تواير البالون مقطع فيديو يكشف سبب تمسك الشباب بهذه التواير ورفض المرور لهذه التواير

[GAS]

تواير البالون مقطع فيديو يكشف سبب تمسك الشباب بهذه الاطارات ورفض المرور لهذه النوعية من الاطارات

لا يخفى عنكم الدور الكبير لرجال المرور في حماية الارواح وخاصة الشباب

هذا المقطع على اليوتيوب يوضح سبب تمسك الشباب لهذه الاطارات

وفي الوقت نفسه تابع المقطع الى النهاية

واعرف سبب حرص المرور على سحب هذه الاطارات من الاسواق ومنعها من البيع الا بشروط خاصة



http://www.safeshare.tv/w/PEgdyNzZpy

تحياتي لكم

GAS

[halcrow]

ماشوف الا دعايه لاستعراض

التقرير المروري يذكر ان السبب الرئيسي هو عدم ثبات او صعوبه التحكم في السياره وقت انفجار التاير

[R 7 A L]

لاتنسى بعد

حق الشيل

ماترتفع السيارة الا الى توايرها بلون

[مستر قطر]

اخوي مستعد انزل لك 100 مقطع استعراض بتواير غير البالون الحين الي مب مركب بالون مايقدر يستعرض :rolleyes2: عندك حلبة الاستعراض 90٪ من الي يستعرضون توايرهم شواهين
موضوعك ماله خص فالمنع ولا يدعم قانون المنع وصدقني ان اغلبية الشباب يركبون البالون لانه يحلي شكل الفورويل والمقطع يمثل فئه قليله

[هنت المهونه]

عذر اقبح من ذنب ..

يعني كل السالفه عشان الشباب ..
كلنا انعرف ان اللي يستعرضون شريحه قليله من الشباب
شدخل الشيبان شدخل الشريحه الثانيه من الشباب اللي مايستعرضون
يعني عشان فشلت دورياتك وقوانينك في الحد من هالشباب المستهترين
تجيب لنا قانون جاير ..؟
كرهتوا العالم فيكم يا ادارة المرور ..وكرهتوهم في قوانينكم
اتحدون الناس على انهم مايتعاونون مع القوانين بسبب جورها وعدم انصافهاا ..

ياصاحب الموضوع
هذا مهوب سبب كافي للتشريع القانون ..
حوداث واجد سببها موب البيلون والقانون ماراح يحد من هالظاهره
يقدرون يستعرضون بأنواع ثانيه ..
صرت اشك ان واحد من الكباريه ماخذ وكاله على نوع ثاني من التواير ومسوين
هالقانون عشان تمشون سوقه ..

[GAS]

السلام عليكم يا اخوان

للعلم انا مواطن عادي ومن الدخل المحدود وبيتي بيت شعبي عادي جدا

يعني لاعندي وكالة ولا منصب

والله يسمع منك واكون من اصحاب الوكالات والله ما اقول غير الحمدلله على النعمة

التقرير هذا اجتهاد شخصي لاغير

اعرف جيدا حقد الشباب وغضبهم من ادارة المرور

واعرف اسباب هذا الرفض للموضوع منذ البداية

يا اخوان مثل ما انتوا شايفين من هذا الاستعراض

اطار البالون اشكثر يطلع من الدخان الكثيف ويسمح للسيارة بالتزحلق بكل يسر وسهولة

وهذه من الاشياء التي تغري الشباب وتسهل لمثل هذه الحركات المستهترة بارواحهم

اضف الى ذلك ردائة هذه الاطارات من ناحية الصنع والمواصفات الفنية بين الاطار والسيارة والطقس الحار عندنا وحالة الشوارع .

والصراحة انا لااحب المرور ولا التاير البالون لنه الاثنين ما وراهم غير المشاكل وعوار الراس .
.

[هنت المهونه]

سؤالك ياصاحب الدخل المحدود ..

1- هل تاير البيلون الوحيد اللي يطلع دخان عن استخدامه فالاستعراض ؟

2- هل عقب تشريع هذا القانون الشباب يخلون الاستعراض او السرعه ؟

3- هل كل الشباب اهم اصحاب لظاهر الاستعراض ..؟

4- شدخل شيبانا اللي يروحون للبر ومثل ماهو معروف ان غير البيلون ماينفع فالبر ؟


يعني مقعوله كل القوانين مانفعت لردع الشباب وهذا اللي بيردهم ..؟

اولى لادارة المرور اتشوف تجاوزات الشاحنات الكبيره واتحد من الزحمه الي كل
يوم خانقتنااا ..بدل مايحطون قوته في اصدار القوانين واتضيق على خلق الله ..

اتقوا الله

[آلملآزم]

التواير الممنوعه أنواع معينه لشركات صناعتها أي كلام وليست البالون ككل تواير رديئة الصنع والجوده ومسببه للحوادث أما من ناحية الأنفجار بسبب عيوبها المصنعيه وكثرة أخطاء التصنيع فيها أو عدم ثباتها على الأسفلت مع ضغط الفرامل بشكل مفاجىء وقوي والبدء بالانزلاق عكس تواير المصنع الأصليه التي تساعد بعد الله في التحكم بأتزان السياره والسيطره عليها وبعض الشركات الأخرى الماشبهه لها ذات الجوده العاليه

تحيتي لكم

[GAS]

سؤالك ياصاحب الدخل المحدود ..

