العبايات ولوازمها في قطر نار

[بدوور]

كل ما يتعلق باسعار العبايات ولوازمها في قطر نار لو تمت المقارنه مع اي دولة خليجية
والاسعار تضاعفت قبل الزيادة فمثلا النقاب الى كان ب45 وصل الى 75 ثم 100 في المتحجبة والبارحة كنت في المتحجبة وواكتشفت انه يباع ب 175

[poor]

اختي بدور .. اسمحي لي ان اقول ان المرأه القطريه هي آخر من يفكر في محاربه ومقاطعه التاجر الطمّاع ..
بالعربي الفصيح ماتقول بكم ..

وكل مازاد سعر السلعه كل مافاشرت وقالت ماخذته بالسعر الفلاني بكل فخر وأعتزاز ..
للأسف الشديد المرأه القطريه هي اكبر مصيده للتاجر سواء في قطر او في الخليج ..
اصبحت المرأه القطريه في السوق بالنسبه للتاجر بنك متنقل لايعرف بكم السلعه .. واستقلالها سهل جدا َ

[للصبر اخر]

انا عن نفسي ما افصل بقطر
اما بالسعودية او الامارات
هني العباية ب 800 وبعد مكاسر
واقل شي ب 400 وتكوون عاديييية مافيها شي
بدبي افصل وحده في شغل والوان ب 400 او 350
ارخص بواايد
وانا مع اخوي هني البنت استغلالها سهل
ومايهمها المبلغ اللي تدفعه

[[DieT]]

محلات العبايات صارت اسعارهم نار وطبعا نبي كوالتي عالي واذا فكرنا نغير نتجه الي التاجرات والمصممات حدث ولا حرج اقل من 5000 مافي وتطلعين بعبايتين وبدون شيله بعد
وفي المعارض اللي تصير شفنا اعلانات كثيره في المنتديات تنص علي
{ انا تاجره من البلد الفلاني راح افتح معرض وبتكون اسعاري من 400 الي 700 تكفون يابنات تفضلو بزيارتي }
اخرتها تروحين المعرض تقصد ان اقل من 1400 ماتلقين والعبايه الساده ب 700.
مع العلم ان العبايات في البحرين والسعوديه ودبي رخيصه و 1000 ريال تجيب لج اربع عبايات والكوالتي حلو حق استخدام يومي اهني في قطر العبايه العاديه او حق مناسبه نفس السعر .

الله يكون في العون .

[سهيل قطر]

قااطعوهم والله ينزلون على رووؤسهم ويااكثر المحلااات في الدوحه للعباه النسائيه .حتى ولو قضى الامر انه اطلبه من براا او افصل متى ساافرت براا

والله كريم

[الخيالة]

اصلا المتحجبه من زمان غالي وحتي المحلات اللي في السيتي والله نفس الموديلات يفصلونه في باقي المحلات أرخص بوايد بس بعض البنات عشان يفوشرون ان مفصله في مكان الفلاني ومن هالكلام يعني الغلط من البنات

[للصبر اخر]

يعني انا شريت ب 1000 تقريبا 5 عبي ومنهم وحده حق طلعات العزايم والاعراس والمناسبات
الله يعين والله

[قطريه ماركه]

المتحجبة أسعاره غالية .. في خيارات واااايد غيره !!

شارع العزيزية من أوله لى آخره محلات عبايات .. و الأسعار في حدود ال 350 و ال 400 ريال ..

يعني نفس أسعار الدول المجاورة .. و القماش كريب سعودي أو أي خامة انتي تطلبينها ..

و الموديل اللي في بالج .. و الإضافة اللي انتي حابتها !!

و شارع المنتزة كذلك مليااااااان عبايات ....

بس اللي ذابح العالم التوقيع اللي في طرف العباه !!!!!!!!!!

[الخـود]

مب لازم تروحين المتحجبة
انا اكتشفت ان المتحجبة مافيه زود عن باقي المحلات غير التوقيع على قولة ( قطرية ماركة )..

روحي العزيزية ولا المنتزه ولا سوق فالح .. عبي مرتبة و نظيفة وساترة << لا ما يصير مب كشخة ...

