كم سعر خياطة الثوب ؟

[العبرات]

أولاً : اخواني .. التزاماً مني بقوانين هذا القسم الهام .. لا أريد أن أخوض في التشهير بأي محل دون التأكد التام من الاسعار قبل وبعد الزيادة ..

ثانياً : أريد أن أعرف اسعار خياطة الثوب القطري لدى محلات الخياطة بجميع مستوياتها .. بخاصة الاخوان الذين قاموا بخياطة الاثواب خلال شهر رمضان بمناسبة عيد الفطر ..

انتظر من الاخوان الاعزاء الاجابة تكرماً ..

تحياتي ،

[مرحوم قطر]

في العزيزيه الخياط الي جنب اجمل فود سنتر يفصل على الثوب على 110

و الي يعرفهم يعطيهم اب 100

و القدام في العزيزيه يعطيهم على 90

و القماش عليه انا يعطيني على 90


و الي صوب جمعية العزيزيه نفس الموضوع


و الي صوب باب السلام يسوي حق الي يعرفهم 120

و حق الي ما يعرفهم من 150 لين 200

[عاشق الشهادة]

سعر خياطه الثوب عند خياط مبارك او خياط مدينه خليفه بسوق العلي من 40 الى 45 ريال خياطه فقط .

[بايع بايع]

يسوي حق الي يعرفهم 120

و حق الي ما يعرفهم من 150 لين 200

هاي تجاره بالكيف والمزاج :rolleyes2:

[فتى الجود]

السلام عليكم

المعلومات اللى أقدر افيدك بها :

أنى من حوالى 4 سنوات(( الى رمضان يعنى من كم يوم ))

اتعامل مع خياط بالخريطات بجانب باسكن روبنز

سعر الثوب الواحد بين الــ 125 الى 150 ريال تقريباً

التفصيل والقماش عليه

ووللعيال اقل من 10 سنوات بــ 80 او 70 ريال

[toghma]

خياط الوطن في المطار
الثوب على 40
القماش علي انا طبعا

[Rashid554]

اخر تفصيل لي كان بعيد الفطر الي راح الثوب على 400 ريال

[سهيل قطر]

يالربع والله هالخياطين مستغلللين الشباب وبزيااده خصوصاا اللي بلفيت علليه زحمه وضغط المفروض الثووب مايتعداا 150 ريال مع الخام والشباب الله يهديهم اول مايقول لهم 250 اوو 300 او اللي يكون يدفع ولاا حتى يساله ليه ولاا ينززل من السعرر

اناا الان افصل الثووب 125 ريال فقط ولاااا يتعداا هالمبلغ ولوو مااحصللت بعدين بغيرر اللبس ولاا غشش عينك عينككك

[هارودز]

حسب نوعية القماش و ويفرق السعر من خياط الى خياط

[ابوعلي]

و الي صوب باب السلام يسوي حق الي يعرفهم 120

و حق الي ما يعرفهم من 150 لين 200

اخوي الي صوب باب السلام كنت اخيط عنده ولما شفت رفع سعره زفيته ورحت لسوق العلي والخياطة كامله ما تتعدى 110 ريال


وللأسف بعض الشباب يخيطون عند بعض محلات الخياطة واسعارهم مبالغ فيها ولكن يدفعون بس شوفونا نخيط بالسعر الفلاني

ونعذر التجار الي يرفعون اسعارهم لأن للأسف محصلين الي ياخذون منهم

[البدع]

الخياطة في سوق واقف ٤٠ ريال

[بوحارب]

في سوق العلي الخياطة مع القماش بين ال 80 وال 120

واذا القماش من عندك بين ال 25 وال 40

[ومن الغباء ماقتل]

وبعدين تلومون التجار ليش يرفعون الاسعار؟؟؟ .. يا جماعة خافوا الله! ،، انتوا لما تفصلون ثيابكم على 200 و 300 تراكم تشجعونهم على الزيادة وتتحملون اثم ضرر باقي اخوانكم ، اتقوا الله!

[كازانوفا]

الاسعار في تفاوت غريببببببببببببببببببببببببببببببب

والله حرام

[vipqtr]

انا رحت خياط قباء في الغرافه في العيد .. الثوب بـ 250 و 240 .. ومريت عليه بعد الزياده بـ 260 .. قلتله ليش قال القماش صار غالي ولا يبي ينزل ريال .. ولا فصلت منه قلتله بجيبلك قماش من برع وتفصلي بيكون ارخص .. حرقت قلبه اشوي .. وتصلت لحماية المستهلك ..

[سهيل قطر]

انا رحت خياط قباء في الغرافه في العيد .. الثوب بـ 250 و 240 .. ومريت عليه بعد الزياده بـ 260 .. قلتله ليش قال القماش صار غالي ولا يبي ينزل ريال .. ولا فصلت منه قلتله بجيبلك قماش من برع وتفصلي بيكون ارخص .. حرقت قلبه اشوي .. وتصلت لحماية المستهلك ..

كفوو والله والله لوو الشباب كلهم سوو نفس ماتسوي والله العظيم ينززل على راسه ويفصل ب 150 مثل الخياطين ولكن للحين الله يهديهم البعض يدفع ويخلليه يطمع ازياده

اناا جيته اوول رمضان ابي افصل ل ولد اخوي اصغير قال مافيه مجال زحمممه مايخلللص الاا بعد العيد ب اسبوع تخيلللو لانه كانه عنده زحمه شباب ويبي يسووي دعايه للمحل انه مزحوم !!! اللي خلاني اتااكد من هالشيء ولد عمي فصل عنده بعدي با اسبوع ؟!!!وخلللص له قبل العيد ب يومين !!! هذاا فرع الغرااافه وقااطعتهم الصرااحه وفصللت في خياط ب 170 خلال اسبوعين تستلمه

[vipqtr]

كفوو والله والله لوو الشباب كلهم سوو نفس ماتسوي والله العظيم ينززل على راسه ويفصل ب 150 مثل الخياطين ولكن للحين الله يهديهم البعض يدفع ويخلليه يطمع ازياده

اناا جيته اوول رمضان ابي افصل ل ولد اخوي اصغير قال مافيه مجال زحمممه مايخلللص الاا بعد العيد ب اسبوع تخيلللو لانه كانه عنده زحمه شباب ويبي يسووي دعايه للمحل انه مزحوم !!! اللي خلاني اتااكد من هالشيء ولد عمي فصل عنده بعدي با اسبوع ؟!!!وخلللص له قبل العيد ب يومين !!! هذاا فرع الغرااافه وقااطعتهم الصرااحه وفصللت في خياط ب 170 خلال اسبوعين تستلمه




ازيدك من اعلومي.. مره كنت في الحسا واسم المحل ديثار خذيت طاقه ب 600 وتصلت لواحد من الربع قلتله اسأل عن الطاقه الفلانيه في قباء .. والله ثم والله انه قاله بـ 1200..

شوف اشلون الضحك على عقولنا ؟؟

[ثابت]

في شارع ال شافي جنب مطعم ابلبيز الخياط ب 35 ريال بس الطاقة علي

[bo_s3ood]

في سوق العلي في بعض المحلات تفصل على 120 و 150 وانا افصل على 100 من خياط صاار لي معاه اكثر من 7 سنين افصل من عنده ولين افصل طاقه ينزل السعر لين 90

وفي بعض المحلات استغربت من قيمة الثوب يفصله على 400 واكثر بعد واحد من الربع مفصل ثووبه ب 350 من محل نفس الاقماش الي افصل منه من سوق العلي وقيمته 100 ريال

من محل لمحل تشوف اسعار غير وكل المحلات تقريبا تاخذ الاقماش من سوق واقف ويقول لك طلبيه الاقماش وشاريه مادري من وين

والي بيدفع بيحصل احسن وكله نفس الشي بس ناس تتفاخر وناس عادي

والله يعين

[العبرات]

الحمدلله .. الحين أقدر أكتب موضوعي بعد ما تأكدت من الاسعار .. حسب مشاركة الاخوان مشكورين .. لأنني فعلاً آخر مرة خيط ثياب كان قبل حوالي سنة وكان سعر الخياطة (35) ريال وطبعا القماش من عندي .. وأعرف أيضاً أن الاسعار تختلف من محل لآخر حسب ديكور المحل وموقعه وليس حسب جودة الخياطة .. لكن في جميع الأحوال يكون التفاوت ما بين (5 - 15) ريال ..

والحين قبل ثلاثة أيام (18/9/2011) شريت طاقة ورحت لنفس الخياط اللي اتعامل معاه وهو (أقمشة ميم للخياطة الرجالية) بعد دوار معيذر المحلات اللي على اليمين مقابل اسباير زون ..وتفاجأت بأن سعر الخياطة (60) ريال وهو معلق ورقة بالاسعار الجديدة ولكن وضعها في مكان غير واضح .. وأنا للأسف ما عرفت هذا الشيء الا بعد أن حضرت لاستلام الثياب بعد الخياطة لأنني حسبت أن الاسعار كما هي أو قد تزيد (5) ريالات خاصت أنني زبون عندهم منذ فترة طويلة ..

والخياط العامل في المحل طيب وخلوق .. وأخذ يقسم لي بأغلظ الأيمان بأن هذه الزيادة ليست من عنده بل صاحب المحل هو الذي رفع السعر وهو يحاسبه وأي نقص في المبالغ على العامل أن يدفعه من جيبه ..

فقلت لا حول ولا قوة إلا بالله .. وتذكرت على الفور منتدانا الغالي وأن هناك حملة لمقاطعة المحلات التي تقوم برفع الاسعار دون مبرر فقط لأن الحكومة زادت الرواتب !!

ويمكن لأي واحد أن يتأكد بنفسه بزيارة هذا الخياط ورؤية الورقة المكتوب عليها الاسعار وسؤال العامل


تحياتي ،

[دااانة قطر]

حتى في تفصيل الثوب معاناه

[abu abdulla]

جزاك الله خير على هالموضوع ويكون تنبيه لنا وترى التبذير مذموم
افصل في سوق واقف 35 ريال بدون قماش والقماش اشتري طاقه 6 ثياب من 350 الى 400 والملابس الداخليه(10 -12) والطواقي(3-5) والغتر من الهنود بسوق واقف(25-30) والشراء دائما في الشتاء او قبل عيد الاضحى لانهم رافعين اسعار القماش الصوف والغترالشال والشماغ

[بومحمد55]

خياط قصر لكزس في النصر 100 ريال والقماش عليك

[بوسعود911]

الخيوط الذهبية ب145 ريال من سنتيين

[طاير]

خياطين سوق العلي من 90 لين 135 تقريبا

انا ما يرفع ضغطي الا بعض الخياطين نصف رمضان يحط لوحة مكتوب عليها انهم وقفوا تفصيل الملابس !

وبعد بعض الخياطين صراحه اسعارهم مبالغ فيها
بـ 250 الثوب العادي !

[الامير]

خياط الزباره من حوالي اسبوعين يعني بتاريخ 9.9.2011 لي في مجمع المرخيه ثوب 60 ريال طبعااا القماااش علي

[ذكي جدااا]

انا من يومين مفصل بقبااء اللي بالغرافه القماش مع التفصييل ب 250 رياال نفس سعره برمضان وقبل العيد

[البدع]

سوق واقف

شريت الثوب ب 80 ريال

والتفضيل 40 ريال

يعني 120 للثوب

نفس الشيء رحت لكزس قال لي 180 ريال

يعني فرق 60 ريال مع نفس الثوب

[بو الجوري]

اليوم جا على بالي افصل ثوب :..
رحت الاهلي اللي فالمرخيه قلت خلني اغير :..
المهم قالي شكيبو ب225

لكن لاني ماقد فصلت من عنده :..
فخذت تتركس ب160 :..
ثوب واحد بس لتجربة الخياطه
ماعندي فكره عن اسعاره القبليه :)

[بو الجوري]

للعلم صارلي فتره من يوم قطعت لكزس :..
لان كل مره اروح يزيد سعره !!!!
من ١٤٥ لين ماوصل ٢٦٠ :.. فحطيت عليه اكس

و صرت افصل في سوق العلي على ١٢٠ بالكثير :)

[بوالبيض]

والله اسعارهم غاليه وحرام شنو ثوب 230 - 250بعضهم فوق علي 300 و 400 والله حرام
ما نقدر نسوي شي لزم حمايه المستهلك تتكلم وتراقب الاسعار

[gulfstar]

السلام عليكم ورحمة الله وبركاتة
مشكلة ارتفاع الاسعار سببها الرئيسي الشباب الله يهديم لانة اعرف محلات خياطة تفصل اثوب 400 ريال
والسبب الشباب انا مستغرب تشتكون من رفع الاسعار وانتم السبب الرئيسي الله عطاكم عقل روحوا سوق
واقف واشتر طاقة 250 ريال وروح فصل في سوق واقف او سوق العلي 35 الى 40 ريال تفصيل اثوب
والطاقة 6 ثياب يعني يكلفك الثوب مفصل وجاهز يطلع عليك 82 ريال تقريبا واتقولون الاسعار نار لانكم
انتوا الي رفعت الاسعار مش الخياطين ولو سويتوا هذي الطريقة بتجبرونهم يرجعون حق الاسعار القديمة وشكرا