1- هل تاير البيلون الوحيد اللي يطلع دخان عن استخدامه فالاستعراض ؟

اكيد لا بس البالون متخصص في الدخان الكمبودي الجامبو والاسكي ( التزحلق )

2- هل عقب تشريع هذا القانون الشباب يخلون الاستعراض او السرعه ؟

اكيد بيكون هناك حد من هذا الاستهتار وبذات ان الكثير من الشباب فكوا البوالين ورجعت سياراتهم (شركة)

3- هل كل الشباب اهم اصحاب لظاهر الاستعراض ..؟

لا طبعا بس الخير يخص

4- شدخل شيبانا اللي يروحون للبر ومثل ماهو معروف ان غير البيلون ماينفع فالبر ؟

الشيبتان كلمة المقصد منها ايجاد عذر فقط

يعني مقعوله كل القوانين مانفعت لردع الشباب وهذا اللي بيردهم ..؟

الاعيب الشباب كثيره ومنع البالون احد وسائل منع الشباب من الاستهتار بأرواحهم

اولى لادارة المرور اتشوف تجاوزات الشاحنات الكبيره واتحد من الزحمه الي كل
يوم خانقتنااا ..بدل مايحطون قوته في اصدار القوانين واتضيق على خلق الله ..

لا تضيق ولا شيء هذه اسمها السلامة المرورية ومن واجبات اجهزة الدولة المختصة حماية ارواح مواطينها بكل الطرق وكل جهة على حسب اختصاصها .

اتقوا الله


ارجوا ان نكون صادقين مع انفسنا جزاكم الله خير يا اخوان

[عازف الاورج]

انا اطلب من الدوله تعطينا بدل تواير علشان نركب تواير اصليه :secret: :nice:

[رجل الجزيرة]

انا اطلب من الدوله تعطينا بدل تواير علشان نركب تواير اصليه :secret: :nice:

ما فيه غير تواير الشركة (الوكالة) أضمن للسيارات لأنها هي مسوية التجارب على سياراتها.

[هنت المهونه]

ارجوا ان نكون صادقين مع انفسنا جزاكم الله خير يا اخوان

ياخوي اجاباتك مهي بمقنعه ..
وانا ارجو منك ومن ادارة المرور انها تحترم عقلياتنااا شوي ..
يبون يشرعون قانون ياليت يقنعوناا بشكل علمي ويفهومناا ..

انا وشباب غيري ما نشوف سالفة البيلون الا ايجاد سبب
للمخالفات عشان يزودون الكيله للمخالفات الباقيه ..

[رجل مثالي]

ماشوف الا دعايه لاستعراض

التقرير المروري يذكر ان السبب الرئيسي هو عدم ثبات او صعوبه التحكم في السياره وقت انفجار التاير


تعليق - أوكي صح ان التحكم صعب ولكن نبي تشديد بعد من ادارة المرور على سائقين الشاحنات والباصات من السرعة والتهور

[online]

السلام عليكم

اخوي صاحب الموضوع تحياتي لك

اول شي حبيت أشارك واختصر بالكلام

أولًا : المنع للإطارات مانعلن عنه شي ..... كانت دراسه فقط . وتحول الموضوع للبيئة على حسب علمي .

ثانيآ : قبل لاتتكلم عن شي ماعندك خبره فيه لاتفتح لك باب


اخوي الكريم من اسباب الحوادث هو البالون :)

حبيت اقول لك ان البالون جزء من قصة حادث لو بنتكلم عن الحوادث وطبعآ مهب كل الشركات المصنعه البالون .
نرجع للحوادث ونقول تعتمد انت على نظام abs في التويوتا .
وين الدراسة يالمرور .
لاتنسى ان بعض المصانع تطلب السيارات اللي فيها عيوب بالتصنيع ... عمرك سمعت حد بقطر قالوله تعال وجيب سيارتك بنستبدلها لك .
القانون يبيله دراسه من ناحية المستهلك وحقوقة مهب كل شي ضده .

اكثر السيارات فيها عيوب و مافيها تعليمات بالعربي لتوعية المستهلك مع ان السوق العربي قووووي بس القانون ضد المستهلك .

ليش ومانتكلم عن قانون بعض الولايات الامريكية من ناحية التلوث والمواصفات المطلوبه وتلزم المصانع بالقانون بدل المستهلك .

[أزهلها]

منع البالون بيرفع سعر الميجر والتواير بشكل عاام ..

[حسن]

ومن قال ان تواير البالون كلها ممنوعه اما فيها ناس تالف على كيفها كذا نوع من البوالين الكشره منوعها والمنع جاي من اداره المواصفات والمقاييس والمرور ينفذ التوصيه فقط خفو من التاليف الزايد وبعدين يعني بنموت اذا ماركبنه التواير البالون الخايسه اصلا لاصلابه في الشارع ولامن زين البريك
ولا جاء الصيف قالو اسمحولنه بالمخفي والمخفي اصلا مسموح ولا صدر قرار بمنعه من وين تالفون مادري انتو في قطر غير قطر عاصمته الدوحه

[R 7 A L]

نصيحتي للشباب
ولمحبين البالون
( يد ماتقواها صافحها )

هذا القانون ويجب علينا ان ننفذه بحذافيره

[الزعفراني]

الدراسة تؤكد أن البالون يتم تصنيعه للاستخدام في الطرق الرملية ولا يصلح للاستخدام في الطرق الإسفلتيه هذا بإختصار شديد .

[منابر خالده]

عندما يتكلم الـgeege

[بوعلي2]

انتوا تقولون مب كل بالون ممنوع

طيب وشهو الي مب ممنوع من البوالين ؟


لان ماشوف بوالين بالسوق معناها ان وقفوا كل الانواع

[boamir]

على حد علمي
حاليا متوفر بالأسواق بالون دنلوب + سومتومو

وثانيا اخبر الشباب يستعرضون بالشواهين وفي منهم بالميجر
هاي مب عذر والدليل شوف اليهال إلأي يستعرضون بالهلكسات والعراويات ولا واحد منهم مركب بالون كله تواير شركه

ان شاء الله مايمنعونها كليا