الخدم والدريوليه مضربيين عن العمل يبون زياده أيش الحل ؟

[المدفع]

مبروك عليكم الزياده جميعا
ولكن الزياده لم تشمل الجميع وخصوصا القطاع الخاص
وقلنا راح ترتفع الاسعار ولكن هناك حماية المستهلك للسيطره عليها
ولكن من راح يحمينا نحن ؟

أمس كل الخدم والطباخيين والدريوليه في بيتي وبيت الوالد وعيال العم
مضربيين عن العمل ويطالبون 60 % زياده
مع ان معاشاتهم لا تقل عن 850 والبعض يصل الى 1200

هذه مشكله تحتاج لحل دبلوماسي !! كيف لا اعرف
اعطوني بعض الافكار او الحلول لحل هذه المشكله ؟
بس ارجوكم لا احد يقول تسفير لانهم مجموعه كبيره وصعب نسفرهم مع بعض او في هذى الوقت

[R 7 A L]

سفروا ( الرديين منهم ) حتى يكونوا عبرة ( للنخبه ) المتبقين

[مهل]

حلي قريب من حل اخوي رحال

و انصحك بتسفير الجميع بلا استثناء

اتوقع فيه جزء كبير منهم بيحب القاع لا شاف الصدق و بيعرف انه طماع و مطالبته مالها حق خصوصا انك معطيهم فوق حقهم في الرواتب

و ان صممو على التسفير ،،، ترى ياخوي هذولا مب قرايبك ،، منت مجبور فيهم و الي جابهم يجيب غيرهم ،، لانك لو وافقت بكره بيطلبون الي ماتقر عليه سواء فلوس او غيره

[الجني]

خذهم إلى إدارة العمل أخوي

لأن بينك و بينهم عقد و لا يستطيعون الإخلال بالعقد

[do7ani]

الله المستعان
عندنا وعندكم خير

[المدفع]

سفروا ( الرديين منهم ) حتى يكونوا عبرة ( للنخبه ) المتبقين



جزاك الله خير.. فكرة طيبة

[Dawn]

زيدهم اذا يستاهلون الزياده واذا مسلمين الله بيكتب لك الأجر ان شا الله

بس لا تزيد 60 % الا اللي يؤدي شغله على اتم وجه والباقي قول لهم انا بزيدكم بس نسبه اقل من الخادم الفلاني لانه هو نشيط و يتعب اكثر منكم ،،، واللي ما يستاهل قول له انا ما راح ازيدك وبسفرك وبجيب واحد يقبل براتب اقل من راتبك ،،، بهالطريقه انتا تشجع الباقي على الشغل ..

بس غريبه مبين عليهم مطلعين على اخر المستجدات بالمجتمع احنا خداماتنا ولا يدرون عن اي شي يخص الزياده .. شلون خدمكم دروا عن هالموضوع ؟

[المدفع]

حلي قريب من حل اخوي رحال

و انصحك بتسفير الجميع بلا استثناء

اتوقع فيه جزء كبير منهم بيحب القاع لا شاف الصدق و بيعرف انه طماع و مطالبته مالها حق خصوصا انك معطيهم فوق حقهم في الرواتب

و ان صممو على التسفير ،،، ترى ياخوي هذولا مب قرايبك ،، منت مجبور فيهم و الي جابهم يجيب غيرهم ،، لانك لو وافقت بكره بيطلبون الي ماتقر عليه سواء فلوس او غيره



:omg::omg::omg:
:weeping::weeping::weeping:
المشكله راح تصير اكبر
صعب تحصل في مكاتب الخدم الي تبيهم
وهم اسعارهم نار
وهم ما في من الدول الاسيويه كثير
وتعال علمهم من اول وجديد

[المدفع]

خذهم إلى إدارة العمل أخوي

لأن بينك و بينهم عقد و لا يستطيعون الإخلال بالعقد



فكره حلوه
بس هل بتنفع معاهم ؟ الله اعلم

[المدفع]

الله المستعان
عندنا وعندكم خير



انا قلت اكيد نفس المشكله البعض يعاني منها

[المدفع]

زيدهم اذا يستاهلون الزياده واذا مسلمين الله بيكتب لك الأجر ان شا الله

بس لا تزيد 60 % الا اللي يؤدي شغله على اتم وجه والباقي قول لهم انا بزيدكم بس نسبه اقل من الخادم الفلاني لانه هو نشيط و يتعب اكثر منكم ،،، واللي ما يستاهل قول له انا ما راح ازيدك وبسفرك وبجيب واحد يقبل براتب اقل من راتبك ،،، بهالطريقه انتا تشجع الباقي على الشغل ..

بس غريبه مبين عليهم مطلعين على اخر المستجدات بالمجتمع احنا خداماتنا ولا يدرون عن اي شي يخص الزياده .. شلون خدمكم دروا عن هالموضوع ؟



جزاك الله خير اخوي
البعض زدناهم من فتره بسيطه
ولكن الحين 60% للقطريين افهموها غلط الخدم

هههههههههههه اطلعوا يعرفون كل شئ
الله يعينا عليهم

[يراعٌ فراتي]

شوف اسوء واحد فيهم واللي يكون عادة سبب المشكلة
وقوله مافي زيادة

اذا رفض قله اقرب طيارة
صدقني بيتسنعون

بس شرط يكون اسوء واحد فيهم ويكون فعلا يستاهل التسفير
مانبي نقطع ارزاق الناس


واذا هم زينيين وتخبرهم عدل
ياخي الله يعينك زيدهم
بس مب 60 %
يعني بلي تقدر عليه

[بوعلي-Qtr]

زيدوهم ٣٠ ريال .. قولهم هذي ١٦٪ .. سكستي وسكستين نفس الشي اللهم ن تفرقهم :>

[بايع بايع]

اتبع قاعده فرق تسد

سفر اثنين وتكون قادر تستغني عنهم

هدد الجداد

وزيد القداما ( زياده معتدله) لانهم عشرة عمر ويستاهلون

واللي يبقى ومايشتغل خله ولاتفتكر فيه وقوله تدفع قيمة اكلك ومافي معاش اذا مافي شغل

والمكر بالمكر يقابل ...

[ايزو]

الحل الامثل قول :tease:لهم أنا بازيدكم مثل مازادونا 60 في الاساسي و60 في الاجتماعية وانتوا اساسيكم 10 ريال وعلاوة اجتماعية 10 ريال وباقي الراتب وزععه على البدلات يعني كل واحد بتزيده 12 ريال

[بوفهد 5555]

عطهم بوززززززززززززز ولا تتردد من سنتين الخدامة الهندية قالت لي انا بسافر لان ما عجبها كلام الوالده قلت لها اوكيه جهزي شنطتك ولا تناقشت معها مع انها عندنا من 6 سنوات ثاني يوم جاني الدريول وقالي اذا بتسفر الخدامه انا بعد والدريوال الثاني بنسافر قلته على طول بدون تردد الحين جهز شنطتك مع الدريوال الثاني وخذت منه على طول اليسن ومفاتيح السيارات ومن الدريول الثاني انصدم اشوي وبيغمه عليه قلت له بكره سفركم ثلاثتكم خلكم جاهزين وطلعت من البيت بعد ساعتين قام يتصلي الدريوال اكثر من 20 مرة ما رديت عليه راح حق اخوي يصيح ويعتذر مع الدريوال الثاني يوم شافوا الصج ـ في الليل جبت التذاكر والحجز وعطيته الدريوال وقلت له هاي التذاكر والجوازات بكرة السفره قام يصيح ويعتذر لي وسامحتهم ـ ومن يومها اوووووووكيه

[بوعلي-Qtr]

^^

والله كلام طيب . .اللي مايشتغل لاتعطيه راتب ابد .. خله لين تخيس ريحته ويرد يشتغل من نفسه
اي والله وطلعلهم راس .. ماكلين وشاربين وشغالين تحت المكيف ويبون ٦٠٪ بعد .. لاتخلونهم يشترون جرايد تراهم عفاريت

[المدفع]

شوف اسوء واحد فيهم واللي يكون عادة سبب المشكلة
وقوله مافي زيادة

اذا رفض قله اقرب طيارة
صدقني بيتسنعون

بس شرط يكون اسوء واحد فيهم ويكون فعلا يستاهل التسفير
مانبي نقطع ارزاق الناس


واذا هم زينيين وتخبرهم عدل
ياخي الله يعينك زيدهم
بس مب 60 %
يعني بلي تقدر عليه




شكرا على النصيحه

[المدفع]

زيدوهم ٣٠ ريال .. قولهم هذي ١٦٪ .. سكستي وسكستين نفس الشي اللهم ن تفرقهم :>



:eek5::eek5::eek5:
هذول يحسبون البيزه

[المدفع]

اتبع قاعده فرق تسد

سفر اثنين وتكون قادر تستغني عنهم

هدد الجداد

وزيد القداما ( زياده معتدله) لانهم عشرة عمر ويستاهلون

واللي يبقى ومايشتغل خله ولاتفتكر فيه وقوله تدفع قيمة اكلك ومافي معاش اذا مافي شغل

والمكر بالمكر يقابل ...



صدقت اخوي ما ينفع معاهم الا المكر
مع انه ما يعتبر مكر ولكن المعاملة بالمثل

[المدفع]

الحل الامثل قول :tease:لهم أنا بازيدكم مثل مازادونا 60 في الاساسي و60 في الاجتماعية وانتوا اساسيكم 10 ريال وعلاوة اجتماعية 10 ريال وباقي الراتب وزععه على البدلات يعني كل واحد بتزيده 12 ريال



ههههههههههههههههه
فكره حلوه:)

[أخت الغالي]

1500 ومايعجبهم الراتب وبس سواقه

وبعد مايبي ينظف الحوش ويغسله ويسقى الزرع ..

الله المستعان ..

[SULTAN1]

اسمع وانا اخوك زيدهم على حسب جودتهم ووقع معاهم عقد لمدة خمس سنوات ووثق العقد ،ترى جايب قرار قريب بوضع الحد الأدنى بأجور الخدم ،ترى هذا مب من ربعنا ترى هذا من منظمات حقوقيه ودول تمارس الضغط على دول الخليج لتحسين اجور العمال والخدم :omg::omg:

[bentalgala]

