المساعد الشخصي الرقمي

مشاهدة النسخة كاملة : تجديد البطاقة الصحيه من موقع حكومي،،، أين الاستلام؟


م. عبدالعزيز
20-09-2011, 08:20 AM
السلام عليكم ورحمه الله وبركاته

من شهر جددت بطاقتي الصحيه من موقع حكومي كنوع من تجربه خدمات الانترنت،، لكن ماوصلني شي على البريد، فحد عنده خبر وين ممكن استلم البطاقة الصحيه الجديده

مع العلم اني اتصلت وايد في مؤسسه حمد الطبيه ولا حد يرد على التلفون

وشكرا
عبدالعزيز
وجه السعد 2
20-09-2011, 08:26 AM
في البداية كانوا يبعثونها في البريد مقابل رسوم اضافية لكن الحين تستلمها من مستشفى الرميلة فقط
م. عبدالعزيز
20-09-2011, 08:35 AM
مرحبا الشيخ، يعطيك العافيه وماقصرت
عندك فكره وين بمستشفى الرميله بالضبط؟ لانه عندهم مباني وايد
فارس الميدان
20-09-2011, 08:58 AM
الي اعرف ان استلام البطاقة له حالتين إما أنك تدفع رسوم البريد ويتم توصيلها إلى حيثما كنت ، وأنا مجرب هالشي ،وإما ألا تدفع رسوم البريد وفي هذه الحالة بإمكانك تتصل على هالرقم (44393670) وإنشاء الله يفيدوك
دااانة قطر
20-09-2011, 09:01 AM
على حسب علمي اثنااء التجديد في خياارات التسليم وهذا بيدكم تختاارون وتستلمون
وجه السعد 2
20-09-2011, 09:39 AM
على حسب علمي اثنااء التجديد في خياارات التسليم وهذا بيدكم تختاارون وتستلمون

الخيارات موجودة و كانت مطبقة و لكن حاليا غير مطبقة و انا شخصيا جددت اكثر من مرة و دفعت رسوم الإستلام بالريد و رسوم اشعار رسالة بالجوال إن البطاقات جاهزة و لكن في كل مرة قالوا لي تروح تستلمها من مستشفى الرميلة و الصراحة ما راجعتهم لأن في نظام الكمبيوتر يظهر ان البطاقة مجددة و هذا يكفي .
الحريف
20-09-2011, 09:41 AM
على علمي انه من سنتين البطاقة ما عليها انتهاء صلاحية يعني تجددها على الموقع بدون تغيير البطاقة نفسها واعتقد انها فطرة صائبة وتوفير تكلفة بطايق جديدة
دااانة قطر
20-09-2011, 10:23 AM
على علمي انه من سنتين البطاقة ما عليها انتهاء صلاحية يعني تجددها على الموقع بدون تغيير البطاقة نفسها واعتقد انها فطرة صائبة وتوفير تكلفة بطايق جديدة


كلااامك صحيح
والتسليم للبطااقه الكترونيه الجديده فقط
م. عبدالعزيز
20-09-2011, 10:24 AM
مشكورين وماقصرتوا ، اتصلت على 44393670 ورحت وقالوا لي مافي راجع البريد
كلمت البريد قالوا لي مافيه ،،، مايسوى علي على هالتجديد الالكتروني حتى مكان البطاقة مايعرفون وين
أبورودي
20-09-2011, 10:44 AM
اخى اطلب حكومي على رقم 109
واشرح لهم المشكله
بيوضحولك كل شي

الشي الاخير هل بطاقتك الصحيه الحاليه ذات الشريحه الذكيه ام القديمه
اذا اكنت ذات الشريحه الذكيه فهى تجدد دون تغيرها يعني بطاقتك صارت مجدده ولا يتم تغييرها
اذا اكانت القديمه فراجع حكومى وما راح يقصروا معاك عن ثقه
م. عبدالعزيز
20-09-2011, 10:52 AM
اخى اطلب حكومي على رقم 109
واشرح لهم المشكله
بيوضحولك كل شي

الشي الاخير هل بطاقتك الصحيه الحاليه ذات الشريحه الذكيه ام القديمه
اذا اكنت ذات الشريحه الذكيه فهى تجدد دون تغيرها يعني بطاقتك صارت مجدده ولا يتم تغييرها
اذا اكانت القديمه فراجع حكومى وما راح يقصروا معاك عن ثقه
مرحبا الغالي
مشكور وماتقصر

الحين قاعد اكلمهم حكومي على الرقم 44069999
وقاعد انتظرهم على الخط حاليا

بالنسبه للسؤال الاخير اناا قبل كان عندي البطاقة الزرقه وسويت طلب من موقع حكومي على اساس اطلع البطاقة الجديده
المستقل
20-09-2011, 10:55 AM
أن أذكر العام الماضي تقريباً طلبت تجديد ودفعت الرسوم ودفعت تقريباً 10 ريال إذا ماخاب ضني زياده كرسوم للكيوبوست ووصلتني في اقل من اسبوع


تحياتي