رسالة الى معارض السيارات ومحلات الفحص اتقوا الله فيما تفعلون

[يراعٌ فراتي]

السلام عليكم ورحمة الله وبركاته

كلنا نحتاج يوم من الايام انا نشتري او نبيع او نفحص سيارة

وللاسف ماعاد في اي مصداقية او ثقة لا في بيع ولا في شرا

الا من رحم ربي

اذا ييت تشتري ما تسلم واذا ييت تبي تبع بعد ما تسلم

حتى لو رحت تفحص بعد مااااااااااااااتسلم :omen2:

اللي يقولك الموتر وردة وعقب يطلع الموتر كله مرقع ومصبغ

الفلم الاول

والله انه راعي معرض ومعروف بعد من فترة رحت له باخذ منه موتر
قال الموتر ماجاه لاصبغ ولا حوادث
قسما بالله طلع فيه صبغ في 3 اماكن رفارف وابواب ومدري شنو

والقهر طلع الشاص مضروب بعد
وغير الاشياء الثانية اللي طلعت فالموتر

وتقول لي معارض


والفلم الثاني

رحت مع واحد من الربع يبي ياخذ له موتر

وعجبه موتر في معرض

تدري شنو شرط صاحب المعرض ؟؟

ما تفحص عند المكان الفلاني
ليش؟؟؟؟ الله واعلم

ياخي انا زبون افحص وين ما ابي

وعرضت عليه ناخذ الموتر ونفحصه وما نقول انه تبع المعرض وبعد مارضى

الفلم الثالث

تروح تفحص موتر من معرض وعقب ما تخلص
وتدفع له قيمة الفحص

تدري في 50 ريال يدفعها محل الفحص للمعرض!!!

يعني لو فحصت الموتر مثلا ب 250 ريال في 50 ريال تروح للمعرض ؟؟؟؟؟؟؟؟؟

سالته شنو هاي قال اتفاق المحل مع المعرض؟؟؟؟؟؟؟؟؟؟؟؟؟؟؟؟؟

يمكن و الكل مطبقها بس في ناس مطبقينها

زين كان الاولى انك تردها لي لاني انا اللي مختار مكان الفحص وانا اللي دافع القروش
والله هالسوق ما خلى حد تقدر تقول عنه ثقة ويخاف الله في البيع والشرا

======================

روى الترمذي عن النبي صلى الله عليه وسلم حديثاً وفيه: (أنه خرج إلى المصلى فرأى الناس يتبايعون فقال: يا معشر التجار)، فاستجابوا لرسول الله صلى الله عليه وسلم ورفعوا أعناقهم وأبصارهم إليه فقال صلى الله عليه وسلم: (إن التجار يبعثون يوم القيامة فجاراً)، هذا الأصل، واستثنى القليل (إلا من اتقى الله وبر وصدق) فالإنسان الذي يبر ويصدق ويخاف من الله سبحانه وتعالى يبعث مع النبيين والصديقين والشهداء، أما غالب التجار فسيبعثون فجاراً. وفي رواية أخرى لهذا الحديث في مسند الإمام أحمد قال صلى الله عليه وسلم: (إن التجار هم الفجار، قالوا: يا رسول الله! أليس قد أحل الله البيع فقال صلى الله عليه وسلم: بلى ولكنهم يحلفون فيأثمون ويحدثون فيكذبون).

=========================
وحتى الثقة منهم تحصله ثقة مع ناس وناس
صارت الثقة بعد واسطة

والله ما زودت حرف كل اللي كتبته شي شفته وعشته بنفسي


لاتلومون اللي يشتغلون في المعارض ومحلات الفحص اذا راعي الحلال مو مقصر في خلق الله
حسبي الله ونعم الوكيل

[abdulla4u]

والله اخوي هالايام الواحد يدور للفلس ... اكثر التجار ماقاموا يخافون الله ويتقون الله ....