عطهم بوززززززززززززز ولا تتردد من سنتين الخدامة الهندية قالت لي انا بسافر لان ما عجبها كلام الوالده قلت لها اوكيه جهزي شنطتك ولا تناقشت معها مع انها عندنا من 6 سنوات ثاني يوم جاني الدريول وقالي اذا بتسفر الخدامه انا بعد والدريوال الثاني بنسافر قلته على طول بدون تردد الحين جهز شنطتك مع الدريوال الثاني وخذت منه على طول اليسن ومفاتيح السيارات ومن الدريول الثاني انصدم اشوي وبيغمه عليه قلت له بكره سفركم ثلاثتكم خلكم جاهزين وطلعت من البيت بعد ساعتين قام يتصلي الدريوال اكثر من 20 مرة ما رديت عليه راح حق اخوي يصيح ويعتذر مع الدريوال الثاني يوم شافوا الصج ـ في الليل جبت التذاكر والحجز وعطيته الدريوال وقلت له هاي التذاكر والجوازات بكرة السفره قام يصيح ويعتذر لي وسامحتهم ـ ومن يومها اوووووووكيه

اي هذا الكلام العدل .. ولا تنسى اخوي تختم على جوازه

موب الاخوان اللذي يقولون زيدوهم .. والله محد ليخرب الخدم والدريوليه غيرهم

عشره عمر ومسلم ما عندي مشكله بازيده .. بس من كيفي موب ويتشرط علي ولا يسوي إضراب بعد

والله هذي الاشكال ما ينفع معاهم الا دبغه العقال على ظهورهم

[كان فيه وخلص]

أممم
مشكلة شوي صعبه ،

شوف أكبر راس فيهم أو اللي محرضهم ( لأنه لازم يكون فيه محرض )

وأتصل على البحث والمتابعه خلهم يخذونه من البيت بسيارة الشرطة قدام الباقي

وشوف النتيجة، لو صالحك خير وبركه ، ولو غير

ممكن تتفاوض معاهم على أنت اللي تريده مب هم اللي يريدونه ،

أهم شي شوف مين المحرض منهم

وعلى قولة المثل المصري ( أضرب المربوط يخاف السايب )

الحل الثاني
تردد على مكتب جلب الخدم ، وخلي عندهم قناعه أنكم راح تجيبون ناس غيرهم ،

مع حبك الدور بأنكم تجيبوا صور جوازات ، وغيره وخلوا الخدم يشوفون ، راح يعرفون أنكم جديين في تسفريهم بس مستنين الجدد يصلوا

والله يعينكم ،

[المدفع]

عطهم بوززززززززززززز ولا تتردد من سنتين الخدامة الهندية قالت لي انا بسافر لان ما عجبها كلام الوالده قلت لها اوكيه جهزي شنطتك ولا تناقشت معها مع انها عندنا من 6 سنوات ثاني يوم جاني الدريول وقالي اذا بتسفر الخدامه انا بعد والدريوال الثاني بنسافر قلته على طول بدون تردد الحين جهز شنطتك مع الدريوال الثاني وخذت منه على طول اليسن ومفاتيح السيارات ومن الدريول الثاني انصدم اشوي وبيغمه عليه قلت له بكره سفركم ثلاثتكم خلكم جاهزين وطلعت من البيت بعد ساعتين قام يتصلي الدريوال اكثر من 20 مرة ما رديت عليه راح حق اخوي يصيح ويعتذر مع الدريوال الثاني يوم شافوا الصج ـ في الليل جبت التذاكر والحجز وعطيته الدريوال وقلت له هاي التذاكر والجوازات بكرة السفره قام يصيح ويعتذر لي وسامحتهم ـ ومن يومها اوووووووكيه



طريقه حكيمه يا بوفهد
بس اخاف تفشل معاي :weeping:

[تاجر كشخة]

انا متابع بصمت بنشوف من بيصمد المدفع ام ثورة العمال :nice:

[المهندس عبدالعزيز]

سفرهم كلهم

[الفا برافو]

مستعد اخلصك من دريول منهم

حول كفالته لي

:)

[المحقق كونان]

زيدهم بنسبه بسيطه و على حسب الاقدم

لان لو سفترهم و حاولت تجيب غيرهم المكتب بيخسرك

[المهندس عبدالعزيز]

ثاني مرة

حاول تنوع في الجنسيات يعني مب كلهم هنود ن فمثلاً الدرويل هندي مسيحي والطباخ بنغالي مسلم والخدامة فلبينية والخدامة الثانية اندونيسية وحاول ما تخليهم يتصلون مع بعض

[سما الوطن]

مبروك عليكم الزياده جميعا
ولكن الزياده لم تشمل الجميع وخصوصا القطاع الخاص
وقلنا راح ترتفع الاسعار ولكن هناك حماية المستهلك للسيطره عليها
ولكن من راح يحمينا نحن ؟

أمس كل الخدم والطباخيين والدريوليه في بيتي وبيت الوالد وعيال العم
مضربيين عن العمل ويطالبون 60 % زياده
مع ان معاشاتهم لا تقل عن 850 والبعض يصل الى 1200

هذه مشكله تحتاج لحل دبلوماسي !! كيف لا اعرف
اعطوني بعض الافكار او الحلول لحل هذه المشكله ؟
بس ارجوكم لا احد يقول تسفير لانهم مجموعه كبيره وصعب نسفرهم مع بعض او في هذى الوقت




خبرهم
اما الراتب كما هو او التسفير
وفعلا قومي باجراءات التسفير خاصه لمن هو متزعم العمليه
بتلاقيهم كلهم سكتوا

قانونيا هم موقعين عقود وما يحق لهم شي

[moonبنتnight]

