لماذا لا تفتح الدولة بنك لتسليف العزاب للزواج وبأقساط مريحة (شارك برأيك معنا)

[اسعاف]

لماذا لا تفتح الدولة بنك لتسليف العزاب للزواج وبأقساط مريحة (شارك برأيك معنا)

كلنا عندنا اعيال وبنات ونعاني من كلفة تكاليف الزواج

والشاب الفقير الذي فقد والده او والده فقير اصلا

يمتد به العمر ولا يستطيع توفير مبلغ الزواج

علما بأن متوسط تكاليف الزواج في قطر لا يقل بحال من الأحوال عن 250 الف

فأنا أقترح على الدولة (وهي كريمة ونحن نستاهل)

أن تنشئ بنكا خاصا لتزويج الزواج

تقدر فيه إعانة الزواج بمبلغ( ينهض بالزوج ويقيمه) بدون ان يمد يديه لفلان او علان

او لدى البنوك الربوية

وكما هو معروف بأن سلفة الزواج 20 الف لا تسمن ولا تغني من جوع

والدولة لديها فائض عظيم بالمليارات

وساعدت كثير من دول العالم وبنت لهم مدن ومستشفيات وساعدت في الحرب والسلم

واقترح ان يكون المبلغ 200 الف للجنير 300 الف للسنير

او توحيد السلفة بمقدار 250 الف

وايجاد ضوابط وشروط حتى لا يتم التلاعب في صرف هذه المساعدة في غير الزواج

على ان يكون القسط الشهري للجنير 1000 ريال شهريا لمدة 25 سنة (مثلا )

والسنير 2000 ريال شهريا لمدة 25 سنة (مثلا )

وبهذا المقترح نسرع في تزويج العزاب

وتكوين الأسر

ونقضي على مشكلة العزوبية والتأخير في زواج الفتيات

إن انشاء بنك لسلف الزواج لا يقل اهمية عن بنك التنمية وبنك التنمية الزراعية والصناعية

إن الدولة في الأزمة المالية الماضية (ماقصرت ) ساعدت وساندت البنوك بمليارات الريالات

لتخطي الأزمة المالية

أولا يستحق شباب أهل قطر جزء يسيرا من هذا المال المتوافر

(تشير آخر الإحصائيات ان ميزانية قطر فيها فائض سنوي بالمليارات الدولارات)

[اسعاف]

ارجو من القراء اثارة هذا الموضوع ونشره

حتى يصل الى اصحاب القرار

وتعم الفائدة

[بايع بايع]

انا من الناس اللي ماتأيد السلف للزواج باي شكل من الاشكال

ولازم الواحد يعتمد على نفسه ويحاول يقتصد ويجمع لزواجه

وبعدها يتوكل على الله وياخذله بنت الحلال اللي تدور الستر

ويبتعد عن التكاليف التافهه والتبذير المحرم

[Abdulraman]

انا ضد والدولة تعطي سلفة زواج وسلفة اعباء معيشه وسلفة سيارة بعد اكثر من كذا مايصير

[Rider]

والله ياخوي اسعاف انا اشوف القرار صعب يعني بعد نحمل الشاب فوق طاقتة يعني في النهاية قرض وتعال ادفع قول ياخوي ليش مايكون هناك مساعده للزواج من الدولة نفسها غير مساعدة الزواج الي يعطونها الديوان الاميري هالمساعده الي تقعد سنتين لين تطلع يعني الواحد يجيه عيال والمساعده ماجات الحمد الله الدولة مب مقصره مع الموطن يعني الي يجي يتزوج المفروض يعطونه مساعده ماتقل عن 150 الف اقل شي

[صمت 1]

اقتراح جميل اخوي اسعاف

وان تكون السلفيه عن طريق العمل ليس عن طريق بنك للتسليف مثل ماتفضلت

لضمان التسديد وعدم التلاعب واعطائك خيارات للتسديد 5سنوات عشر او15سنه او عشرين

وبعد التسديد السلفيه بالكامل يحق لك اخذها مره اخرى اذا كنت ناواي تزوج الثانيه

دمتم بود

[moonبنتnight]

اعتقد انه اقتراح جيد 00
مع أني لا أويد السلفيات 00
لكن الأغلبية أخذ سلفة حتى يستطيع زواج 00
بس 25 سنة !!! مؤبد 00 ما يسوى طول عمره هو يدفع 00

[GENIUS]

هلا اخونا اسعاف.

فكرتك رائعة لكن ستسير بشكل مخالف وسنسبح ضد التيار .

المعنى إذا تم رصد المبلغ الذي ذكرته وكأنه رصيد كاش لأي مقبل على الزواج فسيزيد ذلك من كلفة الوزاج وييزيد من المصاريف عن وضعها الحالي.

إلا إذا رافق هذا الشيء قانون او مرسوم كما حدث في إمارة أبوظبي من تحديد سقف للمهور والحد من البذخ والاسراف في حفلات الزفاف ووجود عقوبات صارمة للمخالفين.

طبعا قد نتناقش في الافكار ولكن سنتعب من التحليل .

الله يديم علينا الخير ويسهل امور الجميع.

[Miss]

موضووع ممتاز لكن صعب تطبيقه .. هو مب قاصر سلفيات ..
الا المفروض كل قبيله يا اسعاف يكون عندها صندوق للزواج وكل شهر اهل القبيله يضع مبلغ فيه غير محدد .. بما تجود به نفسه وبتكون في ميزان حسناته ..
واهم شي يكوون مخصص للعزابيه فقط :omen2:

[مرتبش]

المشكلة ان هالقرض بيرفع تكاليف الزواج
..اللي ب 100 الحين بيصير ب 350 لانهم عارفين انه يقدر يتسلف..خله يتسلف ويسوي عرس يليق في بنتنا .. واصحاب القاعات والخيام الملكية والاميرية والامبراطورية مابيفوتون الفرصة

[اسعاف]

اقتراح جميل اخوي اسعاف

وان تكون السلفيه عن طريق العمل ليس عن طريق بنك للتسليف مثل ماتفضلت

لضمان التسديد وعدم التلاعب واعطائك خيارات للتسديد 5سنوات عشر او15سنه او عشرين

وبعد التسديد السلفيه بالكامل يحق لك اخذها مره اخرى اذا كنت ناواي تزوج الثانيه

دمتم بود

مقترحات صائبة:nice:

شكرا لك

[اسعاف]

والله ياخوي اسعاف انا اشوف القرار صعب يعني بعد نحمل الشاب فوق طاقتة يعني في النهاية قرض وتعال ادفع قول ياخوي ليش مايكون هناك مساعده للزواج من الدولة نفسها غير مساعدة الزواج الي يعطونها الديوان الاميري هالمساعده الي تقعد سنتين لين تطلع يعني الواحد يجيه عيال والمساعده ماجات الحمد الله الدولة مب مقصره مع الموطن يعني الي يجي يتزوج المفروض يعطونه مساعده ماتقل عن 150 الف اقل شي

يقولون ان الأمارات تعطي الراغب في الزواج 70 الف

نحن نقترح سلفة بجانب العطية :nice:

[اسعاف]

اعتقد انه اقتراح جيد 00
مع أني لا أويد السلفيات 00
لكن الأغلبية أخذ سلفة حتى يستطيع زواج 00
بس 25 سنة !!! مؤبد 00 ما يسوى طول عمره هو يدفع 00

ممكن عشر سنوات :nice:

[بـــــــنت النوخـّــــذه]

حجي اسعاف انت بتضمن ان السلفه بتروح لامور الزواج (الاساسيه )؟؟؟؟؟؟

انا اقترح ان الدولة تساهم بتقديم دعم وتسهيلات للفنادق التي تساهم بعمل تخفيضات تتناسب مع امكانيات المواطنين 00

يعني اي فندق يقدم تسهيلات يقابله دعم من الدوله لهم كمجهود يشكرون عليه ويتم تكريمهم من قبل الدولة
وبالمثل المحلات الخاصه بالافراح


وبعدين لو فرضنا الدوله بتسلف على300 الف و200 الف تخيل لو عطو سلفية ل 5 اشخاص لكل منهم 300 الف يعني السلفيه لهم تطلع ب 1500000 هالمبلغ بدل ما ينعطى كسلفه (الافضل) يقدم لشركه مختصه تقوم ببناء صاله افراح كامله متكامله (للمواطنين ) بمناطق مختلفه00 مجانا"
لان شنهو الي يكسر الظهر بمصاريف العرس غير اجار ليله العرس بالفندق والذباح !!!!!!!!

انا ضد فكرة السلفيات 00 ومع فكرة تقديم دعم من الدولة ومساهمة الدوله على تشجيع التجاروالبائعين واصحاب الفنادق لعمل تخفيضات للمواطنين 00وفي الاخير تأتي منحه الدولة للزواج بمبلغ (يستكمل المواطن ) تكاليف عرسه مثلا" شخص ماعنده يفتح بيت منفصل ممكن يبني في بيت هله فالدوله اتشوف مساحة البناء ومنه تتكفل بالبناء 00بعد التأكد بعدم استطاعته من استكمال مصاريف الزواج
اما فلوس تسلم وسلفيات انسى تنحل المشكله
وشكرا"

[اسعاف]

هلا اخونا اسعاف.

فكرتك رائعة لكن ستسير بشكل مخالف وسنسبح ضد التيار .