انا اخر مرة من كم شهر فصلت من سوق الديرة عباية فيها شغل و القماش لكزس وما كلفتني العباية مع الشيلة اكثر من 400 ريال ..
بس ما فيها لوقووووووو @@

[بـــاروود]

اختي بدور .. اسمحي لي ان اقول ان المرأه القطريه هي آخر من يفكر في محاربه ومقاطعه التاجر الطمّاع ..
بالعربي الفصيح ماتقول بكم ..

وكل مازاد سعر السلعه كل مافاشرت وقالت ماخذته بالسعر الفلاني بكل فخر وأعتزاز ..
للأسف الشديد المرأه القطريه هي اكبر مصيده للتاجر سواء في قطر او في الخليج ..
اصبحت المرأه القطريه في السوق بالنسبه للتاجر بنك متنقل لايعرف بكم السلعه .. واستقلالها سهل جدا َ

انشهد

[بو راشد 1]

فيه بعض النساء تبيع العبي في بيتها ارخص (اعتقد تجيبها من الدول المجاورة) اسألوا ربعكم وين و اشتروا منهم، بدل ما تسافرون، اوفر لكم.

[فيزيائية]

نار بسبب الحريم اللي ماتشتري الا الغالي
العباة ب 1500 كانها شاريتها ب150 !!
ذبحتنا سالفه ابغي شي مميز مب الكل لابسه
وطبعا توابعها بتزيد....

[ضوى]

مادريت عباية افصلها باكثر من ٦٠٠ ريال


الله يخلي لنا شارع المنتزه وشارع العزيزية ان كثرت العبايه مع كثر الشغل فيها ٦٠٠ ريال

[بنت شيوخ]

كل ما يتعلق باسعار العبايات ولوازمها في قطر نار لو تمت المقارنه مع اي دولة خليجية
والاسعار تضاعفت قبل الزيادة فمثلا النقاب الى كان ب45 وصل الى 75 ثم 100 في المتحجبة والبارحة كنت في المتحجبة وواكتشفت انه يباع ب 175











النقاب لا كان خلوه 200 وش باقي

بالفعل العبايات نااااااااااااااااااااار


يعني اربع ب 5000 ريال في بعض المحلات

[بو خليفه 123]

تدخل القوه الغربيه في سوق فالح والمنتزه في محلات العبي لرفع سعر النقاب عشان تستغنون عنه ..


بكره العبايه أم كراكيش ستاره بيوصل سعرها 15 ألف .. و تستغنون عن العبايه و يرتفع سعر الجينز في زارا


محد فطن السالفه ..



هيهات يا عباة الراس وين ايامك

[missperfect]

تدخل القوه الغربيه في سوق فالح والمنتزه في محلات العبي لرفع سعر النقاب عشان تستغنون عنه ..


بكره العبايه أم كراكيش ستاره بيوصل سعرها 15 ألف .. و تستغنون عن العبايه و يرتفع سعر الجينز في زارا


محد فطن السالفه ..



هيهات يا عباة الراس وين ايامك


بااااااااااال شخباري بوخليفه123
شنو كراكيش ستارة :rolleyes2:

[فيزيائية]

بااااااااااال شخباري بوخليفه123
شنو كراكيش ستارة :rolleyes2:

وهاليومين بنات الجامعة هابين في عبايات ام حزام
روب حمام مثلا :rolleyes2:

[الايرباص320]

المنتزه والعزيزيه

وعن الزبو الزايد

خيايط العبي شكثر

انا اودي هلي خياط ربشه ف المنتزه

اشوف ماشاء الله اقبال عليه

وسعره زين

[ضوى]

وهاليومين بنات الجامعة هابين في عبايات ام حزام
روب حمام مثلا :rolleyes2:

حرام عليج فيزيائية والله حلوة العباية ام حزام شكلها كيوت عالبنوتات شفتها في العيد على بنات قرايبنا ووايد عاجبتني ابي اسوي مثلها لبنتي :)

[catqat]

المحلات يدرون ان القطرية تدفع..... وعادي تتحلطم يومين وترجع تدفع..

[قطريه ماركه]

وهاليومين بنات الجامعة هابين في عبايات ام حزام
روب حمام مثلا :rolleyes2:

هههههههاااااااااااي :victory:

الأصل في العباه الستر !!