طريقة متبعة 00
حجز تذكرة وتسفير 00
وحجز على راتب كم شهر فلوس تذكرة 00 واذا احد تكلم قول انت ما تبي تشتغل تكون تذكرة عليك 00
لا تجبر احد على شغل اذا ما يبي يشتغل 00 قولهم يمكن غيري يعطيكم زيادة وهم يدرون ان بلادهم تمنعهم من شغل في بلادنا بسبب شروط تعجيزية وضغط علينا حتى نفذها 00
وفتحوا مجال حق كذا دولة نجيب منها خدم 00 اكثرهم يتمنون يشتغلون في دوحة 00
تبعت هل طريقة مع خدامات 00 يطالبون بالزيادة يوم غلا الأسعار ايام الأزمة قلتهم أوكي كل وحدة تذكرة موجودة وغيركم بيشتغل بنفس راتب 00 جوا تعذروا بس صراحة بعد كم شهر زدتهم بمعقول لا الغلا اكل كل في حزتها ورحمة زينه 00 بس هذولا طمع صادهم زيادة القطريين وليس خدم 00 وخير بيجيهم كفاية صرفية عليكم أكل وشرب وسكن ولبس 00 يحمدون ربهم راتبهم يجمعونه 00 الله كافية شرهم وحسدهم 00

[الراقيه سبشل]

لاتزيد ولاتقلل

طنش

لان اذا زتهم رح يطالبوا بالزيادة بعدين

ورواتبهم كتيرة وحلوة .. وهم مالهم علاقه ازا زادت الرواتب 60% او 600% حتى

[GENIUS]

الله يعيننا . الزيادة لحد الإن ما استلمناها وبدأت الأفلام. وعندي ملاحظة بسيطة. وهي ارتفاع اسعار المكاتب لمبلغ يقارب العشرة آلاف ريال للخادمات الفلبينيات والاندونيسيات وهذا الشئ لابد أن يؤخذ في الحسبان عند التفكير بتغييرهم . ونصيحة مجرب لاتجبروهم بالعين الحمره تراهم ما لهم أمان سواء على العيال أو البيت أو السيارات

[nor85]

الله المستعان زيدهم لأنك انت المحتاج ولو جبت غيرهم بيكون رواتبهم اكبر والله تعبنا من كثر مانسفر ونجيب

[qatara]

لما جاو كان في عقد

بمبلغ معين

[أوركيدهـْ ~]

عادي .. رد عليهم بدبلوماسيّة وقل لهم

الاجانب ومواليد قطر مازادوهم فمابالكم انتم ( خدم ودريوليه ) تبغون زياده !

الزيادة فقط للقطريين

[halcrow]

في البدايه حاول لاتعبر لكن اذا الموضوع مصخ لا ترحمهم ولا تخليهم يمشون رايهم عليك وحاول تزيد واحد منهم زياده بسيطه الي انت تبيه ومرتاح منه ولازم تنتهج طريقه تسفير كم شخص عشان يكون عبره. ترى انت بينك وبينهم عقد قانوني

[roma27]

نزيد روتبهم ولو نسبه بسبطه ونفرحهم مثل ما فرحنا ابو مشعل الله يحفظه والخير يعم وما ينقص

[رجل مثالي]

أمس كل الخدم والطباخيين والدريوليه في بيتي وبيت الوالد وعيال العم
مضربيين عن العمل ويطالبون 60 % زياده
مع ان معاشاتهم لا تقل عن 850 والبعض يصل الى 1200

هذه مشكله تحتاج لحل دبلوماسي !! كيف لا اعرف
اعطوني بعض الافكار او الحلول لحل هذه المشكله ؟
بس ارجوكم لا احد يقول تسفير لانهم مجموعه كبيره وصعب نسفرهم مع بعض او في هذى الوقت


تعليق - أخوي أنا أشوف لحل هذا الموضوع التفاهم معاهم لزيادة لانهم أفضل من خساير

اللوموزينات والعقود الشهرية

بالاف الريالات وخساير المطاعم بعد بالاف الريالات اذا سفرت الطباخين

فأزيادة أفضل من التسفير أيش رايك في حلي

[chillis]

سفر لك كم واحد علشان يكونون عبره للباقي

[nadeemy]

انت يا اخي ادرى بوضعك مع احترامي لكل الاقتراحات والحلول
يعني مثلا اوزنها في راسك , اذا اهل البيت مرتاحين من الخادمة وصار لها فتره على الاقل سنه كامله وتؤدي المطلوب منها على احسن وجه , اظن من الافضل انك تزيدها خمسين او مئة ريال من انك تدفع لها تذكرة عوده وتدفع لجلب اخرى , ناهيك عن مشقة تعليمها من جديد ,
القصد اخوي ان مقدار زيادة راتبها على مدار عام تساوي واحد من عشره من مصاريف الجديده , وهذا ينطبق عل السائق ايضا .
نقطتين على السريع :
- المطالبه بزيادة الراتب حق وما يزعل حصوصا اذا كان ما يؤديه السائق او الخادمه يستوجب او يستحق الزياده بصرف النظر عن العقد .

- في النهايه هم بشر لهم طموحات واحلام بسعون لتحقيقها
شكرا واعتذر على الاطاله

[بوعلي 8]

ممكن تجيبهم عندي البيت ياخذون لهم بشطتين ثلاث بعقال عقبها بيصيرون ريايل

[مـــــنــاف]

أفـــا عـــليك .. عـــندك مـــدفــــع ’ ومــالـــقيت الـــحل ..؟؟

أســــمع شـــوري طــال عـــمرك .. جـــرت الــعادة بأن فـــي حــالة الإضــراب أو الــتظاهـــر ’ هُـــناك شـــرذمـــة مـــن(الــمُحــرّضين) الـــذين يــعملـــون عــلى إحـــداث تــلك الــبلبله ’ وذلك لـــغرض مــا فـــي نـــفس يــــعقــــوب .

أســـأل مـــجرّب .. عـــليك بـــهؤلاء .. ومـــهما كــان وزنـــــهم .. عــلى أقـــرب طــيارة .. وإذا أرفـــضوا الــــسفر .. الـــبحث والــمتابـــعة مــاراح يــــقصرون .. راح يـــجونــك بالــباص الـــمشبــّك ... والـــقرار عـــندك ..!!

[بنQATARت]

.
. اخوي دائما القطيع له قائد
شوف القائد او الراس وقطعة
سفرة وبيخافون الباقي

[pink pearl]

معليه أخوي يستحسن تزيدهم بالنسبة اللي تقدر عليها يعني مو شرط 60 بالمئة
لأن مثل مافرحنا بالزيادة أكيد إنهم بيستانسون فلو كانوا مسلمين يستاهلون ولو كانوا غير مسلمين لعلها تكون صدقة تدفع عنك بلاء وفي نفس الوقت تحببهم بالإسلام

[clouds]

لاتعطونهم ويه وخذو الليسن منهم ترى هاي اغلى شي عندهم اكثر من جوازهم...جربناها من قبل لما ناخذ ليسانهم يتسنعون لان لو راح بلاده بيرد يسافر اي بلاد ثانيه براتب انه سواق جديد ويدش مدرسه السواقه من جد وجديد اما لو عنده ليسن بيكون معاشه اكثر يابلفيت عنده خبره..
وحتى الخدامات لو حسو انكم صارمين معاهم وبتسفرونهم بيحبون ريولكم تخلونهم لان تعودو على بلادنا والعز وين يروحون يتمرمطون ولا يروحون بيت من جد وجديد مايعرفون اهله

[بوعمير]

والله وجا اليوم الي الخدم يتأمرون على معزبينهم ويتشرطون، ترى إن نخيت وسويت لهم الي يبون بكرة بيتأمرون عليك في شي ثاني، هم لو فيهم خير كان طلبو منك بذرابة مهب تهديد ومستغلين حاجتك لهم، والله لو عندي ما يردهم غير المطار، شوري لك أنك تسايرهم وفي نفس الوقت قدم على دريول جديد وخدامة جديدة وكلها اسبوعين ويوصلون، وإن طالت السالفة خذ إجازة من شغالك وباري عيالك، ومثل ما قال راعي المثل هين ريالك ولا تهين ....، وانت ابخص بعمرك.

ملاحظة: قد صارت معاي الشغالة عيت تشتغل تقول تبي راحة يوم الجمعه، قلت لها ابشري خذي راحة وفي نفس اليوم رحت مكتب خدم وعينت عندهم خدامة مرجعه خذتها على طول ووديته البيت ويوم شافتها الشغالة في البيت (وكان يوم جمعه) طارت على المطبخ تغسل المواعين، ويوم قلت له ترى اليوم أخر يوم لش عندي في البيت فعطي نفسش الراحة قامت تصيح وتقول لا بابا انا يبي شغل !!!! ثاني يوم وهي في الطيارة.

[روح الاطلس]

واضح انهم متفقين عليكم وبينهم اتصالات قويه
احسن حل برايي تقصص ثورتهم وتقول لكم زياده ١٠٠ريال مااعتقد صعبه عليكم
ان رضوا واقتنعوا خلهم لان تدري بحوسة استقدام عمالة من جديد
وبعضهم بيفرح ويسكت خاصه المحتاج
اما الطماع واللي مو عاجبه انقل كفالته لا تسفره استفيد من وراه والناس تدور عماله براحه بتنقل كفالته بست او سبع الالاف

[لاجل QT]

ماشالله خدمكم مثقفين يقرون جرايد

زيدوهم 100 كل واحد وخلصنا..

بنلقاها من ارتفاع الاسعار والا من الخدم المثقفين

[مضارب دوسري]

رواتبهم عقب كم يوم
قولهم باختصار اللي يبي زياده بحجز له تذكره براتب هذا الشهر لانه هو اللي مايبي
وصدقني كل واحد فيهم بيطيح مغمي عليه خخخخ

[مضارب دوسري]

وحتى لو هونوا فن الاضراب
قسم راتب كل واحد فيهم على 30 واخصم منهم كم يوم ماشتغلوا حتى لو كان المبلغ مايتعدا 50 ريال

[السندان]

اذا عطيتهم اللي يبون بتعم ثورة الخدم في البلاد

مثل ماقال البعض .. دور على راس المحرضين واجعله الضحيه

واذا طاوعتهم راح تضر اهل البلد كلهم

[بطل الفريج]

انا زدتهم على 100 ريال ولحين هم مستانسين

[qatara]

الا قولهم بخصم عليكم
والي يبي يسافر يسافر من جيبه

ولا احمدو الله

[ANONYMOUS]

قلهم ياجليلين الحيا انا مستعد ازيدكم بالقانون

بس بزيد القطريين

طبعا ولا واحد قطري

:)


اما تسفيرهم جماعيا فكره مالها داعي

انت اللي بتضرر

ويبي لك عن كل راس خدامه 10 الاف

غير النطره لين يجون

غير بعضهم بيطلعون مب شي وتضطر تردهم


فالحل العملي تزيدهم شي بسيط

و الله يعينك اخوي لاتصير ظاهره عند كل الخدم

[وطن]

