المساعد الشخصي الرقمي

مشاهدة النسخة كاملة : ░▒▓█▓▒░ اسمحوا لي.. أحد المطاعم التي داخل نطاق المقاطعة أخذت منه "رشوة" ؟؟ !! ░▒▓█▓▒░



أبو عبدالعزيز
21-09-2011, 01:15 PM
بالأمس عصراً وأنا في الدوحة مقابل مبنى العاصمة الجديد، وتحديداً في سوق السويدي؛ شعرت بالجوع فطلبت "سندويتش" ربيان مشوي وآخر مقلي، من أحد المطاعم هناك (ملك الكباب).. وعند دفع الحساب تفاجأت بأنه 45 ريال.. زاد 10 ريالات تقريباً عن المعتاد سابقاً!!
تذكرت حينها أن ذلك المطعم ممن أدرجه الأخوة ضمن المقاطعة فأخبرت أحد العاملين فيه (سوري الجنسية) بأنني سأساهم بالتشهير بالمطعم، وسأؤكد بأنه قد رفع أسعاره بالفعل.. فأخذ يحاول تبرير تلك الزيادة بشتى الطرق وأن الإيجارات ارتفعت، وأسعار المواد الغذائية...الخ

وفي النهاية أعاد لي تلك الـ 10 ريالات بطريقة غير مباشرة إذ طلبت عصير ليمون بالنعناع إضافي (بـ10 ريال) ولم يقبل قيمته قائلا اعتبره ضيافة منا!!

استرديت حقي :) لكن هل تعتبروها شطارة مني؟ أم رشوة!!

بوعلي2
21-09-2011, 01:18 PM
شطاره منك

الله يعطيك العافيه وكثر الله امثالك

أسير الاسهم
21-09-2011, 01:22 PM
مدري والله وش نعتبرها .. بس شكله يبي يكسب رضاك هذيك اللحظه .. وتسكت وما تثبت أنه رفع سعره وتشهر فيه

دااانة قطر
21-09-2011, 01:29 PM
بالأمس عصراً وأنا في الدوحة مقابل مبنى العاصمة الجديد، وتحديداً في سوق السويدي؛ شعرت بالجوع فطلبت "سندويتش" ربيان مشوي وآخر مقلي، من أحد المطاعم هناك (ملك الكباب).. وعند دفع الحساب تفاجأت بأنه 45 ريال.. زاد 10 ريالات تقريباً عن المعتاد سابقاً!!
تذكرت حينها أن ذلك المطعم ممن أدرجه الأخوة ضمن المقاطعة فأخبرت أحد العاملين فيه (سوري الجنسية) بأنني سأساهم بالتشهير بالمطعم، وسأؤكد بأنه قد رفع أسعاره بالفعل.. فأخذ يحاول تبرير تلك الزيادة بشتى الطرق وأن الإيجارات ارتفعت، وأسعار المواد الغذائية...الخ

وفي النهاية أعاد لي تلك الـ 10 ريالات بطريقة غير مباشرة إذ طلبت عصير ليمون بالنعناع إضافي (بـ10 ريال) ولم يقبل قيمته قائلا اعتبره ضيافة منا!!

استرديت حقي :) لكن هل تعتبروها شطارة مني؟ أم رشوة!!


يعني ان طلبت على اللي الطلب الأولي وهو راافع السعر ؟؟

بالعكس ما اعتبرها شطااره


عن نفسي دخلت مطعم المجلس عقب تعميم الزياادات بيومين ونسيت اشوف الأسعااار
ومن كم يوم اول مره ادخل سرااي في فيلاااجيو ولا انتبهت للأسعاار ولا ادري بالأسعاار القديمه
بنزل لكم الصور اول ما افضى:shy:

كازانوفا
21-09-2011, 01:37 PM
انت ادرى بنفسك اكثر منا اذا كانت شطاره او رشوه

khaleeji
21-09-2011, 08:23 PM
هذي طال عمرك اسمها دهان سير :)

deema117
21-09-2011, 08:35 PM
أمس كنا طالبين منه صحن مشاوي بـ 60 ريال بس للأمانة ما عندي علم عن أسعاره من قبل

