كم سؤال موجه لكم يا كيوتل ارجو الاجابة ؟؟ [الأرشيف]

فيلاجيو

21-09-2011, 10:29 AM

بسم الله الرحمن الرحيم

بدون مقدمات ...

،

عندكم خطه جديده لشفط فلوسنا ولا ماعندكم ؟؟

ليش كل ما فودافون نزلوا عرض رحتوا وقلدتوهم ؟؟؟

ليش ما تنزلون عروض مغريه قبل فودافون ؟؟ ولا شاطرين تنطرون فودافون وعقب تقلدونهم ؟؟

عندكم في الادارة موظفين كفو بمعنى لديهم خطط واستراتيجيات لجذب العملاء بعروض مغريه ولا ما عندكم ؟؟

وفي الاخير لو فودافون ما نزلوا عرض البلاك بيري كان طول عمرنا تمينا نفس السعر

رغم اني من عملاء كيوتل (( مؤقتا )) لين يتعدل ارسال فودافون وعقب بقولكم مع السلامه

وشكرا

chillis

21-09-2011, 10:32 AM

خلهم يقلدون دام في مصلحة المواطن ما يضرنا شي ولا لازم نعترض حتى لمن وفروا خدمات زينه

راسي براسك

21-09-2011, 10:32 AM

صح لسانك !

صراحة عرضهم كان صدمة متوقعة منهم :omg:

الله يديم هالتنافس اللي يخدم المستهلكين يارب :nice:

فيلاجيو

21-09-2011, 10:33 AM

الحمدلله اكيد احنا مستانسين ليش نزعل....!

بس الي يخلي الواحد يعصب انه طول عمرنا ما جفنا عروض الا يوم ادخلوا فودافون عندنا الله يعطيهم العافيه

من فودافون يسسون عرض الا كيوتل بكره قلدوهم !!!

بايع بايع

21-09-2011, 10:35 AM

بس الي يخلي الواحد يعصب انه طول عمرنا ما جفنا عروض الا يوم ادخلوا فودافون عندنا الله يعطيهم العافيه

امر متوقع بما انهم محتكرين السوق

khalid Qtr

21-09-2011, 10:36 AM

الشعب هو المستفيد ليش معصب !

ثابت

21-09-2011, 10:37 AM

والله انك صاج

وخلاص على حركتهم كيوتل يعني منزلين الاسعار الحين والله اني اقطع خدمة البلاك بيري نحاسة فيهم

chillis

21-09-2011, 10:38 AM

والله انك صاج

وخلاص على حركتهم كيوتل يعني منزلين الاسعار الحين والله اني اقطع خدمة البلاك بيري نحاسة فيهم

ماراح يخسرون شي :secret:

فيلاجيو

21-09-2011, 10:40 AM

والله انك صاج

وخلاص على حركتهم كيوتل يعني منزلين الاسعار الحين والله اني اقطع خدمة البلاك بيري نحاسة فيهم

اقطعها وحول على فودافون احسن

لابس بشت

21-09-2011, 10:43 AM

صحيح انا معاك
يعني هم مايفكرون ينزلون للعميل ولا فلس
الا لما تجي فودافون وتسوي عروض
تحس انهم يعطونك هالعروض بس نحاسه للشركه الثانيه او تنافس مب عشان سواد عيونا
كان نزلوا قبل عرض فودافون بما ان عندهم استعداد

بوخالد911

21-09-2011, 10:55 AM

هدي اعصابك

رآعي موآجيب

21-09-2011, 10:57 AM

رغم اني من عملاء كيوتل (( مؤقتا )) لين يتعدل ارسال فودافون وعقب بقولكم مع السلامه

وشكرا

صدقت و كيوتل لا تستحق ان نبقى بها

خذني بدربك وانت رايح :nice:

صدى الحق

21-09-2011, 11:01 AM

الرويـس

21-09-2011, 11:11 AM

ماراح يخسرون شي :secret:
بالعكس وهذا شي معروف لدى المؤسسات الربحية
أي شركة تستهين في (عميل واحد فقط ) تعتبر الشركة متجهه للخسارة بشكل أو بآخر
ويهمها من الدرجة االولى ان مافي أحد من عملائها يتوجه لشركة آخرى فكيف لو كانت منافسه

كيوتل شركة قطرية ومسلمة وكل ريال من جيوبنا لهم حلال عليهم

وفودافون شركة نصرانية ومايستاهلون ريال من جيبي وان شاء الله عمري ما اتعامل معاهم .