المعنى إذا تم رصد المبلغ الذي ذكرته وكأنه رصيد كاش لأي مقبل على الزواج فسيزيد ذلك من كلفة الوزاج وييزيد من المصاريف عن وضعها الحالي.

إلا إذا رافق هذا الشيء قانون او مرسوم كما حدث في إمارة أبوظبي من تحديد سقف للمهور والحد من البذخ والاسراف في حفلات الزفاف ووجود عقوبات صارمة للمخالفين.

طبعا قد نتناقش في الافكار ولكن سنتعب من التحليل .

الله يديم علينا الخير ويسهل امور الجميع.

نعم لوجود الضوابط والقوانين منعا للتلاعب

[رآعي موآجيب]

شور طيب من راس أطيب :nice:

دام ان الشاب بيقترض بكل الأحوال لتكاليف زواجه ، فأقتراحك جداً ممتاز

ولكن احنا في مجتمع غريب و محاطين بتجار أغرب

الآن ومع علم المجتمع بصعوبة تكاليف الزواج إلا انه يوجد اصرار على رفع المهور والبذخ الغير مبرر بمنطق يقبله العقل ، فما بالك إذا ضمنوا الـ 250 الف !! :)

الأمر الآخر ولن اتعمق به كثيراً بحكم الوضع الحالي للتجار بعد زيادة الرواتب واللي الكل شافه بعينه

شوف إيش صار في التجار بعد هالزياده وتخيل إيش بيصير فيهم بعد الـ 250 الف !!! :)


الأمور الماديه في قطر ينطبق عليها مقولة ( حرك تبلش )

ولكن ارجع واعيد واكرر وآقول خفوا المهور وابتعدوا عن البذخ الكذاب وما هان تبارك

[اسعاف]

موضووع ممتاز لكن صعب تطبيقه .. هو مب قاصر سلفيات ..
الا المفروض كل قبيله يا اسعاف يكون عندها صندوق للزواج وكل شهر اهل القبيله يضع مبلغ فيه غير محدد .. بما تجود به نفسه وبتكون في ميزان حسناته ..
واهم شي يكوون مخصص للعزابيه فقط :omen2:


القبيلة فيها الفقير والمحتاج

والدولة الله يعزها غنية

وممكن يخصمون من الراتب مباشرة

[اسعاف]

المشكلة ان هالقرض بيرفع تكاليف الزواج
..اللي ب 100 الحين بيصير ب 350 لانهم عارفين انه يقدر يتسلف..خله يتسلف ويسوي عرس يليق في بنتنا .. واصحاب القاعات والخيام الملكية والاميرية والامبراطورية مابيفوتون الفرصة

بدل ما يعرس في خيمة

خل يعرس في نادي ببلاش

[اسعاف]

شركه مختصه تقوم ببناء صاله افراح كامله متكامله (للمواطنين ) بمناطق مختلفه00 مجانا"
لان شنهو الي يكسر الظهر بمصاريف العرس غير اجار ليله العرس بالفندق والذباح !!!!!!!!


وشكرا"[/color]

مقترج ممتاز

ممكن هذا البنك يستثمر امواله في بناء الصالات للزواج وباسعار منخفضة كما هو الحال في

المملكة (قصور الأفراح )

[اسعاف]

شور طيب من راس أطيب :nice:

)

ولكن ارجع واعيد واكرر وآقول خفوا المهور وابتعدوا عن البذخ الكذاب وما هان تبارك

المهور في قطر بين 80 الف و150 الف

وتكاليف الحفلة بين 100 الف و300 الف (المتوسط) غير حفلة الرجال

فالمصاريف لن تنخفض باي حال من الأحوال

[حسن]

اقتراحك ياسعاف مهب في محله الحين الشباب ناقصين تفتح لهم باب للسلفيات الحمدلله الرواتب عندنا عاليه جدا ولكن لو الدوله تنشي في كل منطقه صالتين للافراح وحده للرجال وحده للنساء وتكون اجارها ماتتعدى 5000 مجرد سعر رمزي للمحتاجين اما اغير محتاج بيروح الفنادق وغيرها من الصالات
في هذه الحاله انت وفرت على الزوجين مبلغ مايقل عن نصف المبلغ او اكثر
ثانيا عمل توعيه من قبل الدوله من خلال اجهزتها المختصه سواء الاوقاف او مركز الاسره او المحاكم الشرعيه قسم توثيق الزواج على الضغط على ام العروس ووضع ونصحهم بان متطلباتهم هذه مبالغ فيها وليس لها داعي وانا ماتتدخل في طلبات البنت ويتركون الزبو عنهم ابكلهم واللله يوفق الجميع

[اسعاف]

بعض الشباب لما يقولون له هذه الفكرة يتهيب من السلفة

لكنه سرعان ما يطير الى وكاة عبدالغني قبل ان يستلم اول راتب له لأستخراج vxr جديد

ولك عن طريق البنك والأقساط الضخمة

ألا تستحق فتاة قطر هذه السلفة بدلا من الاند كروزر

[اسعاف]

ولكن لو الدوله تنشي في كل منطقه صالتين للافراح وحده للرجال وحده للنساء وتكون اجارها ماتتعدى 5000 مجرد سعر رمزي للمحتاجين اما اغير محتاج بيروح الفنادق وغيرها من الصالات
في هذه الحاله انت وفرت على الزوجين مبلغ مايقل عن نصف المبلغ او اكثر


اقتراح طيب

[رآعي موآجيب]

ألا تستحق فتاة قطر هذه السلفة بدلا من الاند كروزر


تستحق ونص

وين يقدمون على السلفيه !!؟ :nice:

[اسعاف]

تستحق ونص

وين يقدمون على السلفيه !!؟ :nice:

اول قول : وين البنك ؟؟

[AL.SHMOKH]

الله المستعان للجميع

[اسعاف]

الله المستعان للجميع

تر اذا قام البنك بيشترون من عطوراتك الطيبة:nice:

[حسن]

بعض الشباب لما يقولون له هذه الفكرة يتهيب من السلفة

لكنه سرعان ما يطير الى وكاة عبدالغني قبل ان يستلم اول راتب له لأستخراج vxr جديد

ولك عن طريق البنك والأقساط الضخمة

ألا تستحق فتاة قطر هذه السلفة بدلا من الاند كروزر

انه كنت متوقع من احدي العضوات بيتكلم عن نفس كلامك لكن جات منك شوف ياخي لاتقارن السياره بالمره ولافيه شبه بينهم
السياره مجرد سلعه ووصيله مواصلات انتفع فيها ولوحبيت ابيعها على الاقل بتجيب سعر
وانا مجبور بان اشتريها وندري بظلم التجارونهبهم لنا ومايتقون الله فينه والله بكره بحاسبهم
لكن المره غير الله كرمها وعزها وجعلها سكنى والجنه تحت اقدام الامهات
واحنا نستغرب من الطلبات الغير مطلوبه من قبل الام في اكثر الاحيان حتى فرش القاعه يغيرونه حتى بطاقات النسوان اشكال والوان وباسعار خياليه والرييايل ام رياليين
حفله الريايل ماتكلف 5% من حفله النسوان وخرابيطهم اللي مانزل الله بها من سلطان
حتي حرس يحطون لهم وين احنا داشين اجتماع رؤساء مجلس التعاون العربي:victory:

[بـــــــنت النوخـّــــذه]

حتي حرس يحطون لهم وين احنا داشين اجتماع رؤساء مجلس التعاون العربي:victory:

:tooth:

بس للامانه لازم امن البلاوي انتشرت بسبه الجوالات بوكيمره تدش العرس وهي قمه البراءه وتطلع والخبث كله فيها مصوره الحريم

بالعكس فكره الامن الخاص مهمه جدا" لكل من يسوي عرسه بفندق

وشكرا"

[ام السعف]

مع الاقتراح وياليت يكون من غير فوائد

[حسن]

:tooth:

بس للامانه لازم امن البلاوي انتشرت بسبه الجوالات بوكيمره تدش العرس وهي قمه البراءه وتطلع والخبث كله فيها مصوره الحريم

بالعكس فكره الامن الخاص مهمه جدا" لكل من يسوي عرسه بفندق

وشكرا"

انتو يامعشر النساء جبتو البلاوي حق انفسكم تسون اعراسكم في هل القاعات وماتخلون حد ماتعزمونهم وليش العروس تتكشف وليش اتسون لكم فساتين عاريه ليش ماتكون اعراسكم في البيوت مثل الاول وليش ماتكون مقصوره على الاهل وليش تاخرون العشاء لين نصايف الليل مافي عياييز موجودين ليش عشاء الرييل يخل الساعه 9 وانتو 12 ولا1 والمعرس قعد بروحه ينطر بروحه يصفق مع العمال اللي يشلون الاكل لين يجهه الامر مسكين التقوا الله فينا

[الـقـاسـي]

انا اشوف لو يحلون المشكله من جذورها ابرك من السلف ..
شنو اللي يرفع تكاليف العرس مب المهر بس ..

تكاليف الاحتفال نفسه هي اللي ترفع السعر توفر الدوله البديل للقاعات والمحلات اللي ماكله الناس وفوق هذا ترتفع عانيه العرس من 15 الف وتصير 100 الف يعني لو كلفك الاحتفال كامل الحريم والرجال 50 او 60 الف والمهر 100 الف او حسب الاتفاق بتكون الامور طيبه

يعني الواحد بيظمن 100 الف من الدوله ويجمع شوي من رواتبه وتنحل اموره وهو مرتاح ..

[المسك1969]

اقتراح رائع أخي الكريم... سلمت أناملك وتفكيرك حفظك الله

وأزيد على اقتراحك أن يشمل الأمر المطلقين من الرجال والارامل منهم... فقد تكون ظروفهم بعد زواجهم الأول صعبة لا يستطيع أن يعفه نفسه بسهولة

اعتقد أن المبلغ المقترحه خصمه ليس بكبير من الراتب... وأتمنى أيضا أن تضغط الدوله على محلات الكوش والاكسسوارات للتخفيض من أسعارها... وخلص يكفي هيك، ومحد شاف هالكوشه ئبلك، وتؤبري أئلبي أول وحده انتي تمشي على الستيج هيدا

وللأخوة الشباب اللي تقول لك أبي هالمهر الفلاني وأبي العرس في المكان الفلاني وأبي هالاكسسوارات بالشيء الفلاني... وأنت ماشي وراها وتدفع... فتحمل اللي ييك

ولكن من البداية حط شروطك فإن قبلوا حياهم الله وبنتهم على العين والرأس وأن مارضوا فالديره متروسه بنات يتمنون العفاف

أسأل الله أن يوفق الجميع للحلال آمين

جزاكم الله خيرا على الطرح:nice:

[مخطط قطري]

اخوي اسعاف كلامك في متمه ولكان انا عندي خبر انه اللجنة الدائمه للسكان سوى دراسه قريبه من اقتراحك الا ان الموضوع تم التحفظ عليه لعدد من الاسباب اهمها عندم تحميل المواطن اكثر من طاقته ولما تقول انه لايوجد فيه تلااعب سيصبح هناك تلااعب بشكل كبير شوف قرض الاسكان ومافيه تجاوزات عموما انا اويد يعملون حصر على عدد القطرين والقطريات لي ماتزوجو وبعد ذلك دراسه من ناحيه دخل الفرد وتقليبل اسعار القاعات والمهور والزم الاب في انه يطلب مهر معقول وتكون امور لي يبي يتزوج ميسره جداااا وشكرا على طرحك لموضوع

[خزامئ]

فكره ممتازه وجعلها في ميزان حسنات من بيقوم عليها

[اسعاف]

انه كنت متوقع من احدي العضوات بيتكلم عن نفس كلامك لكن جات منك شوف ياخي لاتقارن السياره بالمره ولافيه شبه بينهم
السياره مجرد سلعه ووصيله مواصلات انتفع فيها ولوحبيت ابيعها على الاقل بتجيب سعر
وانا مجبور بان اشتريها وندري بظلم التجارونهبهم لنا ومايتقون الله فينه والله بكره بحاسبهم
لكن المره غير الله كرمها وعزها وجعلها سكنى والجنه تحت اقدام الامهات
واحنا نستغرب من الطلبات الغير مطلوبه من قبل الام في اكثر الاحيان حتى فرش القاعه يغيرونه حتى بطاقات النسوان اشكال والوان وباسعار خياليه والرييايل ام رياليين
حفله الريايل ماتكلف 5% من حفله النسوان وخرابيطهم اللي مانزل الله بها من سلطان
حتي حرس يحطون لهم وين احنا داشين اجتماع رؤساء مجلس التعاون العربي:victory:

لكن الزوجة لما تضع فيها 200 الف ابرك لك من السيارة صح ؟؟

[الـخـالـدي]

ما أيد الفكره

[اسعاف]

:tooth:

بس للامانه لازم امن البلاوي انتشرت بسبه الجوالات بوكيمره تدش العرس وهي قمه البراءه وتطلع والخبث كله فيها مصوره الحريم

بالعكس فكره الامن الخاص مهمه جدا" لكل من يسوي عرسه بفندق

وشكرا"

هذه من مشاكل الحريم :anger1:

[النائب]

إقتراح صائب وتشكر عليه

انا مادري ليش سلف الزواج في الكويت والإمارات اكثر من عندنا هل بناتهم اغلى مثلا !

الكويت 4000 دينار 52 الف ريال .

الإمارات 70000 الف ريال إذا مازادوها .

[SOUD.QA]

ضد الموضوع

مع الزياده الحاليه ما فيها شي لو الشاب صرف على نفسه بالكثير 3000 بالشهر ووفر الباقي ماكل شارب فبيت اهله لا يصرف لا على اكل ولا شرب ولا سكن خلال سنه بيوفر له مبلغ وقدره وبيعرس بلا ما يصف على نفسه قرض لمدة 25 سنه ،،، خصوصا النوعيه اللي صرفهم على المواتر والسكوترات والسفر لاعبين لعبه بالراتب ما عندهم شي اسمه توفير وبعدين يقولون ما عندنا فلوس نعرس يا كثر هالنوعيه من حولي شي يخجل صراحه من توظفوا وهم على هالحال واردى

اتمنى الدوله تزيد مساعدة الزواج وتوفر صالات بأسعار مناسبه

[barod]

انا افضل لو الدوله تزيد قيمه المساعده مثل الامارات على الاقل 80 الف وتنشى كم صاله افراح بسعر رمزي بيوفر المعرس اقل شي نص التكلفه

[بوفاطمه]

السلام عليكم ورحمة الله وبركاته....
بارك الله فيك اخوي اسعاف.
اقتراحك جيد،ولكن صعب تنفيذه؟؟؟؟
الدولة عندها خيرا كثيرا،وبعد بنك التسليف.
عز الله شبابنا تزوجو،انت تقول يسدد على25سنه،انت ماتدري من يعيش ومن يموت.
بعد يمكن الحياة الزوجيه ما تستمر يمكن بعد فترة يمكن ينفصلون لا سمح الله.
يعني الديون تكون على كاهل الرجال،يعني ما يقدر يتزوج مرة ثانيه.
الدوله تعطي لموظف الحكومة3سلفت هي:
1-سلفة السيارة.
2-سلفة اعباء الحياة.
3-سلفة الزواج.
لك الحمد يارب.كلما زاد المال عند الرجال انكسر.
اتمنى منا الدولة تحديد سقف المهر الا يتجاوز 30000ريال قطري.
الله يوفق جميع اباءنا واخواننا يارب.

[Emarati]

إقتراح صائب وتشكر عليه

انا مادري ليش سلف الزواج في الكويت والإمارات اكثر من عندنا هل بناتهم اغلى مثلا !

الكويت 4000 دينار 52 الف ريال .

الإمارات 70000 الف ريال إذا مازادوها .


صندوق الزواج في الإمارات يعطيها كمنحة وليس سلف

[النائب]

صندوق الزواج في الإمارات يعطيها كمنحة وليس سلف

بارك الله فيك منحه احسن من سلف !

[حسن]

لكن الزوجة لما تضع فيها 200 الف ابرك لك من السيارة صح ؟؟
ليش ااحنا انشوف تكلفه عشاء الرجال ومتطلباتهم في العرس تكون مصاريفها اقل بكثثثثثثثير عن حفله النسوان وين الخلل ليش بدل مانطلب من الدوله انه تسلف الناس ليش احنا مانتكاتف مع بعض ونحارب هل الامور ليش الوحد ياخذ قاعه ليش مانسوي العرس في البيت ماشاءاللهبيوتنا تطرد فيها الخيل الكثيل منهم علشان انكون منصفين والخدم البيوت بتنبط من كثرتهم عند الاكثريه
وفرضا الدوله عطت سلفه اتوقع المهور ماتزيد والطلبات ماتزيد والتكاليف من قاعات وكوشه وغيرها وتعال بعد تصوير فيديو وكيمرات بذيك القيمه نسيت اقولك هل العرس مايسير بدون تصوير اقنعني الله يخليك
احنا نحط على نفسنا بلاوي من هل التقليد السيئ والمظاهر الخداعه لا وشرايك نتصل بعد حق حمايه المستهلك وندخله في السالفه ويحل اي حد يرفع المهر نطابهم يتخذون معاهم اجراءات قانونيه ويحطونه في الجريده وننشر بالبلاك بيري ان البيت الفلاني مخالفين ولا حد يخطب منهم
احنا زادو رواتبنا ماتم حد ماقام يرفع السعر حتى باقروه راعي الصفيحه يبي يزيد
وقمنا نطالب حمايه المستهلك والكتابه في جميع وسائل الاعلام والبلاك بيري :victory:

[سهم عتيج]

مادري ايش صار على بنك الفقراء واللي تبناه احد الأثرياء قبل عام وتبرع بمبلغ 100 مليون ريال وتم تداول الخبر على مدى أيام..

يعني مثل هالبنك أعتقد انه معني بتزويج الشباب بتكاليف منخفضة للغاية..