[شموخ دائم]

,


,


مرحبا


سبحان الله

اذا جيت تشتري حاجه من الانترنت من اجانب في اوربا وامريكا
تلاقيهم مصورين العيوب الي فيها حتى الي يشتري ينتبه
مثل الصوره يقولك فيها شمخ او ضربه او مصبوغه

http://www.moving-overseas-guide.com/images/truck-bumper-scratch-emigrate.jpg

واحنا مسلمين وللاسف اذا حبينا نبيع حاجه افراد او اصحاب معارض
نخبي عيوب الحاجه وزينها والبعض يحلف وقت البيع ( البعض )
استغفر الله العظيم ويقولك استخدام سيده او مدرسه او استخدام شيبه او عجوز
او السياره مركونه بالبيت صاحبها عنده اكثر من سياره ...الخ والكثير من الكذب

دينا الاسلامي الحنيف ينهانا عن الغش
والكثير من الناس للاسف يفكرها شطاره

لكن ما زال الحمدالله في اهل الذمه والتعامل معاهم ممتاز
في الكثير من المعارض وناصحين للزبون ويبعيون ويشترون بما يرضي الله
على الانسان ان يراعي ربه قبل ما يراعي الزبون او الفلوس
والريال الي جات من حرام او غش الله الغني عنها
والانسان عليه يفكر في اخرته وليس في رصيده بالبنك


,

,


اخوك



شموخ دائم

[أبورودي]

الحقيقه المره والتى يجب اليها الجميع وحدثت معى ومع أكثر من صديق
المعارض بتتفق مع اماكن الفحص واشهرهم مكانيين فى طريق سلوي
وتفحص العربيه تطلع زي الفل
وحدث معاي فى سيارتى وطلعت مصبوغه باب خلفى
وسياره صديق مضروبه شاصيه

وعندما راجعناهم قالوا غلطه وكله بالاتفاق

لذلك عزفت تماما على التعامل مع اي معرض حتى لو السياره بربع التمن

[أبورودي]

,


,


مرحبا


سبحان الله

اذا جيت تشتري حاجه من الانترنت من اجانب في اوربا وامريكا
تلاقيهم مصورين العيوب الي فيها حتى الي يشتري ينتبه
مثل الصوره يقولك فيها شمخ او ضربه او مصبوغه

http://www.moving-overseas-guide.com/images/truck-bumper-scratch-emigrate.jpg

واحنا مسلمين وللاسف اذا حبينا نبيع حاجه افراد او اصحاب معارض
نخبي عيوب الحاجه وزينها والبعض يحلف وقت البيع ( البعض )
استغفر الله العظيم
دينا الاسلامي الحنيف ينهانا عن الغش
والكثير من الناس للاسف يفكرها شطاره

لكن ما زال الحمدالله في اهل الذمه والتعامل معاهم ممتاز
في الكثير من المعارض وناصحين للزبون ويبعيون ويشترون بما يرضي الله


,

,


اخوك



شموخ دائم

اتفق معاك تماما نسبه 90% لايغشك اطلاقا

[التميمي 3]

أهم شي يجمع الفلوس وبس ولاَ الذمه بايعها
ومايدري سيحاسب على الغش والكذب

(( قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ غَشَّنَا فَلَيْسَ مِنَّا ، وَالْمَكْرُ وَالْخِدَاعُ فِي النَّارِ "))

[يراعٌ فراتي]

احيانا اتعامل مع بعض الاجانب في موقع قطر ليفينج
للامانة اغلبهم واضح وصريح
ويلتزمون بالشروط

في منهم مسلمين ومنهم غير مسلمين

الحين يستلموني اصحاب المعارض
وشكلهم بيخربون علي البيعه
ههههههههههههههههه

[حمد بن سعد]

اذا زدات لفلوس انعدم الضمير والخوف من يوم الحساب .

