موقف احزنني ~

[بصمة قطرية]

بسم الله الرحمن الرحيم
السلام عليكم ورحمة الله وبركاته

كنت رايحة للمركز الصحي التابع لمنطفتنا
وانا واقفة انتظر آخذ الرقم من موظفة الاستقبال
جات وحدة من احدى الجنسيات العربية

ما انتبهت في البداية للحديث اللي دار بينها وبين الموظفة ..
سمعتها تقول واللي ما عنده بطاقة ما يتعالج ..!
استغربت وقلت في نفسي شالسالفة ..
في نفس اللحظة افترت المريضة و قالت لي اختي ممكن تدفعين لي بالبطاقة وراح اعطيج المبلغ كاش ..
انحرجت و في نفس الوقت قلبي عورني
ما كانت بطاقتي معاي ..
قلت لها اعذريني اختي بطاقتي مش معاي
كلمت الموظفة وقلت لها ما يصير الدفع يكون كاش
انا معاي كاش ومش معاي البطاقة والمرة جاية تتعالج
قالت لاء ممنوع ..
قلت لها طيب و الحل تقول لازم بطاقة ATM
قالت المريضة طيب قولي لي من وين اطلعها او اشتريها
و كانت وايد متضايقة من هالشي
هني انا مشيت وقلبي معورني
قلت ياليتني كنت ماخذة بطاقتي معاي :weeping:

ليش هالقانون ..؟
والله مساكين ..:weeping:


اتمنى نقل الموضوع للحوار العام ..

[عيون الدوحة]

بالعكس هذا الخدمة أحسن للموظفين نفسهم
عشان محد يجي يساءلهم عن الفلوس اذا في خطاء اونقص

[بصمة قطرية]

بالعكس هذا الخدمة أحسن للموظفين نفسهم
عشان محد يجي يساءلهم عن الفلوس اذا في خطاء اونقص

بس مش كل شخص عنده بطاقة ..
يعني اللي كانت في المركز اول مرة تجي وجايبة جوازها معاها ..
في غيرها كثيرين ما يعرفون عن هالقانون ..
وبعدين اذا كل مبلغ يستلمونه راح يكون بوصل ..
ليش راح يصير خطأ ,,!!

[قطر love]

بالعكس هذا الخدمة أحسن للموظفين نفسهم
عشان محد يجي يساءلهم عن الفلوس اذا في خطاء اونقص


المساله مب مساله فلوس وحساب موظفين ناس وايدين ماعندهم بطاقات واكثر المراجعين للمراكز الصحيه كبار للسن ومع الخدم او السواق واكثرهم مايدرون شنو بطاقه او شلون يستخدمونها طبعا القانون كان مفاجأ ونزل مره وحده بدون دراسه ف الله المستعان على النتيجه المتراكمه بسبب القرار الجديد


يعطيكم العافيه

[نوافـ]

والله مسوينها سالفه

مفروض الدفع كاش مثل المستشفيات الاهليه وبالايصال يتضح كل شي

فعلاً مشكله محتاجه الى اعادة نظر

[قطر love]

والله مسوينها سالفه

مفروض الدفع كاش مثل المستشفيات الاهليه وبالايصال يتضح كل شي

فعلاً مشكله محتاجه الى اعادة نظر


مب مشكله الا مرض ولازم يتعالج

[بصمة قطرية]

المساله مب مساله فلوس وحساب موظفين ناس وايدين ماعندهم بطاقات واكثر المراجعين للمراكز الصحيه كبار للسن ومع الخدم او السواق واكثرهم مايدرون شنو بطاقه او شلون يستخدمونها طبعا القانون كان مفاجأ ونزل مره وحده بدون دراسه ف الله المستعان على النتيجه المتراكمه بسبب القرار الجديد


يعطيكم العافيه

المشكلة اكثر مراجعين المراكز الصحية من الفئات الفقيرة يعني يادوب عنده لعلاج ودوا
شلون بيفتح له حساب في البنك

[بصمة قطرية]

والله مسوينها سالفه

مفروض الدفع كاش مثل المستشفيات الاهليه وبالايصال يتضح كل شي

فعلاً مشكله محتاجه الى اعادة نظر

المفروض يصير هالشي
و ما اعتقد مع الوصل راح توجد اخطاء ..

[بصمة قطرية]

مب مشكله الا مرض ولازم يتعالج

للأسف تلقون حالات كثيرة وصلت للمركز ورجعت البيت
من غير علاج

[بوعلي2]

الله المستعان

[ريتويت]

بصراحه موقف سخيييييف من موظفه الاستقبال يعني لازم نتعلم كيف نراعي الناس شوي .. ارحموا من في الارض يرحمكم من في السما

[OM_OMAR_QATAR]

لو يسووها بطاقة ذكية نفس الي بالمرور ..
انه لو ماعنده اي تي ام .. ياخذ بطاقة ويعبيها بالمبلغ الي بغى يدفعه

[روح الاطلس]

فعلا موقف محزن جداَ

هؤلاء بعضهم بسطاء من أين لهم حسابات بنكية او بطاقات!

مشكلة العرب الأزلية حتى الان سوء ادارة الأمور والتعاطي مع مستهلكي الخدمات

[بو الجوري]

و الله اختي بصمه القرار مب في محله :..

اصلا انا اغلب موظفات الاستقبال اللي فالمراكز احس نفسياتهم خايسه
و هالكلام من اكثر من مراجعه ومن اكثر من واحد :..

و هم ريحو راسهم في سالفة الفلوس و ما اهتمو في الناس اللي
ماعندها بطاقات سواء اجانب او قطريين :..

الله المستعان :(

[al saad]

البطاقه متوفره في اي بنك او اي فرع خدمات وقيمتها ١٠ ريال وتعبا بآي مبلغ واغلب الفراشين في نفس المكان عندهم وياخذ مبلغ بسيط لستخدامها
ولا ليش المذله باخذون بطاقه ويخليه للحاجه لنه في الوقت الحالي كل المعاملات بالبطاقه الذكيه منع لتلاعب واختلاس المبالغ من الحكومه او غش العميل بتدفيعه رسوم وهميه ولا زياده

حتى الجوزات والمرور والدوائر الحكوميه مافيها كاش كله بطاقات من اكثر من سنتين بس في ناس نايمه ماتعرف التطورات والخدمات المتوفره وهي لمصلحتهم

[رمادي]

حصل لي موقف اليوم كنت ناسي بطاقة البنك
انحرجت قالت الموضفه وهيه تعرفني
ولا يهمك انا اتصرف واستخدمت بطاقتها واعطيتها المبلغ
واستحيت اخذ الباقي وهيه نست ترجع

بصراحه طريقه مو حلوه اصلا هي مبالغ بسيطه
خرداوات لا تستحق يجب التعامل بمرونه اكثر
شكرا لكم

[الخزرجي قطر]

في جميع مرافق وخدمات الدوله الحين الدفع بواسطة البطاقه الأتمانيه او atm
انا اشوف انها سهله وعمليه جدا بدون تداول النقد ويمكن شراء بطاقه من اي
بنك وتعبئة اي رصيد باي مبلغ ولكن لايمنع في مثل الحالات ان يكون هناك
البديل اوتعاون الموظف الدفع من بطاقته واخذ المبلغ نقدا من المراجع ؟؟؟؟؟

[khaldoon]

بالعكس هذا الخدمة أحسن للموظفين نفسهم
عشان محد يجي يساءلهم عن الفلوس اذا في خطاء اونقص


الموضوع باختصار جاوب عليه الاخ برده هذا انه الاجراءات هذه صنعت لكي تريح الموظفين ...اما المراجعين فمثل ما نقولها بالعامية الله لا يردهم....بحيث ان المراجعين مطلوب منهم التعاون و التنسيق و بذل الجهد و الوقت لخدمة الموظف بدلا من ان يقوم الموظف بخدمتهم

تماما كما نرى اصطفاف المراجعين بالعشرات في كذا مكان خدماتي في انتظار تشريف الموظف و التكرم عليهم باستلام طلباتهم و تخليصها

في يوم من الايام اردت ان اجدد تأمين سيارتي في قطر للتأمين و اعتقدا ني اردت ان اجدد تامين ضد الغير فقال لي الموظف تعال غدا الساعة 6 و ربع لتأخذ دور و تتفادى الزحمة

حضرت الساعة 6 و ربع و اخذت رقم و فتحوا الساعة 7 صباحا و حتى شرب الموظفون قهوتهم و تنهدوا بملل و قرف حتى اصبحت الساعة 7 و ربع و بدأوا يستلمون طلبات المراجعين

بالله عليكم من يخدم من؟...المراجعون يخدمون الموظفين ام الموظفون يخدمون المراجعين

[intesar]

اللي حاط هالقانون.. بعيد عن الناس ومعاناته.. مو الكل عنده بطاقات بالأخص الناس الأجانب..

دمتم بود..

[سبحآن اللـه]

هالقققققانون يرفع الضعظ

!!

احس ماله هدف

[جرح الزمان]

البطاقه الصحيه فيها شريحه الكترونيه

يعني ممكن يتم تعبئتها بمبلغ ويتم السحب بواسطتها

ليش لازم كل الناس تحمل بطاقة

اتمنى ان يكون في بينا حد يعمل في هذا المجال

ويوضح لنا امكانيه شحن البطاقه الصحيه بمبلغ نقدي من عدمه

[هتـان قطر]

سبحاااان الله ..زين قريت الموضوع قبل ادرج موضوع جديد

انا داشه المنتدى علشان افتح نفس الموضوع

تكرر معي المشهد أمس وفعلا استغربت

خصوصا ان المراجعة جايبه بنتها تعبانه وضروري يعالجونها

قالت ما عندي بطاقة شالحل..قالت الموظفة ضروري بالبطاقة

والا ما يصير ..عاد المبلغ رفع ضغطي اكثر " 51 ريال "

الواحد ليييش ؟!!!!!!!!!!!!!!!!!!!!!

الحمدلله اهلى الخير ما راح يقصرون لكن

هذا القانون غريب فعلا ولازم يعيدون النظر فيه

[khaleeji]

هم يبون يفكون نفسهم من موضوع الحسابات

مره واحد في وزاره قالي ممكن تدفع عني واعطيك كاش قلت له اوكيه

عطاني عشرين وراح والرسوم طلعت 100!! اعتبرتها مساعده وان شاء الله انها بحسن نية

[حقيقه]

غريب هالقانون
واللي ماعنده حساب

[بصمة قطرية]

الله المستعان

خلها على الله ياخوي :(

[بصمة قطرية]

بصراحه موقف سخيييييف من موظفه الاستقبال يعني لازم نتعلم كيف نراعي الناس شوي .. ارحموا من في الارض يرحمكم من في السما

بالنسبة لموظفة الاستقبال مانقدر نلومها
هذا قانون ولازم تطبقه ما تقدر تتجوز
لأن الكاش ممنوع
بس لي عتب على اسلوبها في الكلام ..

[بصمة قطرية]

لو يسووها بطاقة ذكية نفس الي بالمرور ..
انه لو ماعنده اي تي ام .. ياخذ بطاقة ويعبيها بالمبلغ الي بغى يدفعه

فكره حلوة

[للصبر اخر]

شهالقانوون اليديد
من متى طلع
؟؟؟؟؟
واللي ماعنده بطاقة
يمووت ؟؟

[بصمة قطرية]

فعلا موقف محزن جداَ

هؤلاء بعضهم بسطاء من أين لهم حسابات بنكية او بطاقات!

مشكلة العرب الأزلية حتى الان سوء ادارة الأمور والتعاطي مع مستهلكي الخدمات

نعم هؤلاء هم البسطاء ..
هؤلاء من لا يملكون أحياناً سعر الدواء ..!!
هؤلاء من يحتاجون مساعده وليس تعقيد الأمور ~

[بصمة قطرية]

و الله اختي بصمه القرار مب في محله :..

اصلا انا اغلب موظفات الاستقبال اللي فالمراكز احس نفسياتهم خايسه
و هالكلام من اكثر من مراجعه ومن اكثر من واحد :..

و هم ريحو راسهم في سالفة الفلوس و ما اهتمو في الناس اللي
ماعندها بطاقات سواء اجانب او قطريين :..

الله المستعان :(

صدقت اخوي بوالجوري ..
مادري ليش هالنفسيات الخايسه في التعامل مع المراجعين ..
محد جبرهم على الوظيفة ..
و من هم الاشياء في التعامل مع الجمهور انك تكون شخص
مبتسم و عندك اسلوب جيد ..
على الاقل لا تقابل الناس بخياس نفس ..

