ماذا ستفعل بالزياده !!!

[PGR]

السلام عليكم ورحمة الله وبركاته ,,, سؤال اتى في ذهني وفي ذهن عدة اشخاص تناقشت معاهم ,, الزياده التي امر بها اميرنا المفدى (الله يطول ابعمره ) للشعب ,,, شنو راح اتسوي فيها ؟ هل تدخرها؟ تشتري فيها سياره؟ دين ؟ ننتظر اجاباتكم ان شاء الله

[البدع]

ثلاثة ارباعهم بيشرتون سيارات

راي شخصي

[بوسلمان 2010]

ادخرها وانسى الزيادة لانك سوف تحتاجها في يوم من الايام وسوف يكون المبلغ محترم ان شاء الله

[كحيلان قطر]

بروح البنك وبزيد القسط بالزيادة الي جتني حتى ينتهي القرض الي علي بسرعه لاني متعود ومرتب نفسي على الراتب القديم

[ضوى]

الله يجيب هالزيادة على خير ولا يصير شي باهل قطر من الحساد والحاقدين

[Rayane]

بافتح حساب للبنيآآآآآآآت في مصرف الريان ( وديعه ولا توفير ) أي شئ.

[بوخالد911]

ناوي على تشطيب راقي ان شاء الله لبيت العمر

[عيون الدوحة]

على طول حطيت أمر تحويل مبلغ الزيادة بحساب التوفير
وبنساها للمستقبل والزمن

سيارتي موديل 2008 فيها شدة لين 2018 ماراح أغيرها قبل خلني أحللها

[هاجر]

:( لا حول ولا قوة إلا بالله :(


" يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ وَإِنْ تَسْأَلُوا عَنْهَا حِينَ يُنَزَّلُ الْقُرْآنُ تُبْدَ لَكُمْ
عَفَا اللَّهُ عَنْهَا ۗ وَاللَّهُ غَفُورٌ حَلِيمٌ، قَدْ سَأَلَهَا قَوْمٌ مِنْ قَبْلِكُمْ ثُمَّ أَصْبَحُوا بِهَا كَافِرِينَ"

[عيون الدوحة]

ناوي على تشطيب راقي ان شاء الله لبيت العمر

نصيحة أول خطوة لازم تسوي تصميم ديكور
راح يوفر عليك الكثير من المال والوقت

[Qatari 1980]

السلام عليكم ورحمة الله وبركاته

أشكرك أخوي على طرح الموضوع وبودي لو الادارة تثبت مثل هالمواضيع لأن فيه مواضيع كثيره مشابهه تم طرحها بعد خبر الزياده من بومشعل الله يطول بعمره
لو يتم دمج المواضيع وتكون كل الردود في موضوع واحد حتى يستفيد الأعضاء والزوار من الأفكار المطروحه ..

عن نفسي أولاً راح أسدد جميع الالتزامات الي علي
ثانياً راح أوفر المبلغ لبناء بيت العمر

في أحد الردود ذكر أحد الأعضاء بأنه راح يطلب رفع القسط البنكي .. وصراحه أنا ما أنصحه بهذا الاجراء ..
لأنه لو طلب رفع القسط هذا معناه بأنه راح يعمل جدوله للقرض وهذا معناه زيادة الفوائد وكأنك يا بوزيد ما غزيت ..
فالأفضل لك هو تجميع المبلغ الفائض كل شهر وتسديده في القرض مباشره ..


وشاكر لك مره ثانيه :nice:

[Nasser2006]

توفير او اعادة جدولة للدين الي علي !

[عيون الدوحة]

لحد يغلط غلطت عمره ويسوي جدولة للدين
حاسبو يا شباب

[Qatari 1980]

لحد يغلط غلطت عمره ويسوي جدولة للدين
حاسبو يا شباب

مشكور أخوي على التنبيه

وارجع أكرر على نفس النقطه وهو الأفضل انك تجميع المبلغ كل شهر
ومثلاً بعد 6 شهور أو 3 شهور يتم التسديد مباشره في القرض ...

لأن اعادة الجدوله تعني زيادة الفوائد و أخذ رسوم ادارية جديده على القرض وأخذ تأمين على القرض ... الخ

[ازغوىAAA]

بعد الزيادة بدات في الخرايط وعلى طول بنك التنمية وياريت الناس ماتفكر بالعقلية القديمة

[بوخالد911]

نصيحة أول خطوة لازم تسوي تصميم ديكور
راح يوفر عليك الكثير من المال والوقت

يسلمو للرد القيم:nice:

[النائب]

بتمتع بفلوسي لا شريك لي وبفر كم دوله وبشترى مجمع سكني وبأجره على الحكومة لأنها تدفع كاش .

وبحاول اوفر للصيف وللشتاء وللربيع !

هم كم زادونا لايكون مليار وانا مادري .. كلها كم ريال بتروح مثل ما جات ..