اضرب المربوط يخاف المفتلت

قول لهم اللي ما يبي يشتغل بهالراتب
يجهز نفسه عشان يسافر

بتشوفهم رضخوا
واللي مب عاجبه منهم سفره
بيتأدبون الباقيين

لكن لو عطيتهم اللي يبونه
باجر بيطلبون زود
وبيلعبون عليكم

[enjood]

انا اتفق مع كلام اختي وطن

صراحه خدم هاليومين مايسوون شي وكله بغرفهم ياراقدين يايتمشون من الملل
وياليت يسون شي والا يشتغلون مثل الاوادم
تلقى الواحد فيهم بس يتآمر ابي وابي واحنا مانقصر ومع ذلك بعد يبون يحشرونا ويطالبون بالزياده الي ماتسوى علينا اخرتها بتروح في بطونهم
انا اقول هددهم انك بتسفرهم كلهم لا وعلى حسابهم بعد .. ساعتها بيفكرون ويتراجعون والله يعينك عليهم

[بـن عدوان]

شبتفرق اذا زدتوهم 200 ولا 300 ريال

[Thamer_Qat]

سفروا ( الرديين منهم ) حتى يكونوا عبرة ( للنخبه ) المتبقين


راي عدل وحازم

واضف لذلك معرفة المحرض او اللعين فيهم وضمه للقائمة لأن الردي ردي ويجب التخلص منه وان كنت محتاج له وصدقني بترتاح في الآخر

[قطــ86ــر]

اخوي الحلول بسيطة


اذا انتوا متكفلين بمصاريفهم (الاكل و غيره) قول لهم بزيادة الراتب كل واحد يتكفل بمصاريفه

الحل الثاني و الامثل: سفر لك كم واحد من اللي ما منهم فايدة والباقي بيعتبرون و اللي يعمل لك فيها بطل اقرب طيارة توديه (وتذكرته تكون مخصومة من راتبه الشهري)


والله يعينكم على هالزيادة اللي الكل حاط عينه عليها
والحمدلله على كل حال

[سهيل قطر]

والله مالهم حل غير التسفيرررر لبلاادهم لاانهم مستقلين حااجتك لهم انصحك بالتسفيررر اذا اضرب عن العمل وعلى حساابه واذا عررف انك بتسفررره مسككك الاررض ورضى براتبه .لااتفتحون علينااا باب الخدم وزيااده لرواتبهم وسكرووهاا في وجيهم وش يبي اكثرر من 1200 اعطيه نص راتبي واقعد مكاانه يالربع والله انهاا مشكله ويبيي لهاا حل

[عيون الدوحة]

صدقيني أذا زدتيهم راح يوصل الخبر لكل الخدم والدريولية بالدوحة
وراح يشتغلون على معزبينهم فلانه زادت الي عندها واحنا نطالب بزيادة

[توشيبا]

سفروا ( الرديين منهم ) حتى يكونوا عبرة ( للنخبه ) المتبقين

مثل مقال الاخ الكريم

صدقني لو تزيد ريال واحد بتندم قد شعر راسك :nice:

عندنا دريول صار له 4سنوات راتبه 600 ريال وطلب زياده من كثر مايقعد مع هنود الفريج وكبرو راسه

قلنا له جهز اغراضك نوصلك للمطار بعدها تاب ولا عاد طلب زياده :tease:

[basma222]

قولوا لهم اللى يبي يشتغل يشتغل واللى يبي زيادة يسافر بلاده على حسابه
لان في عقد بيني وبينكم والزيادة من حق العامل بعد سنه كل سنه 50 ريال فقط

[البرونزي]

حاسب تزيدهم الخطوة الاولى سفر واحد بس
وقولهم لكم 3 ايام اذا ماشتغلتوا بسفر الثاني
اذا عتدلوا الحمدالله واذا ماعتدلوا اسحب السمين منهم
وضح به هههههه وخلك شغال على هالمنوال
صدقني بيمشون على السراط المستقيم.
وعقب كم شهر انت وكيفك اذا بغيت تزيدهم
بالشي المعقووول

وبالتوفيق

[Bu Rashid]

سفرهم وتوكل على الله
الاضراب ممنوع على حسب القانون القطري

[قلم ساخن]

الخدم عندي طلبوا زيادة 200 ريال فوق الراتب
ورفضت هالابتزاز وسافروا هم الثنتين وتوهقت :anger1:

[دلة الرسلان]

تونا زايدينهم قبل شهرين من غير المكافأت نظير أي عمل مش من صميم عملهم .

[وطن]

شبتفرق اذا زدتوهم 200 ولا 300 ريال

ما تفرق الـ 200 والـ 300 والـ 500

انا وانت وغيرنا يقدر يدفعها
وفي غيرنا ما يقدر لانها تهز ميزانيته

هذا اسمه ابتزاز وهم يبتزوون معزبهم لانه محتاج لخدمتهم
باجر تنتشر السالفة بين الخدم ويتوهقون خلق الله !!!

