اذا كانت هناك فعلا مقاطعة نتمنى تفعيلها

[al-buainain]

السالم عليكم ورحمة الله وبركاته

في البداية وبكل صراحة انا ضعت ما عرفت وشهي الجهات الي رفعت الاسعار ولازم انقاطعها ولا عرفت الجهات الي على اسعارها القديمة عشان ندعمها وطرت علي فكرة قابله للنقاش والاقتراحات من قبلكم جميعا ، وذلك للفائدة العامة وللمواطن خاصة


الفكرة ان اتمنى تفعيل المقاطعة في حالت ثبات ان الجهة قد قامت برفع الاسعار عن السابق

طريقة التفعيل

1- انشاء موضوع مستقل وخاص بــ Black List ( القائمة السوداء ) وذلك لوضع اسماء الجهات التي قامت برفع الاسعار حتى يكون للاعضاء علم ودرايه بالجهات.

2- انشاء موضوع آخر ومستقل للجهات التي لم ترفع الاسعار وذلك لشكرها و دعمها من قبل المستهلكين والاعضاء .

الفائدة العامة هي المرجوه من هذه القوائم وذلك لمعرفة البديل للجهات الموضوعه في بــ Black List ( القائمة السوداء )

اتمنى دراسة الفكرة من الادارة والمشرفين وذلك لحماية المواطن من جشع التجار .

ونرحب باي افكار جديدة لمحاربة الغلا

وتحياتي للجميع

[كازانوفا]

المشكله ان صعب نجيب القائمه القديمه بالاسعار عشان نقارنهاا بالجديده
وللاسف مش كل الاعضاء عندهم فكره عن المطاعم وكيف كانت اسعارها وكيف صارت بالوقت الراهن
والا رائك فعلا مقترح قوي ويساعد
وان شالله نلاقي تفاعل من الاعضاء
لاني لاحظت ان اللولو بدا يعلي باسعاره

[al-buainain]

كازانوفا

شكرا على المشاركة

وهذا الي ودنا انعرفه معلومة مني ومعلومة من غيري بس اتكون صادقة من غير ظلم

راح اتكون عندنا لسته لجميع الجهات

أو

على سبيل المثال ممكن انا اشتري من المخازن واخذا فكرة عن الاسعار وغيري يشتري من الميرة ويعطينا فكرة وهكذا ....

على العموم احنا في انتظار مشاركة الاعضاء واقتراحاتهم

[بايع بايع]

انا رايي نجمع الفواتير ومانرميها

واي حد يطلب معلومه عن سلعه معينه من متجر محدد

يقدر اي عضو يكون شرى هذي السلعه انه يفيده من خلال الفاتوره اللي عنده

وانا حاليا صرت اخلي الفواتير عندي وما ارميها نفس اول

عشان اذا شكيت بسلعه ان صار تغيير في سعرها ولا

ارجع للفواتير القديمه واتاكد

وسلامتكم

[al-buainain]

انا رايي نجمع الفواتير ومانرميها

واي حد يطلب معلومه عن سلعه معينه من متجر محدد

يقدر اي عضو يكون شرى هذي السلعه انه يفيده من خلال الفاتوره اللي عنده

وانا حاليا صرت اخلي الفواتير عندي وما ارميها نفس اول

عشان اذا شكيت بسلعه ان صار تغيير في سعرها ولا

ارجع للفواتير القديمه واتاكد

وسلامتكم

يا مرحبا اخوي بايع بايع

فكرة طيبة ان كل واحد فينا يحتفظ بالفواتير ولا كن المشكلة في التفعيل بتكون صعبه لان كل عضو بيطلب شغله ولين يرد عليه العضو الي شراء هذه الشغله راح يكون في تاخير

ولاكن

الافضل ان الجميع يحتفظ بالفواتير واذا في حد من الاعضاء لاحظ اي زيادة في المحلات التي تم الشراء منها سابقاً يوثق هذه الزيادة بالفواتير عشان الذمه وانحطه في Black List

مشكور يا اخوي على الفكرة والمشاركة


وننتظر باقي الافكار والاقتراحات

[بومحمد55]

بالنسبه عن صيدلية خلود في المرخيه زوجتي ماخذه فحص الحمل اللي قبل كان 15 ريال

والحين 18 ريال يعني زياده 3 ريال ع السعر القديم

[غرِيبهـ]

فعلا اقتراحك في محلة اختي امس راحت المخازن الكبرى بحياه بلازا تمير البيت
طلعت فاتورتها ٣٠٠٠ ريال انصدمت لانها ما زادت في الاغراض اللي عادتا تشتريها
يعني صار لها مده تمير للبيت من المخازن و الفاتوره ان زادت ١٣٠٠ ريال

قالت بتتصل بحماية المستهلك

احين وين نروح نمير للبيت اي مجمع تقترحون مازاد اسعاره ؟

[al-buainain]

بالنسبه عن صيدلية خلود في المرخيه زوجتي ماخذه فحص الحمل اللي قبل كان 15 ريال

والحين 18 ريال يعني زياده 3 ريال ع السعر القديم

المشكلة يا خوي بو محمد ان الادوية بشكل عام زاد زيادات خيالية انا كنت اشتري الفونتلين بخاخ الربو على 40 ريال حاليا 50 ريال

خلها على الله

[al-buainain]

فعلا اقتراحك في محلة اختي امس راحت المخازن الكبرى بحياه بلازا تمير البيت
طلعت فاتورتها ٣٠٠٠ ريال انصدمت لانها ما زادت في الاغراض اللي عادتا تشتريها
يعني صار لها مده تمير للبيت من المخازن و الفاتوره ان زادت ١٣٠٠ ريال

قالت بتتصل بحماية المستهلك

احين وين نروح نمير للبيت اي مجمع تقترحون مازاد اسعاره ؟




اهم شي الفواتير السابقة موجوده ولا راحت عشان انعرف الفرق

[غرِيبهـ]

اهم شي الفواتير السابقة موجوده ولا راحت عشان انعرف الفرق

لا اخوي الفواتير القديمة محد
بس انا بنفسي امس رحت وشفت الاسعار حصلت التونه العلالي صارت متفاوته اسعاره اول ب 5 او 6 لكن احين وصل 9ونص تصور

صورت كل اسعار التونه