:omen2:

يعني هالمطعم ضمن القائمة السودا :telephone:

sendarala
21-09-2011, 09:50 PM
وشلون نعرف المطاعم اللي في القائمة السوداء

سبحآن اللـه
21-09-2011, 10:35 PM
شطارة ونفس الوقت رشوة !!

khaldoon
21-09-2011, 10:44 PM
اخوي اعتقد والله اعلم انك لما طلبت العصير و لول حطيت ببالك واحد بالمليون انه ما يدفعك او يخصم لك فيه فبتكون استعداد منك لقبول الرشوة لا قدر الله

اما لو انك تفاجأت فعلا من داخلك بأنه رفض انه ياخذ سعر العصير فهي ليست رشوة و يمكن انت اخذت ونات تمشي على المثل اللي بيقول شعرة من جلد الخنزير بركة....يعني اختت كمكتسبات و انت تشعر انها من حقك دون ادنى شعور منك بالامتنان له

انت ايش شايف؟....استفتي قلبك؟....حاسس انها رشوة؟ ...هل انت متضايق من نفسك؟...هل تشعر انك اكتشفت شيء جديد و سلبي في نفسك ما توقعت انه يبدر منك؟

جاوب بصراحه لو سمحت و انا برد عليك بعدين ان شاء الله

airbus
21-09-2011, 11:01 PM
رشوة ولكن مب ب10 ريال لا هده العصير مايكلفهم ريالين يعني 8 ريال يعني الزيادة خذاها !!!

clouds
22-09-2011, 01:59 AM
انزين انا عندي سوال...انا اليوم كلمت حمايه المستهلك وقال لي بيبعث لي ايميل على رقم الشكوى هالكلام من العصر والحين نص الليل ولاجاني مسج ولاجاني ايميل...وقال لي ان لازم اكون متاكده من الاسعار القديمه وان السعر زاد بعد المكرمه الاميريه على قولته..قلت له انا اعرف انهم زادو بس متى بالضبط ماعرف قال لو قبل المكرمه بيوم مانحاسبهم بس من بعد المكرمه نحاسب..انزين ايش يثبت لهم ان زاد قبل ولابعد ولاحتى تاريخ الزياده متى صارت؟؟وهو قال ابعث كتاب وفيه رقم الشكوى وفيهنسخ من الاثباتات الحين انا عندي الاوراق كلها المطلوبه بس ماعندي رقم الشكوى ايش اسوي؟؟

بايع بايع
22-09-2011, 08:25 AM
هي رشوه

ومايبيلها كلام لانك مقابل العصير رضيت بارتفاع السعر

qatari1
22-09-2011, 08:25 AM
الرشوة لموظف عمومي، وليس لموظف في مطعم!

ومن حقه تخفيض السعر أو منحك طلب إضافي بدون تكلفة.

مهل
22-09-2011, 08:28 AM
يعني سندويجين وعصير ب ٥٠ ريال ؟؟؟؟؟؟؟؟؟؟؟

meshwar
22-09-2011, 08:33 AM
انا من الزبائن الدائمين لدى ملك الكباب
ورغم اني اعرف من البداية سبب زيادة سعره
الا اني فضلت السكوت فترة لاني متتبع اخباره عن كثب
والتفاصيل كالتالي :
---------------

تمت الزيادة في اسعار المطعم قبل فترة بسيطة من صدور قرار تعديل الرواتب
وهذه الزيادة مخطط لها من شهر واحد وتمت طباعة القائمة بالاسعار الجديده قبل رمضان
ولكن فعليا تم التعامل بها بعد رمضان
والزيادة ماقبل هذه كانت في سنة 2008 على حد قول المسئول في المطعم وانا اثق في كلامه
وحتى لو لم يكن الامر كذلك
الا ان الزيادة لم تكن بسبب تعديل الرواتب ،،، ولكنها بسبب ارتفاع الاسعار بشكل عادي مع زيادة رواتب الموظفين خلال السنوات الماضية من 2008 حتى الآن

