع أبوهم بس !
ولدي الصغير فديته عمره سنة وتسع شهور .. من يشوفنا يهلي ويرحب فينا يقول (هلاااااااااااا) وأول ما أقرب منه يلمني ويبوس شعري ويشمه.. فديت حركاته والله .. تعودها مني كنت كل ما أشوفه تلقائياً اقول له هلاااااااااا وأضمه .. ولأنها سهلة ..كانت من أول الكلمات اللي عرف ينطقها..
بالنسبة لي أنا أسلم على أمي وأبوي وأبوس إيدهم وروسهم .. بس الحياء يمنعني أسوي أكثر مع الوالد الله يحفظه :shy:.. أما أمي الله يخليها لنا فتعاني مسكينة من كثرة التلملم والتبوس .. حتى ريلها أبوسها .. وأنام في حضنها للحين كأني بيبي..
والله عادة حلوة وتقرب القلوب وتجبر الخواطر وتكسر الحواجز .. الله يديمها علينا يارب ..بس بدون هواش :(

اللـــه مشاركتج حلوة وتشرح الصدر :shy:

هو ممكن يكون هناك حل مع اليهال في حال التسابق والهواش على ابوهم
1- عيب يا يهال اتعلوزون ابوكم واتغربلونه
2- الكبير يبوس اول شي
3- الشاطر اللي يخلي اخوه قبله
( عاد تخيلي اهنيه مب متحركين من مكانهم ،، يبون يصيرون شطار:(
يسوونها هاليها عليهم نذالة ساعات :( )

اتفق معاج عادة حلوة ،، وياحليله الصغير وليدج وهو يشم شعرج
ربنا يحفظه لج يارب ولا يغيره عليج هو واخوانه ،،

بنت النوخذة ودمعة امراقبتكم بس مخليتكم في حالكم
:shy:

[روح وريحان]

تصرفهم طبيعي وهذا اللي لازم يصير عشان تزيد المحبة والاحترام

يعطيج العافية

[الدمعه]

بنت النوخذة ودمعة امراقبتكم بس مخليتكم في حالكم
:shy:

[COLOR="Indigo"]
يعني طلعنا من الموضوع :secret:

اسفه اختي العوده .. خلصنا اعتقد اتفقنا ..:shy:

[ام السعف]

تصرفهم طبيعي وهذا اللي لازم يصير عشان تزيد المحبة والاحترام

يعطيج العافية

الله روح وريحان طيبتي الموضوع بنك نيمج :nice:
الله يعافيج :shy:



يعني طلعنا من الموضوع :secret:

اسفه اختي العوده .. خلصنا اعتقد اتفقنا ..:shy:

لا وين خربتوا الموضوع الا حليتوه بحلاوة فطاير الفلافل اللي ازطها اللحين
تفضلوا حياكم قبل لا اخلص عليهم :telephone:

[Miss]

صبااح النور عـ البنور
عاده حلووة وجميله وما زلنا نمارسها ..لكن بعض البيوت للاسف ما تمارسها لانهم ما تعلموها من صغرهم ..

[ام السعف]

صبااح النور عـ البنور
عاده حلووة وجميله وما زلنا نمارسها ..لكن بعض البيوت للاسف ما تمارسها لانهم ما تعلموها من صغرهم ..

صباح النور والسرور على سيدة البنانير ( صح الجمع ؟ )

اتفق معاج بعض البيوت ما تمارسها كلش ابدا خالص واصل :(

[الدمعه]

يعله مداخيل العافيه ..اشدراج اني جوعانه بس مابي اكل وراي طلعه احين حق البنات ..

بيصيدني حارج مع الشمس والتنرفز من المدارس ...

يختي شالحل مع العصبيه والغولون .. تعبت حتى من كلام المنتدى وووووو

[ام السعف]

يعله مداخيل العافيه ..اشدراج اني جوعانه بس مابي اكل وراي طلعه احين حق البنات ..

بيصيدني حارج مع الشمس والتنرفز من المدارس ...

يختي شالحل مع العصبيه والغولون .. تعبت حتى من كلام المنتدى وووووو

الله يعينج وييسر لج دروبج ،،:shy: