تسجيل الدخول

مشاهدة النسخة كاملة : لانـــدكروزر وإلا نيــــسان وإلا تـــاهــو وإلا يـــوكــن


U Welcome
21-09-2011, 01:48 PM
السلام عليكم

يالربع الله لا يهينكم

ودي بسيارة جديده فورويل بس محتار

ميزانيتي في حدود 140 الف - 200 الف اقصى شي ممكن

علما
بيتنا من وعيت كله يستخدم ياباني ( تويوتا ونيسان) والامريكي يعتبر دخيل

بس متردد من

اللاندكروزر لأن الجديد مافيه تكنولوجيا وسعره مبالغ فيه واجد بالإضافة إلى كثرة شكاوي الناس من انخفاض الجوده وغلاء قطع الغيار

التاهو واليوكن اخاف لانه امريكي معقد وسعرها يطيح بسعره
وناس كثير ما يمدحون وكالاتهم وبصراحه تنقصني الخبره فيه




•••• فإلى اخواني الاعضاء:
١- نوع سيارتك الحاليه ( اختياري ) ؟

٢- ويش تنصحوني فيه ياباني والا امريكي
مع تحديد النوع
( استاندر - جي اكس - جيكسار - نيسان 320 حصان - ال اس - ال تي - ال تي زد - اس ال اي - اس ال تي - دينالي )

٣- سبب ترشيحك من واقع تجربتك؟
زئير الاسد
21-09-2011, 02:14 PM
موتري ياطويل العمر فكسار 2004

ويمدحووون النيسان الجديد وانا اخوك
ASK2
21-09-2011, 02:18 PM
تاهو يوكن دينال بتغير شكله السنه الجايه ولا كان نصحتك فيهم لان مالهم مقارنه مع الياباني عن تجربه فتره طويله جداً جداً ..
بوناصر1
21-09-2011, 03:28 PM
اخوي تاهو ال تي زد او زد71
ولا يوكن دينالي
طبعآ لو اتدور على الراحه لك ولعيالك وماتهمك الفلوس بعد البيع
اما لو تبي الكشخه والرزه وميزانيتك تمام عليك بلتيوتا او النيسان بشرط
تكون السياره فل اوبشن
المحقق كونان
21-09-2011, 04:15 PM
السيارة للبيت ولا لك ؟
U Welcome
21-09-2011, 04:57 PM
موتري ياطويل العمر فكسار 2004

ويمدحووون النيسان الجديد وانا اخوك


مشكور على ابداء الرأي
بس على ميزانيتي راح تجيب 320 حصان الاستاندر!





تاهو يوكن دينال بتغير شكله السنه الجايه ولا كان نصحتك فيهم لان مالهم مقارنه مع الياباني عن تجربه فتره طويله جداً جداً ..

جزاك الله خير
بس يقولون ان الشكل بيتغير السنه الجايه
واحتمال يوصل الدوحه يالسنه الجايه والا عقب سنتين
يعني ننطر سنه والا سنتين كثير
U Welcome
21-09-2011, 05:03 PM
اخوي تاهو ال تي زد او زد71
ولا يوكن دينالي
طبعآ لو اتدور على الراحه لك ولعيالك وماتهمك الفلوس بعد البيع
اما لو تبي الكشخه والرزه وميزانيتك تمام عليك بلتيوتا او النيسان بشرط
تكون السياره فل اوبشن

صحيح يقولون الامريكي راحه للعايله
بس يقولون حده سنتين ويبدى يخترب
والياباني فل اوبشن كثبر غالي وبسعره اجيب الماني
وجزاك الله خير على ابداء الرأي






السيارة للبيت ولا لك ؟

اخوي السياره لي وابيها استخدام شخصي وبشكل يومي
U Welcome
22-09-2011, 07:00 AM
اي أراء أخرى

