افضل محل للحديد المشغول

[wadha-qa]

السلام عليكم

عندي سؤال بخصوص محلات الحديد المشغول
مادري وين القى محل شغله نظيف و سعره معقول نبي نفصل حديد حمايه للدرايش
و مدخل للفيلا يكون حديد و زجاج عاكس

من خلال تجاربكم ممكن تحددون لي محلات زينه

[شموخ دائم]

,

,


مرحبا


اعتقد تحتاجون تاخذون فكره من عده اماكن

انا برشح محل جيرسي في شارع السد

يعطي ضمان خمس سنوات لصبغ الابواب الخارجيه و10 سنوات للداخل

ومحل

دربزين

يتميز بكثره وتنوع الاشكال عنده

السعر والجوده مناسبين

حدادكو

تعاملنا معاه كثير وللاسف السنوات الاخيره
صار الحديد والصبغ عنده يصدي بعدسنه او سنتين ماعرف ايش صار فيها هذي الشركه

بالتوفيق لكم

,

,


اخوك


شموخ دائم

[كبير المتداولين]

لا انصح في حدادكو صار شغله تعبان على قوله اخوي شموخ الحديد يصدي بسرعه والصبغ يطير

[wadha-qa]

يعطيكم العافيه ع الرد ما قصرتوا

سؤال ثاني .. مامدى صحة الكلام اللي اسمعه بان تركيب الحديد لازم يكون قبل البلاستر عشان يثبت اكثر ؟؟؟؟

[شموخ دائم]

مرحبا


قبل البلاستر او بعد البلاستر مافي مشكله
والثبات والقوه مالها علاقه بالبلاستر لانه يثبت بالبراغي
في اي مرحله مافي مشكله المهم يكون قبل الصبغ

بالتوفيق

,

,


اخوك


شموخ دائم

[فتى الجود]

السلام عليكم

اخوى كل السوق زين الا حدادكوا

تعبان واذا ودك تشوف راسلنى على الخاص تمر على البت وشوف الصدا وطريقة الصبغ وتعاملهم التعبان

ولو يرد بي الزمن ماسويت عندهم

والحملله على كل حال

[دلال قطر]

احنا سوينا قبل البلاستر مافي فرق

[dream~qa]

ما جربت الا حدادكو ومع راي الاخوان ابتعدي عنه الصبغ بعد سنة يطير وما عنده ضمان الا بالحجي بس .

[daekan]

حد جرب محل الرميحي الي بشارع سلوى

[التاجرالصغير]

اختي في محل في معيذر اسمه بوابة قطر الملكية شغلهم ماشاء الله وايد نظيف انا ركبت ابواب خارجية ودرابزين والحمد لله كل شيء تمام
هذا رابطهم على النت www.royalgateqatar.com

[*بوحمد]

مالك الا الملكيه محلهم فالغرافه بجنب مخابز الغرافه
شغلهم100%
وصبغهم 100%
صج شوي غالي بس اخذ شغل صح

[بوالبيض]

حد جرب محل الرميحي الي بشارع سلوى

انا مسوي عنده طبعا عن تجربه توهم ما ركبوا الباب بس المقاول الي ايسوي لي البيت رشحه لي ويتعاملون معه يقول شغله زين بس لزم تعطيه انت الي تبيه بالضبط عشان
بعد تقدر تمسك عليه شي ويسوي لك الشغل زين واذ تبي رقم الجوال عندي وبعطيك سعر زين
وتسوي لك شغل زين موفق اخوي

[بوفهد555]

لو عندي صورة من ممكن ينفذها ؟؟؟؟؟

[بوفهد555]

في محل في نجمه اسمه المدار حلو شغله ولكن ماسمعت عنه اذا في حد مجربه ياريت يفيدنا

[خبير صيانة]

فيه مصنع في الصناعيه اسمه القمــــــه شغله روعــــــــــــه واسعارة ممتازة

ت 55623670

[r07]

بعد اذن صاحب الموضوع
في محل ابواب خارجيه, احد الاخوان اذكره في مشاركه قديمه...هالمحل يستورد من امريكا واشكاله جديده
ياليت اللي عنده اسم المحل يذكره لنا وشكرا

[بوفهد555]

تقصد اميركان ديزاين المحل حلو بس وااااايد مبالغ باسعاره يعني المتر يبدا من 3500 ريال

[r07]

تقصد اميركان ديزاين المحل حلو بس وااااايد مبالغ باسعاره يعني المتر يبدا من 3500 ريال

اي والله مبالغ في السعر...بس عندك رقمهم او تدلني عليهم ...باشوف اللي عندهم ويمكن اسوي شي مشابه له...وشكرا

[عاشة]

يعطيكم العافية

[سيف مهند]

اخوي اذا ممكن شيك الخاص

في ورشة حديد والمنيوم جديده اسعاره معقوله جدا

اللذي يحتاجهم يراسلني

والتوفيق للجميع ان شاء الله

[راشد1]

شوف شركات التصميم الهندسية أحسن لك

[alme3mary]

درابزين شغلهم نظيف واسعارهم معقوله

[كاد الهندسية]

أخواني للحصول على أفضل النتائج الجمالية للحديد المشغول أو غيره ، الأساس هو التصميم الهندسي والخبرة والإشراف على التركيب، لذلك ننصح دائما باستشارة شركات التصميم الهندسي والديكور المختصة.
بإمكاننا مساعدتكم مجانا في أي وقت.
بالتوفيق للجميع،،،

[خبير ديكور]

اهم شيء في الحديد الضمان
لان نوع الصبغ يفرق في هذه الامور
بخصوص الحمايات تعتمد على الشل اما بسيط واما يكون بها المنيوم صب
والاسعار من 300 الى 800 حسب التصميم
الابواب الملكية سواء بالغرافة او معيذر جيدين جداً
لكني انصحكم بالقمة للحديد
30121800
وبالتوفيق