ولماذا السكوت ؟؟؟؟
بما اني من المؤيدين لحملة المقاطعة وبما اني عرفت بان المطعم المذكور قد استدعي من قبل الجهات
المختصة للتحقيق في قضية زيادة اسعاره ..
كانت لي وقفه صمت
من اجل دعم الاجراء المتخذ ومن اجل تفعيل دور المقاطعة وهي في بدايتها
حيث ان الرد على المنادين بالمقاطعة بايجاد اعذار وان كانت اعذار مقبوله قد يؤدي الى فتور
وهذا خلاف مطلبنا ،،
ولاني متأكد بان المطعم راح يثبت برائته امام الجهة المعنية وذلك بعرض جميع الفواتير التي صدرت قبل وبعد الزيادة مع فواتير طباعة القائمة الجديدة التي تدل على ان المطعم له نية في رفع السعر قبل صدور قرار زيادة الرواتب
وكنت اصرح للمسؤل بالمطعم رغم معرفتي بانهم ابرياء من هذه التهمة
كنت اصرح له باني سعيد جدا للاجراء التي قامت به الجهة المعنية في التحقيق بالاسعار

لانه يدل على ان الجهة التي تراقب الاسعار بدأت تصحو من غفوتها
وفي نفس الوقت هو يملك الدليل على برائته فلا خوف من شي

وقد طلب مني المسئول شخصيا ان ارد في بداية الامر على ماقيل في هذا المنتدى
حيث اني اعتبر شاهد عيان للاسعار التي تغيرت في المطعم واعرف متى تمت وما سببها

الا اني آثرت المصلحة العامة وتفعيل وشحذ الهمة في مقاطعة رافعي الاسعار
ومن ثم سأوضح الامر في وقته المناسب
قد يتضرر المطعم فترة اسبوعين الى 3 من السكوت
ولكنه سيستعيد مكانته بهذه المعلومه وبعد برائته ايضا من قبل الجهات المختصة
ولكن الكلام في بداية الامر قد يضر الكثير وقد يسبق التحقيق
اما الآن فهذه الحقيقة قد ظهرت امامكم وكل واحد يستطيع ان يتحقق بنفسه من هذا القول
واعتقد المسئول في المطعم " ومن اراد اسمه يراسلني على الخاص "
لن يخفي عن اي شخص هذه الاثباتات اذا ما اراد ان يطلع عليها

والخبر السار في الامر كله ان الجهات المعنية اصدرت
قرار بان لاتتم زيادة في اية اسعار الا بعد الرجوع لها وختم الاسعار من قبلها
وهذا ماكان يجب عليه الامر من البداية


وشكرا

أبو البنات
22-09-2011, 08:51 AM
أخوي إذا ما تبي العصير عطني إياه

أي رشوة يالشيخ!! إنت لو موظف في حماية المستهلك وعطاك العصير عشان تغير قرارك ففي هالحاله يعتبر رشوة

وغير هالمثال عليك بالعافية

مريومة
22-09-2011, 09:03 AM
طبعا رشوة .. والا ماحسيت بالذنب وسألتنا

المهم .. انك تشرب العصير

واتقول له ذي اخر مرة اشتري من عندك

وبشهر بك بعد اذا مارجعتواالاسعار السابقة

وتبتسم له وتطلع


والله المستعان

مهل
22-09-2011, 09:06 AM
يعني سندويجين وعصير ب ٥٠ ريال ؟؟؟؟؟؟؟؟؟؟؟

دخلت النت ابحث عن شغله

الوجبه الخفيفه الي كلها صاحب الموضوع (عوافي وصحتين ان شاءالله) كانت عباره عن سندويجين + عصير و تكلفتهم ١٣ دولار و كسور
بحسب اخر احصائيه .. هذه الوجبه تعادل دخل اسره و نص في يوم لاكبر بلد اسلامي وهو اندونيسيا .

هذا الي يسمونه تضخم ولا غلاء معيشه ولا شسالفه بالضبط

الله المستعان

*بومحمد*
22-09-2011, 09:12 AM
والله مادري شقولك ......!!!!!

