الى متى ونحن ننتظر حلول للازدحام المروري ؟؟؟

[ابو حيان]

السلام عليكم ورحمه الله وبركاته


اخواني واخواتي


الى متى ونحن ننتظر حلول للازدحام المروري ؟؟


يا جماعة لا حول ولا قوة الا بالله:weeping:


الواحد يطلع قبل دوامه او مشواره بحوالي ساعة ساعة وربع


لا وما يوصل في الوقت المناسب:omg:


مره انذار من المدير ومره المحل الي رايح له انتهت ساعة دوامه وسكر

ومره واحد من عيالك مفلوع وتبي توديه للمستشفى و متلحق على المستشفى

الا ونص دم ولدك تصفى وراح:rolleyes2:


ولا حتى الواحد منا اذا ضاق خاطره وبغى يطلع شوي ويشم هوى

يتحسف على الطلعه وبذات الصبح:anger1:


ولا متى وحنا على هالدواوير ام الاشارة


ليش ما يكون فيه حلول مثل باقي الدول الشقيقة


عندك مشكلة بعض الاشارات ما يمديك تتحرك الا ولعت حمراء

ليش ما تصير الاشارات مثل اشارات السعودية


كل اشارة على حسب الازدحام والكثافة السكانية الي حول الاشارة

ولا كل اشارة لها عد تنازلي يبدا من 90 ثانية واكثر على حسب الازدحام

لان صراحة في اشارات في الدوحة تبط الجبد بسرعة تولع حمراء

مثل اشارات الفردان الي صوب سوق واقف واشارات الوعب الي قبل اشارة الوعب

واشارات مستشفى الاطفال بالسد وغيرها وغيرها ..:anger1:


ونبغي حلول للازدحام الشوارع الي اغلبيته من الاسيويين والاجانب:omen2:

يعني نسوي مثل الامارات نسوي برنامج سالك لبعض الطرق وتكون بدون رسوم

لاهل قطر علشان الاجنبي لما يدري ان فيه هالشارع رسوم والله ما راح يوطوط ولا يتجرا انه يمر الشارع



والله يعينكم ياهل قطر:rolleyes2:



انتظر ردوركم وحلولكم


اخوكم ابو حيان

[الرويـس]

بما أن مراكز العمل الحيوية في البلاد متمركزه في منطقة معينة مثل منطقة الابراج او الدوحة او ضواحيها
وفي ظل وجود مقدرة للفرد في امتلاك سيارة خاصة

فانتظر الزحمة ..

المسالة ما تتوقف على الطرقات وحسب
المسالة متوقفه على أكثر من سبب ..

انا اوافقك ان الطرق او الاشارات مش هي الي ممكن تساعد على تسيير الزحمة
بس بعد في اسباب ثانية تتوقف عليها حلول كثيرة ..

ممكن أسألك سؤال شخصي وتقدر تقيسها على اكثر من شخص ..
كم عندكم سيارة في البيت ؟ وكم شخص عنده ليسن ويطلع الدوام بروحه ؟ ووين يداوم ( في الدوحة او خارج الدوحة ) ؟

[غير البشر]

الله يكون بعونك اخوي وعونا جميعا

بالنسبه للزحمه اسمحلي اقولك مافي حلول وراح تظل الزحمه حتى لو فتحو خطوط جديده وجسور وانفاق

والسبب :
اسهل شي تقدر اتحصله عندنا في قطر رخصه القياده
يعني تجيب هندي او اي حد يبغي رخصه اسبوع او عشر ايام بالكثير والرخصه في يده :nice:

[ابو حيان]

مشكورين على المرور

اما بخصوص سؤالك اخوي الرويس

فا انا اعتقد ان الزحمة الي سببها مو بس كثرة المواتر الي في كل بيت قطري منا

لان في شياب وناس ما عندهم مشاوير وعندهم سيارات

بس الزحمه صارت والله واعلم بسبب العماله الي زادت في الفترة الاخيره عن حدها



وشكرا

[Rider]

خلاص الزحمه صارت في دمنا تعودنا عليها اخاف اذا بكره مالقينا زحمه تصيدنا حالة نفسية بعدين الزحمه نوع من انواع التأمل يعني اذا انت واقف في الزحمه طالع مخلوقات الله شوف كل واحد شنو يسوي وسع صدرك

[ابو حيان]