للي ما يعرف فهي مملوكة لـ british telecom
نقلاً عن وكالة رويتر :-

(reuters) - vodafone ventures, a unit of uk-based vodafone group (vod.l), has made a strategic minority investment in israel's perfecto mobile, perfecto said on tuesday.

تستثمر في اسرائيل والواجب مقاطعة كل من يدعم اسرائيل .

نظرية المؤامرة أبعدوا عنها
لان لو الشركة مثل ما تزعم انها شركة غير وطنية وانها وانها كان المجلس الاعلى للاتصالات او الحكومة ما عطتها فرصة للحصول على رخصة مزود خدمة ..

الاخ فيلاجيو يتكلم عن ليش وليش
هالمؤسسات يهمها انها تستمر في عطائها في مقابل انها ( تربح ) وان كان على فترات
ومسألة انها تطرح جمييييييييييييييييييع عروضها مره وحدة هذا امر ما طبق في اي شركة عالمية حتى الان

والاستمراراية في الانتاج هي السبيل الوحيد في انها (تبقى على قيد الحياة)
مسألة المناسة تتطلب منها ترقب ودراسة للعروض المنافسة عشان تبدأ تطرح خدماتها بالشكل اللي يضمن اقبال الجمهور ويعود عليها بالربح بالتأكيد ..

تصور لو انت كيوتل .. ومطلوب منك تربح وما تخسر وبنفس الوقت ما تفقد حصتك من الجمهور ..
كيف بتسير أمورك ؟ ..
كيوتل لها وعليها
وفودافون ايضا لها وعليها

الاهم ام اللي حاصل هو في مصلحة العملاء

qatarawi

21-09-2011, 11:14 AM

كيوتل شركة قطرية ومسلمة وكل ريال من جيوبنا لهم حلال عليهم

وفودافون شركة نصرانية ومايستاهلون ريال من جيبي وان شاء الله عمري ما اتعامل معاهم .

للي ما يعرف فهي مملوكة لـ british telecom
نقلاً عن وكالة رويتر :-

(reuters) - vodafone ventures, a unit of uk-based vodafone group (vod.l), has made a strategic minority investment in israel's perfecto mobile, perfecto said on tuesday.

تستثمر في اسرائيل والواجب مقاطعة كل من يدعم اسرائيل .

لا يا شيخ هههههه

والله لو اسرائيل بتوفر علي وما بتشفط فلوسي وحلالي وما تسكر تلفونات البيت والانترنت لجل فاتورة رقم واحد ... بعد ابركها من ساعة هههه

حبيبي فودافون قطر حلال ... وهاي الشي خالصين منه وتكلموا فيه اللي افهم مني ومنك ... نو تفلسف نو تحريم نو تحليل بليز

وخلي الموضوع مادي واقتصادي وبس

ام السعف

21-09-2011, 11:15 AM

أكره كيوتل من كل قلبي

صدى الحق

21-09-2011, 11:16 AM

لا يا شيخ هههههه

والله لو اسرائيل بتوفر علي وما بتشفط فلوسي وحلالي وما تسكر تلفونات البيت والانترنت لجل فاتورة رقم واحد ... بعد ابركها من ساعة هههه

حبيبي فودافون قطر حلال ... وهاي الشي خالصين منه وتكلموا فيه اللي افهم مني ومنك ... نو تفلسف نو تحريم نو تحليل بليز

وخلي الموضوع مادي واقتصادي وبس

حلال عليك بارك الله فيك :)

وكلن مسئول عن مخابيه .

