راعي السوبر ماركت و ولد اخوي عمرة 7 سنوات

[ثابت]

السلام عليكم ورحمة الله

هذي قصتي قبل يومين كنت جالس في الصالة مع اهلي بعد الغداء وجاني ولد اخوي الصغير يقول عمي بروح الدكان عمرة 7 سنوات قلت اوكي هذي عشرة ريال جيب 4 بيبسي كم بيرجع المفروض 4 ريال صح
تمام
الدكان قريب من بيتنا احذاء البيت اخذ الفلوس وراح وبعد ما رجع قلت لة شنو شريت قال اربعة بيبسي وبالفعل 4 بيبسي و سئالتة وين الباقي طلع لي ريالين قلت وين الباقي قال مادري هذا الي عطاني الدكان :anger1:

حسيت انة نار شبت بجسمي مرة وحدة وضغطي ضرب حدة وقلت في قلبي والله انك جنيت على نفسك يا قريقة تنصب على ياهل صج حقير :anger1:

رحت لدكان وهو معاي ولد اخوي قلت لة اي واحد فيهم لنة كان في ثلاثة هنود اشر لي قال هذا الي عطاني الفلوس قلت حق الياهل روح لني مابية يشوف شنو بيصير حرام ياهل وراح يركض البيت ... وبكمل لكم شنو صار بعدين.

بس عطوني موقفكم من هذا الموقف لو صار لكم؟

[همي رضاكم]

شنووو صاررر ...!!

وايد صارت عيييل اخووي صغيرر عمرره 7 سنواات بعد ,,


باع له راعي السوبر ماركت ( عصيرر بو نص \ ب 3 ريال متخيلين )

[كازانوفا]

كيف عصير بونص ب 3 ريال
كمل ايش سويت مع راعي الدكان

ان شالله جت سليمه هالمره ؟؟؟؟

[al-buainain]

تكفى برد خاطري وقول لي انك عطيته ذاك الراشدي

الي يوم انه توه بينطق :)






اضحك معاك اهم شي لا توهق نفسك وانشاءلله انك كلمت البلدية يتفاهمون وياه

[امرك صعب]

كمللل قول انك بردت قلبنا فيه

[بايع بايع]

الظاهر ولد اخوك ماخذله كافي بريالين

[ثابت]

ههههههههه مشكورين على الردود

بعد ما راح ولد اخوي يركض البيت لتفت على راعي السوب رماركت وعيوني تضرب شرار وجسمي بداء يسخن :anger1: كان هو وراء الاغراض يرتب وصرخت صرخة علية قلت تعال تم يترجف وهو يطالع عرف اني صدة النصاب الا اشوف فوق كان في نفس المراية تعكس الي وراي وكان وراء الكاشير مال الدكان اشوفة بطل الدرج مال الفلوس وحذف ريالين عند الباب عرفت انهم يبون يرتكبون نصبة اكبر من نصبتهم الي قبل قلت بقلبي الحين يعني بيقول لي اكيد انة الريالين طاحت من الولد لكن الحمدلله شفت النصاب الثاني يوم حذف الريالين من المنظرة الي كانت كاشفتة وبكمل لكم شنو سويت فيهم الخمة...

[وطن]

بل بل بل

سوو عليك فيلم

زين انك كاشفهم

كمل كمل

مو حلوووووووووو تنطرنا هالكثر
ما احب التشويق :crazy

[العنان]

حرقتنا بالفواصل الاعلانيه انا لحد اللحين انتظر الكف متى بيجي

[U Welcome]

ليكون الكيمرا الخفيه وراك بعد

هههههههههههههههه


على العموم
حذاري من أرسال الاطفال الصغار للدكاكين لوحدهم
وخصوصا اوقات الظهيره والا الليل
لكي لايصير شي لايحمد عقباه

[راشد محمد]

ههههههههههههه

[مهل]

اوووووه ما احب المسلسلات لاني ما احب انطر

برحع بعد كن يوم اقرا السالفه كامله :(

[بايع بايع]

شكلك راعي طويله ...

[العنان]

لحول وينك ياخوي ليكون رايح تزور الهندي في العنايه المركزه

[كازانوفا]

ههههههههههههههههه
طفشت كل الاعضاء
يا اخي اسدح القصه هنا وروح كمل شغلك والا نومك

[بن رومي]

ذكرتني في موقف يشبه موقفك

من 12 سنة تقريباً

صدت اعيال اخوي و خواتي يدخنون وكان اعمارهم من 8 الى 12

كسرتهم تكسر و اخر شي قلت حق لكبير فيهم وين شريتو الزقاير ، ورحنى حق راعي الدكان ، وانا اغلي (( لان هم من اسباب تدخين الاطفال )) .. بسبت ربح نص ريال !؟

المهم قبل لادخل الدكان (( قلت لو مسكته بذبحة )) خلني اشوفه واشتكي علية الشرطة ....

عشان يكون معاي الحق .. وابرد حرتي ويكون عبره لدكاكين الفريج ....

رحت الشرطة ودخل عالظابط وشرحتله الموضوع ...

قالي ما اقدر اسوي شي ؟!؟!؟!؟! (( لأنه مافي قانون اعاقب فيه الهندي لبيعه على لصغار ))

على طوووووول قلت له انا رايح اظرب الهندي و هو بيجيكم يشتكي ...

ولو اشتكى علي مب ماخذين مني حق ولا باطل .. وانا رايح ولا عطيته مجال للرد ...

رحت البيت نزلت ولد اختي والا اخوي العود يقولي خل الهندي يولي عنك و و و .....

ابتسمت له وانا ساكت واغلي من الشرطة والهندي ...

وانا طالع شفت اخوي اللي اصغر مني قالي باجي معاك ابرد حرتي بعد !!

دخلت الدكان وعينك ماتشوف الا النور .......!

ويوم خلصت الزوبعة قالي اخوي كسر خاطري الهندي ...

رحت البيت وبعدها اب ربع ساعه والا الدورية عند الباب ...

والله ما طلعت لهم .. (( والظابط هو اللي جاي ))

لين اخوي سد حلج الهندي اب 500 وتنازل ،،، ولا طلعت


ربح نص ريال يضيع شباب

(( الموضوع مش بطولي بس حبيت اكتبة يوم قريت موضوع اخوي مع الدكان ،، والشيئ بالشيئ يُذكَر .. ولمعرفة طينة بعض البياعين ... وما خفي كان اعظم ))

الله يغفر لنا ويرحمنا

بن رومي

*

[نبض الخفوق]

شدعوة فلم هندي اخوي تقص علينا

[ممنوع اللمس]

انتـظـرو الجـزء الثالثـ

ثــابت و قـريقـا
قريبـا في سينمـا فيلاجيو..الستي..اللاند..رويال بلازا

اكـشن..اثاره..رعـب...درآ’مــا

[سهم سهم]

واحبال تطير وقراطيس واثل



ننطر التكمله

[deema117]

أخبار القريقا .. حي ولا ميت :telephone:



:(

منتظرينك أخوي لطول علينا !

[سهيل قطر]

هههههههههههههههههههههههههههههههههههههههه

والله انت مالك حل سوويت معهم فللم

ززين سوويت

من حصل مجال يسررق ماايقصررر

[بايع بايع]

الفضول ذبح العالم


كأني بشارع زحمه بسبب حادث والعالم كل ماتوصل قريب الحادث تخفف وتتمقل الدعمه

ويطلعلك سبب الزحمه مب الحادث الا لقافة العالم اللي تبي تشوف الحادث واذا كان في مصابين ولا لا

[qatara]

اي شبيصير فيه يعني ضامن ما راح
تنقطع يده على سرقه ونصبه
اقصى شي بيسافر وعلى حساب الكفيل بعد
ويمكن يشرط درجه درجة رجال الاعمال

[فيصل الشمري]

زين وش دخل السالفه بحماية المستهلك,, المفروض ينحط في استراحة المنتدى
الهندي سرق من الولد ما رفع سعر البضاعة,,

المهم,, احب انبه الاخوة اللي شاركوا بالموضوع او من يقراء كلامي

انتم رجال..!!
ومن صفات الرجل, ضبط النفس!
لاتأخذك العاطفة وتكون عقوبتك اكبر من ذنب المذنب,, لو فرضنا جدلاً انه حق لك ان تعاقب

يقول ابن مسعود رضي الله عنه : : كنت أضرب غلاما لي , فسمعت من خلفي صوتا ( اعلم، أبا مسعود! لله أقدر عليك منك عليه) فالتفت فإذا هو رسول الله صلى الله عليه وسلم فقلت : يا رسول الله! هو حر لوجه الله , فقال (أما لو لم تفعل، للفحتك النار، أو لمستك النار )