اللي مهب عاجبه منهم
يدل درب المطار
يركب الطيارة ويتوكل

حاله من حال اي موظف مو عاجبه راتبه يدور له وظيفه ثانية

[جفى الجوارح]

هههههههههههههههههههههههههههههههه

الظاهر قاطين اذنهم ويسمعونكم زياده وزياده

قالوا نستغل الفرصه

انا اقول امسكوا من كل بيت واحد وقولوا له بنعطيك زياده بشرطين انك ماتقول للباقي وتقنعهم يشتغلون

[بوعـلي]

اخوي بن عدوان حبيت اتواصل معاك اذا في مجال ولا اقدر ارسلك علا الخاص لاني عضو جديد اذا ممكن ترسلي ايميلك

[alsahm 12]

والله ماناقص الى نزيدهم 60% ..

[بوسلمان 2010]

الي حرضهم على الاضراب لازم اتسفرونه حتى يكون عبره لهم لازم اضحون بواحد او اثنين على الاقل ولا


بيجنونكم والله كفاية الخساير الي من وراهم كسرو السيارات والاكل والشرب 2 يكلون ازيد من عائلة كاملة



كرتون البيض مايكمل اسبوع عندهم الله المستعان

[بورصجية]

حراااااااااااااااام
انا عطيت زياده لخاداماتي
انا ربي رزقني ليش ما اعطيهم؟؟

[فـــــواز]

هي السالفه ان زيدهم او نعطيهم هذا من كيفنا ماهو احد يفرض رايه سوا كذا او اضراب عن عمل ليته واحد الا يخرب على البقيه

ومنها انا لو زدتهم بخربهم وبخرب على الي حولي بعد من جيران واقارب الي عندهم عمال مثل انا مارضخت لامرهم وزدناهم فلوس بيسون الخدم الثانيين الي حولي وسبب مشكله ممكن انا ربي مقدر علي واقدر اجيب من العمال ٥٠ لكن جاري واقاربي ماعندهم الا واحد والا خدامه وبايالله يالله حصلو شي يقدرون يعطونه راتبه


فعلشان كذا لا انا مكانك والله ماحط فيها امرين تسفير على طول والي جابهم يجيب غيرهم صدقوني ماراح تموتون لو راحوووو هذا التفكير الي اشوفه

[النائب]

زيادة مائة ريال ( 100 ) فقط لكل من الخادمة والدريول اشوفها في وقتها أما 60 % خلهم ينتظرون مني مكرمة كثر ما كنت منتظر .

[بنت مريخ]

الله يعين حتى دريولي يبى زياده
يوم نزلو الزياده فى الجريده جاب الجريده يقولي شنو مكتوب فووق
يقولي ابى 1000ريال ورفضت 850ريال تبى اقعد ماتبى روح وافق
والله يستر

[الصاعقة]

أنا قالي الدريول (بابا يبي زياده سيم سيم أنتا)قلت له على هالخشم وانا ااشر له على خشمي وطبعا الزياده كانت على علاوة السكن ٣٠ ٪ و١٥٪بدل تتن و١٥٪ بدل افلام هنديه وربي يجزيه خير الي وافق

[online]

دريول راتبه 1200 على سبيل المثال ويبي زياده لتحسين وضعه .

نقول زدناه 1920 ريال او 2000 ريال

الاكل والشرب عليه وماياخذ شي من البيت ( مشكلته )

السكن عليه ولاوقات اللي ابيك فيها تكون متواجد جدام الباب وماتدخل البيت

اي تغيب بخصم واي تاخير بخصم

( صدقوني بيوافقون برواتب 850 )

بسكم طيبه على ناس ماتستاهل

[بومحمد55]

أختر الحل الصعب ياتسفير أو تخضع لمطالبهم

وأنا من رايي الطياره اللي جابتهم ترجعهم

واللي جابهم يجيب غيرهم

[مرتبش]

شنو صار معاك؟
من امس لليوم هل من جديد..الحركة في عدة بيوت مما يؤكد تفشيها..الله يستر

[al-obaidly]

ولا فلس

[هنت المهونه]

والله انا انصحك تعطيني اياهم اعاره ..
بس اسبوع
على رفقه ان يدرون ان النعمه زواله ..
ويعرفون ان فيهم غيرهم يشتغل ليل نهار وماطلب زياده ..

طعني

[بومحمد55]

عني أنا لو الدريول تكلم بقوله ( الصيف خلص السفر حان طاريه )

وأحجز له طياره تخليه يلف على 10 دول لين مايوصل بلاده

[qatari 111]

عطهم كل واحد 50 ريال بالكثير ويحمدون ربهم عالنعمه اللي هم عايشين فيها اكل وشر ب وسكن بلاش

والله يعينك عليهم ..

[eXpert*]

الحل بسيّط جداً : قولهم الزيادة مكرمة للقطريين فقط .

[روح الاطلس]

من بعض الردود اكتشفت ان البعض مافي قلبه رحمه على هالفقراء :(

[المحقق كونان]

من بعض الردود اكتشفت ان البعض مافي قلبه رحمه على هالفقراء :(

صدقت :(

[بيبيب]

زيدهم

والله يستاهلون يشتغلون طول اليوم

هم الي يوصلون ويجيبون ويحطون ويربون ويغسلون وياكلون

وحنا نتمشى و نتغدا ونتعشا و ننام ونقوم نروح الدوام نكمل النومه :nice::nice::nice::nice::nice::nice::nice::nice:

[qatara]

عشنا وشفنا

الخادم يتامر على معازيبه

[Queen|Amal]

امممم هذآ أشكره متفقين على هالسالفه ..
شوفو من مطلعهآ وسفروه عشان الباقي يعتبرون منه وبيقعدون مكانهم
بس لا تزيدهم لان جي بيكبر راسهم وماينفع معاهم الدلع .. دلعنا اختربوا ..