بو الجوري

21-09-2011, 11:19 AM

و الله ياخوي :..
أولا :..
نزلت قبل نزلت بعد :.. أهم شي العميل يستفيد :..
و اللي إنت مرتاح معاهم روحهلم :.. :)

ثانيا :..
عرض الدقيقه الدوليه اللي بـ 35 درهم :.. كيوتل نزلت قبل فودافون :..
صحيح إنه فودا نزلت الدقيقه بـ 34 درهم :.. لكن أدفع درهم فالدقيقه زياده :..
و لا يرتفع ضغطي مع إرسال فودافون :.. :)

ثالثا :..
كيوتل بالنسبه لي عروضها أكثر :..
خاصه فالسنوات الأخيره :.. و تناسب الكل تقريبا :.. و اللي يناسبك خذه :..

و أخيرا :..
لا تتوقع إن كل شركه تنطر الثانيه شبتسوي و بين يوم وليله بتنزل عرض :..
أتوقع هم يقدمون على العرض للمجلس الأعلى و في اشياء تصير إحنا ماندري عنها :..

يعني تتوقع إن كيوتل يوم قرت خبر فودافون :.. ثاني يوم نزلو الأسعار :..
أقصد يعني موضوع إن غير سعر الخدمه و رتب أمور الباقات :.. و عدل الموقع الإلكتروني :.. ماراح تكون خلال 24 ساعه :.. :)

almaf1a

21-09-2011, 11:20 AM

يعني انت مضايقك ان عرض كيوتل صار بعد عرض فودافون
خلاص خلك على فودافون لان كيوتل عرضها بعدهم والناس بتروح للارخص والافضل

فيلاجيو

21-09-2011, 11:21 AM

هدي اعصابك

اعصابي هاديه لان فودافون موجوده :nice:

فيلاجيو

21-09-2011, 11:22 AM

صدقت و كيوتل لا تستحق ان نبقى بها

خذني بدربك وانت رايح :nice:

انطر كم شهر وبنروح مع بعض :nice:

الـخـالـدي

21-09-2011, 11:23 AM

سياسة مبيعات بين التجار

بس احلى سياسه لان المستفيد الاول هو العميل بين المنافسه

فودافون دايمن تنزل قبل عشان تستفيد بعدها بكم يوم كيوتل تنزل عرض اقوى

اتفاق بينهم وفي عقود ..هذا الواضح و على ماوصلني

و العلم عند الله تعالى

فيلاجيو

21-09-2011, 11:25 AM

كيوتل شركة قطرية ومسلمة وكل ريال من جيوبنا لهم حلال عليهم

وفودافون شركة نصرانية ومايستاهلون ريال من جيبي وان شاء الله عمري ما اتعامل معاهم .

للي ما يعرف فهي مملوكة لـ british telecom
نقلاً عن وكالة رويتر :-

(reuters) - vodafone ventures, a unit of uk-based vodafone group (vod.l), has made a strategic minority investment in israel's perfecto mobile, perfecto said on tuesday.

تستثمر في اسرائيل والواجب مقاطعة كل من يدعم اسرائيل .

اخوي الشركة القطريه تكون في مصلحة الوطن والمواطن مش العكس !!!

مثال يا خوي ::

انت لو عندك جار يهودي يخدمك لين ونهار ويطمن عليك ويسال عليك ويخاف عليك

وجار ثاني مسلم ما تلقى منه الا كل كذب وخدع ويحاول يسرقك !!

منه الي راح تحبه وتكون معاه ؟؟

العميل يهمه مصلحته اهم شي ...

AL.SHMOKH

21-09-2011, 11:28 AM

الله المستعان

صدى الحق

21-09-2011, 11:43 AM

اخوي الشركة القطريه تكون في مصلحة الوطن والمواطن مش العكس !!!

مثال يا خوي ::

انت لو عندك جار يهودي يخدمك لين ونهار ويطمن عليك ويسال عليك ويخاف عليك

وجار ثاني مسلم ما تلقى منه الا كل كذب وخدع ويحاول يسرقك !!