لاحد يبخل علينا
منارة الدوحة
22-09-2011, 07:43 AM
انا استخدمت ال اليوكن و بصراحة راحة و رفاهية اللهم لك الحمد و الشكر بس بشرط ما تشيك الموتر الا في الوكالة علشان برمجة الكمبيوتر و بصراحة المناعي بالمعاملة احسن من الوكالات الثانية سرعة ما تصورها مب مثل ال تويوتا و الجيدة لان يتاخرون بصورة مب طبيعية و للعلم والله ان سواقة ال يوكن احسن من سواقة ال bmw x6 اركب مع بو العيال اسمع صوت الشارع مع ان الموتر تقنية عالية و رزة لكن يخسا الله يعز كم عند اليوكن صج سعرة مب فية لكن موتر ما عليه كلام ... نصيحة اطلب قيادة تجريبية و شوف الفرق بين الامريكي و الياباني و الألماني
و شوف الدوحة اشلون متروسة من ال يوكن لو شين جان محد خذه
MAZEN37
22-09-2011, 09:39 AM
اليوكن دفش وانت استخدامك يومي للسياره وما تلقى باركنج ولفته عوده
انصحك بالكروزر سعره فيه ومعروف على الطريج النيسان اعتقد احسن منه
بس الكلمه في النهايه للكروزر
ذكي جدااا
22-09-2011, 09:18 PM
برمضان النيسان نزلوا استاندر جير عادي ب 165 عاد الحين بعد الزياادات شوف كم ارفعوا السعررر. المهم خذ يوكن فل ابشن او كروزر جي اكس كلهم اقل من 200 الف اذا بتاخذ شي فوق الميتين الف لا تاخذ الا نيسااان الكروزر حراام فيه السعر فوق الميتين الف .
ASK2
22-09-2011, 10:54 PM
مشكور على ابداء الرأي
بس على ميزانيتي راح تجيب 320 حصان الاستاندر!






جزاك الله خير
بس يقولون ان الشكل بيتغير السنه الجايه
واحتمال يوصل الدوحه يالسنه الجايه والا عقب سنتين
يعني ننطر سنه والا سنتين كثير

اخر السنه الجايه بكون موجود

اما عن الخرابات مافي مقارنه

اللي قالك هذا الكلام مع احترامي له مايعرف شي ..
بوحمد2
23-09-2011, 08:54 AM
من واقع تجربه اليوكن جمس بدوووووون منافس جربت النيسان والكروزر مافيه مقارنه في العزم والراحه والرفاهيه وللعائله وفي الخطوط ماشاء الله عليه ماتحس بالسرعه ومن تجربه في سيلين يكفيك انه اامن من الكروزر الي القلبه عنده جنه العيد انا مجرب اليوكن سارلي سنه ومن جميييييع الامور ممتاز ولو انه كلامي دعايه شوف الشوارع اليوم كم يوكن ؟؟؟وشوف الشوارع من 5 سنوات كم يوكن في الشارع؟؟؟بالعربي اليوكن قام يناطح الجي الدفش والدليل شوف الشباب قبل الواحد يستحي يسوقه اما الحين فرض هيبته في الرزه والوبشن والسعر بس اهم شي دبل
U Welcome
23-09-2011, 12:41 PM
انا استخدمت ال اليوكن و بصراحة راحة و رفاهية اللهم لك الحمد و الشكر بس بشرط ما تشيك الموتر الا في الوكالة علشان برمجة الكمبيوتر و بصراحة المناعي بالمعاملة احسن من الوكالات الثانية سرعة ما تصورها مب مثل ال تويوتا و الجيدة لان يتاخرون بصورة مب طبيعية و للعلم والله ان سواقة ال يوكن احسن من سواقة ال bmw x6 اركب مع بو العيال اسمع صوت الشارع مع ان الموتر تقنية عالية و رزة لكن يخسا الله يعز كم عند اليوكن صج سعرة مب فية لكن موتر ما عليه كلام ... نصيحة اطلب قيادة تجريبية و شوف الفرق بين الامريكي و الياباني و الألماني
و شوف الدوحة اشلون متروسة من ال يوكن لو شين جان محد خذه



مشكوره اختي
وفعلا لما اشوف كثرت التاهو واليوكن بشكل كبير مؤخرا
ومن كلامج ان المناعي افضل من الجيده من ناحيه خدمات ما بعد البيع
U Welcome
23-09-2011, 12:47 PM
اليوكن دفش وانت استخدامك يومي للسياره وما تلقى باركنج ولفته عوده
انصحك بالكروزر سعره فيه ومعروف على الطريج النيسان اعتقد احسن منه
بس الكلمه في النهايه للكروزر


وصوت اخر للياباني
وبالنسبه لليوكن بطلب قياده تجريبيه وبشوف
وتصدق كنا مسافرين على جكسار وسقته وكلش ما عجبتني سواقته
ومشكور على النصيحه
U Welcome
23-09-2011, 12:56 PM
برمضان النيسان نزلوا استاندر جير عادي ب 165 عاد الحين بعد الزياادات شوف كم ارفعوا السعررر. المهم خذ يوكن فل ابشن او كروزر جي اكس كلهم اقل من 200 الف اذا بتاخذ شي فوق الميتين الف لا تاخذ الا نيسااان الكروزر حراام فيه السعر فوق الميتين الف .

