استفسار مهم ؟ ارجوا الرد

[red velvet]

مساء الخير إخواني / خواتي


استفسار بسيط لأهل الخبره واتمنى يكون استفساري في القسم المناسب

حابه أخصص كل شهر وبشكل دائم مبلغ معين لبنك معين او مكان ما

بحيث يشغلون لي هالمبلغ ويطلع لي نسبه من الأرباح

ف هل حد عنده خلفيه او هل يوجد مكان يخدمني في هالموضوع ؟؟؟؟



ولكم جزيل الشكر

[red velvet]

٨٦ مشاهده ولا رد واحد

ماخبرتكم ابخلا يأاهل الأسهم

[العطار قطر]

ههه ولا يهمج أختي

بالنسبة لتشغيل الفلوس في كل بنك في حساب اسمه حساب توفير
هذا الحساب المبلغ الي اتحطينه يشغلونه ويحسبونلج أرباح سنوية على المبلغ المتوفر في ها الحساب
في حسبة لست أشهر وحسبة لثلاث أشهر حسب البنك وحسب المبلغ المودع
لو اتصلتي على البنك الي حسابج عليه بفيدونج أكثر بالنسبة للربح في بنوك 3% وفي 5%
ولكن نصيحتي الأولى والأخيرة خلج من البنوك الربوية لأن الفلوس يشغلونها في الربا والقروض الربوية
الواحد يدور على المال الحلال وما تسوى عليه يتحاسب يوم القيامة على مال حرام حتى لو البنك الربوي عرض عليج ربح أكثر من الإسلامي
والله يوفقج

[red velvet]

الف الف شكر اخوي وما قصرت والله يعطيك الف عافيه على الافاده


والله يبعدنا عن الربا والبنوك الربوية

الف شكر

[روح الاطلس]

اذا عندج مبلغ حطيه وديعه وتنزل لج ارباح

[بصمة قطرية]

مثل ما قال روح الأطلس ..
وديعه

[qatarawi]

وديعة ... وبنك الدوحة الافضل

[روح الاطلس]

وديعة ... وبنك الدوحة الافضل

لا تسمعين كلامه :)

بنك الدوحة .. ربـــــــــــــــا .. سحت ... مال حرام :weeping:

[hasss1969]

حتى الودايع هالايام ارباحها ماتتعدى 3 % واقل ...انا اتكلم عن الدولي الاسلامي..

[تحداني]

بعطيج اقتراح ثاني
هالايام يشترون سبايك ذهب ويبيعونها
جربيها اذا شاطره في البيع والشرى


جملك الله برضاه