[ام السعف]

سبق وانعرض هالموضوع اول ما انصدر القرار :(

اللحين يدور بالكرت علشان ريالين :(

[بصمة قطرية]

البطاقه متوفره في اي بنك او اي فرع خدمات وقيمتها ١٠ ريال وتعبا بآي مبلغ واغلب الفراشين في نفس المكان عندهم وياخذ مبلغ بسيط لستخدامها
ولا ليش المذله باخذون بطاقه ويخليه للحاجه لنه في الوقت الحالي كل المعاملات بالبطاقه الذكيه منع لتلاعب واختلاس المبالغ من الحكومه او غش العميل بتدفيعه رسوم وهميه ولا زياده

حتى الجوزات والمرور والدوائر الحكوميه مافيها كاش كله بطاقات من اكثر من سنتين بس في ناس نايمه ماتعرف التطورات والخدمات المتوفره وهي لمصلحتهم

اوكي اخوي ما اختلفنا ..
بس على الاقل يحطون لهم مكتب في المراكز الصحية خاص باصدار هالبطاقات ..
او اعطائهم على الاقل وصل مؤقت لين يستلمون البطاقة في حال ان هالمريض راح لأول مره للمركز و ما يملك البطاقة و لا يعرف عنها ..
بدل ما ارده و هو مريض و اقول له روح جيب لي بطاقة كان الأولى علاجه واعطائه وصل لاصدار بطاقة ..
مرضى لازم ما ينسون هالشي و الواحد ما راح ييجي للمستشفى الا و هو تعبان ,,
أمس تكرر نفس الموقف قدامي ..:(

[بصمة قطرية]

حصل لي موقف اليوم كنت ناسي بطاقة البنك
انحرجت قالت الموضفه وهيه تعرفني
ولا يهمك انا اتصرف واستخدمت بطاقتها واعطيتها المبلغ
واستحيت اخذ الباقي وهيه نست ترجع

بصراحه طريقه مو حلوه اصلا هي مبالغ بسيطه
خرداوات لا تستحق يجب التعامل بمرونه اكثر
شكرا لكم

فعلاً احراج ..
بس هذا قانون لازم يتطبق ..
نتمنى يسهلون الأمور شوي للي ما عندهم بطاقة ..

[بصمة قطرية]

في جميع مرافق وخدمات الدوله الحين الدفع بواسطة البطاقه الأتمانيه او atm
انا اشوف انها سهله وعمليه جدا بدون تداول النقد ويمكن شراء بطاقه من اي
بنك وتعبئة اي رصيد باي مبلغ ولكن لايمنع في مثل الحالات ان يكون هناك
البديل اوتعاون الموظف الدفع من بطاقته واخذ المبلغ نقدا من المراجع ؟؟؟؟؟

هاي اللي نتمناه اخوي ان يكون في تعاون بين الموظفين و المراجعين ..
يعني تسهيل الامور خصوصاً في المراكز الصحية ..

[بصمة قطرية]

الموضوع باختصار جاوب عليه الاخ برده هذا انه الاجراءات هذه صنعت لكي تريح الموظفين ...اما المراجعين فمثل ما نقولها بالعامية الله لا يردهم....بحيث ان المراجعين مطلوب منهم التعاون و التنسيق و بذل الجهد و الوقت لخدمة الموظف بدلا من ان يقوم الموظف بخدمتهم

تماما كما نرى اصطفاف المراجعين بالعشرات في كذا مكان خدماتي في انتظار تشريف الموظف و التكرم عليهم باستلام طلباتهم و تخليصها

في يوم من الايام اردت ان اجدد تأمين سيارتي في قطر للتأمين و اعتقدا ني اردت ان اجدد تامين ضد الغير فقال لي الموظف تعال غدا الساعة 6 و ربع لتأخذ دور و تتفادى الزحمة

حضرت الساعة 6 و ربع و اخذت رقم و فتحوا الساعة 7 صباحا و حتى شرب الموظفون قهوتهم و تنهدوا بملل و قرف حتى اصبحت الساعة 7 و ربع و بدأوا يستلمون طلبات المراجعين

بالله عليكم من يخدم من؟...المراجعون يخدمون الموظفين ام الموظفون يخدمون المراجعين

الله المستعان ياخوي ..
للأسف هالشغلات تصير في اماكن كثيرة ..
تأخير وانتظار بالساعات ..
كأن المراجع ما وراه شي الا الانتظار ..
صحيح هالشي فيه تسهيل للأمور ..
لكن انا هني في هالموضوع تطرقت للمراكز الصحية فقط ..
كونهم مرضى فالأولى اني اتساهل معاهم ..
ما اردهم ..

[بصمة قطرية]

اللي حاط هالقانون.. بعيد عن الناس ومعاناته.. مو الكل عنده بطاقات بالأخص الناس الأجانب..

دمتم بود..

صحيح اختي ..
البسطاء بالذات ما عندهم ولا يعرفون عنها ..
كم حالة ردت قدامي بسبب هالبطاقة ..:(

[بصمة قطرية]

هالقققققانون يرفع الضعظ

!!