كل مازاد الراتب زاد المصروف ! وعلى فكره إسمه ما عاش .

[بايع بايع]

في البنيان

[منابر خالده]

بالنسبه لي راح اجمع او احط الزياده في البنك كل شهر عشان افتك من الدين في خلال 5 شهور تقريبا
والحمدلله انا على بنك اسلامي لايحتاج جدوله ولا شي




:( لا حول ولا قوة إلا بالله :(


" يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ وَإِنْ تَسْأَلُوا عَنْهَا حِينَ يُنَزَّلُ الْقُرْآنُ تُبْدَ لَكُمْ
عَفَا اللَّهُ عَنْهَا ۗ وَاللَّهُ غَفُورٌ حَلِيمٌ، قَدْ سَأَلَهَا قَوْمٌ مِنْ قَبْلِكُمْ ثُمَّ أَصْبَحُوا بِهَا كَافِرِينَ"

ممكن تفسير الآية الشيخ

[مروج قطر]

ما اظن انكم محتاجين تفكرون شراح تسوون في الزيادة

لان التجار ما قصروا ريحوكم من عناءالتخطيط و التفكير

و حطوا لكم خطة ممتازة و محكمة لصرف الزيادة في جيوبهم

من اول يوم تم فيه الاعلان عن هالزيادة

[nor85]

نصيحه لوجه الله توفير راح تحتاجونه لأي ظرف طارى واتمنى الجميع يفكر بنفس الاسلوب

[للصبر اخر]

اذا الزيادة شملتني بقولكم بعدين شنو بسوي فيها

[بـنـت ڪرز]

انتوا طيرتوا الزياده وهي ما بعد جات

[PGR]

يعطيكم العافيه على الردود وانا بعد فلوسي اجمعها كل شهر حق تشطيبات البيت وان شاء الله الزياده بعد للتشطيبات

بالنسبه لزياده القسط مثل ما قالوا الشباب اتحمل اتسوي هالخطوه لانهم بيسوون اعادة جدوله وبيحطون عليك فوائد من جديد ,, جمع مبلغ وروح ادفع مره وحده

[هاجر]

" يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ
وَإِنْ تَسْأَلُوا عَنْهَا حِينَ يُنَزَّلُ الْقُرْآنُ تُبْدَ لَكُمْ عَفَا اللَّهُ عَنْهَا ۗ
وَاللَّهُ غَفُورٌ حَلِيمٌ، قَدْ سَأَلَهَا قَوْمٌ مِنْ قَبْلِكُمْ ثُمَّ أَصْبَحُوا بِهَا كَافِرِينَ"

ممكن تفسير الآية الشيخ



التفسير المفصل والذي نزلت فيه هذه الآية الكريمة تجده على هذا الرابط،
http://www.islamweb.net/newlibrary/display_book.php?idfrom=994&idto=998&bk_no=46&ID=983




وماجعلني أورد هذه الآية هو بأن القرآن الكريم والسنة النبوية جاء لجميع الناس ولجميع الأزمان فلا يقتصر على حدث معين،
وعندما نتحدث عن الزيادة تحديداً ففعلاً ومن كثرة الحديث حول هذا الموضوع والقيل والقال وانتشار الإشاعات المغرضة المضللة

فماذا كانت النتيجة؟
جشع التجار، ارتفاع الأسعار، حقد من لم تشملهم هذه الزيادة على الفئة الأخرى، وهو من السوء الذي أصابنا
حتى قبل أن نستلم هذه الزيادة ولله الحمد على كل شي

وفي آخر الحديث أوصيكم ونفسي بما جاء في حديثه صلى الله عليه وسلم:
"استعينوا على قضاء حوائجكم بالكتمان فإن كل ذي نعمةٍ محسود"
والحديث صححه الألباني في السلسلة الصحيحة 3/436 حديث رقم 1453 وفي صحيح الجامع برقم943

[بنت مريخ]

بغير غرفه امى فديتها
الى يعرف محل عنده صبغ+ورق جدران+ستاير
لايبخل علي جزاه الله خير
مافينى شده الدواره

[منابر خالده]

التفسير المفصل والذي نزلت فيه هذه الآية الكريمة تجده على هذا الرابط،
http://www.islamweb.net/newlibrary/display_book.php?idfrom=994&idto=998&bk_no=46&id=983




وماجعلني أورد هذه الآية هو بأن القرآن الكريم والسنة النبوية جاء لجميع الناس ولجميع الأزمان فلا يقتصر على حدث معين،
وعندما نتحدث عن الزيادة تحديداً ففعلاً ومن كثرة الحديث حول هذا الموضوع والقيل والقال وانتشار الإشاعات المغرضة المضللة

فماذا كانت النتيجة؟
جشع التجار، ارتفاع الأسعار، حقد من لم تشملهم هذه الزيادة على الفئة الأخرى، وهو من السوء الذي أصابنا
حتى قبل أن نستلم هذه الزيادة ولله الحمد على كل شي

وفي آخر الحديث أوصيكم ونفسي بما جاء في حديثه صلى الله عليه وسلم:
"استعينوا على قضاء حوائجكم بالكتمان فإن كل ذي نعمةٍ محسود"
والحديث صححه الألباني في السلسلة الصحيحة 3/436 حديث رقم 1453 وفي صحيح الجامع برقم943


جزاك الله خير على التذكير

[الزعفراني]

واحد من الربع يقول بيتزوّج الثانية :)

[مضاد]

اول شي ....

