سؤال يفيد الكل ان شاء الله

[الفرحه]

السلام عليكم ورحمة الله وبركاته.....


خواتي واخواني اللي راحوا الحج أكيد قبل السفر الناس تعطي نصايح وتوصي بأمور وتنبه على

شغلات , بس طبعا التطبيق يختلف , فاايش النصيحه اللي تمنون لو أحد نصحها لكم في الحج ؟؟


ووشوا الغرض اللي تمنيتوا لو أحد نبهكم تاخذونه معاكم؟؟


أتمنى ألقى تفاعل بالموضوع وبإذن الله أجركم مايضيع عند رب العالمين

[صدى الحق]

وعليكم السلام ورحمة الله وبركاته

بقدر الامكان من لحظة الاحرام التفكير في الله ورحمة وطلب مغفرته والقبول منه .

الابتعاد كل الابتعاد عن كل من يحاول اثارتك حتى الحديث واللغط اللي نجده بكثرة في الحج فالشيطان والعياذ بالله منه يجتهد ويحرك جيشه للتشويش على الحجاج .

الاكثار من السوائل وبالذت فيتامين سي .

تجنب الزحام قدر الامكان وضروري لبس الكمامة اثناء التنقل وذلك اتقاء الاصابة بامراض الجهاز التنفسي .

والتقليل قدر الامكان من اللحوم الحمراء اللي ترهق المعدة ويكون لها اثر سلبي على الجسم والاكثار من السلطات الخضاء الطرية المغسولة جيداً .

طبعاً المداومة على العسل من قبل الشروع بالسفر للحج .

وماء زمزم وماء زمزم وماء زمزم .

واسأل الله ان ييسر لك حجتك ويتقبل منك ولا تنسانا من صالح دعائك .

[الفرحه]

مشكور وما قصرت اخوي وجزاك الله خير والله يكتبها لنا يارب .

[بـــــــنت النوخـّــــذه]

موضوع جميل جدا
وحج مبرور وذنب مغفور (مقدما" ) <<ادري ريضين على موسم الحج

صراحه في اساسيات كثيره

بس بالنسبه لي ندمت اني ماوديت معاي مفارش خاصه للنوم وملاحف من بيتنا 00مع ان الحمله اغراضهم نظيفه بس ماقدرت استحملها 00

عموما بختصر لج 00 حاولي تكون عندج شنطه خاصه صغيره غير عن شنطة اليد فيها مناديل بالديتول بس غير معطره وبخاخ صغير منظف ديتول خبرج بتدخلين الحمامات تكرمين بمنى وبتنصدمين
ويفضل تشترين قفازات الي يلبسونها الاطباء بتفيدج لان بمنى ياسلام سلم ,بعد وتحطينهم بالشنطه الصغيره وفيها ادواتج الخاصه الي تستخدمينها يوميا"^_^

في سجادات خاصه صغيره تنطوي تستوي كبر كف اليد هذي حلوه بعد بتفيدج 00وبعد فيه مطارات حلوه صغيره الي اتييج يدويه تمسكينها صغيره في منها اشكال حلوه هاي اشترو منها موجوده بالدوحة باشكال كيوت بعد وتترسون بها الماي وتكون خاصه فيج ومعقمه 00

بس بشكل العام الامور الثانيه دامج رايحه مع حمله معروفه مابتحسين بالحج لان الحملات هالزمن ماشاء الله يتنافسون على راحه الحجاج وتوفير سبل الرفاهيه لهم
طبعا كتب الادعيه وهالامور اكيد بتكون معاج 00

[الفرحه]

مشكوره اختي بنت النوخذة وجزاج الله خير.

[الـخـالـدي]

اهم شي تاخذين معاج تمر .. لأن مافي اهتمام بجودة الأكل وكثير الي تسممو في مناسك الحج

ولا تنسين مرهم ضد الحشرات او النامس .. لان في عرفه الحشرات كثيره هناك

الشي الثاني انج لما تشوفين الزحمه تتفكرين بيوم القيامه وفعلن بتشوفين الناس كلهم بتجاه واحد من جميع الجنسيات و الاعمار .. التعبان و الصاحي المريض و المتعافي وتتفكرين برحمة الله تعالى

قدر الامكان الابتعاد عن مجالس السوالف .. و التفرغ لله تعالى بعبادته بقراءة القران و الدعاء و الاستماع الى الخطب

ونقولج حج مبرور وذنب مغفور مقدما

[الفرحه]

مشكور اخوي الخالدي وما قصرت وجزاك الله خير

[ziad1971]

اختى انا طالع ان شاء الله عالحج وهاي اول مره والحمد لله استفدت من فتح هذا الموضوع
والله يجزيهم خير الناس اللي شاركوا
لكن في امور ما كنت اعرفها
مثل لا تشترين اي شيء بعد طواف الوداع من مكة، تبي تشتري بس تخرجين من مكة
لا تجادلين عند شرائك اي شي
لا تبتعدين عن الحملة لانك راح تدوخي
حاولي تفتحي اليوتيوب قبل سفرك واكتبي مناسك الحج ليكون لديك معرفة كاملة عن المناسك


والله يتقبل منا ومنك وييسر امور الحج للجميع والله الموفق