منه الي راح تحبه وتكون معاه ؟؟

العميل يهمه مصلحته اهم شي ...

طبيعي مع المسلم بارك الله فيك ولا تستغرب ومن حقك اوضح لك :-

فالحديث صحيح أخرجه البخاري في صحيحه والإمام أحمد في مسنده و الترمذي في سننه وغيرهم ولفظه في البخاري عن أنس رضي الله عنه قال: قال رسول الله صلى الله عليه وسلم: انصر أخاك ظالماً أو مظلوماً، فقال: رجل يا رسول الله صلى الله عليه وسلم أنصره إذ كان مظلوماً، أفرأيت إذا كان ظالماً كيف أنصره؟! قال: تحجزه أو تمنعه من الظلم، فإن ذلك نصره.
فكيوتل لو ظلمتنا ورفعت الاسعار ممكن نراجعها ونطالبها بالتخفيض لأنها تبقى شركتنا وتدعم الكثير من البرامج والمشاريع الخيرية والاجتماعية .
لكن فودافون حتى تقنع شوف الاشكال اللي يستخدمونها للتسويق عن بضائعهم وبالذات في السيارات اللي تحمل شعار فودافون .

وغير هذا اسألكم كم قطري وظفتهم فودافون مقارنةً بكيوتل ، واللي يراجع مراكزهم راح يلقى الجواب .

لا ومركز الاتصال الخاص بهم طبعاً غير موجود في قطر حتى مايخسرون ويضيعون اموالهم بقطر فالموظف اللي يخدم في فودافون مصر اهو نفسه اللي يرد عليك لما تتصل على 111 .

وصبحكم الله بالخير يا مشجعي فودافون .

الكلام حلو احياناً بس ودك لما نتكلم نقرأ ونبحث قبل ان نطلق الاحكام .

طبعاً مهب موجه لك يا فلاجيو :)

نورالهدى

21-09-2011, 11:44 AM

انطر فودافون اتدخل الانترنت الارضي
ونشوف كيوتل وش بتسوي
كل شهر دافعين 250 ريال إنترنت
الله يسهل على الجميع

فيلاجيو

21-09-2011, 11:52 AM

طبيعي مع المسلم بارك الله فيك ولا تستغرب ومن حقك اوضح لك :-

فالحديث صحيح أخرجه البخاري في صحيحه والإمام أحمد في مسنده و الترمذي في سننه وغيرهم ولفظه في البخاري عن أنس رضي الله عنه قال: قال رسول الله صلى الله عليه وسلم: انصر أخاك ظالماً أو مظلوماً، فقال: رجل يا رسول الله صلى الله عليه وسلم أنصره إذ كان مظلوماً، أفرأيت إذا كان ظالماً كيف أنصره؟! قال: تحجزه أو تمنعه من الظلم، فإن ذلك نصره.
فكيوتل لو ظلمتنا ورفعت الاسعار ممكن نراجعها ونطالبها بالتخفيض لأنها تبقى شركتنا وتدعم الكثير من البرامج والمشاريع الخيرية والاجتماعية .
لكن فودافون حتى تقنع شوف الاشكال اللي يستخدمونها للتسويق عن بضائعهم وبالذات في السيارات اللي تحمل شعار فودافون .

وغير هذا اسألكم كم قطري وظفتهم فودافون مقارنةً بكيوتل ، واللي يراجع مراكزهم راح يلقى الجواب .

لا ومركز الاتصال الخاص بهم طبعاً غير موجود في قطر حتى مايخسرون ويضيعون اموالهم بقطر فالموظف اللي يخدم في فودافون مصر اهو نفسه اللي يرد عليك لما تتصل على 111 .

وصبحكم الله بالخير يا مشجعي فودافون .

الكلام حلو احياناً بس ودك لما نتكلم نقرأ ونبحث قبل ان نطلق الاحكام .

طبعاً مهب موجه لك يا فلاجيو :)

والله يا خوي هذا رايك وانا احترمه ..

الحين لما عبدالغني والفردان والمانع وغيرهم لما يرفعون الاسعار ليش عيل نشتكي ؟؟؟؟

موب هي بعد شركات وطنيه ؟؟؟

انا كعميل يهمني مصلحتي والشي الي يفيدني

صدى الحق

21-09-2011, 12:17 PM

والله يا خوي هذا رايك وانا احترمه ..

الحين لما عبدالغني والفردان والمانع وغيرهم لما يرفعون الاسعار ليش عيل نشتكي ؟؟؟؟

موب هي بعد شركات وطنيه ؟؟؟

انا كعميل يهمني مصلحتي والشي الي يفيدني

عبدالغني والفردان والمانع احنا اللي شجعناهم لرفع السعر ، يعني لازم كل سنة نغير سيارة ؟

مع الاسف هذي سمة الغالبية اللي ساهموا في ايجاد ارضية تشجعهم لرفع الاسعار .

كيوتل ماوصلت مواصيل التجار عندنا بل العكس من فترة الى فترة تنزل الاسعار وليس العكس بالنسبة للمثلة اللي ضربتها اخوي .

ومن حقك كعميل تبحث عن مصلحتك .

وانا واثق من ان فودافون ابداً ما تدعم خطة التقطير او توفير فرص عمل لذلك ادفع زيادة لشركة الاولوية فيها للمواطنين ولا لشركة عليها الكثير من علامة الاستفهام ...

الـقـاسـي

21-09-2011, 12:52 PM

صدى الحق

21-09-2011, 01:19 PM

اول شي مثل ماقالوا الاخوان مستحيل ان عرضهم مافكروا فيه الا امس مايمديهم اصلا ..

ثاني شي انتوا خليتوا كيوتل مسلمه وفودافون كافره شهالكلام اتقوا الله شرايكم بعد تخلون كيوتل تتحجب عشان ترتاحون ..

عن نفسي كعميل ببحث عن الجوده والسعر المناسب بغض النظر عن الشركة

عندي خط كيوتل وعندي خط فودافون اللي عرضه احسن بستخدمه سواء نزل العرض قبل ولا بعد ماتفرق معاي اهم شي في عرض يفيدني نازل

والاهم من هذا كله ان اعرف انا احتياجي شنو والعرض اللي يناسبني
عن نفسي جدا استفدت من عرض الشهري وعندي جوالين من كيوتل مشترك في الشهري بدال ماكنت ادفع 2000 وزياده صرت ادفع الاشتراك بس وعليهم مبلغ بسيط ..

وفودافون بعد مستفيد من عروضهم ..

ياليت تفتحون شوي وتشوفون اللي يناسبكم ولاتقولون شركة وطنية ولا شركة يهوديه اللي بيفيدكم سووه لان الشركات فالنهايه مب شركات خيريه يبون فايدتهم منكم مثل ما انتوا تبون تستفيدون من خدماتهم ..

نعم اخوي كيوتل تملكها قطر واغلب موظفينها مواطنين وتساهم بشكل كبير في الجمعيات الخيرية وتدعم الاسر القطرية واذا عندك شك ممكن تسأل عن المسئولية الاجتماعية اللي تدعمها كيوتل .
وفودافون تملكها مجموعة شركات او شركاء بريطانيين واغلب موظفينها غير مواطنين

يعني دراهمي اذا صرفتها تروح بجيب مسلم (كيوتل)
وانت حر بدراهمك وين ما تصرفها بارك الله فيك .

alkoos

21-09-2011, 02:41 PM

الرجال ماقال شي هو يقصد ان كيوتل ماتنزل عروض الا لما فودافون تسوي عرض ليش ماتكون كيوتل هي السباقه في العرض قبل فودافون وانا معاه الصراحه يعني لو فودافون مانزلت عرض الــ 49 في الشهر كان كيوتل سوووت العرض 15 و 60 امممم ماعتقد كيوتل تموت ع النص يال

بصمة قطرية

21-09-2011, 02:58 PM

الله يديم هالمنافسة ويزيدها
احنا المستفيدين :nice:

الخزرجي قطر

21-09-2011, 03:18 PM

التنافس يصب في مصلحة المشترك او العميل
مع ازدياد شركات الاتصالات تزداد المنافسه
وبالرغم من العروض مازالت الرسوم
وقيمة المكالمات وغيرها مرتفعه ؟؟؟؟

Qatar-King

21-09-2011, 04:55 PM

كيوتل شركة قطرية ومسلمة وكل ريال من جيوبنا لهم حلال عليهم

وفودافون شركة نصرانية ومايستاهلون ريال من جيبي وان شاء الله عمري ما اتعامل معاهم .