[Bin Hood]

السلام عليكم ورحمة الله وبركاتة
مشكلة ارتفاع الاسعار سببها الرئيسي الشباب الله يهديم لانة اعرف محلات خياطة تفصل اثوب 400 ريال
والسبب الشباب انا مستغرب تشتكون من رفع الاسعار وانتم السبب الرئيسي الله عطاكم عقل روحوا سوق
واقف واشتر طاقة 250 ريال وروح فصل في سوق واقف او سوق العلي 35 الى 40 ريال تفصيل اثوب
والطاقة 6 ثياب يعني يكلفك الثوب مفصل وجاهز يطلع عليك 82 ريال تقريبا واتقولون الاسعار نار لانكم
انتوا الي رفعت الاسعار مش الخياطين ولو سويتوا هذي الطريقة بتجبرونهم يرجعون حق الاسعار القديمة وشكرا

هذا الكلام اللذي يجمد على الشارب

[محمد]

في وجهة نظري كل شي ممكن النقاش فيه الا هالموضوع ..
لسبب بسيط ..
لان الي بتدفعه راح تحصله ..

بمعنى .. تبي رخيص ترى في مخايطه تخيط على 100 و 120 روح سوق العلي كل المخايطه هناك بنفس هالسعر .. لكن الله لا يوريك جربتهم مرة لانهم كانوا الخيار الوحيد وكنت ابي شي سريع وتحسفت ثوب طويل و الثاني قصير و الثالث ضيق و الرابع وسيع .. كأنه كل ثوب له تفصيل لوحده ..

فيه مخايطه تبالغ بالاسعار ويعرفون يقصون على بعض الشباب مثل سيليني و طخته الثوب 400 او اكثر ..

عن نفسي ومن سنين مع خياط الزبارة .. خياط قديم و معروف على مستوى الدوحة و شغلهم ثابت ونظيف .. وماعمره غير باسعاره اسعاره ثابته وعلى حسب القماش .. غالبا سعره من 200 لين 250 وفيه نوعية اقمشه اقل من 200 بعد ..

عموما الثوب لو نزل سعره عن 200 ما اتوقع راح يكون بقماش جيد او تفصيله بيكون جيد في وجهة نظري .. والسعر من 200 لين 250 معقول جداً ..


تحياتي

[بو الجوري]

في وجهة نظري كل شي ممكن النقاش فيه الا هالموضوع ..
لسبب بسيط ..
لان الي بتدفعه راح تحصله ..

..

عموما الثوب لو نزل سعره عن 200 ما اتوقع راح يكون بقماش جيد او تفصيله بيكون جيد في وجهة نظري .. والسعر من 200 لين 250 معقول جداً ..


تحياتي



:rolleyes2:

بقولك شي :..

أنا مثل ماذكرت قبل رحت خياط فالمرخيه :..
و خذ علي 160 ريال عالثوب
تعال شوف خياطته شلون :.. الثوب وسيع و التفصيل مب لين هناك :..
مع إني رايح بثوب العيد و خليته ياخذ نفس القياس :..

و عقبها بكم يوم رحت سوق العلي فصلت ثوب بـ 100 ريال :.. و خذ القياس من نفس ثوب العيد اللي ذاك الخياط خذ القياس منه :..

و تعاال شوف الثوب :..
الخلق ممتااااااز و التفصيل مايحتاااااي :..

يعني مب مثل ماقلت
إن اللي تحت ال200 مب شي :.. :)

بالنسبه لي طلع العكس :..



أنا ما أنكر إن في خياييط يغلطون :..
لكن مب مثل ماقلت الثوب بسعره !!!
السعر ماله خص :.. :)

[عابرة سبيل]

السعر من 100 الى 120
ومن سنوات وانا اخيط على هالسعر وفي سوق العلي ارخص بواجد

[bu abdulla]

انا افصل ف الشال ب 230 و التخيط ممتاز

[الزجاجي]

انا ما اقدر اناقش على سعر الطاقة لان الانواع كثيره والسعر متفاوت
اما الخياطه وحده يمكن يفرق الشي الوحيد نوع الكرتون المستعمل .. بس بشكل عام اسعار الخياطه بين ٢٥ و ٥٠ ريال للثوب الواحد

[الزعفراني]

أولاً : اخواني .. التزاماً مني بقوانين هذا القسم الهام .. لا أريد أن أخوض في التشهير بأي محل دون التأكد التام من الاسعار قبل وبعد الزيادة ..