بايع بايع
22-09-2011, 11:03 AM
الرشوة لموظف عمومي، وليس لموظف في مطعم!

ومن حقه تخفيض السعر أو منحك طلب إضافي بدون تكلفة.

ايام الرسول كان في موظف عمومي (عام) وموظف لجهة خاصه

بوحارب
22-09-2011, 12:48 PM
بوعزوز اهديك اغنية شاطر يعني شاطر :)

meshwar
22-09-2011, 04:41 PM
تم الاتصال على المسئول في المطعم للتحقق من الأمر
وكان الرد كالتالي :

الطلب المذكور (( سندويش روبيان )) غير مدرج في القائمة اصلاً
وهو يعد طلب خاص على اختيار الزبون
بالتالي كيف حدد الزبون الزيادة في السعر وهو طلب غير مسعر اصلا,,,

ونطلب الرد من صاحب الموضوع للتوضيح واكتمال الصورة !!!

ريتويت
22-09-2011, 04:47 PM
عصير بعشر ريالات؟؟؟ واجد صراحه!!!

أبو عبدالعزيز
22-09-2011, 04:55 PM
تم الاتصال على المسئول في المطعم للتحقق من الأمر
وكان الرد كالتالي :

الطلب المذكور (( سندويش روبيان )) غير مدرج في القائمة اصلاً
وهو يعد طلب خاص على اختيار الزبون
بالتالي كيف حدد الزبون الزيادة في السعر وهو طلب غير مسعر اصلا,,,

ونطلب الرد من صاحب الموضوع للتوضيح واكتمال الصورة !!!



آمرني طال عمرك... حدد سؤالك بدقة لأني ما فهمته!!
هل تقصد أو يقصد إنهم ما يبيعون سندوتش ربيان!!؟؟
وإيش المقصود بغير مسعر!! أكيد له سعر سواء كان موجود في قائمتهم أو كان غير موجود
الخلاصة إننا كنا نشتري السندوتشين ( واحد مقلي وواحد مشوي ) ب 35 تقريبا والآن السعر وصل 45 ريال!!

أبو عبدالعزيز
22-09-2011, 04:58 PM
بوعزوز اهديك اغنية شاطر يعني شاطر :)


تسلم بو حارب
دايماً تحرجنا

أبو عبدالعزيز
22-09-2011, 05:00 PM
شطاره منك

الله يعطيك العافيه وكثر الله امثالك


يعافيك يا الغالي

أبو عبدالعزيز
22-09-2011, 05:01 PM
مدري والله وش نعتبرها .. بس شكله يبي يكسب رضاك هذيك اللحظه .. وتسكت وما تثبت أنه رفع سعره وتشهر فيه


اي نعم قصده واضح

أبو عبدالعزيز
22-09-2011, 05:03 PM
يعني ان طلبت على اللي الطلب الأولي وهو راافع السعر ؟؟
بالعكس ما اعتبرها شطااره
عن نفسي دخلت مطعم المجلس عقب تعميم الزياادات بيومين ونسيت اشوف الأسعااار
ومن كم يوم اول مره ادخل سرااي في فيلاااجيو ولا انتبهت للأسعاار ولا ادري بالأسعاار القديمه
بنزل لكم الصور اول ما افضى:shy:


سرني مرورك

أبو عبدالعزيز
22-09-2011, 05:04 PM
انت ادرى بنفسك اكثر منا اذا كانت شطاره او رشوه


سرني مرورك

meshwar
22-09-2011, 05:05 PM
آمرني طال عمرك... حدد سؤالك بدقة لأني ما فهمته!!
هل تقصد أو يقصد إنهم ما يبيعون سندوتش ربيان!!؟؟
وإيش المقصود بغير مسعر!! أكيد له سعر سواء كان موجود في قائمتهم أو كان غير موجود
الخلاصة إننا كنا نشتري السندوتشين ( واحد مقلي وواحد مشوي ) ب 35 تقريبا والآن السعر وصل 45 ريال!!

