متى يكون للحرية حد إذا تعدت على حرية الآخرين (شاطئء اللؤلؤة)

[العطار قطر]

الويك اند كنت مع العائلة على بحر اللؤلؤة الي جنب النادي الدبلوماسي
طبعاً المكان جاي دائري والجلسة فيه حلوة ولكن تتعكر لما يجيك واحد رافعلك صوت السماعات بالأغاني ويغني بالمكاروفون ويبط أذنك وانت جالس على بعد 500 متر منه ... وياليت صوته حلو إلا حق وجع الراس

هل إذا رحت له وطلبت منه يسكر الاستيديو الي جايبه معاه من حقي وإلا أنا أكون غلطان إني جيت ها المكان أصلاً ؟؟؟ تراها كل ويك اند وبعض المرات في نص الأسبوع (عادي ياخذ حريته على حساب راحتي والاستئناس في المكان مع العائلة ؟)

وش رايكم؟؟دلوني لأني الاسبوع الجاي يمكن يصير مكروه لاسمح الله

[غروب الشمس]

بصراحه انت ماعايش جو الانفتاااااااااااااااااااااااااااااااااااااااااااا ااح

لو رحت لهم بتطلع غلطان لانك عكرت مزاجهم المساكين وبيقولون عنك متخلف ورجعي

[..er..]

اساسا وين راح نحصل مكان يصلح للعيال والاهل ..؟

ان كلمته تمادى وياك بالكلام وصار شي يكرهه وماتبيه انت

فـ الافضل تشوف لك مكان بعيد من هالازعاج .. عندك دخان وعندك وعندك ولا راح تسلم منهم
بيطلعون في كل مكان

فـ الافضل تكون القعده بحوش البيت :)

[سيزن]

اتصل بالعضيد .

وجرب :)

___

وبعد ذلك ........

ياليت اتفيدنا بتجربتك مع العضيد .

[intesar]

نعب اتصل بالشرطة وجرب حظك

[qatarawi]

هو اللي يغني بالستيريو هذا

جايبينه هم ... يعني بلفيت يسوي عرض او يجذب العالم ؟!!

او حيالله واحد جا ويبي يغني ويطلع مواهبه ؟؟؟

لو حيالله واحد .. روح له .. قول له يسكت بالاول او بتتصل للشرطة
لو ما سكت ورساها بر ... خذ الستيريو وقطه بالبحر ولو رجال يسوي شي

ولو جاب الشرطة هو .. قول لهم كلمته وقلت له شرطة ما عبرني

والله يتندم وبيذكرها طول عمره

اما لو جايبينه هم المسؤولين ... كل شوي روح له وقول له يسكت وانه ما يعرف يغني .. حطمه يعني هههه

[أبو عبدالعزيز]

المادة (290) من قانون العقوبات
يعاقب بالحبس مدة لا تجاوز ستة أشهر، وبالغرامة التي لا تزيد على ثلاثة آلاف ريال، أو بإحدى هاتين العقوبتين، كل من أبدى إشارة، أو جهر بأغان أو أقوال فاحشة، أو أتى فعلاً فاضحاً، مخلاً بالحياء بأي طريقة في مكان عام، أو في مكان يستطيع فيه رؤيته من كان في مكان عام.
-------------------------------
و90% من أغاني زماننا هي أغان فاحشة، سجل كلماتها وفالك طيب

[قناص 787]

المادة (290) من قانون العقوبات
يعاقب بالحبس مدة لا تجاوز ستة أشهر، وبالغرامة التي لا تزيد على ثلاثة آلاف ريال، أو بإحدى هاتين العقوبتين، كل من أبدى إشارة، أو جهر بأغان أو أقوال فاحشة، أو أتى فعلاً فاضحاً، مخلاً بالحياء بأي طريقة في مكان عام، أو في مكان يستطيع فيه رؤيته من كان في مكان عام.
-------------------------------
و90% من أغاني زماننا هي أغان فاحشة، سجل كلماتها وفالك طيب


كلام في ورق وبسسسسسسسس لكن في الواقع مامنه فايده
ولعلمك انا السنه اللي طافت معاي زوجتي واهلها على البحر وجوا شباب قعدوا قريب منا
ومشغلين الاغاني ومصخره ورحت وكلمتهم ان ياريت و لوسمحتوا تقصرون على الصوت
تدري ردوا علي ... مالك خص
قلت خلاص ببلغ الشرطه ولكن للاسف بعد ماجات الشرطه ماسوت شي كل اللي سوته
انه تكلمت معاهم وبسسسس
وبعد ماراحت الشرطه ردوا على نفس الموال لكن انا ماقدرت اسكت
وقمت انا واثنين من هلي وجوا ناس يقربون لي وعفسنا عليهم الدنيا اقسم بالله كسرنا وجيهم وصارت سالفه كبيره والله انهم بعدها اذلفوا لا بارك الله فيهم وكل واحد منهم يلقط اغراضه هالاشكال مايجون الا بالعين الحمرا

والكلام ياخوي اللي انت كاتبه فوق كلام على ورق وبسسسسسسسس هذا اللي انا شفته
الظاهر ان الواحد ياخذ حقه بيده احسسسسن

[khaleeji]

الموضوع مايحتاج شرطه ,,,اعتقد انك لو رحت له وكلمته بالطيب وقلت ياخي لوسمحت قصر انا معاي هلي

بيحس على دمه ويقصر

[بوفاطمه]

انصحه،واذا مافادت النصحية.اتصل في الشرطة وقول لهم عن مشكلتك مع الرجال.ابعد عن الشر وغنيله.
في النهاية..........؟

[البريمي (م)]

ادعوا الله لهم بالهداية وقم بتوجيهه ومن ثم تغيير المكان

[بـــــــنت النوخـّــــذه]

الي فهمته من بعض الردود ان المغني او الي ماسك المايك ويغني من ضمن برنامج الحفل في هذا المكان 00

يعني اذا السالفه جذيه جمع لك كمن واحد متأذي نفسك وروحوا له قولو له سندرتنا يا تقصر صوتك او اتغير برنامجك لشي ثاني غير الاغاني 000

اما اذا شخص زائر للمكان حاله حالكم جاي يتنزه ورافع الصوت ويغني في هالحاله ممكن تلجأ للعضيد او لاي دوريه شرطه 00

[كحيلان قطر]

شوف يا طويل العمر الويكند الجاي روح ومعاك ستيريو نفس الي عنده واذا بدا يغني غن معاه :nice: ومثل ما ازعجك ازعجه :eek2: ولا تدري :D كلمني اجيب له العده وبعطيه ذاك الموال :dance بصوتي النشاز اخلي زجاج العماير يتكسر ونت عليك الـ :app2::app2: وخله يكلمني وشوف شباسوي فيه

[R 7 A L]

شوف يا طول العمر الويكند الجاي روح ومعاك ستيريو نفس الي عنده واذا بدا يغني غن معاه :nice: ومثل ما ازعجك ازعجه :eek2: ولا تدري :D كلمني اجيب له العده وبعطيه ذاك الموال :dance بصوتي النشاز اخلي زجاج العماير يتكسر ونت عليك الـ :app2::app2: وخله يكلمني وشوف شباسوي فيه


:funny:

[clouds]

شوف يا طول العمر الويكند الجاي روح ومعاك ستيريو نفس الي عنده واذا بدا يغني غن معاه :nice: ومثل ما ازعجك ازعجه :eek2: ولا تدري :D كلمني اجيب له العده وبعطيه ذاك الموال :dance بصوتي النشاز اخلي زجاج العماير يتكسر ونت عليك الـ :app2::app2: وخله يكلمني وشوف شباسوي فيه

:nice::victory:

[mmbbss]

عليك بالعين الحاره اخوي

[حقيقه]

زين وين يروحون انا اشوف يحطون طاقتهم في هواياتهم ولا ينحرفون

بس المشكله انه مافيه مكان

[بوحارب]

صج متفرغ راعي الأستيريو كل اسبوع مرتز هناك مثل الهبل الحمدلله والشكر

عاد ياريت لو صوته حلو "_

[العطار قطر]

بصراحه انت ماعايش جو الانفتاااااااااااااااااااااااااااااااااااااااااااا ااح

لو رحت لهم بتطلع غلطان لانك عكرت مزاجهم المساكين وبيقولون عنك متخلف ورجعي


ما للأسف أحاول أنفتح لكن أذني بجيها انغلاق الله المستعان

[العطار قطر]

اساسا وين راح نحصل مكان يصلح للعيال والاهل ..؟

ان كلمته تمادى وياك بالكلام وصار شي يكرهه وماتبيه انت

فـ الافضل تشوف لك مكان بعيد من هالازعاج .. عندك دخان وعندك وعندك ولا راح تسلم منهم
بيطلعون في كل مكان

فـ الافضل تكون القعده بحوش البيت :)


هههههه الله يقطع ابليسك

[العطار قطر]

اتصل بالعضيد .