للي ما يعرف فهي مملوكة لـ British Telecom
نقلاً عن وكالة رويتر :-

(Reuters) - Vodafone Ventures, a unit of UK-based Vodafone Group (VOD.L), has made a strategic minority investment in Israel's Perfecto Mobile, Perfecto said on Tuesday.

تستثمر في اسرائيل والواجب مقاطعة كل من يدعم اسرائيل .

سبحان الله ، ما جبت شي جديد الله يسلمك.

كل الشركات و المحلات التجارية يملكها يهود أو يستثمر فيها يهود.

مثلا في أمريكا شركة Apple و GM و Ford كلها مملوكة ليهود و المسلمين
أكثر ناس يشترون من منتجاتهم جت على فودافون !!!!!

بخصوص كيوتل أنا تعرضت للنصب و الاحتيال منهم هذا غير سوء جودة
الأرسال و بطء الأنترنت و موااقف كثيرة مرت علي لا تعد و لاتحصى ..

كيوتل في رأيي الشخصي فشلت في تقديم الخدمات مقارنة بشركات اتصالات
في دول مجاورة لا تقارن بكيوتل من حيث الميزانيات و الكوادر ..

فودافون أنا تعاملت معهم و الحمدلله وجدت ما يرضيني و يعوضني عن الشركة (( المسلمة )) و (( الوطنية )) كيوتل ..

صدى الحق

21-09-2011, 05:29 PM

كون الشركات اللي ذكرت يملكها يهود هذا أمر ولما يكون هذا اليهودي منافس للمسلم والوطني فهذا أمر آخر .

عجبني توقيعك بس !!!

ANONYMOUS

21-09-2011, 06:33 PM

نشكر فودافون لإرغام كيوتل على الرضوخ لأسعار اقل

مع تحيات عميل كيوتل حتى آخر قطره

توشيبا

21-09-2011, 06:39 PM

الشركات الثانيه عندها العرض بلاك بيري 40 ريال حق ثلاث شهور

ترا للحين كيوتل تاكلنا مكل

ماصدقنا نزلت كم عشره طرنا من الفرحه

لاخدمه جيده ولا شي فيها جيد

تقديري لي كيوتل وفودافون في قطر تحت المقبول من ناحيت كل شي

airbus

21-09-2011, 07:06 PM

اخوي صدق الحق

ليش السنة الي طافت شريت من شركة فيرجن ارقام الي عارضها طبعا معروف شركة فيرجن انها صاحبها يهودي و اليهود عندهم اسهم في الشركة ؟؟

صدى الحق

22-09-2011, 08:53 AM

اخوي صدق الحق

ليش السنة الي طافت شريت من شركة فيرجن ارقام الي عارضها طبعا معروف شركة فيرجن انها صاحبها يهودي و اليهود عندهم اسهم في الشركة ؟؟

السلام عليكم ورحمة الله وبركاته

صبحك الله بالخير اخوي ايربص
للعلم فيرجن تملكها كيوتل واطلقتها حتى تضرب فودافون والكل عارف قصة لجوء فودافون للمجلس الاعلى للإتصالات ورفعت دعوى عليهم والحمدلله لصالح كل اللي شروا ارقام فيرجن واللي حولتها كيوتل الى هلا وانت عارف بهذا الشيء بارك الله فيك .

اسألك يوم انك اتدافع عن فودافون ليش فودافون مانعه بيع الارقام بين المشتركين ، ماتعتبر هذا حد من حريتك للتصرف بالرقم ؟؟؟