يعني انا لما اروح اطلب طلب غير مدرج في القائمة

مثال اطلب كفته لحم " الصحن فيه اربع اسياخ "

انا اطلب سيخين لو حسب لي قيمة الصحن كامل ما اقدر اقول له لا لانه مايبيع بالسيخين
يبيع بالصحن
ومثال آخر
اطلب دجاج تندوري مقلي وهو طلب خاص مايسويه اصلا
بس لاني طلبت عمل لي ولو حط سعر من راسه على هذا الطلب ماراح اقول له لا
انا اللي طلبت وانا اللي اتحمل قيمة الطلب


فسؤالي هو
هل الطلب اللي طلبته مدرج في قائمة الاسعار ولا لأ ؟؟

اذا كان لأ
كيف راح نحاسبه على السعر القديم وهو غير مقيد في القائمة
او كيف نثبت عليه الزيادة

أبو عبدالعزيز
22-09-2011, 05:07 PM
هذي طال عمرك اسمها دهان سير :)


سرني مرورك

أبو عبدالعزيز
22-09-2011, 05:15 PM
يعني انا لما اروح اطلب طلب غير مدرج في القائمة
مثال اطلب كفته لحم " الصحن فيه اربع اسياخ ".. انا اطلب سيخين لو حسب لي قيمة الصحن كامل ما اقدر اقول له لا لانه مايبيع بالسيخين
يبيع بالصحن
ومثال آخر اطلب دجاج تندوري مقلي وهو طلب خاص مايسويه اصلا
بس لاني طلبت عمل لي ولو حط سعر من راسه على هذا الطلب ماراح اقول له لا.. انا اللي طلبت وانا اللي اتحمل قيمة الطلب
فسؤالي هو
هل الطلب اللي طلبته مدرج في قائمة الاسعار ولا لأ ؟؟ اذا كان لأ
كيف راح نحاسبه على السعر القديم وهو غير مقيد في القائمة
او كيف نثبت عليه الزيادة


إذا القصد كيف يتأتى إثبات ذلك.. فالأمر سهل للجهات المختصة
يمكنها تطلب فاتورة الطلب بالسعر الحالي وتقارن هذا السعر بالفواتير السابقة وبغض النظر هل أدرج في القائمة أم لا

أبو عبدالعزيز
22-09-2011, 05:17 PM
شطارة ونفس الوقت رشوة !!


سرني مرورك

أبو عبدالعزيز
22-09-2011, 05:23 PM
اخوي..........
انت ايش شايف؟....استفتي قلبك؟....حاسس انها رشوة؟ ...هل انت متضايق من نفسك؟...هل تشعر انك اكتشفت شيء جديد و سلبي في نفسك ما توقعت انه يبدر منك؟
جاوب بصراحه لو سمحت و انا برد عليك بعدين ان شاء الله


شخصيا قلبي مرتاح ومش متضايق .. معتاد أضيف الآخرين وأقبل ضيافاتهم

khaldoon
24-09-2011, 09:32 AM
عصير بعشر ريالات؟؟؟ واجد صراحه!!!

نعم؟؟؟؟؟.......شايفه انه 10 ريال عصير كثير؟؟؟؟......هالايام هذه يعتبر رخيص ....المطاعم اللي هي بنفس مستوى المعاصر تبيعه بهالسعر اختي

khalid_qr
25-09-2011, 01:29 PM
شطاره ولو ماعطيته الحساب وحركت عنه بعد ماعليك شي لاتخاف لانه هو نصاب رفع بدون سبب فيجوز انك اطنش له ولاتعطيه شي وتنزل له بعد بالعقال ماعندك اي مشكله ترى ماينفع مع رفع الاسعار بدون مبرر الا العقال بروح اليوم سوق واقف باخذ عقال متين وبمر على كل اللي فالقايمه السوده بطلب ومب دافع وبشوف من بيكلمني خله يروح يشكتي ويرفع قضيه دام ان حماية المستهلك والحكومه مب مسويين لنا شي بناخذ حقنا بالقوه ماينفع الا جذيه بصراحه

