المساعد الشخصي الرقمي

مشاهدة النسخة كاملة : اسعار ساعات rolex في قطر



N7eEeS
21-09-2011, 11:41 AM
السلام عليكم ورحمة الله وبركاته،،
في شهر يوليو الماضي كنت في لندن ومريت على محل ساعات رولكس اللي موجود في اولد بوند ستريت شفت ساعه وكان سعرها تقريبا 13100 باوند مايعادل في حينه 77290 ريال قطري طبعا السعر هذا شامل الضريبه على المبيعات والتي تقدر ب 20% واللي تقريبا يرجعون لك في المطار منها 16% يعني تطلع الساعه 64923 ريال قطري مع العلم أن الموظفة قالت لي شوف كم سعرها عندكم وبانزل لك بعد من السعر.
المهم لما رجعت الدروحه رحت البيت الحديث وطبعا كان في بداية رمضان تقريبا حصلت نفس الساعه ب 82000 ريال قطري!! قلت للموظف اسعاركم اغلى من لندن قال كان خذتها من لندن وقال احنا تونا رافعين الاسعار 10% قلت له في خصم قال لا.
في اجازة العيد رحت بانكوك ومريت على محل رولكس في مجمع سنترال حصلت نفس الساعه ب 80000 ريال قطري تقريبا مع العلم ان في ضريبة مبيعات 7% تقريبا تطلع بعد الضريبة 75000 ريال.
السؤال المطروح بريطانيا وتايلند في ضريبة مبيعات على السلع ومع ذلك اسعار الساعه ارخص من قطر اللي مافيها ضريبة مبيعات ومافي مجال للمقارنة بين شارع بوند ستريت في لندن وبين شارع سلوى اللي فيه البيت الحديث!! اذا راح نتكلم عن تكلفة؟؟
لماذا هذا الارتفاع في الاسعار؟

هارودز
21-09-2011, 12:03 PM
السعودية و البحرين ارخص لاتشتري من الدوحة السعودية من محل الكوهجي في الحسا

وطن
21-09-2011, 12:47 PM
اخوي عادة اسعار لندن بتلاقيها ارخص في كل شي
الماركات
العطور
الساعات
وفوقها بعد تسترجع الضريبه وانت راجع


انا سمت ساعة بربري هني عند الصالون الأزرق
اخذتها من لندن بفرق 1000 ريال !!

ومن كم يوم شفت عطر لمتد كولكشن من ديور هني
فرق بين سعره وسعر لندن

يعني الفرق في سعر الرولكس عادي
هذي فرقية اسعار بره والخليج

مرتبش
21-09-2011, 02:21 PM
فرق مش بسيط رغم ضرايبهم وتكلفة العمال والموظفين والبترول ( عندنا ارخص من الماي) ..

بن رومي
21-09-2011, 03:50 PM
على فكره

سعرها زاد مرتين هالسنه

في البيت الحديث ... قلت له ليش قال من الشركة الام والسبب ارتفاع العمله مقابل الدولار

والله ما يندرا عنهم

بن رومي

qatara
21-09-2011, 04:15 PM
يمكن الاسباب ان بالدول الي ذكرتها يبيعونهم على بسطه ماهي محلات كبيره مثل الي عندنا

الله المعين

فلور
21-09-2011, 10:39 PM
صحيح سعر الرولكس ارتفع وايد
انا شريت ساعه في شهر 7 -- سعرها 42400 الف
بعد شهر رحت اشتري نفس الساعه صدمني قالي ارتفت الاسعار صارت 49700 الف يعني في خلال شهر ترتفع 7000 ريال
شيكت على نفس الساعه في الامارات قالي 48000
مدري ليش

الخيالة
21-09-2011, 10:59 PM
باااااال انتوا من صجكم تشترون ساعه بهالمبلغ؟؟؟؟

الخيالة
21-09-2011, 11:00 PM
انتوا من صجكم تشترون ساعة بهالمبلغ؟؟؟؟؟؟؟؟؟؟؟؟؟؟:omg::eek5:

clouds
22-09-2011, 02:19 AM
الرولكس وحتى كارتييه كلهم ارتفعت اسعارهم في 30-6 وبعد ردت ارتفعت اسعارهمم في شهر 7 مرتين في شهر هم بنفسهم قايلين لي حتى هونت مع اني رايحه اخذ لي ساعه بتاريخ 1-7 مارضو يعطوني بالسعر القديم قالو امس زدنا الاسعار وخليتها لان الزياده كانت 20 الف للساعه ولما رجعت في رمضان بعد زادوها اكثر...وترى دبي اغلى من قطر الرولكس والكارتيه
اللي ارخص البحرين والسعوديه

المتحدث الرسمي
22-09-2011, 08:31 AM
.....

وكيل الرولكس في البحرين الكوهجي اسعاره ارخص من البيت الحديث

الاهل خذو ساعه من عنده و لما جاو يسومونها في البيت الحديث طلعت الفرقيه حول الــ9.000 ريال :eek5:

.....

لابس بشت
22-09-2011, 08:44 AM
انا خذت الرولكس الخضرا من 3 شهور تقريبا ب29 الف من البيت الحديث
وحاليا سعرها 37 تقريبا لان الفرانك زاد سعره على قولتهم

missperfect
22-09-2011, 08:54 AM
صرت ما اتسوق من الدوحه أبد حتى في اللبس ولا امر مجمعاتها

BonBons
22-09-2011, 09:01 AM
انا خذت الرولكس الخضرا من 3 شهور تقريبا ب29 الف من البيت الحديث
وحاليا سعرها 37 تقريبا لان الفرانك زاد سعره على قولتهم

صحيح واناااكد هالكلام لان من يومين رحت لهم عل اساس انها 29 ومجهزة الفلوس مشتطه اخرتها قالي 37 @@

وترا الرولكس بمطار البحرين وايد وايد ارخص وانا باخذها من هناك
وصديقتي كانت في الهند من شهر وقالتلي ان الروكلس ارخص ب9 الى 15 الف ريال من عندنا

الامير
22-09-2011, 10:01 AM
شريت ساعه من ميونخ رولكس وكان الفرق 15 الف اذ ماكان اااااكثر
صدقوني كل ساعات رولكس لي شريتها من الرياض والبحرين وميونخ ارخص بكثير من البيت الحديث مادري ليش هو غالي مادري يمكن اليورررو طاير فوق

لابس بشت
23-09-2011, 04:01 AM
أنا سمتها في مكه في رمضان كان سعرها نفس سعر البيت الحديث

بوحارب
23-09-2011, 04:11 AM
اخوي نحيس لاتعور راسك ولا شي

معروف كل شي في قطر سعره يكون اغلى من باقي دول العالم

ليش مادري

ياخي كمبريسر الهدد عندنا ب 3200 وفي الحسا ب 1700 !!!


لاتسألني ليش

بس انا حاط في بالي هالشي انه اغلى شي عندنا يمكن التجار يحسبون القطري عنده بير بترول فالبيت :)

الزعفراني
23-09-2011, 07:09 PM
لماذا هذا الارتفاع في الاسعار؟



وعليكم السلام ورحمة الله وبركاته أخوي N7eEeS :

أحد الأسباب الناتجة عن الفرق في الأسعار ناتج على أن البيت الحديث اهنيه قاعد يبيع لك الساعة مضاف إليها شعورك بالرفاهية .

لذلك هو قاعد يدفعك قيمة الساعة وكذلك قيمة الشعور بالرفاهية .

من فضل الله وحمده ، نسبة كبيرة من أفراد المجتمع عايشين في رفاهية .


في مداخلة خارج الموضوع أشوي عشان تتضح وجهة نظري :

في أوروبا الشركات المنافسة للمنتجات المعروفة تقوم بعمل دراسات وأبحاث وتجارب ميدانية على المنتج قبل النزول للسوق وقبل تسويقه ، وفي الغالب تعتمد على منحك الشعور الذي ترغب به في هذا المنتج ، وعلى ضوءه تقرر النزول بالمنتج للسوق أم لأ وبالسعر الذي تراه .

على سبيل المثال نكهة قهوة معينه أو قطعة شوكولاته أو آيس كريم جديد .

هم في الغالب يبيعونك الشعور تجاه هذا المنتج ، وليس المنتج نفسه .

ناعس الاهداب
23-09-2011, 10:39 PM
اصلا كل شي شوبنق في لندن ارخص حتى الهارودز ارقى واغلى مجمع بالعالم قارن اسعار الماركات عنده مع الماركات في فيلاجيو وشوف الفرق وانسى ان فيه ضريبه بعد بيكون ارخص يعني مع الضريبه اتوقع قميص زارا يساوي قميص قوتشي مب بس في الساعات في كل شي عندنا اغلى ويقولون احمدو ربكم مافي ضرايب وهم خذو الضريبه وزود عليها بعد لكن والله الغلط منا احنا الي نشتري ونخليهم يتمادون الكل يقول عنا ان شعب متخلف يقط فلوسه على اي شي ويضحكون علينا ،، انا عن نفسي لو شيصير والله ماشتري شي من الدوحه وعلى طاري الساعات في لندن مره واحد من ربعي كان بيشتري ساعه ب١٠٠ الف باوند ماخذها تعرف ليش لان المحل تخيل عطاه اياها مع الخصم قريب ال٦٠ الف باوند يعني نزل له نص السعر خلاه ينصدم معقوله من ١٠٠ الف لين هالمبلغ واحنا عندنا من ١٠٠ بينزل لك لين ٩٥ الف هاي اذا نزل

captin
23-09-2011, 10:52 PM
السؤال المطروح بريطانيا وتايلند في ضريبة مبيعات على السلع ومع ذلك اسعار الساعه ارخص من قطر اللي مافيها ضريبة مبيعات ومافي مجال للمقارنة بين شارع بوند ستريت في لندن وبين شارع سلوى اللي فيه البيت الحديث!! اذا راح نتكلم عن تكلفة؟؟
لماذا هذا الارتفاع في الاسعار؟


اهنيه في قطر الامور سايبة لاحسيب ولارقيب كل واحد على كيفة
ولا فيه رادع وكل شوي طلع لكم مسئول من حماية المستهلك
يقول احنا أرخص من دول الجوار .

لو فيه نظام تسعير للسلع بعد الدراسة والمقارنة مع دول العالم
واللي يخالف التسعير يسكرون محله ويسحبون رخصته
جان ما تجرأ فيفتي ون ولا غيره يرفع الاسعار على كيفة بدون مبررات

فارس قطر333
24-09-2011, 12:07 PM
جات على االرولكس كل شي ارتفع سعر

والمشكله لا في حسيب ولا رقيب

بونو
24-09-2011, 04:53 PM
اسأل الله العظيم انه يهنيكم بالنعمه ولايغير عليكم .... بس يالربع مب حرام الواحد يشتري ساعه ب50 و ب80 ؟
ـ هذا مايعتبر تبذير ؟!
ـ والنقطه الثانيه اللي تعجبت منها .... احنا قاعدين انتشكى من ارتفاع في السعر بريال وريالين !! والاخوان يتناقشون في ارتفاع اسعار ساعات بالآلاف !!
ـ لو اني تاجر ودخلت هالمنتدى .... اقسم بالله العظيم اني ماراح اصدق ان في محتاجين من هل قطر ...
ـ
ـ
ـ الله يهدينا وياكم للحق بإذنه

بو خليفه 123
25-09-2011, 07:59 AM
اسعار الروليكس بغض النظر عن ارتفاعات السوق الغير مبرره في قطر ارتفعت بمعدل 20% و ذلك بسبب ارتفاع الذهب عالمياً مع عوامل اخرى ..


و لكن حتى قبل الارتفاع كان الأخ الدرويش (وكيل روليكس) يحط نسبة % Margin على كيفه تزيد عن باقي دول الخليج المجاوره و حتى دول اوروبا ايضاً (حسب ندرة الساعه و عدد اقرطة الالماس بتركيب الوكاله)


هالشيء من حقه و سوق الروليكس يعتبر سوق مفتوح بحكم منافسة سوق الذهب له ببيع الروليكس بسعر ارخص رغم ان الالماس والطوق تركيب , و لكن هنا الشطاره تعود على المستهلك و قراراته الحاسمه .. يا اما ياخذها من وكيل منافس .. او على قولتهم (خلوها تخيس عنده)


شكراً لك اخوي نحيس على الموضوع واضح انك من محبين الروليكس :nice:

الامير
25-09-2011, 09:19 AM
أنا سمتها في مكه في رمضان كان سعرها نفس سعر البيت الحديث

غلطان انا كنت ابي اشتري ساعه ياخت ماستر كان سعرها 47 الف ريال قطري اتصلت في واحد من شباب وكان في مكه وقالي لان بروخ وخصها وكان الفرق 6 الف ريال ولبناني الي في درويش يقولي مستحيل انزل رديت عليه خلها عندك بشتريها من مكه قالي بكم قلت له ارخض من عندك مابقيت اقوله القيمه ولا تنسى انها بريال سعودي انزل من الفطري

الدوحه1
25-09-2011, 10:30 AM
ياجماعه اللي يبي يشتري ساعه "رولكس" ماراح تفرق معاه 5 او 10 الاف زياده؟؟
هالساعات اصلا مخصصه للاغنياء وتعتبر من الرفاهيه.. واللي مايقدر يدفع يروح يشتري "سيكو"!!!
وانا عن نفسي ماراح تفرق معاي لو سعر الساعه صار مليون!!!
انا اهم شي عندي اسعار المواد الرئيسيه واللي مانقدر نستغني عنها ونحتاجها يوميا في حياتنا مثل : الخبز والروتي, العيش , الحليب ومشتقاته , السكر , السمك واللحم والدجاج , زيت الطباخ ,الماي والكهرباء , البترول وغاز الطبخ,...