فلا تجعل حقك ينقلب حقاً عليك..!!
أحسن التصرف

وقد قلت ما قلت من باب قوله صلى الله عليه وسلم (لا يؤمن احدكم حتى يحب لأخيه ما يحب لنفسه)

[بومحمد55]

أي والله شكلك راعي طويله

[جامعي]

دير بالك لايسوي شي في الولد

لانهم يحطون حرتهم فيهم

[airbus]

بااااال طلع فاصلك اكتر من فاصل mbc

[كازانوفا]

وغلبت بانوراما وميلودي اللى تنسيك اي الفيلم او المسلسل اللى كنت قاعد تشوفه
يلاااااا يا ثابت قاعد تكتب السيناريوه والا ايش من امس وانا انتظر رحت ورديت وانت لسه ما نزلت بقية المسلسل ..............

[ثابت]

هههههههههههه

مشكورين على الردود زين بقول لكم شنو صار بعد ما راح ولد اخوي يركض البيت والهندي قط ريالين عند الباب و انا شفتة من المراية المسندة بالزاوية وكشفت لعبتهم ونصبهم فكرت قلت الي تجراء وقدر يسوي هالنصبة معنتها مثل ما نصب على الياهل بينصب علي بيخليني اكفر فية هو والهندي الي معه بحكم اني بطل في التكوندو تعلمت اني املك اعصابي و استخدم عقلي قبل قوتي :nice:

سكت وصار الدكان هدوء وهم ينتظرون ردة الفعل بعد ما صرخت على الهندي وبعد ما خلصت التفكير توجهت لثلاجة البيبسي وتذكرون البيبسي الكبير سحبت لي واحد كبير وطلعت بدون ما اكلمهم ولحقني الهندي لين باب البيت وخيستة عند الباب ساعة وبعد ما طلعت قلت لة شنو قال فلوس انت يشيل بيبسي كبير وهذي ريالين مال بشة قلت لة اوة سوري انا فكر يعطي فلوس وبعد ما اخذت ريالين حذفت لة الباقي على الارض جدام الباب ودشيت و انا اضحك :)

وهذا كل الي صار كنت اقدر امسح فيهم الارض بس تذكرت مدربي مال التكوندو يوم قال لي قبل اي معركة خطط وفكر وتمهل :nice:

[راسي براسك]

ههههههههههههههههههههههههههههههههه



لاتعليق

[للصبر اخر]

هذول مالهم رادع
ومستقوييين على اهل البلد
والمشكلة لما نشتكي يقولون مافي قانون ومانقدر نسوي لكم شي
الله المستعان

[بوحمد1]

بس لو ماقطيت الريال على الارض ( نعمه )

كنت قلت له يدش الحوش ياخذ الفلوس وبعدها اقفل الباب وارقد على سكته ههههههههههههههههههه

حاجه تقهرررررررررررررررر بهالسهوله سامحته

[ثابت]

بس لو ماقطيت الريال على الارض ( نعمه )

كنت قلت له يدش الحوش ياخذ الفلوس وبعدها اقفل الباب وارقد على سكته ههههههههههههههههههه

حاجه تقهرررررررررررررررر بهالسهوله سامحته

شنسوي ياخي مشكلتنا اهل هالديرة طيبتنا الزايدة هي الي مضيعتنا

[كازانوفا]

طيب يا ثابت ياريت ترسلي رقم المعلم اللى علمك التكواندو عشان يعلمني الصبر
على مواضيعك اللى تكتبها بيوم وتنام لثاني يوم عشان اتقول الباقي ههههههههههههه

خير ما سويت فيه خليه يتعلم
ان شالله ما في اجزاء ثانيه ؟؟؟

[مخطط قطري]

صدق فاضين انا واخوي يوم كما صغار كنا نروح الدكاكين نسرق من كذا دكان على اساس محد يصيدنا لحد ما رحنا دكان بعيد اشوي بسياكل الظاهر لي رحناله كان يسرقون منعه بس يوم كشفنا لحقنا لين ماوصلنا البيت قاعد ينطر ابوي لحد ماصحى حق صلاه العصر واحنا رايحين وياها وشافنا الهندي قام يتشكى عند ابوي وعينكم ماتشوف الا النور ويمسكنا قدامه واسطارات ورطنا عند عمود المسجد خلانا عبره خخخخخخخ