ويعطيك الف عافية ياحاج اسعاف على الاهتمام بتزويج الشباب والشياب:yes:

[6alal]

من استطاع منك الباه فل يتزوج, مو كل اصابع اليد سوى , والحمد لله فيه هناك تسهيلات غير طبيعيه لا اقول مقارنه بالدول المجاوه بل بالعالم , واقولها من واقع ويمكنك تسال وتشوف , لكن موضوعك جميل ويفوق الروعه ولكن عندي وجهت نظر وهي : ليش ما نعرف اسباب عزوف الشباب عن الزوج :
ولو تطرح الموضوع والله العج العجاب ( داخل في لموضوع تاجر وداخل في الموضوع اسرة, وعادات وتقليد لفلان وعلان.....) والنهاية المعرس المسكين قرض يبني ولا يفرش بيته الجديد ولا يرضي العرسه بالمركات عشان تتفاخر فيها وقاعات بالاسعار التي تفوق الخيال ,اخرى.......وفي النهايه هذي وجهت نظر خصه بي (حاول انك تنسي شي اسمه دين ترى الديييييين هممممممممم هممممم والله هممم .....) وشكرا

[عليه العوض]

من الافضل ان تبني الحكومه صالة اعراس وتاجر بشي رمزي

[بصمة قطرية]

نتمنى الدولة تيسر امور الزواج للشباب
لان الزواج هالايام صار صعب بسبب الاسعار الخيالية
وتكاليف الزواج الباهظة ..
يا ليت تكون منحه من الدولة مثل ما اذكروا الاعضاء
حتى لو 100 ألف

[Bin Hood]

كلام جميل اخوي اسعاف وفعلا تسهيل الزواج له منافع كثير جدا

اولا : من باب اولى ان الرجل ريله على قد الحافه - ان شاء الله بعد الزواج حاله يتغير ويطول الحافه
بالعربي يقلل مصاريف المظاهر : ليلة الحنه , صالات الفنادق , المهر المبالغ فيه وغيرها من المصاريف الغير لازمه .

نرجع لموضوعنا الاصلي , نعم انا ااؤيد ان الدولة تساعد الشباب بالمعقول مثلا 100 الف ريال قرض حسن
لان الدوله ما يصير توفر لك مبالغ للمظاهر والـ show , وهذه الـ 100 الف غالبا راح تكون حق المهر وشهر العسل .

وجزاك الله خير

[JN000N]

انتو يامعشر النساء جبتو البلاوي حق انفسكم تسون اعراسكم في هل القاعات وماتخلون حد ماتعزمونهم وليش العروس تتكشف وليش اتسون لكم فساتين عاريه ليش ماتكون اعراسكم في البيوت مثل الاول وليش ماتكون مقصوره على الاهل وليش تاخرون العشاء لين نصايف الليل مافي عياييز موجودين ليش عشاء الرييل يخل الساعه 9 وانتو 12 ولا1 والمعرس قعد بروحه ينطر بروحه يصفق مع العمال اللي يشلون الاكل لين يجهه الامر مسكين التقوا الله فينا

:rolleyes2:
سوال،،،،، انت ف اي زمن عايش :rolleyes2:

بعدين وايد زادو الاشخاص بشكل فظيع من اللي يكررون نفس كلامك
كل العذر ان المهر غالي وتكاليف الزواج غاليه وفوق هذا صارت ام البنت والبنت اشرار :omen2:
من الغبيه اللي بتحط الدين على ظهر ريلها او ريل بنتها عشان عقب تتلته بنتها معاه ومع ديونه؟
ترى هذي الفئه بسييييييطه جدا وتقدر تسوي لها اقنور وقلنا بعدها دور على بنت الحلال اللي بدل ما تفكر في بيزات الريال تفكر بالستر

بعدين المجتمع يفرض عليك اشيا انت وانا مانقدر نغيرها
من يتزوج في بيت الحين؟ من يسوي عرس بنته في خيمه الحين؟ ع اي وطر ذي؟ وطر امي وابوي اللي هو سابقا
الحين تكاليف الزواج طبيعي بيدفع لها مهر مثل ما قال اسعاف بين 80 الف لين 150 الف ( والناس اللي شاريه الريال والستر يملجون على 1000 والريال طبيعي يكون كفو وينقع في عينه ويدفع مهر من نفسه للبنت حتى لو ابوها طلب ١٠٠٠) والبنت اللي عايشه بخير ابوها ماتنطر ريل يدفع بها لعرسها ولو بغت فوق اللي بيعطيها ريلها شي زايد ابوها وامها مب مقصرين معاها >> الا اذا كانت بنت فقر فهو اختيارك وتحمل المعاناه

تكاليف الزواج = ( مهر + وقاعة افراح + وبيت او ملحق في بيت ابوه )
المهر > بتدفع فيه العروس كل احتياجاتها من عطورات وملابس ومكياج وكشخه وذهب واطقم
قاعه الافراح > مش اقل من 100 الف بالراحه وحظك نصيبك كنت انت واسطه او لا ينزلون لك فالسعر
بيت > طبيعي بيسكنها في بيت من البدايه او ملحق... او بتسكن في جناح خاص فيها فبيت ابوه لين يبني البيت ويستقل فيه هو ومرته وعيال

تبون حريم ببلاش؟

انا عجبني اقتراح اسعاف وفنفس الوقت اقنعني اقتراح بنت النوخذه
بس مساله القاعات في كل منطقه ماعتقد تتطبق لان ارتفاع اسعار القاعات ماهو الا امور ربحيه للفنادق.. وخبرك الفنادق موسميه عشان جذي يعتمون اكثر شي عالافراح فارباحهم

[اسعاف]

مع الاقتراح وياليت يكون من غير فوائد

أكيد :nice:

هي سلفة :nice:

[alzween]

والله أنا شايف أن راح إج يوم تطالبون فيه الدولة أن تتولى عنكم اختيار العروس وتروح تخطب العروسة، يا شباب قطر والله إني محب لكم لأني عشت في هذا البلد الطيب وأهله الطيببن وأنصحكم بالابتعاد عن السلف والسلفيات، التي قصمت ظهروكم ، الدولة كل مرة تزيد رواتبكم تروحون تعطونها مجانا للبنوك وقد تكون بطريقة ربوية أحيانا، لما ذا تطالبون الدولة بفتح بنك للزواج ولا تطالبون المجتمع بتيسير أمور الزواج، لما ذا أهل قطر يقضون على مستقبل العريس خلال 24 ساعة بكل هذه الأمور الثانوية، صالة فندق ب 100 ألف ريال ، وعزومة ب 200 ألف ريال ، شبكة ب كذا وكذا ، هدية ب كذا وكذا ، هذه التكاليف لو وفرها العريس لعاش بقية حياته مرتاحا مع زوجته وأطفاله، بصراحة أصبح موضوع المغالات في المهور وفي تكاليف الزواج يقترب من المخالفة الشرعية لأن الله سبحانه وتعالى يقول، لا يكلف الله نفسا إلا وسعها، وما قال روح اقترض من البنك عشان تبذر فلوسك في ليلة واحدة، والرسول صلى الله عليه وسلم يقول ( أقلكن مهرا أعظمكن بركة) ، لذا عيلكم كشباب مناقشة هذا الموضوع دون خجل وبعقلانية حتى يتم تيسير الزواج على الشباب القطري الراغب في إحراز نصف دينه ، ونسأل الله تعالى أن ييسر الخير والبركة للقطريين ولدولة قطر ولكل بلاد المسلمين آمين.

[اسعاف]

انتو يامعشر النساء جبتو البلاوي حق انفسكم تسون اعراسكم في هل القاعات وماتخلون حد ماتعزمونهم وليش العروس تتكشف

انزين لو عملوا العرس في البيت

لابد ان تتزين العروس وتخرج زينتها للنساء بشكل غير فاضح

لكن التصوير هو المشكلة اينما كان

[اسعاف]

انا اشوف لو يحلون المشكله من جذورها ابرك من السلف ..
شنو اللي يرفع تكاليف العرس مب المهر بس ..

تكاليف الاحتفال نفسه هي اللي ترفع السعر توفر الدوله البديل للقاعات والمحلات اللي ماكله الناس وفوق هذا ترتفع عانيه العرس من 15 الف وتصير 100 الف يعني لو كلفك الاحتفال كامل الحريم والرجال 50 او 60 الف والمهر 100 الف او حسب الاتفاق بتكون الامور طيبه

يعني الواحد بيظمن 100 الف من الدوله ويجمع شوي من رواتبه وتنحل اموره وهو مرتاح ..

يابن الحلال

الحين عشرين الف من الديوان وانطر سنة ؟؟

[اسعاف]

اقتراح رائع أخي الكريم... سلمت أناملك وتفكيرك حفظك الله

وأزيد على اقتراحك أن يشمل الأمر المطلقين من الرجال والارامل منهم... فقد تكون ظروفهم بعد زواجهم الأول صعبة لا يستطيع أن يعفه نفسه بسهولة

اعتقد أن المبلغ المقترحه خصمه ليس بكبير من الراتب... وأتمنى أيضا أن تضغط الدوله على محلات الكوش والاكسسوارات للتخفيض من أسعارها... وخلص يكفي هيك، ومحد شاف هالكوشه ئبلك، وتؤبري أئلبي أول وحده انتي تمشي على الستيج هيدا

وللأخوة الشباب اللي تقول لك أبي هالمهر الفلاني وأبي العرس في المكان الفلاني وأبي هالاكسسوارات بالشيء الفلاني... وأنت ماشي وراها وتدفع... فتحمل اللي ييك

ولكن من البداية حط شروطك فإن قبلوا حياهم الله وبنتهم على العين والرأس وأن مارضوا فالديره متروسه بنات يتمنون العفاف

أسأل الله أن يوفق الجميع للحلال آمين

جزاكم الله خيرا على الطرح:nice:

مشاركة ملؤها الطيب والعنبر والمسك:nice:

[اسعاف]

اخوي اسعاف كلامك في متمه ولكان انا عندي خبر انه اللجنة الدائمه للسكان سوى دراسه قريبه من اقتراحك الا ان الموضوع تم التحفظ عليه لعدد من الاسباب اهمها عندم تحميل المواطن اكثر من طاقته ولما تقول انه لايوجد فيه تلااعب سيصبح هناك تلااعب بشكل كبير شوف قرض الاسكان ومافيه تجاوزات عموما انا اويد يعملون حصر على عدد القطرين والقطريات لي ماتزوجو وبعد ذلك دراسه من ناحيه دخل الفرد وتقليبل اسعار القاعات والمهور والزم الاب في انه يطلب مهر معقول وتكون امور لي يبي يتزوج ميسره جداااا وشكرا على طرحك لموضوع

من الشروط المطبقة ان تسلم السلفة بعد العقد ويأتي بالعقد الأصلي لهم

أن يأتي بفواتير القاعات والمطابخ وغيرها

ان يكون المتسلف له راتب يخصم منه مباشرة كل شهر الفين مثلا

[اسعاف]

فكره ممتازه وجعلها في ميزان حسنات من بيقوم عليها

شكرا لمرورك الذهبي

[اسعاف]

ما أيد الفكره

ليش :telephone:

[اسعاف]

إقتراح صائب وتشكر عليه

انا مادري ليش سلف الزواج في الكويت والإمارات اكثر من عندنا هل بناتهم اغلى مثلا !