حسبي الله ونعم الوكيل

[قــ502ـطرالعز]

السلام عليكم .. الصراحه هذا شي انا لمسته بنفسي مثل ماقال اخوي يراع عندي موتر وكان خاطري ابيعه ورحت معرض معروف جدا قالي بفحص الموتر وبعطيك سومتي قلت له توكل على الله وطبعا انا واثق من سيارتي شلي فيها والي مافيها طبعا وداها محل فحص احذاه بالضبط والله العالم فيه بينهم اتفاقيه الظاهر طلعلي ورقه انا مسكت راسي هههههههههههههه

قلت لو ذي كله في موتري شلون امشي فيه انا وعطاني سعر صدق صدق ضحكني خليته ومشيت .. اتوقعون شصار ؟؟

وصلت لين اخر المعارض ماوعيت الا واحد يوقفني طلع اخو راعي المعرض قالي كم تبي بزيدك هههههههههه شمعناه هالحركه يعني ... الله يستر علينا بس من النصب والنصابين ..شاكر لك الموضوع والله فعلا مهم

[qatarawi]

السلام عليكم .. الصراحه هذا شي انا لمسته بنفسي مثل ماقال اخوي يراع عندي موتر وكان خاطري ابيعه ورحت معرض معروف جدا قالي بفحص الموتر وبعطيك سومتي قلت له توكل على الله وطبعا انا واثق من سيارتي شلي فيها والي مافيها طبعا وداها محل فحص احذاه بالضبط والله العالم فيه بينهم اتفاقيه الظاهر طلعلي ورقه انا مسكت راسي هههههههههههههه

قلت لو ذي كله في موتري شلون امشي فيه انا وعطاني سعر صدق صدق ضحكني خليته ومشيت .. اتوقعون شصار ؟؟

وصلت لين اخر المعارض ماوعيت الا واحد يوقفني طلع اخو راعي المعرض قالي كم تبي بزيدك هههههههههه شمعناه هالحركه يعني ... الله يستر علينا بس من النصب والنصابين ..شاكر لك الموضوع والله فعلا مهم

صارت فيني بعد ههههه

المشكلة لين يجيك شريطي ويسوي لك معرض

يحسب الناس مو مفتحين ...

انا لين ركض عندي قال لي كم بزيدك ... تناحست معاه وخلصت مع المعرض اللي جنبه واللي معادية

والحمدلله بعت الموتر والفرق كان بين المعرضين حول ال ٨٠ الف !!!!

بس ضحكني لين قال لي الفحص يقول الشاصي موب ١٠٠٪ والموتر الماني هههههه

[البحار00]

واحد منهم

او بالأحرى على شاكلتهم

ويانا في المنتدى

[بن رومي]

في 2008

عرضت موتري للبيع في المنتدى

اتصلي واحد ويبي يشتريه

فحص الموتر و قلت له الموتر في صبغ خفيف

راعي الفحص ياشر مكان ما انصبغ ويقول مصبوغ

انا تميت اضحك

اقوله موتري انا صابغ اهنيه وهو يقول لا مني

اخرتها قلت له كيفك


بن رومي

[MAZEN37]

خاطري افهم شلون يجيهم قلب وبرود وهم يغشون حسبي الله ونعم الوكيل

[أبورودي]

خاطري افهم شلون يجيهم قلب وبرود وهم يغشون حسبي الله ونعم الوكيل

وكيف يتحمل دعاء من غشه
خاصه عند
قوله

حسبي الله ونعم الوكيل
يا الله من قوتها

[البريمي (م)]

الله يعين اللي ما يعرف لهم
و ضرورة عدم الاعتماد على شركات الفحص

رايح على المشتري ورايحة على البائع

[السندان]

حسبي الله ونعم الوكيل في من غشنا

صارت معاي

شريت موتر ماشي 13000 الف ريحت الوكاله فيه

والموتر عائلي (يوكن)

ومحل الفحص لبناني

كان في 2006 والنتيجه ورده

لكن بعد ماخذت الموتر طلع فيه حادث قوي رفرف وباب

لكن عند الله ماشي يضيع ..في الرصيد

[يراعٌ فراتي]

ما اعتقد في حد باع او شرا موتر الا وصار له موقف مشابه
ولكن ما نقول غير حسبنا الله ونعم الوكيل فيهم

اذا هو عادي ياكل حرام
شلون يرضى ان عياله ياكلون ويتربون على حرام

اعوذ بالله

اللهم اكفنا بحلالك عن حرامك

[qatarawi]

