المساعد الشخصي الرقمي

مشاهدة النسخة كاملة : أسعار ماسيس للحلويات - فرع المرخية



AHLAM222
23-09-2011, 07:36 PM
مشاركة في دور حماية المستهلك

من شوي كنت في ماسيس المرخية وحبيت اخذ من عندهم لقيمات طلبت كيلو قالي الكيلو ٤٠ ريال :eek5:!

استغربت انا كنت ماخذته في رمضان ب ٣٠ سألته ليش زاد السعر جذي ؟ قال من سنه هالزياده قلت له لا في رمضان خذيت من عندك نص كيلو ب١٥ قال لا من سنه

تذكرت الموضوع اللي هني في المنتدى وما خذيت من عنده وطلعت دقيت عليهم مره ثانيه ردت علي الفلبينية سألتها مره ثانيه كم كيلو اللقيمات قالت نفس الشي ٤٠ قلت لها من متى هالزياده قالت من بعد العيد ! قلت لها ليش ما يصير ترفعون ١٠ ريال مره وحده قالت كل شي زياده الحين !؟

طلعت رحت ماي بيك اللي صوب اللاند مارك سألت كم كيلو اللقيمات وانصدمت لما قالي الكيلو ١٥ ونص الكيلو ٨ ريال ؟ لدرجة اني كررت عليه السؤال مرتين وطبعا خذيت من عنده وقلت له زين مافي زيادة كنوع من التهديد :sneaky: طالعني وابتسم ، طلعت من عنده ودقيت على فرع الوكرة ونفس السعر قالي .

وقررت انزل الموضوع هني والصراحة لما يوصل كيلو اللقيمات ٤٠ ريال بمكان ومكان ثاني ١٥ ريال شي كبير وفرق كبيييييير في السعر على نفس الطلب .


والباقي على حماية المستهلك

وطن
23-09-2011, 07:40 PM
اختي اتصلي بحماية المستهلك واشتكي عليهم
عشان يرسلون لهم مفتشين

موضي قطر
23-09-2011, 07:59 PM
انا بصراحة اطالب الجهات العليا بالتدخل العاجل والفوري حتى لو على نص ريال لحد يقول حماية المستهلك وهالكلام ترى الموضوع زاد عن حده وحدهم الجهات العليا اذا ماتدخلت الحين متى بتتدخل ؟!!!!!!!

دااانة قطر
23-09-2011, 08:12 PM
طيب واللي مايعرف حق السعاار كم كاانت تروح عليه مثلااا
ليش حمااية المستهلك مايقومون بدورهم بالتفتيش بشكل دوري ؟؟!!

راقي
23-09-2011, 08:18 PM
وييييييي حماية المستهلك وحماية المستهلك اصلن حماية التجار :))

abdulla4u
24-09-2011, 05:06 AM
حمايه المستهلك خل اول تسوي لها جدول وظيفي وتوضح لنا شنو تخصصاتها ووطرق التواصل وطريق حل المواضيع .. وبعدين يصير خير مع الاسعار...

AHLAM222
24-09-2011, 12:03 PM
اختي اتصلي بحماية المستهلك واشتكي عليهم
عشان يرسلون لهم مفتشين

هللي راح اسويه اليوم ان شاء الله

AHLAM222
24-09-2011, 12:04 PM
انا بصراحة اطالب الجهات العليا بالتدخل العاجل والفوري حتى لو على نص ريال لحد يقول حماية المستهلك وهالكلام ترى الموضوع زاد عن حده وحدهم الجهات العليا اذا ماتدخلت الحين متى بتتدخل ؟!!!!!!!

المفروض دام انحط في المنتدى قسم خاص لحماية المستهلك تكون في لجنة مشرفه عليه وتابعه وصوتنا يوصل لهم على طول وكل عضو ما يقصر يدخل ويحط المكان والسعر فيا ليت نلقى رد منهم عندنا

AHLAM222
24-09-2011, 12:08 PM
طيب واللي مايعرف حق السعاار كم كاانت تروح عليه مثلااا
ليش حمااية المستهلك مايقومون بدورهم بالتفتيش بشكل دوري ؟؟!!


اللي ما يعرف الاسعار يروح عليه اللي في مخباة

عيون الدوحة
25-09-2011, 12:15 AM
بااااال صج فرررق كبير

أنا محد كاسر خاطري غير العجايز الي مايدشون المنتدى ومايدرون وش الي قاعد يصير

Dawn
25-09-2011, 12:26 AM
ماسيس شغلهم زين بس 40 على كيلو لقيمات ما يسوى ترا مكونات اللقيمات رخيصه جدا ما تسوى هالسعر ... الواحد يحسب فايده على مبيعاته بس مب لهالدرجه صج مصخوها ...

عيون الدوحه انتو ياللي تقرون وتطلعون على اخر المستجدات لازم توصلون لهم فكرة المقاطعه .. وتعلمونهم عن المحلات اللي زايده اسعارها وتشوفون لهم البديل من المحلات المحترمة ..