الكويت 4000 دينار 52 الف ريال .

الإمارات 70000 الف ريال إذا مازادوها .

تلك اعطيات وليست سلف صح ؟؟

[اسعاف]

ضد الموضوع


اتمنى الدوله تزيد مساعدة الزواج وتوفر صالات بأسعار مناسبه

نعم

ليش ما يبنون في كل مدينة 5 صالات للرجال والنساء

ويوفرون علينا آلاف الريالات

[اسعاف]

انا افضل لو الدوله تزيد قيمه المساعده مثل الامارات على الاقل 80 الف وتنشى كم صاله افراح بسعر رمزي بيوفر المعرس اقل شي نص التكلفه

انا ما ادري ليش في المملكة

يبنون التجار صالات افراح في كل زاوية وكل فريج وباسعار تنافسية

وفي قطر ممنوع

ليييييييييييييييييييييييييييييييش؟؟:anger1:

[ساج الوقت]

فكره جيده ولكن الخوف من أستغلالها الخاطئ ..

[اسعاف]

اتمنى منا الدولة تحديد سقف المهر الا يتجاوز 30000ريال قطري.
الله يوفق جميع اباءنا واخواننا يارب.[/color]

اقتراح غير واقعي

يمكن لو كنا في البحرين او المملكة يمشي

لكن في قطر

اذا لم يدفع المعرس 70 وفوق

يتحمل والد الزوجة اللاف من جيبه الخاص

[اسعاف]

صندوق الزواج في الإمارات يعطيها كمنحة وليس سلف

الله اكبر :nice:

[اسعاف]

ليش ااحنا انشوف تكلفه عشاء الرجال ومتطلباتهم في العرس تكون مصاريفها اقل بكثثثثثثثير عن حفله النسوان وين الخلل ليش بدل مانطلب من الدوله انه تسلف الناس ليش احنا مانتكاتف مع بعض ونحارب هل الامور ليش الوحد ياخذ قاعه ليش مانسوي العرس في البيت ماشاءاللهبيوتنا تطرد فيها الخيل الكثيل منهم علشان انكون منصفين والخدم البيوت بتنبط من كثرتهم عند الاكثريه
وفرضا الدوله عطت سلفه اتوقع المهور ماتزيد والطلبات ماتزيد والتكاليف من قاعات وكوشه وغيرها وتعال بعد تصوير فيديو وكيمرات بذيك القيمه نسيت اقولك هل العرس مايسير بدون تصوير اقنعني الله يخليك
احنا نحط على نفسنا بلاوي من هل التقليد السيئ والمظاهر الخداعه لا وشرايك نتصل بعد حق حمايه المستهلك وندخله في السالفه ويحل اي حد يرفع المهر نطابهم يتخذون معاهم اجراءات قانونيه ويحطونه في الجريده وننشر بالبلاك بيري ان البيت الفلاني مخالفين ولا حد يخطب منهم
احنا زادو رواتبنا ماتم حد ماقام يرفع السعر حتى باقروه راعي الصفيحه يبي يزيد
وقمنا نطالب حمايه المستهلك والكتابه في جميع وسائل الاعلام والبلاك بيري :victory:
اولا بيوت اهل قطر ليست كلها كبيرة

ثم ان هناك وقت الصيف لا يمكن ان تعرس فيه الزوجة اوالزوج في الحوش بدون مكيفات

يعني مقترحك غير عملي اشوي

ممكن اذا عرس في النادي بيوفر كم الف

[اسعاف]

مادري ايش صار على بنك الفقراء واللي تبناه احد الأثرياء قبل عام وتبرع بمبلغ 100 مليون ريال وتم تداول الخبر على مدى أيام..

يعني مثل هالبنك أعتقد انه معني بتزويج الشباب بتكاليف منخفضة للغاية..

ويعطيك الف عافية ياحاج اسعاف على الاهتمام بتزويج الشباب والشياب:yes:

هاااااااااااااااا

لا تفتح علينا الباب يا سهم

تر لا قِبَل لنا من محاربة الحريم علينا

[اسعاف]

من استطاع منك الباه فل يتزوج, مو كل اصابع اليد سوى , والحمد لله فيه هناك تسهيلات غير طبيعيه لا اقول مقارنه بالدول المجاوه بل بالعالم , واقولها من واقع ويمكنك تسال وتشوف , لكن موضوعك جميل ويفوق الروعه ولكن عندي وجهت نظر وهي : ليش ما نعرف اسباب عزوف الشباب عن الزوج :
ولو تطرح الموضوع والله العج العجاب ( داخل في لموضوع تاجر وداخل في الموضوع اسرة, وعادات وتقليد لفلان وعلان.....) والنهاية المعرس المسكين قرض يبني ولا يفرش بيته الجديد ولا يرضي العرسه بالمركات عشان تتفاخر فيها وقاعات بالاسعار التي تفوق الخيال ,اخرى.......وفي النهايه هذي وجهت نظر خصه بي (حاول انك تنسي شي اسمه دين ترى الديييييين هممممممممم هممممم والله هممم .....) وشكرا

اتروالي الواحد يستدين لأحصان نفسه

اولى من شراء اكروزر او سفرة عابرة صح ؟؟

[اسعاف]

من الافضل ان تبني الحكومه صالة اعراس وتاجر بشي رمزي

يا ريت :nice:

[اسعاف]

نتمنى الدولة تيسر امور الزواج للشباب
لان الزواج هالايام صار صعب بسبب الاسعار الخيالية
وتكاليف الزواج الباهظة ..
يا ليت تكون منحه من الدولة مثل ما اذكروا الاعضاء
حتى لو 100 ألف

:nice::nice:

[اسعاف]

كلام جميل اخوي اسعاف وفعلا تسهيل الزواج له منافع كثير جدا

اولا : من باب اولى ان الرجل ريله على قد الحافه - ان شاء الله بعد الزواج حاله يتغير ويطول الحافه
بالعربي يقلل مصاريف المظاهر : ليلة الحنه , صالات الفنادق , المهر المبالغ فيه وغيرها من المصاريف الغير لازمه .

نرجع لموضوعنا الاصلي , نعم انا ااؤيد ان الدولة تساعد الشباب بالمعقول مثلا 100 الف ريال قرض حسن
لان الدوله ما يصير توفر لك مبالغ للمظاهر والـ show , وهذه الـ 100 الف غالبا راح تكون حق المهر وشهر العسل .

وجزاك الله خير
في البحرين عندكم

تجار الكويت والبحرين بنوا صالات قرب المساجد

وقد زرتها في عزاء واعراس

وفيها تيسير كبير للمعرس

يا ريت يبنون الأوقاف صالات للأفراح ولتلقي العزاء في قطر لمن لا يملك منزلا واسعا في قطر

[اسعاف]

:rolleyes2:
سوال،،،،، انت ف اي زمن عايش :rolleyes2:

بعدين وايد زادو الاشخاص بشكل فظيع من اللي يكررون نفس كلامك
كل العذر ان المهر غالي وتكاليف الزواج غاليه وفوق هذا صارت ام البنت والبنت اشرار :omen2:
من الغبيه اللي بتحط الدين على ظهر ريلها او ريل بنتها عشان عقب تتلته بنتها معاه ومع ديونه؟
ترى هذي الفئه بسييييييطه جدا وتقدر تسوي لها اقنور وقلنا بعدها دور على بنت الحلال اللي بدل ما تفكر في بيزات الريال تفكر بالستر

بعدين المجتمع يفرض عليك اشيا انت وانا مانقدر نغيرها
من يتزوج في بيت الحين؟ من يسوي عرس بنته في خيمه الحين؟ ع اي وطر ذي؟ وطر امي وابوي اللي هو سابقا
الحين تكاليف الزواج طبيعي بيدفع لها مهر مثل ما قال اسعاف بين 80 الف لين 150 الف ( والناس اللي شاريه الريال والستر يملجون على 1000 والريال طبيعي يكون كفو وينقع في عينه ويدفع مهر من نفسه للبنت حتى لو ابوها طلب ١٠٠٠) والبنت اللي عايشه بخير ابوها ماتنطر ريل يدفع بها لعرسها ولو بغت فوق اللي بيعطيها ريلها شي زايد ابوها وامها مب مقصرين معاها >> الا اذا كانت بنت فقر فهو اختيارك وتحمل المعاناه