وين الستر في عباية هي في الأساس موديل جلابية مغربية :omg:

[catqat]

مادريت عباية افصلها باكثر من ٦٠٠ ريال


الله يخلي لنا شارع المنتزه وشارع العزيزية ان كثرت العبايه مع كثر الشغل فيها ٦٠٠ ريال

الحق ينقال.. صحيح رخيصة اللي صوب شارع المنتزة لكن بعد كم استعمال بتلاحظين انها هلكت بسرعة، لكن لو اشتري العباة من محل أغلي اتم معاي شهوووور طويلة .... (( مجرب)) صرت احط فلوسي بعباة سادة 600 ريال، لكن بجد اتم معاي ومحافظة ع الرونق

[qatar.syria]

والله اشوف نرجع سوق الجمعة والخميس

[بوعلي2]

اختي بدور .. اسمحي لي ان اقول ان المرأه القطريه هي آخر من يفكر في محاربه ومقاطعه التاجر الطمّاع ..
بالعربي الفصيح ماتقول بكم ..

وكل مازاد سعر السلعه كل مافاشرت وقالت ماخذته بالسعر الفلاني بكل فخر وأعتزاز ..
للأسف الشديد المرأه القطريه هي اكبر مصيده للتاجر سواء في قطر او في الخليج ..
اصبحت المرأه القطريه في السوق بالنسبه للتاجر بنك متنقل لايعرف بكم السلعه .. واستقلالها سهل جدا َ

:nice:

[الخـود]

سوري بطلع برى الموضوع شوي
اممممممم
العباية ام حزام هذي نص بنات الجامعة عندنا لابسينها
خلاص الموضة اهم من الستر .. شنو لابسة عباية ومخصرة ووووو .........

لا تعليق ..
يا رب استر علينا
^

[وتبقى الدنيا حلوه]

صدقتي ياقطريه ماركه اللي ذابحهم التوقيع اللي بطرف العباية

سوق فالح مليان عبايات اشكال و الوان واذا ماعجبتج موديلاتهم طبعي صورة العباية الي تبينها و وديها لهم

و اسعارهم حلوه

واذا ماعجبج سعره روحي غيره في اكثر من 30 محل

[كبير المتداولين]

http://www.mayyar.com/album/data/media/14/image010.jpg

[قطوه مربربه]

بنات ترى المحلات الي فالستي والمتحجبه والمعارض وهالسوالف لا تعطونهم ويه لان في عبايات بنفس المستوى في سوق فالح والعسيري وتقدرين تكاسرين بالسعر الي تبينه الفرق ان المحلات الثانيه ايجارات محلهم مرتفعه فيطلعون الايجار من الزبونات والنقابات شحلاتها بسوق العلي واما عن الكراكيش والاحزمه والسيور الصراحه تخلي العبايهcheap ومب حلوه الاناقه والجمال في البساطه والرقي مب في الدفاشه والاشياء الغريبه الي تنحط على العبايه لتلفت النظر فلي بتلبس عبايه هي الي بتحليها مو العبايه الي تحليها

[rpg7]

يازين عباية الرأس
فسعودية حشمة وستر وطاعة لله عزوجل
ورخيصة
وياشين ال................................

[بصمة قطرية]

الحمدلله افصل في السعودية احلى و ارخص ..
واذا توهقت كلش الله يخلي البرنسيسة في سوق
الخميس والجمعه كل عباية فصلتها احلى من
الثانية و ما تخترب القطع ..

[فريسيا]

الغلط من الرجاجيل شلون يسمحون لبناتهم بها العبي والله لو منع كل واحد هله كان الدنيا بخير العبايه للستر اللي تحتها من زينه وبصراحه الرجال العاقل ماينظر للبنت اللي تلبسها بحترام لانها لو تبي الستر استر نفسها بلعبايه الساترة ومازال فيه بنات والله الحمد من صغير الى االكبيرة عبي راس الله يحفظهم ويبارك فيهم وفي رجاجيلهم اللي يخافون عليهم ويحافظون على دينا وعاداتنا وتقاليدنا

[OM_OMAR_QATAR]

الله يستر على البنات