ثانياً : أريد أن أعرف اسعار خياطة الثوب القطري لدى محلات الخياطة بجميع مستوياتها .. بخاصة الاخوان الذين قاموا بخياطة الاثواب خلال شهر رمضان بمناسبة عيد الفطر ..

انتظر من الاخوان الاعزاء الاجابة تكرماً ..

تحياتي ،

السعر بالنسبة لحماية المستهلك هو حسب ما هو موضح في قائمة الأسعار اللي يعلقها الخياط في مكان واضح وبارز في محله .

ويمتد السعر للكبار حد علمي من 40 ريال إلى مالا نهاية :rolleyes2:

أعرف خياط في الدوحة سعر الثوب الشتوي مع الخياطه يوصل لحدود الـ 35 ألف ريال :)

[المعضادي]

انا اقول والله عنده يتكحل واللي ماعنده يستريح مع احترامي للجميع
علمني كيف تبي تلبس ثياب وزير وانت موظف ، يا اخي عيش على قدك وفكنا !!!!
كل ثوب وسعره فيه ، والله اذا تبون قماش شكيبو الغالي ولا تيوبو ارخي فلوسك
وإذا ماعندك ترى فيه ثياب ارخص فصل منها يا أخي !
للعلم بس انا ماعندي خياط علشان محد يقول انا ادافع عن تجارتي :victory:

والله ماعرفنالكم انا لو عندي خياط اقسم بالله العظيم لا أخلي السعر 300 ريال وانت طالع
ومستعد احلف لك ان نص ربعك يدفعون ويسون لي دعاية

بس اللي ابي اوضحلك اياه اني انا محدثك وبكل فخر عندي شركة واسعاري مقارنة بالغير
غالية جدا جدا وفوق ماتتصور ومن واقع تجربة رفعت السعر لعلمك بس

لأني انا كصاحب عمل او تجارة ومن غير تجريح في شخصك الكريم والاخوان ولا يهونون
اللي بيختار محلي او شركتي من باب انها ارخص بكل صراحه ما ابيه واذلفه برى بعد
ورفقتك اني حتى ما اخلي حد من الموظفين يكلمه ولا يعطيه وجه خير شر !!!!

انا فاتح شركتي حق الناس اللي تهايط وتدفع وتقول انا سويت في شركة فلان وهم ماكلين هوى

ولا اللبناني او السوري مب احسن مني انا انزل حق اهل قطر ويرخصون في سعري ، ويجيهم
واحد من هالجنسيات وينفخهم لين اتشقق ثيابهم وياخذ منهم وانا اطالع !!!
والله العظيم كلام فاضي

وانا عندي نصيحه لكل واحد بيتاجر واخذها من واحد مجرب اذا تبي تربح في قطر سوي التالي
لأني انا مسويه بالظبط :
1 -محل اثاثه راقي جدا فوق ماتتصور
2 - لبس موحد للموظفين ومقهوي يلبس قفازات بيض
3 - موظفلي اجانب في شركتي من رومانيا ومن الفلبين ومحاسب سوداني بس خاشه بعيد :shy:

4 - واهم شيء حاط سعر وانا صادق فيه ( سعر خيالي خيالي جداً ) اغلى من السوق بــ 80%

ومن يوم سويت هالسالفة قامت تدخلي فلوس من ورى الشركة من كل صوب واولهم الموظفين
اللي على قد حالهم ، بكل امانه هالكلام مب طنازة ، وللعلم انا اللي ينزل من السعر عندي
من موظفيني ممكن اكنسله في يوم وليلة !!!!!

وعلى مايشهدون اللي يقروون موضوعي ، سوها والله لا تشوف الفلوس من كل صوب

وتحياتي

اه صحيح انا مب شرير بس من واقع تجربة ،،،، اياك تنزل حق هل قطر ماراح يمدحونك
اصلخهم بارك الله فيك بالفلوس .

[بوسليمان]

هلا شباب
شخبارکم
ان شاالله کلکم فی صحة وعافية
عندي فكرة
اول شي تروح سوق واقف تشتري لفة قماش ب 250 ريال يكفي ل 6 ثياب
ثاني شي تروح سوق العلي تفصل الثوب واحد ب 40 ريال في 6 ثياب 240 ريال
المجموع 490 ريال
السعر الثوب يطلع 82 ريال
ها شرايكم في الفكرة

[رذاذ]

والله ارخص انا افصل ع 150 و 140 للامانة ولا جربت اشتري طاقة دوم احب امكس بنوع الخلق