تكاليف الزواج = ( مهر + وقاعة افراح + وبيت او ملحق في بيت ابوه )
المهر > بتدفع فيه العروس كل احتياجاتها من عطورات وملابس ومكياج وكشخه وذهب واطقم
قاعه الافراح > مش اقل من 100 الف بالراحه وحظك نصيبك كنت انت واسطه او لا ينزلون لك فالسعر
بيت > طبيعي بيسكنها في بيت من البدايه او ملحق... او بتسكن في جناح خاص فيها فبيت ابوه لين يبني البيت ويستقل فيه هو ومرته وعيال

تبون حريم ببلاش؟

انا عجبني اقتراح اسعاف وفنفس الوقت اقنعني اقتراح بنت النوخذه
بس مساله القاعات في كل منطقه ماعتقد تتطبق لان ارتفاع اسعار القاعات ماهو الا امور ربحيه للفنادق.. وخبرك الفنادق موسميه عشان جذي يعتمون اكثر شي عالافراح فارباحهم

رد يا حسن

كلامها ترا منطقي

[اسعاف]

والله أنا شايف أن راح إج يوم تطالبون فيه الدولة أن تتولى عنكم اختيار العروس وتروح تخطب العروسة، يا شباب قطر والله إني محب لكم لأني عشت في هذا البلد الطيب وأهله الطيببن وأنصحكم بالابتعاد عن السلف والسلفيات، التي قصمت ظهروكم ، الدولة كل مرة تزيد رواتبكم تروحون تعطونها مجانا للبنوك وقد تكون بطريقة ربوية أحيانا، لما ذا تطالبون الدولة بفتح بنك للزواج ولا تطالبون المجتمع بتيسير أمور الزواج، لما ذا أهل قطر يقضون على مستقبل العريس خلال 24 ساعة بكل هذه الأمور الثانوية، صالة فندق ب 100 ألف ريال ، وعزومة ب 200 ألف ريال ، شبكة ب كذا وكذا ، هدية ب كذا وكذا ، هذه التكاليف لو وفرها العريس لعاش بقية حياته مرتاحا مع زوجته وأطفاله، بصراحة أصبح موضوع المغالات في المهور وفي تكاليف الزواج يقترب من المخالفة الشرعية لأن الله سبحانه وتعالى يقول، لا يكلف الله نفسا إلا وسعها، وما قال روح اقترض من البنك عشان تبذر فلوسك في ليلة واحدة، والرسول صلى الله عليه وسلم يقول ( أقلكن مهرا أعظمكن بركة) ، لذا عيلكم كشباب مناقشة هذا الموضوع دون خجل وبعقلانية حتى يتم تيسير الزواج على الشباب القطري الراغب في إحراز نصف دينه ، ونسأل الله تعالى أن ييسر الخير والبركة للقطريين ولدولة قطر ولكل بلاد المسلمين آمين.
حاجات العرس ما بتتغير بين يوم وليلة

وفي شباب يخاف على نفسه من الفتنة اذا ما تزوج خاصة مع توفر الحرام

لذلك جاء اقتراحي هذا

والا الواحد اذا عنده خير ليش يتورط بالسلف اصلا

[اسعاف]

فكره جيده ولكن الخوف من أستغلالها الخاطئ ..

الضوابط والقوانين تحد من الإستغلال

[حسن]

يااسعاف انت تروح وتعود وتشبهه المره بالكروزر
شوف ياحج انا اضمن للك ان الكروزر لوشريته وفيه خلل بكل احترام تصلحه لك الوكاله ومن غير عوار راس واذا مااصطلح تبدله لك وهي تضحك واذا بغيت تبيعه قبل لايرتد لك طرف ينباع يعني شيك ولا شيك الماليه وعليه توقيع بوعلي ولاكفوبنك يرده
واسئل بوسيف راعي ليوا واذا عافوه القطريين ماخلوه يطيح اخوانه السعوديين
اما العرس بتصرف عليه دم قلبك وبتبقى مديون بعد وماصر نصيب فراحت عليك فلوسك والله يعوض عليك:victory:

[حسن]

رد يا حسن

كلامها ترا منطقي

اذا كلامها منطقي عندك هذا يرجعلك وكل انسان حر في رايه وبعدين اتقول الناس يملكون علي 1000 ريال وهذا صحيح لاكن ماتدري انه هذا فخ في حق الريال انت تعرف ان الشيمه ذي تودي ستين داهيه ليش يقبلون المهر عقب ماكتبو 1000 ريال لوهم شاريينه كان ردوها
هذا مهب منطق
بعدين هي خلها تنفي الكلام الي انه قلته عن العرس من الكوشه وتغير حتى الفرش والمحلويات والمقهويات والكوشه نفس الالوان والفرقه من برع والمصورات هل انتي يانجوم تنكرين اللي حاصل حتى امن تطلبون باقي جهاز كشف المتفجرات :victory:

[اسعاف]

يااسعاف انت تروح وتعود وتشبهه المره بالكروزر
شوف ياحج انا اضمن للك ان الكروزر لوشريته وفيه خلل بكل احترام تصلحه لك الوكاله ومن غير عوار راس واذا مااصطلح تبدله لك وهي تضحك واذا بغيت تبيعه قبل لايرتد لك طرف ينباع يعني شيك ولا شيك الماليه وعليه توقيع بوعلي ولاكفوبنك يرده
واسئل بوسيف راعي ليوا واذا عافوه القطريين ماخلوه يطيح اخوانه السعوديين
اما العرس بتصرف عليه دم قلبك وبتبقى مديون بعد وماصر نصيب فراحت عليك فلوسك والله يعوض عليك:victory:

ي بو علي الله يهديك

الحين الكروزر عندك اضمن من الزوجة

حرام عليك اتقول جذيه تر الحيم بيزعلوا عليك

وبعدين تر العرس زينة وعقل وحق الرجال

اما الكروزر فيملكه الصغير والكبير والمرأة والرجل

[اسعاف]

اذا كلامها منطقي عندك هذا يرجعلك وكل انسان حر في رايه وبعدين اتقول الناس يملكون علي 1000 ريال وهذا صحيح لاكن ماتدري انه هذا فخ في حق الريال انت تعرف ان الشيمه ذي تودي ستين داهيه ليش يقبلون المهر عقب ماكتبو 1000 ريال لوهم شاريينه كان ردوها
هذا مهب منطق
بعدين هي خلها تنفي الكلام الي انه قلته عن العرس من الكوشه وتغير حتى الفرش والمحلويات والمقهويات والكوشه نفس الالوان والفرقه من برع والمصورات هل انتي يانجوم تنكرين اللي حاصل حتى امن تطلبون باقي جهاز كشف المتفجرات :victory:

شوف يا بوعلي

انت لا اتحط فقط على اهل العروس

تر انا الأسبوع الماضي حضرت زوجتي خطوبة في فندق راقي وبتكلفة باهظة

فقلت لها هل هذا عرس قال لا هذه بس خطوبة

فكلمت ابو البنت في مجلس

قلت له ليش امسوي حفلة كبيرة كأنه عرس في فندق وانت امطوع ومتدين

قال يا اخي لا تلومني

اهل الزوج وامه هم يريدون هذا السرف والزبو

يعني مب كل المصاريف هي من قبل اهل الزوجة

بل احيانا اهل الزوج بطرانين ومسرفين

[JN000N]

اذا كلامها منطقي عندك هذا يرجعلك وكل انسان حر في رايه وبعدين اتقول الناس يملكون علي 1000 ريال وهذا صحيح لاكن ماتدري انه هذا فخ في حق الريال انت تعرف ان الشيمه ذي تودي ستين داهيه ليش يقبلون المهر عقب ماكتبو 1000 ريال لوهم شاريينه كان ردوها
هذا مهب منطق
بعدين هي خلها تنفي الكلام الي انه قلته عن العرس من الكوشه وتغير حتى الفرش والمحلويات والمقهويات والكوشه نفس الالوان والفرقه من برع والمصورات هل انتي يانجوم تنكرين اللي حاصل حتى امن تطلبون باقي جهاز كشف المتفجرات :victory:



حسن يبه
اللي مقتدر وعنده خله براحته
بس في معلومه شكلك انت ماتعرفها.. او ماعندك خلفيه عن هالموضوع
في فئه كبيره تكون عندها القاعه والطق عالمعرس والكوشه والطاولات عالعروس او الكوشه عالعروس والطاولات ع اهل المعرس
اكيد البنت في ليلة عرسها تبي كوشه حلوه ماتبي كرسي خشب تقعد عليه
واكيد تبي مسرح يرقصون عليه المعازيم وترح وتجوف اهلها وصديقاتها قدامها مستانسين
اكيد ام المعرس وام العروس يبون احسن ضيافه لضيوفهم اللي قدروهم وحضرو عرس فلذة اكبادهم البنت والولد
اكيد يبون يسمعون طق حلو مايبون ازعاج يصدع بهم
طبيعي بتكون القاعه مزينه بالورد والاكسسوارات الحلوه عيل طاوله وكرسي بس؟
صحيح في بعضهم يحطون زل وتغطيه للقاعه ويرجع السبب في ذلك ان تكون الالوان متناسقه يعني نوع من الديكور للقاعه المعتاد شكلها
والتغطيه تنفع في امور وايد في دخله العروس او المعرس وفي فصل العشا عن القاعه كما هو الحال في بعض القاعات
بالنسبه للحمايه اخ حسن
في عرسك ماراح تحط حمايه؟
في وايد ناس مايخافون الله ويدخلون جوالات بكيمره ويصورون العروس والبنات اللي عالمسرح يرقصون
وفي بعضهم يتعنون يدخلون القلم اللي فيه كيمره لهالغرض
هذا فوق ان في حمايه ومع ذلك ينصادون ناس مدخلين جوالات بكيمره