khalid_qr
25-09-2011, 02:01 PM
شطاره ولو ماعطيته الحساب وحركت عنه بعد ماعليك شي لاتخاف لانه هو نصاب رفع بدون سبب فيجوز انك اطنش له ولاتعطيه شي وتنزل له بعد بالعقال ماعندك اي مشكله ترى ماينفع مع رفع الاسعار بدون مبرر الا العقال بروح اليوم سوق واقف باخذ عقال متين وبمر على كل اللي فالقايمه السوده بطلب ومب دافع وبشوف من بيكلمني خله يروح يشكتي ويرفع قضيه دام ان حماية المستهلك والحكومه مب مسويين لنا شي بناخذ حقنا بالقوه ماينفع الا جذيه بصراحه

Store
25-09-2011, 04:19 PM
الوالد دايم يمر عليه ويطلب منه حق البيت المهم مر ياحليله ابوي وخذ منه الطلب وهم متعود يطلع الحساب 180 ريال مايشقح ال 200 ريال المهم عطاه 500 رجع له 180 ريال قال ليش يعني الطلب 320 ريال

قاله خذ طلبك ورد فلوسي وفعلاً خذ ال 500 الوالد وسحب عليه وخلاه مع الطلب مع العلم باني الوالد كبير في السن ومايعرف يقراء ولا يكتب ومن محبين اكل هالمطعم لكن مارضى بالزيادة وراح مطعم ركس الي في سوق الذهب وخذ دبل الطلب بنص السعر

مسك روز
25-09-2011, 06:35 PM
عصير ليمون ب 10 ريال !!

اول مره اسمع بهالشي

عصير الليمون من ارخص العصاير

المفروض مايزيد عن 5 ريال

و3 ريال وايد عليه..



على كيفي :rolleyes2:

The_Be$t
26-09-2011, 03:45 AM
فعلا الإيجار زاد في السوق بنسبة 10 ٪

لكن ايجاره قليل


في نظري ماله حق يرفع الأسعار حتى ولو كان القرار قبل المكرمة

قطري طموح
27-09-2011, 01:36 AM
بالأمس عصراً وأنا في الدوحة مقابل مبنى العاصمة الجديد، وتحديداً في سوق السويدي؛ شعرت بالجوع فطلبت "سندويتش" ربيان مشوي وآخر مقلي، من أحد المطاعم هناك (ملك الكباب).. وعند دفع الحساب تفاجأت بأنه 45 ريال.. زاد 10 ريالات تقريباً عن المعتاد سابقاً!!
تذكرت حينها أن ذلك المطعم ممن أدرجه الأخوة ضمن المقاطعة فأخبرت أحد العاملين فيه (سوري الجنسية) بأنني سأساهم بالتشهير بالمطعم، وسأؤكد بأنه قد رفع أسعاره بالفعل.. فأخذ يحاول تبرير تلك الزيادة بشتى الطرق وأن الإيجارات ارتفعت، وأسعار المواد الغذائية...الخ

وفي النهاية أعاد لي تلك الـ 10 ريالات بطريقة غير مباشرة إذ طلبت عصير ليمون بالنعناع إضافي (بـ10 ريال) ولم يقبل قيمته قائلا اعتبره ضيافة منا!!

استرديت حقي :) لكن هل تعتبروها شطارة مني؟ أم رشوة!!

اخوي بوعزيز هني وعافيه على قلبك بتكون رشوه لو انك سكت على الموضوع ، لكن دامك اخذت العصير وشهرت به فهذي شطارة منك :nice:

الحال مايساعد
27-09-2011, 03:06 PM
لا إن شاء الله ربي يبعدك عن الرشوة وأهلها ، لكن أتمنى منك انك تتقدم بشكوى رسمية حق حماية المستهلك

قطري عصامي
28-09-2011, 07:40 PM
العصير بــ ريالين إلى 3 ريالات

يعني ضيفك بـ3 ريال ، وأخذ 7 ريال،

اسمح لي ، يعني السوري مشاها عليك وخذى الزيادة

المسك1969
04-10-2011, 07:49 AM
:secret: