ابى رايكم ضرورى فى موضوع

[قلبى طيب]

عندى سلفه فى البنك البريطانى ومصرف الريان وافقوا يشترون السلفه اللى على هناك

طبعا سلفه جديده وعلى 6 سنوات هناك فى البريطانى قسط سياره وقسط سلفتين وفيزا

ايش رايكم انقل مصرف الريان ولا انطر لما تخلص سلفيتى هناك وعقب انقل للمصرف الريان

الشهاده لله معاملتهم سريعه وجيده والشباب اللى هناك اقطريين واخلاقهم عاليه

رغم انه باقى لى هناك 3 سنوات ونص

[فريخ الشاهين]

مساء الخير ....
اختي يعتمد على المبلغ المتبقي من السلفه ، وبعدين نصيحه تمي في نفس البنك لين تخلص المبالغ كلها لانه في حالة النقل من بنك لبنك راح تزيد المبالغ ويمكن يكون مبلغ وقدرة

[فـــــواز]

نصيحه انقل من بنك الربوي الى اسلامي وفك نفسك

لو باقي عليك يوم واحد انقل وخل افلوسك حلال في معاملاتهم وقروضهم

[Dawn]

رايي من راي اخو الزير ،، واستخيري

الله يفكج من هالدين بسرعه .. بالتوفيق ان شا الله

[Dawn]

صحيح ممكن تجمعين مبلغ من الراتب ولما يصير مثلا10000 او 20000 سددي جزء من السلفيه اللي عليج راح تخف الفوايد اعتقد بهالطريقه

[بصمة قطرية]

البنك الاسلامي هو الخيار بكل تأكيد ..
لا تأجل وتوكل على الله ..
ابتعد عن البنوك الربوية ..

[جرير]

يعتمد على حسب المبلغ المتبقي . . .

يعني اذا كان باقي 3 سنوات ونص كم المبلغ الاصلي اللي عليه السلفه

بعني المبلغ اللي راح يدفعه لك مصرف الريان "

. . . وكم المبلغ مع الفوايد

والريان شنهو العرض اللي حصلته منه ؟

ممكن تفاصيل اكثر

لاني انا على وشك الانتقال الى احد البنوك الاسلاميه ان شالله

[قلبى طيب]

العرض انهم يعطونك فرصه 4 شهور ماياخذون القسط اللى عليك بدون فوايد

المبلغ اللى على هناك 400 وبنك ثانى ماخذ سياره 100 الف هو بيجمع السلف هذه فى قسط واحد ومحتار انقل ولا رغم انه بيجنى مبلغ بسكر قسط سياره والفيزا وقسط السياره فى البنك الثانى

[مرتبش]

الله يعينك
شوف مجمل اللي بتدفعه لما تنقل للريان..القسط الشهري مضروب في عدد الشهور + اي رسوم ياخذها البنك هذا بيكون اجمالي القرض..

في بنكك الحالي عليك 3 سنوات ونص ..احسب كم بتدفع فيها + احتمال تغير الفائدة في المستقبل.

وعلى هالارقام قرر.

ملاحظة صغيرونة: اقرأ العرض بتفاصيله المملة ..4 شهور لا قسط ولافائدة بس يمكن عليها رسوم..او لها شروط انت ما انتبهت لها.

بالتوفيق

[ضوى]

صحيح ممكن تجمعين مبلغ من الراتب ولما يصير مثلا10000 او 20000 سددي جزء من السلفيه اللي عليج راح تخف الفوايد اعتقد بهالطريقه

البنوك الربوية عندها شي اسمه غرامة تسديد مبكر

عكس الاسلامية عندها مكافأة سداد مبكر

[قلبى طيب]

لا والله اخوى ما عليها فايده ابدا وقارى العقد بنفسى

[ضوى]

لو باقي لك يوم واحد انقل وعيش مرتاح

[روح وريحان]

انقل لبنك الريان احسن من البنوك الربوية

على الاقل في البنوك الاسلامية المبلغ هو هو ما بيتغير أما في البنوك الربوية فيها فوايد وتزيد وسالفة
انقل للريان وارتاح

وربي يوفقك

[جرير]

البنوك الربوية عندها شي اسمه غرامة تسديد مبكر

عكس الاسلامية عندها مكافأة سداد مبكر




للمعلوميه فقط . . . البنوك الربويه التسديد فيها

يكون اسهل وياخذون 1 % فقط من المبلغ الاساسي بدون الفوائد

اما البنوك الاسلاميه يخلونك تسدد المبلغ كامل مع الارباح

وبعدين هم يقررون كم المبلغ اللي يرجعونه لك ويسمونه

مكافئه تسديد مبكر . . . وفي كل الحالالت انا ما اشجع على الانتقال

الى البنوك الربويه لانها في النهايه حرام طبعا . .وسالفه الاقساط فيها

تكون طويله وتكون على شكل سلسله لا تنتهي . . .عكس البنوك الاسلاميه

تكون الاقساط معلومه المده تبتدي بتاريخ معين وتنتهي بتاريخ معين

حتى في حاله تاجيل القسط يخصم دبل في الشهر الذي بعده . . .

اما البنوك الربويه ممكن تكون بتخلص في 2020 وتاجل كم قسط

شوي والا يطلع التاريخ اللي بتخلص فيه 2022 او 2023

يعني مع كاس العالم وكله بسبب تاجيل القسط اللي تكون فيه فايده

تنضاف على القسط + المده تزيد