المساعد الشخصي الرقمي

مشاهدة النسخة كاملة : سؤال بخصوص البنوك الاسلامية الي بتسكر نهاية السنه ؟


BaRHooM-QTR
24-09-2011, 09:35 PM
بسم الله الرحمن الرحيم

حبيت استفسر واتناقش معاكم بخصوص البنوك الاسلامية الي بتسكر نهاية السنه

شسالفتها وشبيكون الوضع للي عندهم سلف في هذي البنوك وشبيصير لهم اذا اغلقت البنووك

انا عن نفسي انا في بنك الصفا الاسلامي وحاليا كلموني البنك التجاري قالو لي اذا تبي تنقل

حسابك عندنا بدون فؤاد بس انا مابي بنك ربوي

فا اذا احد عنده معلومه عن هالمووضووع ياليت اتفيدونا جزاكم الله خير
dano0oy
24-09-2011, 10:44 PM
مو شرط تروح بنك ربوي

لان مو كل البنوك الاسلاميه راح تتسكر ,, البنوك اللي كانت من الاساس تقليديه وبعدين افتحت فروع اسلاميه هي اللي بتتسكر

نصيحتي جوف لك بنك المصرف الاسلامي .. وايد يمدحونه ..
mmbbss
24-09-2011, 10:55 PM
اخوي البنوك الي ماراح تتسكر

المصرف ،، الدولي الاسلامي ،، مصرف الريان ،، بروه

هاذي بنوك اساسها اسلامي
الخزرجي قطر
24-09-2011, 11:06 PM
اسال البنك الي تتعامل معاه واسالهم عن الاليه في الحساب والقرض بعد31/12/2011م
هو الموعد المحدد لاغلاق الفروع الاسلاميه وشوف اي انسب لك ويمكن سؤال البنوك
الاسلاميه اذا كان يسددون السلفيه للبنك وتحول الراتب على البنك الجديد مع احتساب
الفايده على النسبه الجديده؟؟ وهل البنك الحالي بيلغي عنك الفوائد للسداد المبكر؟؟؟؟؟؟
Aigner
25-09-2011, 12:31 AM
انا كنت في بنك الهلال الاسلامي تابع للبنك ( الاهلي )
وبلغوني بخصوص ان البنك بيسكر ورحت لهم وشرح لي مدير الفرع وقال اذا بتم بنحول حسابك لبنك الاهلي وبتكون الفوائد مثل ماهي وبعدين بنك ربوي ومستحيل اتم فيه

والحمد الله افتكيت منهم سدد السلفه ورحت المصرف ابرك لي
BaRHooM-QTR
25-09-2011, 12:57 AM
يعطيكم العافيه يالي رديتو بس انا علي سلفه في البنك يعني لو رحت بنك المصرف او اي بنك ثاني بياخذون السلفه نفسها ولا بيزيدون علي ؟
SPIRIT_OF_QATAR
25-09-2011, 05:29 AM
انا في الدوحه الاسلامي وعلي قرض .. من كم يوم رحت لهم وسالتهم شنو وضعنا وايش بيصير .. قالي الموظف
لحد الحين ماعندنا اي خبر ايش بيصير او اي قرار رسمي والاوامر الي عندنا نشتغل لين نهاية السنه

وبعدين قالي في اكثر من حل اما ان انرجع حسابك الدوحه التجاري ويتم نفس ماعليه يعني القسط مايتغير ولا شي والتعامل يتم اسلامي وماقدر اخذ قروض او شي لين اسدد الي علي واطلع

او الحل الثاني في اتصالات مع احد البنوك انهم ينقلون كل الي في الدوحه الاسلامي لهل بنك بس ماحددلي اسمه.. بنفس القرض والاقساط بدون زياده .. ولو العميل مايبي هل بنك بروحه يحول بنك ثاني وهم مو مستعدين يدفعون الفرق في النقل لو البنك الثاني خذ فايدته وزاد القرض

هاي كلام الموظف في البنك قالي انطر وبنشوف اول مايجينا قرار بنتصلكم
Nasser2006
25-09-2011, 10:11 AM
انا في الدوحه الاسلامي وعلي قرض .. من كم يوم رحت لهم وسالتهم شنو وضعنا وايش بيصير .. قالي الموظف
لحد الحين ماعندنا اي خبر ايش بيصير او اي قرار رسمي والاوامر الي عندنا نشتغل لين نهاية السنه

