تمديد كهرباء

[king999]

السلام عليكم

اخواني انا وصلت مرحلة تمديد الكهرباء والصرف الصحي للفيلا ابي نصايحكم واذا في حد يعرف كهربائي شغلة نظيف وصادق ياليت يفيدني ويعطيني رقمة خصوصا اخواني اللي توهم مخلصين هالمرحلة


وجزاكم اللة خير

[king999]

سبحان اللة وبحمدة

[صمت 1]

اخوي الله يوفقك نصحيتي لك انك تتفق معاه على شغل يد فقط والمواد انت تشتريها

[كبير المتداولين]

اخوي الله يوفقك نصحيتي لك انك تتفق معاه على شغل يد فقط والمواد انت تشتريها

وانا معاك وتاكد ان الكهربائي معاه رخصه

[ali]

انصحك بشركة الشيخ عبدالعزيز للتجاره والمقاولات
اسمها اتاك

[fahadq]

نصحك تتاكد من العقد وتتناقش معاهم كل شى وتتاكد من العقد مب كل ما اتقول لهم شى ايقولون للك مش

موجودة فى العقد

الله يوفقك

[باتريوتP]

انصحك انك تتفق معاهم على نفس المخطط
واذا في زياده من عندك بالاعمال ضيفها بالعقد
واهم شي توزيع الدفعات تكون صحيحه ومناسبه ومربته مع مراحل الشغل
ولا تفكر انك تشتري المواد , اترك كل شي على المقاول المواد والايدي العامله
لانك لو شريت المواد بتوهق ويمكن يطلبون منك مواد فوق الازم ويبطلونها وعقب يقولون لك مانحتاجها
انت خل الكهربائي اهو الي يشتري ويمديد ويسلم كهرماء
وخل اخر دفعه ما بين (7 الي 10 ) الاف ريال عند الانتهاء من جميع الاعمال والتسليم الي كهرماء .
بعطيك نموذج توزيع دفعات على النحو التالي :-
1- دفعه عند توقيع العقد مبلغ وقدره (........) .
2- دفعه عند الانتهاء من تمديد وايرات الفيلا كامله , مبلغ وقدره (.......) .
3- دفعه عند الانتهاء من تمديد الوايرات بالكامل للملاحق والمجلس , مبلغ وقدره ( .......) .
4- دفعه عند تركيب الكيابل للفيلا والملاحق بالكامل , مبلغ وقدره (.........) .
5-دفعه تركيب البننانات والديبيهات والسوكيتات والاقفال بالكامل للفيلا والملاحق , مبلغ وقدره (........).
6- دفعه عند الانتهاء من جميع الاعمال والتسليم الي كهرماء وتوصيل الكهرباء الي العقار , مبلغ وقدره (.......) .