المساعد الشخصي الرقمي

مشاهدة النسخة كاملة : قصه صاحبي مع.......... ماندرين من............................. 4 سنوات



محاسب
20-09-2011, 12:31 PM
صاحبي طالع من محلات الفاكهه ومن مجموعة مشتريات صندوق برتقال لبناني
وفي طريقه للبيت
وقف عند مندرين وطلب عصير برتقال
:
:
:
مندرين :جاب العصير,,, الحساب 17 ريال
صاحبنا : 17 :eek5:.. ليه .. فيه خلطه خاصه بمندرين .. او البرتقال من نوع خاص
مندرين : لالآلآلآلآلآ ,,,,,,,,,,, كل شي طبيعي .
صاحبنا : طيب ليه 17 ريال انا معاي صندوق فيه اكثر من 5 كيلو ب 17 ريال
وانت تبيع حبتين برتقال ب 17:)
مندرين:: هذي اسعارنا تحب تاخذ العصير
صاحبنا :: لا شكراااااااا .
ومن يومها ما شرا منه عصير واحد.

بن رومي
20-09-2011, 05:02 PM
اوووووووووووووووه

ذكرتني

في نفس الفترة اللي تتكلم عنها ( 4 سنوات واكثر )

كانت اسعار العصاير اللي عندهم فوق المتوسط

وكنا طايحيين فية 4 او 5 شباب نطلب تيك اوية

وخبرك كل واحد يحلف على الحساب كم كم كم كم والله عندي لا والله الخ

الواحد فينا يدفع من غير حساب

كل اسبوع من 3 الى 4 مرات

بعد فترة تغير لحساب زاد شسالفه مع ان ( خلطاتة ) غير صحية

قالو اليجارات و غيرة و و

انا قلت مب شارب عندة مرة ثانية

واشوي اشوي لين الشباب محد قام يروحلة

وبعدها خفت الزحمة عندة , واكبر سبب في نفور الزباين اسعارة الغير طبيعية

وكل ما امر حولة يأشر علي العامل

أقوله كان زمان الحين اسعاركم فوق (( واقوله وصلها للمدير ))


وشكرا على الموضوع


بن رومي

بوحارب
20-09-2011, 09:21 PM
انا مقاطع مندرين من زمان

لأنه بسعر العصير ماله اجيب عشا لي وللأهل :)

الخيالة
20-09-2011, 09:26 PM
والله نقدر نسوي في البيت أحلي عصير وارخص بعد يعني شنو يسوي مندرين عادي

زهرة بنفسجية
21-09-2011, 07:30 AM
هالمطعم ماخد اكبر من حجمه على الفاضي
مرة جربته و ما عجبني ابدا
و بعدها قاااااطعته

كاسة عصير ب ١٧ ريال !!!!!!
ليش البرتقال من القمر جايبينه!

زين ما اخدت العصير اخوي و الا في ناس تدفع للاسف و تمشي
عادي

البدع
21-09-2011, 07:49 AM
اوووووووووووووووه

ذكرتني

في نفس الفترة اللي تتكلم عنها ( 4 سنوات واكثر )

كانت اسعار العصاير اللي عندهم فوق المتوسط

وكنا طايحيين فية 4 او 5 شباب نطلب تيك اوية

وخبرك كل واحد يحلف على الحساب كم كم كم كم والله عندي لا والله الخ

الواحد فينا يدفع من غير حساب

كل اسبوع من 3 الى 4 مرات

بعد فترة تغير لحساب زاد شسالفه مع ان ( خلطاتة ) غير صحية

قالو اليجارات و غيرة و و

انا قلت مب شارب عندة مرة ثانية

واشوي اشوي لين الشباب محد قام يروحلة

وبعدها خفت الزحمة عندة , واكبر سبب في نفور الزباين اسعارة الغير طبيعية

وكل ما امر حولة يأشر علي العامل

أقوله كان زمان الحين اسعاركم فوق (( واقوله وصلها للمدير ))


وشكرا على الموضوع


بن رومي

اغلب الشباب اتركوه بسبب الغلاء

قبل كان عنده زحمه

الحين محد يقرب صوبه

حمد بن سعد
21-09-2011, 08:23 AM
انا مقاطع مندرين من زمان

لأنه بسعر العصير ماله اجيب عشا لي وللأهل :)



وقوطي حليب وحفاظات بعد هههههههههههههه :nice::nice:

للصبر اخر
21-09-2011, 09:00 AM
والله الكل صار مقاطع
بسب الغلا
الله يكون بالعووون

بايع بايع
21-09-2011, 01:14 PM
بالنسبة لي من زمااااااااان مقاطعه

لان مصخها يحسب ان محد يعرف يسوي عصير الا هو

العنان
21-09-2011, 01:20 PM
بعدين اغلب عصاير مندرين خصوصا الكوكتيل ترى مافيه فاكهه 80% ايس كريم و 20% فاكهه وقاص ع العالم الا شادي وعيسى واماني

عيون الدوحة
21-09-2011, 01:21 PM
بالنسبة لي عصير المراعي وعصير المعصرة أحلى ب 100 مره من عصيرة

BonBons
22-09-2011, 08:57 AM
فديت عصاير ابوي
من تقاعد وهو كل يوم العصر يسوي للبيت كله
صج ساعات تطلع خلطات مالها داعي مثل عصير الجزر اللي يقط معاه كم حبه عنب وكمثرا ولما نساله ليش يقول عشان يصير حااالي خخخخخ
طبعا غير الكوكتيلات اللي ما نتجرأ نسال شنو مكوناتها بس اللي نعرفه ان اللي يجي بيده من الثلاجه ينقط بالخلاط
واحنا لازم نشرب ونقول االله عجيب

الله يخليه لنا

TEAMspirit
23-09-2011, 09:03 AM
اخبر مرخه طلبت عصير موز بعد تمرين جري بلفيت نظام صحي قلت له ابي عصير موز ولين جربته طلع طعمه غريب وجابه لي في ظرف دقيقه استغربت سالته عن مكوناته قالي فيه ايس كريم دفعت الفلوس طبعه سعره سعر وجبه غدا وحرمت اطلب منه العصير عشان ما يخيس يحط فيه ايسكريم ولا فرش ولا هم يحزنون كلام فاضي شريت عصاره من المعرض الي فيه منتجات صينيه قبل كمن شهر والله ولا احلى وتوبه اطلب منه مره ثانيه .

هام السحاب
23-09-2011, 09:41 AM
ووقت الشاي نفس الشي غالي ع الفاضي اسعاره غير المعاصر مع انه معصره

سهم عتيج
23-09-2011, 10:52 AM
أسعار المعاصر ما ارتفعت الا بعد ماشافوا الشباب طايحين في عصاير مندرين اللي هي نفسها عصاير المعاصر..

ولاحظوا أن أسعار المعاصر على مدة سنين عديدة ماتغيرت,, تقريبا من الثمانينات وهي على نفس الأسعار الا بعد مافتح مندرين ومن هم على شاكلته معاصرهم الراقية..

وأحب أذكركم في موضوع يمكن مر على الكثيرين بدون ما يتفكرون فيه,, وهو أن معصرة سامكوا مرة وحدة قبل سنة تقريبا ارفعت سعر الساندويتش من 3 ريالات لين عشر ريالات,, وتم مقاطعة المعصرة ومن ثم خفضت سعر الساندويتش من جديد..

اللي أبغي أوصل له أن المقاطعة على سامكوا جاءت سريعة بسبب التباين الكبير في أسعارها في فترة وجيزة.

ولكن أصحاب المطاعم الأخرى كانوا يرفعون الأسعار تدريجيا حتى يتقبلها الناس مثل مطعم البتراء اللي رفع فيه سعر الشاورما من 3 ريالات لين 7 على فترات..

نتمنى الحزم في موضوع رفع الأسعار من قبل المستهلك نفسه..

وصدقوني ان البائع مجرد يسمع اعتراض من شخص او مجموعة أشخاص على رفع السعر فانه بيخاف أو على الأقل بيفكر بجد قبل لايرفع أسعاره في المرة الجاية..

ويعطيكم العافية..

Mohammed2
23-09-2011, 09:22 PM
انا من زمااااان مقاطع مندرين
عصايرهم مب لين هناك .. ماتعجبني كلش وثقيله
ومب صحيه وغااااليه نار

والله المعاصر والكفتريات يسون العصاير احلى من مندرين بوايد وارخص

alnoida
24-09-2011, 08:30 AM
أنا ماعرف هذه المعاصر
الله يخلي كومار وبابو

دروب
24-09-2011, 09:16 AM
أول ما فتح المندرين كانت عصايره حلوة .. وأسعاره شبه معقولة .. بس ألحين يحتاج إلى مقاطعة ..

بـــاروود
25-09-2011, 06:33 AM
والله شباب هل معاصر المفروض تقاطعونهاا اسعار وايد مبالغ فيهاا

بن رومي
25-09-2011, 07:52 AM
أول ما فتح المندرين كانت عصايره حلوة .. وأسعاره شبه معقولة .. بس ألحين يحتاج إلى مقاطعة ..

قصدق من 3 سنين


بن رومي