ايش فايدة الفيزا كارد؟؟

[عبير قطر]

سلام عليكم

هل صحيح اذا ابي ادفع 30 الف في محل المجوهرات ادفع بالبطاقة احسن من الكاش؟؟؟واني راح اخسر 1000 ريال اذا دفعت كاش؟

وفي المحلات العاديه واللولو اذا ابي ادفع 400 ريال ....ايش احسن كاش ولا بالبطاقة؟؟؟

مع الشكر للجميع

[بصمة قطرية]

:rolleyes2:

اعتقد الدفع بالبطاقة ولا كاش ما يفرق ..
بالذات في داخل قطر ..
بس اذا بيفرق برع بسبب فرق العملة ..

ان شاء الله يفيدونج الاعضاء ..

[بولينجر]

لا ما يفرق في محل المجوهرات او اي محل اخر... حسب علمي ان اذا تم الدفع بالكاش فصاحب المحل هو المستفيد اكثر.... لان اذا دفع المشتري بالبطاقة تاخذ شركة الفيزا او البنك (مب عارف من بالضبط) من صاحب المحل عمولة بنسبة معينة من كل عملية شراء.... يمكن 1% او شي جذي..... احتمال ان صاحب محل المجوهرات ممكن يسوي خصم خاص لو تم الدفع بالكاش.....

الشراء بالبطاقة عملي اكثر من الشراء بالكاش..... ومايفرق الا اثناء السفر لفرق تحويل العملة حيث ان سعر تحويل البنك اعلى من سعر الصراف عادة.....

[مرتبش]

اتفق مع الاخ بولنجر مع اضافات بسيطة

بعض المحلات كالمجوهرات والسفريات عند الدفع بالبطاقة تاخذ نسبة زيادة.. المحلات التي تعمل تنزيلات لاتقبل البطاقة (فيزا او صراف الي) رغم انه بطاقة الصراف تختلف عن الفيزا .

الفيزا والماستركارد بطاقات ائتمان (اشتر الحين وادفع بعدين) اما الصراف الالي فهي تخصم من الحساب البنكي مباشرة ,,

الفيزا تستعمل احيانا كتأمين مثلا عند تأجير سيارة او حجز الفنادق..يحجز مبلغ معين لفترة معينة ولايمكنك وبعد انتهاء الخدمة بفترة مثلا اسبوع يفكون الحجز ويرجع رصيدك

الفيزا والصراف ممكن تسحب منهم كاش في اجهزة الصراف الالي لكن الكاش من الفيزا يعتبر قرض وتدفع عليه رسوم وفوائد غير بسيطة.. اما سحب الكاش باستخدام بطاقة الصراف فيخصم من حسابك مباشرة

[ضوى]

الفيزا حلوة لما الواحد يفلس ، وحلوة اكثر بالسفر مريحة جدا من حمل الكاش

وايد احب استخدمها في السفر خاصة

وعلى فكرة اي محل يطلب نسبة من من المبلغ عالفيزا لا ترد عليه وقوله بتكلم بنكك عن الموضوع ،راح يتوهق ، لانه النسبة هو يدفعها من المشتري ، صارت معاي في داماس وفي السليمان لكن كلمت البنك وخذ الملبغ اللي محدد سلفا ولا ريال زيادة

[عبير قطر]

اشكركم على الرد

بس عرفت الاجابة...دفعنا ببطاقة qnb وحصلنا على خصم 5%