رحت وكاله النيسان في اواخر رمضان
وكان الاستاندر 320 حصان موديل 2011 ب 199 الف
وعاد الحين الله يستر كم وصلت اسعاره

وبخصوص الجي اكس
احس حراااااام ادفع 190 الف على كروزر سته سلندر قوه 4000 سي سي
احس اني بدفع هالفلوس اشتري شعار فقط

ومشكور هلى ابداء رأيك اخوي
U Welcome
23-09-2011, 12:59 PM
اخر السنه الجايه بكون موجود

اما عن الخرابات مافي مقارنه

اللي قالك هذا الكلام مع احترامي له مايعرف شي ..


ان شاء الله نشوف شكل اكثر انسيابيه في الشكل الجديد لليوكن والتاهو
لانه بيفجر لو جددوا شكله
وبتزيد مبيعاتهم بنسبه كبيره وخصوصا بين الشباب
المحقق كونان
23-09-2011, 01:05 PM
اخوي السياره لي وابيها استخدام شخصي وبشكل يومي

اخوي الجي اكس حلو للاستخدام الشخصي اليومي و خفيف و صرفيته ممتازة

و لكن اليوكن سواقته شي و مريح غير عن الجي اكس

بس الجي اكس شبابي اكثر من اليوكن

شوف مر عند المناعي اطلب تست درايف لليوكن و مر عن المانع بعد اطلب تست درايف للنيسان

اخوي انت تبي موتر جديد ولا مستعمل ؟؟
U Welcome
23-09-2011, 01:46 PM
من واقع تجربه اليوكن جمس بدوووووون منافس جربت النيسان والكروزر مافيه مقارنه في العزم والراحه والرفاهيه وللعائله وفي الخطوط ماشاء الله عليه ماتحس بالسرعه ومن تجربه في سيلين يكفيك انه اامن من الكروزر الي القلبه عنده جنه العيد انا مجرب اليوكن سارلي سنه ومن جميييييع الامور ممتاز ولو انه كلامي دعايه شوف الشوارع اليوم كم يوكن ؟؟؟وشوف الشوارع من 5 سنوات كم يوكن في الشارع؟؟؟بالعربي اليوكن قام يناطح الجي الدفش والدليل شوف الشباب قبل الواحد يستحي يسوقه اما الحين فرض هيبته في الرزه والوبشن والسعر بس اهم شي دبل


بخصوص الراحه الامريكي لاغبار عليه
ولكن

بما انه صار لك سنه تستخدم اليوكن
اشلون تشوف استخدام اليوكن بشكل يومي كسياره وحيده

وهل تنصح بالتاهو والا اليوكن ؟؟
واشلون تشوف خدمات ما بعد اللبيع لليوكن اللي عندك؟

ومشكور اخوي
..er..
23-09-2011, 01:59 PM
موتري جي اكس وماشي معي على سنقة عشره .. :)

اذا استخدام شخصي ..

وتبيه مع الزمن .. تويوتا أو نيسآن ..

التويوتا سعره فيه .. النيسان سعره يطيح ..

الامريكي رفاهيه عجيبه .. بس يطيح سعره بقوو ..

واخر شي شوف اللي بخاطرك لاتمشي على كلام احد وتتحسف عقب ..

وموفق بأذن الله :)

ومبروك الموتر اللي بتاخذه والله يعطيك خيره يوكفيك شره
بوحارب
23-09-2011, 02:10 PM
تاهو ال تي وبتدعيلي :)
pink pearl
23-09-2011, 02:27 PM
تاهو بدون منافس
السامـي
23-09-2011, 08:13 PM
نصيحة..،
ما دام أستخدام يومي،يعني مشاوير قصيرة.
عليك بــ toyota الــ gx،ستة سلندر،
حمار المكدة(الله يعزكم):)، ولجيت بتبيع
فشيك في يدك،والخساير قليلة.

ولا تنسى صلاة الإستخارة.
الله يبارك لك مقدما.