موضي قطر
25-09-2011, 03:44 PM
ياجماعه اللي يبي يشتري ساعه "رولكس" ماراح تفرق معاه 5 او 10 الاف زياده؟؟
هالساعات اصلا مخصصه للاغنياء وتعتبر من الرفاهيه.. واللي مايقدر يدفع يروح يشتري "سيكو"!!!
وانا عن نفسي ماراح تفرق معاي لو سعر الساعه صار مليون!!!
انا اهم شي عندي اسعار المواد الرئيسيه واللي مانقدر نستغني عنها ونحتاجها يوميا في حياتنا مثل : الخبز والروتي, العيش , الحليب ومشتقاته , السكر , السمك واللحم والدجاج , زيت الطباخ ,الماي والكهرباء , البترول وغاز الطبخ,...


:victory::victory::victory:

Store
25-09-2011, 04:06 PM
ياجماعة والله ان الي يشتغلون في الرولكس نصابين دخلت من حول اسبوع عليهم بترنق سوت بدلة رياضة

قلت له ابي الرولكس الساب مارينر الخضراء

قال مافي قلت له متى بتجي قال بالطلب

قلت اوكى الزرقاء

قال في الذهب الابيض

قلت له والاستن ستيل

قال مخلصة

المهم بعد اسبوع رجعت له وانا لابس ثوب وغترة ومعاي واحد من الربع

قلت له عندك الرولكس الخضراء

قال لي أأأأأأي

قام وطلعها من داخل الكبت

قلت له كم

قال 35 الف

وماعليها اي خصم

قلت له طيب والزرقاء

قال اصلاً الزرقاء مانزلت استن ستيل

قلت له يا اخي انا من سبوع كنت عندك وقلت لي خالصة المهم ويعتفس البناني

قلت له طيب في قلم رولكس قال لا الرولكس مانزلو اقلام قلت طيب وايش هذا ( انا عندي قلم رولكس ورويته اياه )

قال اي احنا ماعندنا بس اكيد براء نزلوه يعني هم مايدرون شالسالفه وقاعدين يلعبون على الناس

والي يقول ان ساعة الرولكس حق الاغنياء الي مايهمهم شي هذا كلام فاضي والي قاعد يقول هالكلام انسان مايفهم

يا اخي الفكرة عن زيادة منتج بدون داعي او مع المكرمة الاميرية بس مب شرط الرولكس او سيارة

خلكم كلكم يد وحده ومقاطعة بيتئدبون

بو راشد 1
26-09-2011, 12:10 PM
يا الربع ترى في دراستي للماستر عملت بحث عن الرولكس لمادة التسويق، و الخلاصة ان الساعة لا تفرق عن مثيلاتها (الفاخرة) من ناحية الكواليتي، و لكن فرق السعر المبالغ فيه فقط لأسم "الرولكس" حيث ان لها تاريخ عريق.
أعيد: لا فرق في الجودة و المتانة بينها و بين الساعات الاخرى الفاخرة، فقط فرق السعر جدا مبالغ فيه لمجرد اسم.

N7eEeS
26-09-2011, 12:50 PM
شكرا لتفضلكم جميعا بالمرور
والفكره اللي حبيت اوصلها كيف لندن ارخص من قطر حيث ان الدولة هناك تفرض ضريبة على السلع بنسبة 20% بينما في قطر لايوجد ضرائب!
اضف إلى ان لندن تتميز بارتفاع مستوى المعيشة مقارنة بقطر يعني مافي مجال للمقارنة.
اما اللي يقول اللي بيشتري الساعه بيشتريها ماتفرق معاه ، اقول الا تفرق والتجار ترى ماصاروا تجار الا لانهم حريصين ويحاسبون على النص ريال.
وباعطيك معلومة من التاريخ القطري.
في السبعينات قطر مافيها ذاك الخير وكانوا في الغالب يجتمعون مجموعة من الاصدقاء والمعارف ويشترون اراضي مع بعض وكل واحد وله سهمه.
كان في واحد من كبار التجار الحاليين واللي يكون في الغالب هو المسؤول عن عملية المفاوضات والشراء كان يحط في التكلفة قيمة القلم اللي يكتب فيه.
زبدة الكلام فلوسكم ماتجيكم بالساهل والدنيا فرص استغلوها أحسن استغلال.