[بومحمد المطاوعه]

والله يا اخوي مادري شاقولك

بس الحمدلله انك مامديت يدك عليه

لو مديت يدك الغلط بيكون عليك من كل اتجاه

بس مهما كان المفروض ماتقط الافلوس على الارض

لانها نعمه من الله تعالى

ولاتخلي الهندي يركع جدامك علشان ياخذ الي قطيته على الارض

مهما كان مسلم او كافر

غصبن عنه عبد لله تعالى مب عبد للأنسان

اتمنى عدم تكرار هالشي يالغالي

واتمنى ماتتضايق من كلامي تقبلها نصيحه مني لك

وجزاك الله خير

[abu m7md]

الفلوس نعمة اشلون حذفتها على الارض
ماسويتها الا انك مقهور وانت تقول انك لاعب تكوندوا ومحافظ على الاعصاب.
حافظت على اعصابك بس قلبك افضحك من حركتك هذي.
متنحل المسئله بالمثل.
هل تشوف انك بطريقتك هذي انك خليته يتوب عن حركته......!
عن نفسي اشوف انه بيكررها اكثر من مره .

تقبل مروري
اخوك
وابومحمد

[ممنوع اللمس]

انتهت قصتـنا واتمنـى نشوفكم في حلقـات اخرى

شكـرا للمنتـج والمخرج والممثـل ثابت + اخوه الصغير
شكرا لشركات الدعـم
شكرا جمهورنـا العزيـز
رمضان كريم وعيدكم مبارك

ترقبونـا...
ثابـت والحـلاق قريبـا على ام بي سي اكشن

[بـــاروود]

اهم شي نصيحة المدرب

[Radnes]

اخس عليك طلعت بطل وانا مادري الا الحين :rolleyes2:
يعني لو طلبتك لفزعة مب مقصر معاي صحيح :telephone:

[بوحارب]

هههههههههههههههههه يالرزيل

[وطن]

زين ما تأدب جذي !!!

[alzbara_qa]

انا خذت حادثة بن رومي وكتبتها في موضوع مستقل واناعلى ثقه كلها ٣ شهور ويصير قانون وانشاء الله تكون غرامه ٥٠٠ الف وسجن عشر سنين لكل من يبيع لقاصر زقاير او ردبول

[U Welcome]

الموضوع

داعية بيبسي والا تيكوندوا؟؟؟

[Bin Hood]

هههههههههههه

مشكورين على الردود زين بقول لكم شنو صار بعد ما راح ولد اخوي يركض البيت والهندي قط ريالين عند الباب و انا شفتة من المراية المسندة بالزاوية وكشفت لعبتهم ونصبهم فكرت قلت الي تجراء وقدر يسوي هالنصبة معنتها مثل ما نصب على الياهل بينصب علي بيخليني اكفر فية هو والهندي الي معه بحكم اني بطل في التكوندو تعلمت اني املك اعصابي و استخدم عقلي قبل قوتي :nice:

سكت وصار الدكان هدوء وهم ينتظرون ردة الفعل بعد ما صرخت على الهندي وبعد ما خلصت التفكير توجهت لثلاجة البيبسي وتذكرون البيبسي الكبير سحبت لي واحد كبير وطلعت بدون ما اكلمهم ولحقني الهندي لين باب البيت وخيستة عند الباب ساعة وبعد ما طلعت قلت لة شنو قال فلوس انت يشيل بيبسي كبير وهذي ريالين مال بشة قلت لة اوة سوري انا فكر يعطي فلوس وبعد ما اخذت ريالين حذفت لة الباقي على الارض جدام الباب ودشيت و انا اضحك :)

وهذا كل الي صار كنت اقدر امسح فيهم الارض بس تذكرت مدربي مال التكوندو يوم قال لي قبل اي معركة خطط وفكر وتمهل :nice:

اخوي الصراحة النهاية ما عجبتني وانا افتر من صفحة الى صفحة ادور الاجزاء الثلاثة
خاصتا ان يوم رحت البرادة سوو عليك حركات لكن حضرتك ( بطل الفلم ) ما مشت عليك
قلت انا بتطلع رشاش من الـ g وبترش الهنود وعقب ما ترشهم , بتدخن سجارة وتشرب بيبسي


على العموم ننتظرك في فلم ثاني