يا شباب ترا لو صار غش

روحوا العاصمة واشتكو

في ناس سووها وراعي المعرض دوم ما يبي يكبر الموضوع ويسوي تسوية داخل المركز

لجل ما ينفضح اشكره ويطيح سوقه

بس خليكم شداد من الاول ... دش عليه وانت مبوز ومنفس ... سوا بتشتري والا بتبيع

[العساس]

المشكلة ياجماعه ان الواحد يصف موتره في معرض
ويجونه ناس شراين بس راعي المعرض مايتصل لراعي الموتر

لين راعي الموتر يشك بموتره ويتصلون له ويسمونه المعرض بتراب

ومسكين راعي الموتر يبيع يأكل المقلب

لكن للامانه في معارض يخافون الله

وترى العدوى انتشرت للمنتدى

[Qt.1]

ياكثرهم مره كنت باخذ موتر ووديته عند واحد يفحصه لبناني قالي لا الموتر ماعليه كلام وخذته , ويوم وديته اغير السماعات يوم بطلنا الكفر مال البيبان الداخلي طلع الموتر مدعم ومصبوغ لين قال بس ...

[ALHAJAJI]

صار معي مرة ان شريت سيارة وفحصتها في احد المراكز اللي فيها فلبيني , طلعت ا لسيارة تمام التمام . ومرة الايام وبعت السيارة وفحصناها في نفس المركز وطلع ان السيارة فيها صبغ في البانة والرفرف ومعرف وين , مع العلم انه طول استخدامي للسيارة ما سويت لها اي صبغ نهائيا.


فعلا بعض اصحاب المراكز دون ذمة او ضمير

[يراعٌ فراتي]

الله المستعان

انا اقول انهم الحين يقررؤن ردودنا ويدعون علينا
ههههههههههه

[الجوكر90]

السلام عليكم
يالربع انا مابي ادافع عنهم كلش
بس بقولكم
في معارض يوم واحد يعرض عندهم الموتر يسالونه في شي الموتر راعي الموتر يقول ع الفحص
وهو يقول الموتر ع الفحص لان مايدري اشفيه حتى لو كان ملعون خيره

وفي معارض متفقه مع محلات الفحص
ان اجيب لك زباين بس تسوي لي خصم او ترد مبلغ من الفلوس عشان جي يجبرونك تروح هالمكان

وفي معانا واحد فالمنتدى عنده معرض
يقولك انا بشتري الموتر ب300 الف
وبعد ساعه يتصلك يقولك ب275
واذا قلت له اوك والحين بتروح له وانت فالطريق يتصلك ويقولك 250 وصارت حق واحد من الربع


وبقولكم شي ثاني
انتو تتكلمون عن المعارض
عيل هذيل الي يجونك ويقولون الموتر نظيف مافيه شي وانا المالك الاول

والله مره رحت واعدت واحد ساعه كامله ناطره عند الفحص يجيني
ويوم جاني تم يتكلم يقول الموتر مايبيله فحص انا اضمنه لك
كلش مانصبغ وريحه الوكاله ومادري وشو
المهم دخل الفحص اول مارفعوا الموتر حده مزلغ من تحت
والا الفلبيني يقولي الصدام الي ورا مصبوغ وشوف يبين
راعي الموتر مصمم انه مب مصبوغ وصبغ الوكاله
يمين يسار بدل غير مافي
المهم اخر شي قال الموتر كان عند ولد عمي ويمكن هو صبغه

وتعرفون شكان يبي يسوي
والله العظيم اني ماكذب
كان مواعد واحد ثاني عشان يفحصه
قالي تعال نروح له ونخليه يفحصه وهو يدفع وانت لا تدفع
انا انصدمت في ناس تفكيرهم جي
قلت له لا عادي انا بفحصه
وماشريت ولا فكرت اشتري منه الموتر


وبخصوص الفحص الفني
ترى هم بشر ويستخدمون الالات ومب دوم قاصدين الغلطه
هم يسون الي يقدرون عليه
يعني مثل ماقال واحد من الاعضاء يوم شريت الموتر مافيه شي ويوم جيت ببيعه طلع فيه شي
لان مرات الصبغ مايبين الا مع الايام

وبالتوفيق ان شاء الله