roma27
27-09-2011, 10:31 PM
انا بعد اشترين ساعه من الرياض ب99الف ريال سعودي وهي ساعه رولكس من محل العطار ومحمد صديق شاريها شهر 7 بعد شهر رحت البيت الحديث لقيت نفس الساعه ب120 الف ريال قطري والريال القطري اعلى من الريال السعود ي!!!!!!

مهره
27-09-2011, 10:36 PM
والله ماعرف اسعار مبالغ فيها والله بيحاسبنا عن هالشي ماعلية في العشرين بس فوق اوفررررررررررررر بصراحة

roma27
27-09-2011, 11:39 PM
والله ماعرف اسعار مبالغ فيها والله بيحاسبنا عن هالشي ماعلية في العشرين بس فوق اوفررررررررررررر بصراحة

اخت مهرة على اي اساس تقولين حرام يعني عشرين مش حرام واكثر حرام اعتقد ان الساعه الرولكس سعرها فبها وكل سنه اغلى يعني استثمار والله اعلم والله يهدي الجميع

فتى الجود
27-09-2011, 11:47 PM
السلام علييكم

صحيح اخوى احنا ماعندنا ظريبة
لكن عندنا :


جشع التجار

ويقول المثل :

قال يافرعون من فرعنك ؟ قال مالقيت اللى يردني


يعنى لو التجار كانوا حاسين فعلاً ان في الدولة شي اسمه حماية المستهلك كان ماتجرأوا ان يرفعوا الاسعار

لكن للأسف

ان حماية المستهلك ماتسوى شي ولا تحرك ساكن

وتسلم على الموضوع اخوى

تقبل مرورى

asa6
27-09-2011, 11:53 PM
السلام عليكم اخوي كل شي مربوط بالعمله عندهم اذا ارتفعت ارفع السعاااار طيب (((((( اذا نزلت العمله )))))
ايش يصير ؟؟؟؟؟؟؟

لاتعليق

بوراشد82
28-09-2011, 01:04 AM
والله لو عندي هالمبالغ اللي تتكلمون عنها كان بنيت مسجد ... عالأقل ينفعني دنيا وأخرة .. أما ساعة بهالمبالغ !!!
مافي أمل أشتريها أبداا ,, ما أقول اني مطوعة وملتزمة حدي ...بس قلبي يعورني أشتري ساعة بهالسعر .. للعلم العضوية مشتركة ..

خزامئ
28-09-2011, 02:38 PM
خارج عن الموضوع حد يعرف اذا ساعات ابيل موجوده في الحساء
واذا موجوده وين مكانها

ماسة قطر
28-09-2011, 02:46 PM
في سويسرا سمت الرولكس أرخص من قطر

وأساسا في أوربا أرخص من قطر ليش ما أدري

الايرباص320
29-09-2011, 11:59 PM
كـــــــــــــــــــــــــــوبي 1

افضل

والي بيقول لا بجيب له ساعه وخل يوديها البيت الحديث بيقولك الظمان ساري المفعول

ههههههههههههههههههه

انا مع الكوبي وضد الاصلي

يعني اذا الاصليه ب 16000 مثلا

اخذ فيها 16 ساعه من افضل الماركات

كل التوفيق

دولة قطر.
02-10-2011, 04:09 PM
على طاري الساعة الرولكس وحدة من هلي شرت رولكس الروز قولد وسعرها كان 85 الف

وراحت الرضيعة تشتري نفسها في البيت الحديث قال لها 145 الف شوفو الفرق:omg:


الله المستعان

busnaidah
02-10-2011, 09:21 PM
غلطان انا كنت ابي اشتري ساعه ياخت ماستر كان سعرها 47 الف ريال قطري اتصلت في واحد من شباب وكان في مكه وقالي لان بروخ وخصها وكان الفرق 6 الف ريال ولبناني الي في درويش يقولي مستحيل انزل رديت عليه خلها عندك بشتريها من مكه قالي بكم قلت له ارخض من عندك مابقيت اقوله القيمه ولا تنسى انها بريال سعودي انزل من الفطري

في مطار الدوحه ب 43,750 و في مطار دبي ب 42,750 . الكلام هذا من اسبوع تقريبا