وجرب :)

___

وبعد ذلك ........

ياليت اتفيدنا بتجربتك مع العضيد .


اامممم فكرة ما جت عبالي

[العطار قطر]

هو اللي يغني بالستيريو هذا

جايبينه هم ... يعني بلفيت يسوي عرض او يجذب العالم ؟!!

او حيالله واحد جا ويبي يغني ويطلع مواهبه ؟؟؟

لو حيالله واحد .. روح له .. قول له يسكت بالاول او بتتصل للشرطة
لو ما سكت ورساها بر ... خذ الستيريو وقطه بالبحر ولو رجال يسوي شي

ولو جاب الشرطة هو .. قول لهم كلمته وقلت له شرطة ما عبرني

والله يتندم وبيذكرها طول عمره

اما لو جايبينه هم المسؤولين ... كل شوي روح له وقول له يسكت وانه ما يعرف يغني .. حطمه يعني هههه


لالالا هو بيطلع مواهبه الأخ المسؤولين مايجيبون مثل كذا أول مرة أسمع ها الأصوات كلها نشااااز .... يشغل موسيقى ويغني عليها بالمايكروفون الي موصله في الاستيريو
بس أقط الاستيريو في البحر ما خطرت عبالي ههههههه

[العطار قطر]

ادعوا الله لهم بالهداية وقم بتوجيهه ومن ثم تغيير المكان


أحس الحل فيه حكمة ولكن ياخي إذا كلنا سكتنا بيتمادون وما حليناها

[العطار قطر]

شوف يا طول العمر الويكند الجاي روح ومعاك ستيريو نفس الي عنده واذا بدا يغني غن معاه :nice: ومثل ما ازعجك ازعجه :eek2: ولا تدري :d كلمني اجيب له العده وبعطيه ذاك الموال :dance بصوتي النشاز اخلي زجاج العماير يتكسر ونت عليك الـ :app2::app2: وخله يكلمني وشوف شباسوي فيه


هههههههههههههههههه حل خرافي

[العطار قطر]

صج متفرغ راعي الأستيريو كل اسبوع مرتز هناك مثل الهبل الحمدلله والشكر

عاد ياريت لو صوته حلو "_


ههههه أتوقع انك سمعته

[الجني]

الله يعينك أخوي

أنا دائما يصادفني هذا الموقف من قبل قطريين و عرب و خواجات أحياناً في الدوحة

للأسف عندما تطلب أحدهم أن يخفض الصوت يعتقد أنك ضعيف

جرب شغل قرآن في سيارتك و ارفع الصوت أو حول الراديو على قناة القرآن الكريم 103.4


شخصياً صادفني هذا الموقف في البر و طلبت من أصحاب السيارات أن يخفضوا الصوت بإحترام , استقبلوني و أحضروا لي القهوة و الشاي و اعتذروا , و بمجرد مغادرتي رجعوا و رفعوا الصوت أكثر من ذي قبل . فما كان مني الاّ أن طلبت دعم خارجي و أحضروا لي العيال البطابط 700 رابتر ملغمة صوتها كأنه طائرة نفاثة و عكفنا ذهابا و أياباَ عليهم

فما كان منهم الاّ أن ضبوا أغراضهم و تركوت المكان

المغزى من القصة : ناس تخاف ما تستحي .

[الكولونيل]

إتصل بالعضيد

[بوسلمان 2010]

عليك باالعضيد او العمليات الشرطة وبلغهم ومراح يقصرون ان شاء الله لاهذي الاشكال مب ويه حشيمة

[العطار قطر]

عليك باالعضيد او العمليات الشرطة وبلغهم ومراح يقصرون ان شاء الله لاهذي الاشكال مب ويه حشيمة


في رقم خاص بالعضيد ؟؟؟

[Bu-Khalid]

اتصل بالعضيد .

وجرب :)

___

وبعد ذلك ........

ياليت اتفيدنا بتجربتك مع العضيد .

اتصلت لهم قبل وعطوني احلـى سحبيه

المهم اخوي راعي الموضوع هاي اماكن حق شباب ماينفع تودي اهلك

شوفلك مكان بعيد يمدحون شمال غرب قطر

او دخان بس روح يوم السبت لانه مافي وايد ناس