الا بعطيك بعد معلومه صارو وايد بنات يفكرون فيها وازواجهم واهل المعرس يرفضونها
تدري ان في بنات مايبون عرس؟ يبون ملجه وعشا وبعدها تسافر شهر عسل
واعرف وايد من هالنوعيه وازواجهم رفضو هالشي معللين انها ليلة العمر وفرحي فيها
صحيح في بنات همها الزبو قدام العام وتسمي ليلة العرس اللي هي حلمها تكون فعرس ولا الف ليلة وليله بس عشان الناس يقولون هذي سوت وسوت
وفي بنات عندها ليلة العمر ينكتب كتابها على ولد الحلال وتفرح معاه ف حياه كريمه
وفي بنات النص والنص فرحتها فعرس حلو بدون مبالغات زايده

هم فئات مجتمعيه وانت ونصيبك..
بالنسبه للمهر 1000 ، انت تبي لو خطبت وقالو 1000 وعطيتهم الف خلاص بتسلم عليهم وبتروح؟ والا بتقول مهرها الف وهذي من عندي لها تجهز نفسها؟ ومثل ما اهلها فرحوك تفرحهم؟ الا اذا كنت من النوع ( الرزيل) السموحه ما اقصدك بس اطرح مثال... انك تكون من هالنوعيه وتتشقق عالالف وتسحب نفسك وتقول خل القرعه ترعه وخل البنت تجهز عرسها ب1000
تدري ان الناس مايقولون العرس ف ويه العروس ولا اهل العروس.. معروف ان العرس ف ويه المعرس حتا لو العروس دفعت << في هذي اقول للاسف

والمحلويات والمقهويات.. تبي المعازيم يدخلون مانضيفهم؟ يقدرونا مانقدرهم؟
والا تبي اهل العروس يحملون الدلال والفناجين ويقهون العالم
بس بعد حبيت اقولك ان التوزيعات عادة تكون بين اهل الاثنين بس بعد للاسف دايما يقولون ماقصرت ام المعرس دفعت وسوت هذا كله
حتا لو العروس دفعت،، في بنات ياهم مهر 200 الف و٣٠٠ الف وقالو لهم اهل الزوج كل شي عليكم بس بندفع القاعه فقط!! ويرجع ابوها يزيدها،، مهما كان بنته ومايبي يضيق عليها وهي ليلة وحده فالعمر

يلا الحين انت احسب فساتين العروس وملابسها وذهبها وعطوراتها ومكياجها.. واحسب الكوشه والطاولات والوزيعات والاضاءه والطق والحمايه ع قولتك وكل شي بقا
لا انكر ان في فئه ويهها بليته وتتشرط بقايمه بطول بعرض والمعرس المسكين يطيح ع راسه كل شي << لكن هذي فئه ذكرت سابقا انها بسيطه وسو لها اقنور

تحياتي :)

[حسن]

شوفي يا جنون من فتره واحد من الربع تزوج من الرياض اتصدقين كلفه الزواج مع المهر كامل 80000 الف مهب شي يحز في النفس ان القطري سار يترك بنت بلاده
شمعنى البحرين والسعوديه ماعندهم هلالمصاريف مهب مجتمع واحد وكل بلاد تبعد عنا عده كيلومترات شمعنى احنا صرنا غير عنهم وبعدين احنا كانت عندنا عاده للي بيتزوج الكل كان يعينه والحين للاسف هذه العاده الزينه شبه معدومه
وحبيت اقولك ان 80000 الف اللي دعها صديقي كانت بالنسبه لهم مبلغ كبير ومكرمهم زياده

[JN000N]

شوفي يا جنون من فتره واحد من الربع تزوج من الرياض اتصدقين كلفه الزواج مع المهر كامل 80000 الف مهب شي يحز في النفس ان القطري سار يترك بنت بلاده
شمعنى البحرين والسعوديه ماعندهم هلالمصاريف مهب مجتمع واحد وكل بلاد تبعد عنا عده كيلومترات شمعنى احنا صرنا غير عنهم وبعدين احنا كانت عندنا عاده للي بيتزوج الكل كان يعينه والحين للاسف هذه العاده الزينه شبه معدومه
وحبيت اقولك ان 80000 الف اللي دعها صديقي كانت بالنسبه لهم مبلغ كبير ومكرمهم زياده




اكيد فرق
لان تجهيز العرس هناك ارخص بواااااايد
والقاعات يابلاش
كل شي عندهم رخيص
طبيعي بتكون 80 الف جنها مليون عندهم
ولحين اللي بيتزوج يعينونه من قالك انقطعت

[رآعي موآجيب]

انا ما ادري ليش في المملكة

يبنون التجار صالات افراح في كل زاوية وكل فريج وباسعار تنافسية

وفي قطر ممنوع

ليييييييييييييييييييييييييييييييش؟؟:anger1:


ما تدري ليش يا مطوعنا !!؟

لأنه مشروع ذذذذهب والذهب في قطر محتكرته شركة قطر الوطنية للفنادق :)

شوف طال عمرك هالحسبه البسيطه

القاعه تكلف 45000 في المتوسط ( مع العلم ان هالتسعيره غير متوفره حالياً )

لو قلنا القاعه يقام بها 3 حفلات فقط في الأسبوع ( ماراح اتكلم عن المواسم :) )

الشهر فيه 4 اسابيع و 3 × 4 = 12 حفله و 12 حفله × 45000 = 540000 في الشهر

540000 × 12 شهر = 6480000 يعني 6 مليون ونص في السنه :nice:

هذي حسبة قاعه وحده فقط وعلى آقل تقدير :)


الحين عرفت ليييييييييييييييييييييييييييييييش !!!

[اسعاف]

شوفي يا جنون من فتره واحد من الربع تزوج من الرياض اتصدقين كلفه الزواج مع المهر كامل 80000 الف مهب شي يحز في النفس ان القطري سار يترك بنت بلاده
شمعنى البحرين والسعوديه ماعندهم هلالمصاريف مهب مجتمع واحد وكل بلاد تبعد عنا عده كيلومترات شمعنى احنا صرنا غير عنهم وبعدين احنا كانت عندنا عاده للي بيتزوج الكل كان يعينه والحين للاسف هذه العاده الزينه شبه معدومه
وحبيت اقولك ان 80000 الف اللي دعها صديقي كانت بالنسبه لهم مبلغ كبير ومكرمهم زياده

العيش في قطر له ضريبة

كما ان الرواتب هنا خيالية بالنسبة للمملكة

[اسعاف]

حسن يبه
اللي مقتدر وعنده خله براحته
بس في معلومه شكلك انت ماتعرفها.. او ماعندك خلفيه عن هالموضوع
في فئه كبيره تكون عندها القاعه والطق عالمعرس والكوشه والطاولات عالعروس او الكوشه عالعروس والطاولات ع اهل المعرس
اكيد البنت في ليلة عرسها تبي كوشه حلوه ماتبي كرسي خشب تقعد عليه
واكيد تبي مسرح يرقصون عليه المعازيم وترح وتجوف اهلها وصديقاتها قدامها مستانسين
اكيد ام المعرس وام العروس يبون احسن ضيافه لضيوفهم اللي قدروهم وحضرو عرس فلذة اكبادهم البنت والولد
اكيد يبون يسمعون طق حلو مايبون ازعاج يصدع بهم
طبيعي بتكون القاعه مزينه بالورد والاكسسوارات الحلوه عيل طاوله وكرسي بس؟
صحيح في بعضهم يحطون زل وتغطيه للقاعه ويرجع السبب في ذلك ان تكون الالوان متناسقه يعني نوع من الديكور للقاعه المعتاد شكلها
والتغطيه تنفع في امور وايد في دخله العروس او المعرس وفي فصل العشا عن القاعه كما هو الحال في بعض القاعات
بالنسبه للحمايه اخ حسن
في عرسك ماراح تحط حمايه؟
في وايد ناس مايخافون الله ويدخلون جوالات بكيمره ويصورون العروس والبنات اللي عالمسرح يرقصون
وفي بعضهم يتعنون يدخلون القلم اللي فيه كيمره لهالغرض
هذا فوق ان في حمايه ومع ذلك ينصادون ناس مدخلين جوالات بكيمره

الا بعطيك بعد معلومه صارو وايد بنات يفكرون فيها وازواجهم واهل المعرس يرفضونها
تدري ان في بنات مايبون عرس؟ يبون ملجه وعشا وبعدها تسافر شهر عسل
واعرف وايد من هالنوعيه وازواجهم رفضو هالشي معللين انها ليلة العمر وفرحي فيها
صحيح في بنات همها الزبو قدام العام وتسمي ليلة العرس اللي هي حلمها تكون فعرس ولا الف ليلة وليله بس عشان الناس يقولون هذي سوت وسوت
وفي بنات عندها ليلة العمر ينكتب كتابها على ولد الحلال وتفرح معاه ف حياه كريمه
وفي بنات النص والنص فرحتها فعرس حلو بدون مبالغات زايده

