بروه و الزياده

[حقــبان]

السلام عليكم ورحمه الله وبركاته

وصلني بالبلاك بيري خبر زياده موظفين بروه

نص الخبر:

"أفرحو موظفين بروه قرار الزياده سوف يصدر يوم الاثنين القادم أن شاء الله

- شكرا ياهتمي بن علي الهتمي واعضاء مجلس الإداره الأفاضل
منقول“



هل الخبر صحيح و لا اشاعه

[الخزرجي قطر]

يستاهلون الموظفين يوم الاثنين بيبين ان شاالله اذا كان الخبر صحيح

[كازانوفا]

ان شالله في زياده

[الاجتماعي]

الله يسمع منك اخوي .. ونحتاج تاكيد او نفي الخبر
تحياتي

[cl63]

انشاء الله تجي الزياده لهم ولغيرهم

[khalid_qr]

اتمنى لهم الزياده لكن ماعتقد بصراحه لان اللي سمعته عندهم مشكله في العماله الفاضيه بعد دمج اكثر من شركه

[الاجتماعي]

اتمنى لهم الزياده لكن ماعتقد بصراحه لان اللي سمعته عندهم مشكله في العماله الفاضيه بعد دمج اكثر من شركه

اخوي خالد .. من كثر العماله على قولتك من هل قطر اللي لو زادوهم بياثر على الشركة وارباحها ..
تحياتي

[حقــبان]

اي والله يالاجتماعي الموظفين القطريين عددهم قليل جدا بالمقارنه بالجهات الخاصه الاخرى ، على فكره رواتب بروه تعتبر الادنى بين جميع الجهات الخاصه و بداوم طويل بدون بريك ،الشركه تعتبر شبه خاصه للحكومه جزء منها •

ان شاء الله بكره يتوضح كل شيء

[الاجتماعي]

اي والله يالاجتماعي الموظفين القطريين عددهم قليل جدا بالمقارنه بالجهات الخاصه الاخرى ، على فكره رواتب بروه تعتبر الادنى بين جميع الجهات الخاصه و بداوم طويل بدون بريك ،الشركه تعتبر شبه خاصه للحكومه جزء منها •

ان شاء الله بكره يتوضح كل شيء

ننتظر الابشارة باجر ان شاء الله :)

[Amal_QTR]

ما سمعنا شي لين الحين !؟! :weeping:
اذا حد سمع شي و من مصدر رسمي ومب كلام ياليت يخبرنا :telephone:

[حقــبان]

الظاهر اشاعه

كان الله في عونكم ياموظفين بروه

مكتوب عليكم الشقى

[الاجتماعي]

لا اظن انها اشاعة .. لانه الديار والتي تملك 50% من بروة تدرس حاليا زيادة الرواتب .. فابالتالي الدور القادم على الديار وبروة ... تفاؤلوا بالخير تجدوه :)
تحياتي

[لاميزون]

هل من جديد.

[qatari1]

رسائل بلاك بيري لا يعتمدن عليها أحد!

[بايع بايع]

العالم صايره كأنهم ماسكين ورده وينتفون بتلاتها

ويقولون

زادونا ...مازادونا ....... زادونا ........مازادونا

الله يكون بعونكم ويفرجها عليكم وتلقون اللي تحبونه وتتمنونه

[بوخالد911]

الله يوفقهم

[حقــبان]

العالم صايره كأنهم ماسكين ورده وينتفون بتلاتها

ويقولون



زادونا ...مازادونا ....... زادونا ........مازادونا

الله يكون بعونكم ويفرجها عليكم وتلقون اللي تحبونه وتتمنونه

100% صح

والله الكل يحلم بهالزياده

[Amal_QTR]

احم احم :shy:
مافي اخبار ؟ :telephone:

[حقــبان]

اغسلوا يدكم من هالشركه

مستخسرين على ال100 موظف اللي شخلوهم شخال

[mmbbss]

حسب الي سمعته ان هالاسبوع والعلم عند الله

[حقــبان]

من مصدرك الشيخ ؟

[mmbbss]

مصدري طال عمرك موظفين فالشركه
على كلامهم والعلم عند الله
=)

[الاجتماعي]

الله يكتب اللي فيه الخير يارب
تحياتي ،،

[كازانوفا]

خلص الاسبوع وما سمعنا شي ؟؟؟؟

[R 7 A L]