[@الأدعم@]

انا اشوف اللي معمر عندك اكثر من 5سنوات يستاهل الزياده

[المدفع]

أشكركم جميعا على المشاركات والمداخلات
البعض منها مفيده والبعض منها تجعلك تبتسم
ما قصرتم بطرح الحلول
والسموحه انني لم استطيع المشاركه في الرد

ولكن الحل كان كالتالي بعد ان راجعت طروحاتكم وحلولكم
تم زياده الاشخاص الذين معاشاتهم قليله بشرط ان كان يعمل بجد
لم ارفع معاشات الاشخاص الذين رواتبهم عاليه وهمته بالعمل لم تكن ممتازه
ما سفرت ولا احد لانني شفت منهم الاستجابه بالتغييرات الاخيره
ولكن أعطيتهم انذار شفوي طبعا ان قاموا باي مشاكل سيتم اتخاذ الاجراءات اللازمه لتسفيرهم
وعلى حسابهم الخاص وعن طريق الابعاد

وسلامتكم وجمعه مباركه

[Rashid554]

غلطتك اخوي ان معظم الخدم بالبيت من جنسية وديانة وحدة

المفروض تفرق بين الجنسيات والديانات

مثلاً
خادمة اندونيسية مسلمة
طباخ هندي مسلم
دريول فلبيني بوذي
خادمة اثيوبية مسيحيه
مزارع هندي هندوسي

فيهم خير خلهم يتفقون على كلمة وحده
وعلى هالحال

[مضاربه]

كل ماحسست الخادم باهميته في حياتك وانت ماتقدر تستغنى عنه تمرد عليك اكثر كلهم من غير استثناء اي جنسيه هذا كلام عن تجربه الحين الاندونيسيات انا عرفت لهم امسك عليهم معاش ثلاث شهور اقولهم اللي تقول بسافر من فلوسها بسفرها الهنود في بيتنا من بعد ماسمعوا عن الزياده بدت حاله التمرد عندهم تشوف القهر في ويهم بس مايتكلمون حسبي الله عليهم

[شميرام]

شدعو إضرابات من وين متعلمين الإضرابات عندكم نيبالين هم هل الإضربات

[ممنوع اللمس]

زيد كل واحد 100 والا 150
ان شاء الله ما تأثر عالميزانيه


لو كانو مسلمين لك الاجر ان شاء الله

بس 60% لا يبلع العافيه ابرك

[بوحارب]

عادي .. رد عليهم بدبلوماسيّة وقل لهم

الاجانب ومواليد قطر مازادوهم فمابالكم انتم ( خدم ودريوليه ) تبغون زياده !

الزيادة فقط للقطريين

مشكلة سوالف الأتش ار ههههههههههههه :nice:

[صليب الراي]

اتقوا الله في هالضعوف

الخدم هذولي مغتربين من بيوتهم وعيالهم عشان لقمة العيش

وهم عباره من اهل بيتك و الاقربون منك

فالزيادة المفروض مثل ماجات لنا

لابد اننا نخلي لهم نصيب منها ونفرحهم

[مستر راشد]

اداره العمل

مافي احسن من هالحل


تحياتي ..

[قطري !]

بعض العوائل القطريه عندنا بصراحه مع احترامي لهم مايستحون ولا فيهم حياء



معطين السائقين والخدم الخيط والمخيط


يا أخوان ويا أخوات هل يعقل ان السايق يودي لعيال للمدرسه بروحه كأنه ولي أمرهم , وهم في المرحلة الابتدائيه ... قسم بالله قمة الوقاحه عند البعض منهم



عيالي اخلي السايق يوديهم بدون مايكون حد وياه !!!!!!! ؟؟؟؟ الله لايقوله


والنوعيه هذي من السايقين والخدم اكيد طايحه الميانه بينهم وبين كفلاهم وشي طبيعي بيتشرط ويطلب زياده ويمكن بكره يقول لك اشتري لي موتر ..



جتنا الزياده ولله الحمد ولا لاحد منهم حق ان يشاركنا فيها ,, اعطيه هديه ,, اكرمه بكرت تعبئه , الخ من هذه الامور ... اما يتشرط علي ازيده ولا يرفض العمل




قسم بالله تسفير علي طول

[بوالبيض]

والله مشكله زيدهم كل واحد 100 واذ قالوا لا سفر الكجره وخل الزين وصدقني ما راح يحصلون
احسن من قطر كل شي متوفر لهم مادري هل الخدم وش يبون بالضبط الله المستعان

[Abdullah_89]

سفروا اللي ماتبونهم

ولا جمعوهم وقولولهم اللي يبي يتم بنفس الراتب يتم واللي مايبي يقص تذكرته بنفسه ويسافر لو ماكمل سنتين

ولو كمل سنتين شوتوه عالمطار وعلى اقرب طيارة وخل نشوف شلون بيرجع يشتغل مره ثانيه فالدوحة

[QatariFallah]

زيدهم..الله يزيدك

[حسن]

شوف يالمدفع لو انا مكانك على عرض تسفير وبدون كلام ماتمشي طريقه لوي الذراع:victory:

[كازانوفا]

استخدم اسلوب التهديد انك بترحلهم بعد ما يخلص فترة العقد
بس لا اترحلهم حرام قطع الاعناق ولا قطع الارزاق هذول بشر وعندهم ارواح مسؤولين عنهم