المشكلة احنا للحين مو متعودين على الزحمة وما نبي انتعود

واعتقد اغلب الدول كانت تشتكي من الزحمة بس لقت لها حلول مناسبة وخفت الزحمه

والدليل دبي كانت من الدول الي تشتكي من الزحمه والحين في احسن حاله بعد الحلول الجيده الي لقوها مسؤلينهم

اما بخصوص ان التأمل بمطالع خلق الله
انا اقول من راقب الناس مات هماً



اشكرك على المرور اخوي

[ابو حيان]

؟؟؟؟؟؟؟؟؟

[الحبتور]

المرور دراساتهم اشلون يزيدون غلة الفلوس عن طريق ابتكار طرق مخالفات جديده وشراء رادرات بحجة مراقبة الطرق ..

اللي يسمع يقول عندنا الطرق مالها اول ولا تالي ..
اخر دراسه عندهم فضت بمنع تاير ..

تمخض الجبل فولد فارا ..

[الجني]

الى متى ونحن ننتظر حلول للازدحام المروري ؟؟؟


الى أن يرث الله الأرض و من عليها


جميع المدارس في أبو هامور و المعمورة

جميع الأبراج في الدفنة
جميع الخدمات في الدوحة و لا يوجد سيء خارجها
الشارع الواحد يستغرق عقود من الزمن للإنشاء

[بوحارب]

قسم بالله هرمنا من الزحمه :(

[بيانو]

والله أخوى شو اقولك

الله يعين الجميع على الزحمه التى تديق الصدر وتوتر الاعصاب:anger1:

وموضوعك كان ماشى 100%:victory: لحد ما جيت لنقطة الأجانب ( لاحول الله ):rolleyes2:

معلش إستحملنى شويه - لان للاسف الشديد كل موضوع لازم نجيب اللوم على الأجانب

طيب الأجانب هنا بقطر ليه ؟:telephone:
سياحه مثلاً ؟:telephone:

لأ طبعاً - هم هنا يشتغلون صح وداخلين البلد بصوره قانونيه من الجهات المعنيه بذلك
يعنى مب داخلين غصب او داخلين يتمشون بالبلاد ويزعجون سكانها:)

تبى حلول واقعيه تكلم عن المشكله الواقعيه دون تحديد عنصرى لجنسيات تخرج من بيتها وجنسيات أخرى تترمى بالبيت ما يطلع لانه أجنبى

يعنى إداره المرور يوم ماتفكر فى حل للمرور والزحمه
هل سوف تفكر بالأجانب هم اللى زاحمين الشوارع ( أكيد لا )
وأكيد ولاننكر بأن الأجانب كثره
ولكن حل المشكله كما هى عليها

بمواطنين واجانب

وشكراً

[للصبر اخر]

حتى بعد الاشارات احس الزحمة زادت
لان في شباب الله يهدامهم لو الاشارة صارت حمرا ع الدوار بعد يطللع وماهمة السيد اللي الاشاره خضرا عنده
والله اكثر من مره بغيت اسوي حادث من هالموضوع
ولازم يخففون من الشاحنااات

[بوخالد911]

الله يعينا

هي مشكلة جماعية

:(

[عيون الدوحة]

السبب في ذالك أنتم
كل واحد حاط لكل طالب وطالبه سيارة خاصة
ليش ماتستخدمون باصات الحكومة؟؟

شفت فترة أجازة المدرسة كلش مافي زحمة والحركة المرورية ولا أروع

[بايع بايع]

هذي المشكله لازم نتعايش معاها

لانها موجوده في كل دول العالم ومب بس في حبيبتنا قطر

ولازم نتجنب التدقيق وكثرة التفكير فيها حتى ماتصير شغلنا الشاغل وننسى باقي التزاماتنا ومهامنا اليوميه

[ابو حيان]

مشكورين اخواني

على المرور والله يعينا على الزحمه

[ابو حيان]

والله أخوى شو اقولك

الله يعين الجميع على الزحمه التى تديق الصدر وتوتر الاعصاب:anger1:

وموضوعك كان ماشى 100%:victory: لحد ما جيت لنقطة الأجانب ( لاحول الله ):rolleyes2:

معلش إستحملنى شويه - لان للاسف الشديد كل موضوع لازم نجيب اللوم على الأجانب

طيب الأجانب هنا بقطر ليه ؟:telephone:
سياحه مثلاً ؟:telephone:

لأ طبعاً - هم هنا يشتغلون صح وداخلين البلد بصوره قانونيه من الجهات المعنيه بذلك
يعنى مب داخلين غصب او داخلين يتمشون بالبلاد ويزعجون سكانها:)

تبى حلول واقعيه تكلم عن المشكله الواقعيه دون تحديد عنصرى لجنسيات تخرج من بيتها وجنسيات أخرى تترمى بالبيت ما يطلع لانه أجنبى

يعنى إداره المرور يوم ماتفكر فى حل للمرور والزحمه
هل سوف تفكر بالأجانب هم اللى زاحمين الشوارع ( أكيد لا )
وأكيد ولاننكر بأن الأجانب كثره
ولكن حل المشكله كما هى عليها

بمواطنين واجانب

وشكراً




مشكور اخوي على المرور هذا اولاً

اما ثانياً

فأنا ما اتكلم بعنصرية لحد

انا اقول ان اغلب الزحمة من الاجانب وازدياد العمالة الوافدة في البلد :anger1:

وبصراحة ما يخفي على احد ان اغلب الاجانب ما يعرفون يسوقون

تشوفه من الصبح رابط حزام الامان وما يلتفت على احد

وما يمشي ولا يستوعب بسرعة تلقى الاشارة فتحت خضراء وهو توه يحطه فــ(D)

واول ما تشب وتطفي الخضراء تشوفه كاع بريك في وجهك :weeping:


لا وغير تهور بعضهم

والله من فتره كنت راجع للبيت انا واخوي في وقت شوي متأخر

ونمشي بشويش الا ما اشوف الي داش علي من شارع فرعي ولا مسرع بعد بغى يدعمني:eek5:

والله وقمت ولحقته ابي اشوف يمكن شارب تصدقون وانحاش:tease: وطبعا كلهم هنود شكليتهم سهرانين في سنيما الدوحة على فيلم ملباري ههه:nice:


عالعموم مو كل الاجانب لهم اهمية في بلادي
والله ان بعضهم وجوده وعدمه واحد عاله على البلد واهلها


وشكراً

[Rashid554]

اي والله مثل ماقال احد الاخوان في فترة الاجازة الصيفيه ليش مافيه زحمه
ليش بس وقت المدارس اعتقد هنا السبب الاساسي . كل طالب وطالبه له سياره خاصه تووديه وتجيبه واذا مو كل طالب وطالبه كل طلاب بيت لهم سياره ( نفس حالتنا يعني )


الحل الاجمل والاسرع يطلعون لنا تصريح با استخدام السيارات الطائرة

http://www.terrafugia.com/images/photogallery/logo/Terrafugia_Takeoff.jpg

http://www.terrafugia.com/images/photogallery/logo/Terrafugia_Formation.jpg

هذي سيارة المرور وراك تشوفك رابط حزام ولالا

http://www.terrafugia.com/images/photogallery/logo/TransitionRoad.jpg


واذا مافيه زحمه تقدر تنزل بسيارتك الارض وتكمل دربك


http://www.************/watch?v=rmmFf7ym8_g

youtube=****

[راسي براسك]

انا أحس مع الايام الجاية بتصير لي حالة نفسيه بسبب الزحمة كل صبح

:discuss:

[أبو سعود]

يرجع سبب الزحمة في قطر الى سؤء التخطيط كمثال شارع الدائري الثالث ابدء في عد عدد الاشارات المرورية من اشارة برج التويوتا وثم اشارة السينما والمنتزة والروابي ورمادا ومدخل شارع النصر وعند طوارى اطفال السد واشارة مستشفى حمد ثم اشارتان في شارع ابن عمران وايضا اشارة دوار المرخية يعني حوالي احد عشر اشارة مرورية
وهذا الشارع الدائري ليس طويل اصلا حتى تتعطل مصالح الناس وكان يمكن عمل جسور وانفاق
لكن الاشارات المرورية احتجت واعترضت اشد الاعتراض وقالت لابد ان استفيد من مخالفات الرادار فكل اشارة عليها مخالفة بقيمة ستة الاف ريال وقالت هل تريدون قطع رزقي

[مستر قطر]

الي أشوفه انهم شغالين بكل جهدهم لحل أزمة الزحام من أشغال مب مقصرين والمرور بعد الله يعطيهم العافيه والزحمه الي تشوفوهن هذا تكون في اوقات الذروه وهذا موجود في كل دول العالم