احس ماله هدف

الهدف منه انه ما يكون في اخطاء في الدفع والوصولات ..

[بصمة قطرية]

البطاقه الصحيه فيها شريحه الكترونيه

يعني ممكن يتم تعبئتها بمبلغ ويتم السحب بواسطتها

ليش لازم كل الناس تحمل بطاقة

اتمنى ان يكون في بينا حد يعمل في هذا المجال

ويوضح لنا امكانيه شحن البطاقه الصحيه بمبلغ نقدي من عدمه

نتمنى حد يوضح لنا هالشغلة ..

[cavok]

ماعندهم سالفه

[بصمة قطرية]

سبحاااان الله ..زين قريت الموضوع قبل ادرج موضوع جديد

انا داشه المنتدى علشان افتح نفس الموضوع

تكرر معي المشهد أمس وفعلا استغربت

خصوصا ان المراجعة جايبه بنتها تعبانه وضروري يعالجونها

قالت ما عندي بطاقة شالحل..قالت الموظفة ضروري بالبطاقة

والا ما يصير ..عاد المبلغ رفع ضغطي اكثر " 51 ريال "

الواحد ليييش ؟!!!!!!!!!!!!!!!!!!!!!

الحمدلله اهلى الخير ما راح يقصرون لكن

هذا القانون غريب فعلا ولازم يعيدون النظر فيه

تكرر نفس الموقف امس .. :(
المبلغ كان 30 ريال في المرة الاولى ..

يا ليتهم على الاقل يسهلون الامور اكثر ..
و يتم الدفع عن طريق بطاقة لو تخصص لمثل هالحالات اللي يحضرون لأول مرة وما عندهم فكرة عن البطاقة ..
و في نفس الوقت يستلون وصل عشان اصدار البطاقة ..

[بصمة قطرية]

هم يبون يفكون نفسهم من موضوع الحسابات

مره واحد في وزاره قالي ممكن تدفع عني واعطيك كاش قلت له اوكيه

عطاني عشرين وراح والرسوم طلعت 100!! اعتبرتها مساعده وان شاء الله انها بحسن نية

الطريقة هاذي اسهل واضمن اكيد ..
بس يا ليت يصير تسهيل شوي للأمور ..

ان شاء الله تكون حسن نية ..
اجرك على الله

[بصمة قطرية]

غريب هالقانون
واللي ماعنده حساب

يروح يفتح له حساب ويرجع .. :(

[بصمة قطرية]

شهالقانوون اليديد
من متى طلع
؟؟؟؟؟
واللي ماعنده بطاقة
يمووت ؟؟

هالقانون من فترة ..
و سبق وانطرح موضوع في المنتدى عن هالقانون ..
اللي ما عنده بطاقة يروح يصدر له بطاقة ..

[بصمة قطرية]

سبق وانعرض هالموضوع اول ما انصدر القرار :(

اللحين يدور بالكرت علشان ريالين :(

اي والله ..
قبل كانوا يدورون بالخمس و بالعشر عشان الفكة ..
اش كثر كان يصير هالشي يروح المريض للكاشير عشان يدفع دوا سعره ريالين او ثلاث و يردونه بحجة ما في فكة ..
ويدور على المركز و يسأل الناس من عندع فكه ..

الحين يدورون و يسألون من عنده بطاقة يدفع لي وراح اعطيه المبلغ ..:(

[بصمة قطرية]

ماعندهم سالفه

يعقدون الأمور ..
المفروض يسهلونها بالذات في المراكز الصحية ..

[بوخالد911]

هلا

هناك توجه من فترة طويلة بأن عملية التحصيل لا بد أن تتم بواسطة البطاقات

[بصمة قطرية]

هلا

هناك توجه من فترة طويلة بأن عملية التحصيل لا بد أن تتم بواسطة البطاقات

صحيح اخوي بوخالد ..
هالشي من فترة
و انطرح موضوع هنا بهالخصوص ..

بس مش حرام انهم يردون المرضى عشان البطاقة
ناس ما تعرف عن هالشي
و اول مرة يدخلون المركز الصحي

[الكحيلة]

:( :(

[بوسلمان 2010]

اختي هذا القنانون في صالح الموظفين لانها صارت عندهم عدت نواقص في الحسبات وحصلو عدد كبير من الادوية


مصروفة اظني حق اجانب بدون رسوم وصار تحقيق في الموضوع وسو هذا الشي علشان جذي