ان شاء الله يكون صحيح

[بوسلمان 2010]

الله يوفقهم باالزيادة ويستاهلون هل قطر والله يطول بعمر شيخونا والله يحفظهم من كل شر ان شاء الله

[Amal_QTR]

الموظفين يقولون الزياده جايه انشالله
بس مساله اجتماع مجلس الاداره
و بعض التحويلات الداخليه
هذا و العلم عند الله

[الاجتماعي]

الله يسمع منك
تحياتي ،،

[حقــبان]

الله يسمع منكم

بس بنعطيهم مهله من الحين لين اخر السنه اذا ماعدلت اوضاعها الشركه بنقول باي باي

[الاجتماعي]

الله يسمع منكم

بس بنعطيهم مهله من الحين لين اخر السنه اذا ماعدلت اوضاعها الشركه بنقول باي باي

خذني معاك :nice:

[دمي حمر]

للحين واحنا ننتظر الخبر :(
اللي اشوفه تطفيش الموظفين القطريين والتحكير لهم ماشوف شي ينذر بخير ...
الله كريم

[فلور]

ماقي زياده لشركة بروه - ولا شركة وصيف
غير يشحططون الموظف من مكان الى مكان غير هشي ماعندهم
هذا الي فالحين فيه

[دمي حمر]

مايضحكوني الا اذا قالو نبي الكفاءة القطرية ونبي الفائض يستقيلون..
حسبي الله عليهم ونعم الوكيل ..
وينزلون درجات ويغيرون مسميات عشان يجلطونا واحنا صامدون...
واذا قلنا لا ,,قالو اعترضتو على امر اداري فنش ...
عسى ماشر احنا قطريين..
واوقح رد وشنو يعني اذا قطري !!
الله عليهم الله فوقهم الله كريم....
صج قهر

[حقــبان]

افشل اداره شفتها في حياتي

ناس غير كفئ استلموا مناصب قياديه ودمروا الشركه

[الاجتماعي]

الله كريم ياشباب ..
وتفاؤلوا بالخير ان شاء الله ..
ومثل ماقلت لكم الديار تدرس موضوع الزيادة في حاليا وبروة بعدها على طول ..

[Meero]

ماقي زياده لشركة بروه - ولا شركة وصيف
غير يشحططون الموظف من مكان الى مكان غير هشي ماعندهم
هذا الي فالحين فيه

على كثر مايشحططون فينا وصامدين بنجوف نهايتها وياهم شنهي

وننطر وعودهم الي وعدونا فيها .. وكلامهم الي كل يوم كلام يديد وقرار يديد :weeping:

[QatarRose]

ليش من الأساس يدرسون الموضوع ، لهالدرجه القطري ما يستحق يحسون فيه

والله لو جات المسأله على شي يخص الاجانب ما بيطول نقاشهم هالكثر

الكل فرح بالزياده وموظفين بروه اعصابهم محترقه

باقي شوي من كميه الصبر اللي عندهم :)

[Meero]

ليش من الأساس يدرسون الموضوع ، لهالدرجه القطري ما يستحق يحسون فيه

والله لو جات المسأله على شي يخص الاجانب ما بيطول نقاشهم هالكثر

الكل فرح بالزياده وموظفين بروه اعصابهم محترقه

باقي شوي من كميه الصبر اللي عندهم :)


صدقتي اختي ،، دايما القطري مظلوووم

شكثر كوادر قطريه طلعت وبتطلع والي يحاول يتهرب ويروح انتداب بس مايتمون فهالشركه

ويامالها بروة من خسارة الكفاءات الي فرطت فيها

هذا اذا بقى عندهم صبر

الله يعين :)

[الفهد 55]

:weeping::weeping:مع العلم ان رواتب القطريين في بروة اللي بدون واو تعتبر من اقل رواتب القطاع الخاص في الدولة

[QatarRose]

:weeping::weeping:مع العلم ان رواتب القطريين في بروة اللي بدون واو تعتبر من اقل رواتب القطاع الخاص في الدولة

صــــــــــــــــــح :)

[Meero]

:weeping::weeping:مع العلم ان رواتب القطريين في بروة اللي بدون واو تعتبر من اقل رواتب القطاع الخاص في الدولة

اتفق معاك وبقوووووووة :nice:

[Amal_QTR]

يعني و بعدين .. ما شاء الله ما تم جهة ما زيدوا واحنا ننتظر:weeping:
يعني عالاقل خبرونا ! :telephone:
ولا احنا مب قطرين و نستاهل مكرمه سموه:anger1:

[حقــبان]

ليش من الأساس يدرسون الموضوع ، لهالدرجه القطري ما يستحق يحسون فيه

والله لو جات المسأله على شي يخص الاجانب ما بيطول نقاشهم هالكثر

الكل فرح بالزياده وموظفين بروه اعصابهم محترقه

باقي شوي من كميه الصبر اللي عندهم :)

اي و الله يا بروه الصبر شارف على النفااااااااااااااااااااااااااذ

ليش من كثر القطريين الي يشتغلون في الشركه مستخسرين عليهم هالزياده

[حقــبان]

:)

يعني و بعدين .. ما شاء الله ما تم جهة ما زيدوا واحنا ننتظر:weeping:
يعني عالاقل خبرونا ! :telephone:
ولا احنا مب قطرين و نستاهل مكرمه سموه:anger1:

يابروه المكرمه اميريه و من الحكومه

واحنا قطريين و نستحق الزياده

[حقــبان]

:weeping::weeping:مع العلم ان رواتب القطريين في بروة اللي بدون واو تعتبر من اقل رواتب القطاع الخاص في الدولة

الكلام صحيح 100%

أنا سبق وذكرت في مشاركه سابقه

بان رواتب بروه تعد الاقل بين القطاعات الخاصه وبساعات عمل طويله بدون بريك

و لاتوجد هناك خطه واضحه لتطوير الموظف

بروه

نريد اداره قويه و متمكنه
نريد زياده اسوه بجميع القطاعات التي قامت بزيادة موظفيها
نريد خطط تطويريه للموظفين
نريد اصلاح في معظم الاقسام التي تم اغلاقها و ايقاف عملها فالبعض يعاني من البطاله المقنعه

[الاجتماعي]

ليش ماانسوي مثل موظفين كيوتل يمكن في فايدة ؟!:victory:

[حقــبان]

قدام يالاجتماعي

[دمي حمر]

شنو حركة كيوتل؟؟

[الاجتماعي]

شنو حركة كيوتل؟؟

موظفين كيوتل لين صرحوا المسؤولين في الشركة انه مافي نية لزيادة الرواتب في الوقت الحالي .. سوو قروب في التويتر اظن لمعرضة قرار عدم الزيادة والمطالبة بالزيادة .. وبعد كم يوم اعلنوا الشركة الزيادة . اكيد صوتهم وصل

[حقــبان]

والله ما اضن شيء بينفع مع هالشركه التعبانه

[دمي حمر]

لا يبة مانبي مشاكل على قولتهم قطري او اجنبي فنش:eek5:
اخر مرة اقولهم قطرية مااتفنش وانا ماسويت شيء...
يقولون لي مب لازم تسوين احنا نقدر نطلع لج 100 سبب..:omen2:
استغفر الله حتى بالظلم يفوشرون..


مانقدر نقول الالاحول ولاقوة الابالله

>>> ويوم الاحد داومو من وهل واللي يتاخر بيتحول تحقيق:secret:

[حقــبان]

لا يبة مانبي مشاكل على قولتهم قطري او اجنبي فنش:eek5:
اخر مرة اقولهم قطرية مااتفنش وانا ماسويت شيء...
يقولون لي مب لازم تسوين احنا نقدر نطلع لج 100 سبب..:omen2:
استغفر الله حتى بالظلم يفوشرون..


مانقدر نقول الالاحول ولاقوة الابالله

>>> ويوم الاحد داومو من وهل واللي يتاخر بيتحول تحقيق:secret:

ههههه ابركها من ساعه اذا جات منهم

[دمي حمر]

لا والله مانبي نتفنش ورانا عيال وبيوت واهل
وفوق هذا عندنا سلفيات...
اذا لقينا مكان يضفنا بنستقيل اما الحين بنقعد على جبودهم.

[Amal_QTR]

انا اشتغل في وحده من الشركات التابعه لبروه و ديار و كلنا 20 قطري .. بس
يعني بتختل الميزانيه لين زيدونا احنا ال 20

[الاجتماعي]

انا اشتغل في وحده من الشركات التابعه لبروه و ديار و كلنا 20 قطري .. بس
يعني بتختل الميزانيه لين زيدونا احنا ال 20

اختي انتي قلتيها (( الشركات التابعة)) يعني القرار مب بيدها

[Amal_QTR]

اختي انتي قلتيها (( الشركات التابعة)) يعني القرار مب بيدها

اي علشان هالشي ننتظر بروه ولا ديار .. الله يفرجها
دعواتكم لنا

[الاجتماعي]

اي علشان هالشي ننتظر بروه ولا ديار .. الله يفرجها
دعواتكم لنا

سؤال : اتصير بروة تزيد رواتب الموظفين قبل زيادة الديار وله لا ، علما بان الديار تملك 50% من بروة ؟؟

[الـخـالـدي]

ان شاء الله تشملكم الزياده

[Amal_QTR]

سؤال : اتصير بروة تزيد رواتب الموظفين قبل زيادة الديار وله لا ، علما بان الديار تملك 50% من بروة ؟؟


ممكن لان كل شركه لها مجلس ادارة منفصل تماما و هيكل تنظيمي مختلف

للعلم الهدفه رسل ايميل من 3 اسابيع تقريبا يخبر فيه موظفين الديار القطريه انه طرح موضوع الزياده لمجلس الاداره .. و عقب ما سمعنا شي غير انه الهدفه قدم استقالته و تم رفضها .. هل للموضوعين علاقه .. لا اعلم .. انشالله خير

[دمي حمر]

الله كريم

[حقــبان]

ممكن لان كل شركه لها مجلس ادارة منفصل تماما و هيكل تنظيمي مختلف

للعلم الهدفه رسل ايميل من 3 اسابيع تقريبا يخبر فيه موظفين الديار القطريه انه طرح موضوع الزياده لمجلس الاداره .. و عقب ما سمعنا شي غير انه الهدفه قدم استقالته و تم رفضها .. هل للموضوعين علاقه .. لا اعلم .. انشالله خير

اشهد انك رجال يالهدفه

[الفهد 55]

يا جماعة مافي اخبار ؟؟ تعبنا واحنا ننطر

:telephone::telephone:

[Amal_QTR]

شكلهم ما عندهم نيه زياده :(
فليبدا مشوار البحث عن وظيفه جديده:victory:

[دمي حمر]

انتو بس رددوا الله كريم الله كريم

[الاجتماعي]

شكلهم ما عندهم نيه زياده :(
فليبدا مشوار البحث عن وظيفه جديده:victory:

صبرا آل ياسر فان موعدكم الجنة :)

[دمي حمر]

صبرا آل ياسر فان موعدكم الجنة :)

ههههههههههههههههههههههههههههههههههههههههه اضحكتني اضحك الله سنك:taunt:

[mmbbss]

يا الله برزقن ما حسبنا حسابه
يا الله برزقن ما حسبنا حسابه
يا الله برزقن ما حسبنا حسابه
يا الله برزقن ما حسبنا حسابه

[Amal_QTR]

صبرا آل ياسر فان موعدكم الجنة :)



صابرين نشوف ايش اخرتها معاهم:victory:

[كازانوفا]

اسالوا الله من فضله لا تنتظرو الناس والله لو عليهم ما راح يعطونا ولا فلس احمر
خزائن السموات والارض بيده اسالوه بارك الله فيكم

[Amal_QTR]

اسالوا الله من فضله لا تنتظرو الناس والله لو عليهم ما راح يعطونا ولا فلس احمر
خزائن السموات والارض بيده اسالوه بارك الله فيكم

الحمدلله الذي جعل الرزق بيد الخالق وليس الخلق
الله يرزقنا الجنه يارب

[الفهد 55]

مافي update

الكل يتحرك الا ربعنا ما نسمع عنهم شي

[العميد الركن]

بروة محتاجه للكاش كشركة خاصه قائمة وهذا لمسناه عند الضغط على مجلس الادارة بتوزيع ارباح عن عام 2010

اعتقد زيادة القطريين وهم عددهم بالشركة ليس بالقليل يحتاج تدخل حكومي ليس سياسيا انما اقتصاديا

بس الزياده قادمه ان شاء الله اصبروا

[دمي حمر]

اشاعة خسايرهم لو عندهم خسارة صج كان مادفعو
فلوس بالمليارات عشان مشروع مصر من يومين
وللحين الوضع بمصر تعبان...
الحقيقة والواقع ,,,انهم يبون يطفشون الموظفين القطريين.
واصلا نسبة القطريين 40-45 بالمية بالنسبة للاجانب.
وثاني شي احنا عيال البلاد اولى من غيرنا.