بشتري حق امي عراوي جديدة بدل السكراب اللي عندها . :nice:

بعدين بشوف اسعار الطائرات الخاصة كم ., ولا منت الخطوط القطرية :shy:

[راسي براسك]

الله كريم

[للصبر اخر]

انا فكرت اشتري جزيرة بالمحيط الهادي
واكبر اليخت حقي
لان بس فيه 20 غرفة ماتكفي
وبس
طيارتي مابغيرها الحين توني ماخذتها

:victory:

[الخزرجي قطر]

الزياده اخذوها التجار واصحاب المهن والسواق والخدامه قبل لانستلمها
اكيد بخصص مبلغ شهري للأعمال الخيريه وكفالة يتيم وغيره من طرق
الاجر والثواب علشان الباقي الله يطرح فيه البركه والخير ان شاالله

[ابوالكلام]

الله يستر من هذي الزيادة انا عندي احساس ان ماراح نتهنى فيها وبتستوي نغمة من التجار بيرفعون كل شي وبيزيد التفاوت بين الناس طبقتين الطبقة الوسطى بتختفي

[روح الاطلس]

افكر اشتري ارض على سطح عطارد وابنيها شالية للمخلوقات الفضائية ^_^











بصراحة مافكرت عادي مجرد فلوس وزادت مكانها البنك مافي اي مخطط :)

[خالد_قطر]

ان شاء الله بكفل يتيم لكل واحد من أبنائي والله يبارك لكم بالزيادة*

[الجوكر90]

السلام عليكم
لو انا ادرس وعندي 11 الف معاش
6000 حق زواجي و5000 مصروف لي
وموتري 2010 فيه شده سنتين

[تحداني]

بغير غرفه امى فديتها
الى يعرف محل عنده صبغ+ورق جدران+ستاير
لايبخل علي جزاه الله خير
مافينى شده الدواره


سامحنا صاحب الموضوع

انا قاعده اغير في غرفتي ... الصبغ خذته من " رغدان " ولا اروع
الستائر من " الاندلس " واخذي لها شنتون مع بلاك اوت وعليه شي ما اعرف اشلون اشرح لج اياه بس وايد حلو


البورسلان من " نابينا "



بعد اشبغيتي آمري


الاثاث بقول لج بعدين للحين ما قررت
بس الغرفه خليتها مودرن واحتمال افصلها بالكامل




الله يخلي الوالده


جملك الله برضاه

[تحداني]

الوالده إطالبني " بالإبشاره " لانها خبرتني قبل كل الناس ويومها ماكان عندي خبر
والباقي بعطي هديه لعمتي بمناسبه دخولها بيتها الجديد وعندها غرف ما اثثته لان وضعها صعب اشوي


والاشهر الباقيه راح اتظل في البنك حالها حال باقي الافلوس
ان كان في العمر بقيه راح اسوي الي قاعده اسويه باقي ايامي
وان ماكان في العمر بقيه فهناك من سيستلمه بالكامل ان شاء الله



جملكم الله برضاه

[بصمة قطرية]

اللي محتار ومب عارف شيسوي في الزيادة يقول لي
بطرش له رقم حسابي :shy:


:tease::tease::tease:

الله يبارك لكم ..
والله ماله داعي هالموضوع ..

ما يحسد المال الا صاحبه ,,
احمدوا ربكم واشكروه
و اسجدوا سجدة شكر ..

[أحاول]

مبروووووووووووووووك بلاييين والله يعطي الجميع خيرها ويكفينا شرها ويزيدنا من فضله نحن والمسلمين اللذين يتمنون لنا الخير نصيحه كلما وضعت بطاقة السحب في جهاز سحب الفلوس سم باالله وقل بسم الله ما شاء الله لاقوة الا باالله وصللي على النبي وقل اللهم زد وبارك وانت تضغط الرقم السري وشوف بركتها

[sendarala]

ان شاء الله راح تساعدني في تسديد ديوني

[PGR]

الله يبارك للجميع الزياده والهدف من الموضوع انه نغير تفكير شريحة من الناس بالتصرف في الزياده في شراء سياره او صرفها بالكامل في سفره او شراء اشياء زايدة عن الحاجه والتفكير في عمل الخير والادخار ان كان ممكن عشان الواحد يكفي نفسه ابنفسه للمستقبل