وبعدين قالي في اكثر من حل اما ان انرجع حسابك الدوحه التجاري ويتم نفس ماعليه يعني القسط مايتغير ولا شي والتعامل يتم اسلامي وماقدر اخذ قروض او شي لين اسدد الي علي واطلع

او الحل الثاني في اتصالات مع احد البنوك انهم ينقلون كل الي في الدوحه الاسلامي لهل بنك بس ماحددلي اسمه.. بنفس القرض والاقساط بدون زياده .. ولو العميل مايبي هل بنك بروحه يحول بنك ثاني وهم مو مستعدين يدفعون الفرق في النقل لو البنك الثاني خذ فايدته وزاد القرض

هاي كلام الموظف في البنك قالي انطر وبنشوف اول مايجينا قرار بنتصلكم
وانا نفسك في بنك الدوحة الاسلامي وعلي قرض وقال لي الموظف اذا حولت للدوحة العادي راح يعطوني خصم ينزلون من القرض والنسبة بعد بتكون أقل !!! وقال اذا تبي تحول من الحين حاضرين ؟؟؟ أو تنطر لين نشوف ايش القرار بيكون يمكن يحولنكم لبنك اسلامي أو ننطر قرار المصرف المركزي؟؟؟
وانا أقول دام الغوا المصرف المركزي الفروع الاسلامية ليش مايسقطون الديون عن العملاء ؟؟؟ مثل ما الغوا يسقطون الديون دام بيدهم الخيط والمخيط؟؟ وجميع عملاء الفروع الاسلامية مايبون يحولون للربوية!!!! واذا أجبروهم في ذمة المصرف المركزي!!!!


أتمنى التفاعل مع الموضوع من العملاء الروع السلامية التابعة للبنوك التقليدية؟؟؟؟

والله يوفق الجميع!


والله يوفق الجميع
Nasser2006
25-09-2011, 10:29 AM
أتمنى التفاعل مع الموضوع من العملاء الروع السلامية التابعة للبنوك التقليدية؟؟؟؟

والله يوفق الجميع
بوخالد911
25-09-2011, 10:50 AM
من الأفضل سؤال البنك اللي تابع له حاليا
رووح لهم واجلس مع المدير


والله يوفق
وحيد-الشوق
25-09-2011, 11:18 AM
لايقصون عليكم البنوك الربويه ترى اي ازمة مالية تصير يرفعون عليكم الفايده والمصرف المركزي ماعنده ماعند جدتي

موتر ب80 الف اقساط عالبنك التجاري بعد 3 سنين نفس المبلغ تقريبا مانقص منه غير القليل ولما سألتهم يقولي مارفعنا الفايده وعقب المدير قالي احنا رفعنا الفايده بسب الازمه الماليه حسبي الله عليهم الحمدلله بعنا الموتر وسددنا الباقي وافتكينا من هم البنوك الربويه :(
BaRHooM-QTR
27-09-2011, 09:53 AM
الله يكوون بعونا من هالبنوك الحراميه والحل معاهم لمتى بنظل كذا ماكلين حقنا ولا نقدر انسوي شي :weeping:
الواعد
27-09-2011, 10:04 AM
انا حسابي ومديونيتي في الدوحة الإسلامي

ومازلت انتظر منهم اي خبر

اهم شيء المديونية والقسط ماتتغير ومايهم اي بنك بنقلونا له

بنك بروة اخذ وتحمل جميع العملاء اللي كانوا في بنك اليسر

اللي كان تابع لـ بنك قطر الدولي

يعني ممكن نشوف بنك آخر ياخذ ويتحمل عملاء بنك الدوحة الاسلامي
BaRHooM-QTR
27-09-2011, 10:17 AM
الله يسمع منك اخوي الواعد واتمنى هالشي يصير لبنك الصفا لان مابي انقل للبنك التجاري
وامس رحت لبنك الدولي الاسلامي وكنت بشوف اذا ابي انقل لهم كم تطلع فؤادهم الصراحه انصدمت
عطاني مبلغ جامد فا صج الحين توهقت والله المستعان
كازانوفا
27-09-2011, 10:22 AM
اكيد راح يزيدو عليها لانه بيقولك من حقنا ناخذ اتعابنااا
Nasser2006
27-09-2011, 10:31 AM
أنا في بنك الدوحة الاسلامي وعندي قرض شخصي بتمويل اسلامي !
نسأل الله المعونه وان شاء الله مانتضرر يا ينزلون في القرض والا نتم علي نفس القرض ونفس الشروط ونفس الاقساط والمدة أما البنوك الربوية الله يكافينا شرها !

والله يوفق الجميع