[حقــبان]

اشاعة خسايرهم لو عندهم خسارة صج كان مادفعو
فلوس بالمليارات عشان مشروع مصر من يومين
وللحين الوضع بمصر تعبان...
الحقيقة والواقع ,,,انهم يبون يطفشون الموظفين القطريين.
واصلا نسبة القطريين 40-45 بالمية بالنسبة للاجانب.
وثاني شي احنا عيال البلاد اولى من غيرنا.

صح كلامك نسبه القطريين قليله بالمقارنه بالاجانب

[فلور]

والله انك صادق صج قاعدين يطفشون الموظفين القطرين انا اشهد

[دمي حمر]

انا بصراحة مااظن في زيادة حاليا..
لانهم قاعدين يطيرون الموظفين والزيادة اتوقع على شهر 1 او بعد الميزانية
فعشان جي ارتاحو واكثرو من الاستغفار وتاملو خير ان شاء الله

[الفهد 55]

شكلها السالفة بردت ولا في نية لزيادة القطريين القلة في بروة .

[Amal_QTR]

لا حول ولا قوه الا بالله ... اذا البنوك اللي ما يطلعون شي للقطرين معظمهم عطوا
و احنا جالسين نتفرج !
و نسبه التضخم تزيد و احنا على حطه يدك !!!



قهر من جد قهر

[الفهد 55]

المشكلة الكل يتحرك الا ربعنا كأن شيء لم يكن وكأن مافي زيادة للشعب القطري وكأن ما اعرفوا ان راتب الموظف القطري في بروة صار ضعيف

[ابوضاري]

اللي اعرفة ان مافية زيادة لا في بــــــــــــــــــــروة ولا في اســـــــــــــــــباير
حسب المعلومات اللي وصلتني

وبالتالي اللي له جنحان يطير

[Amal_QTR]

ليش يعني بس هالجهتين ؟

[ابوضاري]

ليش يعني بس هالجهتين ؟

ماعرف اختي امل يقولون رواتبهم عالية اصلا مع ان القطريين في اسباير 200 من اصل 1000 موظف اما بروة سمعت انهم بعد عددهم قليل

ويقولون لو فيه شمس بدأت امس ( للحين ماطلع شي )

[Amal_QTR]

مب اعلى من رواتب قطر للبترول و قطر غاز و راس غاز و كيوتل و مؤسسه قطر و فودافون و البنوك !
ولا بس مغضوب علينا !

[دمي حمر]

اصبرو ورابطو والخير جاي قدام ..
هالاسبوع او اللي بعده ان شاء الله

[ابوضاري]

اصبرو ورابطو والخير جاي قدام ..
هالاسبوع او اللي بعده ان شاء الله

يمكن يخلونها بعد عيد الاضحى (عيييييدية ):tease:

[دمي حمر]

مادري ليه محد معطينا وجه..... شسالفة محد حاس فينا

[حقــبان]

يقولون الزياده مع راتب هالشهر

هل حقيقه ام خيال

[حقــبان]

شخبار ربعنا

وين الزياده

[زهرة قطر]

يبون القطريين يفقدون الأمل ويستقيلون من عندهم وتبقى بروه للأجانب فقط

عا من زين رواتبهم اللي عنده واسطة راتبه هالكثر واللي ماعنده مسكين حتى رواتب الإداريات حملة الشهادات الثانوية في المستقلات أحسن منه
صج إن حبتك عيني ماضامك الدهر
الله يفككم من هالشركة التعبانة قبل يبلفيت بروه مافوقها فوق كلن يبي يتوظف فيها لكن ألحين من عقب الزيادات الكل يبي يشرد منها
حظ اللي تملين من وراها وراح وخلى القرعة ترعى
الله معاكم يا موظفين بروة المغلوبين على أمركم

[الاجتماعي]

الله المستعان ...
كانه السالفة ابردت :sneaky:

[الفتى]

:omg::omg::omg:


يقولون زادوا ديار و بروه مو صج الكلام

[الفهد 55]

الله المستعان ...
كانه السالفة ابردت :sneaky:


اعتقد معناته بالعربي الفصيح يعني أنسى .

وصراحة الواحد مل من التفكير في هالموضوع

بس ما نقول الا الله المستعان