هم فئات مجتمعيه وانت ونصيبك..
بالنسبه للمهر 1000 ، انت تبي لو خطبت وقالو 1000 وعطيتهم الف خلاص بتسلم عليهم وبتروح؟ والا بتقول مهرها الف وهذي من عندي لها تجهز نفسها؟ ومثل ما اهلها فرحوك تفرحهم؟ الا اذا كنت من النوع ( الرزيل) السموحه ما اقصدك بس اطرح مثال... انك تكون من هالنوعيه وتتشقق عالالف وتسحب نفسك وتقول خل القرعه ترعه وخل البنت تجهز عرسها ب1000
تدري ان الناس مايقولون العرس ف ويه العروس ولا اهل العروس.. معروف ان العرس ف ويه المعرس حتا لو العروس دفعت << في هذي اقول للاسف

والمحلويات والمقهويات.. تبي المعازيم يدخلون مانضيفهم؟ يقدرونا مانقدرهم؟
والا تبي اهل العروس يحملون الدلال والفناجين ويقهون العالم
بس بعد حبيت اقولك ان التوزيعات عادة تكون بين اهل الاثنين بس بعد للاسف دايما يقولون ماقصرت ام المعرس دفعت وسوت هذا كله
حتا لو العروس دفعت،، في بنات ياهم مهر 200 الف و٣٠٠ الف وقالو لهم اهل الزوج كل شي عليكم بس بندفع القاعه فقط!! ويرجع ابوها يزيدها،، مهما كان بنته ومايبي يضيق عليها وهي ليلة وحده فالعمر

يلا الحين انت احسب فساتين العروس وملابسها وذهبها وعطوراتها ومكياجها.. واحسب الكوشه والطاولات والوزيعات والاضاءه والطق والحمايه ع قولتك وكل شي بقا
لا انكر ان في فئه ويهها بليته وتتشرط بقايمه بطول بعرض والمعرس المسكين يطيح ع راسه كل شي << لكن هذي فئه ذكرت سابقا انها بسيطه وسو لها اقنور

تحياتي :)

ههههههههههههههههههه

[اسعاف]

ما تدري ليش يا مطوعنا !!؟

لأنه مشروع ذذذذهب والذهب في قطر محتكرته شركة قطر الوطنية للفنادق :)

شوف طال عمرك هالحسبه البسيطه

القاعه تكلف 45000 في المتوسط ( مع العلم ان هالتسعيره غير متوفره حالياً )

لو قلنا القاعه يقام بها 3 حفلات فقط في الأسبوع ( ماراح اتكلم عن المواسم :) )

الشهر فيه 4 اسابيع و 3 × 4 = 12 حفله و 12 حفله × 45000 = 540000 في الشهر

540000 × 12 شهر = 6480000 يعني 6 مليون ونص في السنه :nice:

هذي حسبة قاعه وحده فقط وعلى آقل تقدير :)


الحين عرفت ليييييييييييييييييييييييييييييييش !!!

:weeping::weeping:

[bu 3li]

مب محتاجين بنوك عشان يعطونا فلوس لـ الزواج ..

المفروض يكون فيه صندوق لـ الزواج وترصد له ميزانيه كل سنه + يستقبل مساهمات من الافراد اللي حابين يفيدون عيال بلادهم وياخذون الاجر من ورى هـ الشي ....

دام احنا نتطلع لـ الافضل وناخذ الاجانب ( قدوه ) لنا في هالمجال (( للاسف الشديد )) ليش مانشوف الدول المجاوره لنا شتسوي لـ شعبها في مثل هالامور ونقلدها دام الفكره ايجابيه

لو يرصد مبلغ لـ كل شخص حاب يتزوج خل نقول 100 الف ولا حتى 80 الف او 60 الف
( يتحدد المبلغ بعد دراسات عشان يقدرون يعطون الكل )
بيكون شي طيب ولفته حلوه من الدوله ولو نفكر فيها اشوي هاي حق من حقوق المواطن انه يلقى مساعده من الدوله عشان يكمل نص دينه وتامن له الدوله الاستقرار او تساهم في هالشي

[اسعاف]

اكيد فرق
لان تجهيز العرس هناك ارخص بواااااايد
والقاعات يابلاش
كل شي عندهم رخيص
طبيعي بتكون 80 الف جنها مليون عندهم
ولحين اللي بيتزوج يعينونه من قالك انقطعت

انزين

خلونه من تكاليف العرس

وقولوا رايكم في المقترح رجاء

[اسعاف]

المفروض يكون فيه صندوق لـ الزواج وترصد له ميزانيه كل سنه + يستقبل مساهمات من الافراد اللي حابين يفيدون عيال بلادهم وياخذون الاجر من ورى هـ الشي ....

دام احنا نتطلع لـ الافضل وناخذ الاجانب ( قدوه ) لنا في هالمجال (( للاسف الشديد )) ليش مانشوف الدول المجاوره لنا شتسوي لـ شعبها في مثل هالامور ونقلدها دام الفكره ايجابيه

لو يرصد مبلغ لـ كل شخص حاب يتزوج خل نقول 100 الف ولا حتى 80 الف او 60 الف
( يتحدد المبلغ بعد دراسات عشان يقدرون يعطون الكل )
بيكون شي طيب ولفته حلوه من الدوله ولو نفكر فيها اشوي هاي حق من حقوق المواطن انه يلقى مساعده من الدوله عشان يكمل نص دينه وتامن له الدوله الاستقرار او تساهم في هالشي

مقترح طيب

[BoFahed]

بسنا ديون وسلفيات بسنا خرابيط انا اشوف المقترح القديم في تخصيص ارض كبيرة وبنائها صالة افراح (قاعتين) في كل فريج افضل واسهل بوايد من التسليف..

الارض مجانية والمبلغ كم مليون بمناقصة واحدة تخلص في سنة ومصاريف تشغيلها بتغطيها الرسوم الرمزية وبجذي راح نص تكاليف و الفايدة للكل

صدقوني ما بنلحق من كثرة الاعراس يا ليت المسئولوين يدركون بان اعفاف الشباب والحفاظ على اخلاق المجتمع اهم مليون من مرة من قطاع السياحة ( ارباح الفنادق) و الشركة الوطنية للفنادق

ضياع العفة اخطر مليون مرة على المجتمع من جوع البطن

[Rashid554]

والله الدوله ماقصرت معانا ولكن فكره جيده ولكن من حق الدوله ان تاخذ فوائد على قيمة هذا القرض

مثلاً القرض كحد اعلى 250 الف ريال من حق المقترض ان يحدد عدد السنوات بشرط ان لاتتعدى سقف الـ 20 سنه

بحيث كل سنة الفائدة 0.5%

فمثلاً لو اقترضت انا مبلغ وقدره 250 الف ريال لمده 15 سنه تطلع علي الفائدة 7.5% بما يعادل 17500 من قيمة القرض وكل مازادت المده كل مازادت قيمة الفائدة ويكون القسط الشهري لقرضي 1486 حلوين وايد :nice:

الدوله تقدر تفيد وتستفيد
ولكن هذا يضر البنوك :nice:

[رجل مثالي]

لماذا لا تفتح الدولة بنك لتسليف العزاب للزواج وبأقساط مريحة (شارك برأيك معنا)

كلنا عندنا اعيال وبنات ونعاني من كلفة تكاليف الزواج

والشاب الفقير الذي فقد والده او والده فقير اصلا

يمتد به العمر ولا يستطيع توفير مبلغ الزواج

علما بأن متوسط تكاليف الزواج في قطر لا يقل بحال من الأحوال عن 250 الف

فأنا أقترح على الدولة (وهي كريمة ونحن نستاهل)

أن تنشئ بنكا خاصا لتزويج الزواج

تقدر فيه إعانة الزواج بمبلغ( ينهض بالزوج ويقيمه) بدون ان يمد يديه لفلان او علان

او لدى البنوك الربوية

وكما هو معروف بأن سلفة الزواج 20 الف لا تسمن ولا تغني من جوع

والدولة لديها فائض عظيم بالمليارات

وساعدت كثير من دول العالم وبنت لهم مدن ومستشفيات وساعدت في الحرب والسلم

واقترح ان يكون المبلغ 200 الف للجنير 300 الف للسنير

او توحيد السلفة بمقدار 250 الف

وايجاد ضوابط وشروط حتى لا يتم التلاعب في صرف هذه المساعدة في غير الزواج

على ان يكون القسط الشهري للجنير 1000 ريال شهريا لمدة 25 سنة (مثلا )

والسنير 2000 ريال شهريا لمدة 25 سنة (مثلا )

وبهذا المقترح نسرع في تزويج العزاب

وتكوين الأسر

ونقضي على مشكلة العزوبية والتأخير في زواج الفتيات

إن انشاء بنك لسلف الزواج لا يقل اهمية عن بنك التنمية وبنك التنمية الزراعية والصناعية

إن الدولة في الأزمة المالية الماضية (ماقصرت ) ساعدت وساندت البنوك بمليارات الريالات

لتخطي الأزمة المالية

أولا يستحق شباب أهل قطر جزء يسيرا من هذا المال المتوافر

(تشير آخر الإحصائيات ان ميزانية قطر فيها فائض سنوي بالمليارات الدولارات)



:victory::victory::victory: فكرة جميلة الافضل مساعدة شبابنا للزواج وتسهيله بكل الطرق