نزلوا الزيادة :) في الراتب

[مونس]

السلام عليكم ورحمة الله وبركاة

وسط زحمة المعاملات وكثرة الاتصالات ولغلاغة المراجعين :telephone: جاني مسج من البنك .. طوط طوط .. يوم فتحت المسج ولا الراتب النازل في الحساب زايد .. اي والله و الزياده حلوه بس شلون اصرف الراتب؟

مادري ارتب حق سفره .. ولا اخذ لي سياره جديده .. ولا اشرايكم؟

[hamoor4ever]

حاسب من الديون وسو الي تبي

[مخطط قطري]

بابركة على الزيادة وتستاهل انشالله اعزمنا على غدا خخخخخخخخ امزح معاك شوف لي يصلحلك وموفق

[الفا برافو]

عسى الله يهنيك ياخوي ويبشرك بالخير

الفال لنا ولجميع هل قطر اللي للحين ماتبين اذا الزياده تشملهم ولا لاا

[الخيالة]

انت أدري بظروفك وان شتسوي مع الفلوس فكر عدل و شوف شنو الصح

[موجه بحر]

قول وين تشتغل علشان نعرف بتنزلنا ولا لاخخخخخخ لا اخوي لاترى مجرد مداعبه احفظ فلوسك حوشلك شوي شهر شهرين لاحق اطيرهم

[مرتبش]

مبروك
والراتب وفر منه وبعد فترة بيستوي مبلغ حليو وسو اللي في خاطرك

[بايع بايع]

مبرووووووووووووووووووووووووووووووووووووووووووووووو وووووووووووووووك

[الصاعقة]

اكفل لك يتيمين اقل شي ومايكلفون ٢٠٠ ريال وبتبارك الراتب وبيزيد

[مونس]

حاسب من الديون وسو الي تبي

الحمد لله لاني بمديون ولا مدين حد ..

[مونس]

بابركة على الزيادة وتستاهل انشالله اعزمنا على غدا خخخخخخخخ امزح معاك شوف لي يصلحلك وموفق

الله بيارك فيك .. والفال لك .. اما عن الغدا حياك فندق شرق..

[الفيصلي]

نصيحة اكفل لك يتيمين خل راتبك يتبارك وبنفس الوقت اتصاحب الرسول عليه الصلاة والسلام في الاخرة

[مونس]

عسى الله يهنيك ياخوي ويبشرك بالخير

الفال لنا ولجميع هل قطر اللي للحين ماتبين اذا الزياده تشملهم ولا لاا

ايه والله الفال لكم .. ان شاء الله تشمل الكل .. وقريب بيبين.

[مونس]

انت أدري بظروفك وان شتسوي مع الفلوس فكر عدل و شوف شنو الصح

الحمد لله .. الظروف ممتازه .. والحال تمام ..

[ريتويت]

مبروووووووووووووووووووووووووووووك بس كانهم منزلين الراتب من وهل؟؟؟ الي اعرفه 26

[عيون الدوحة]

صحيح نزلت الزيادة ووصلني مسج
وراح أحافظ عليها أن شاالله

[الزعفراني]

الف مبروك ، وبالنسبة للراتب وش تسوي فيه عط أبوك ثلث وأمك ثلث وثلث لك :)

[مونس]

قول وين تشتغل علشان نعرف بتنزلنا ولا لاخخخخخخ لا اخوي لاترى مجرد مداعبه احفظ فلوسك حوشلك شوي شهر شهرين لاحق اطيرهم

الريال اللي لما اهفه علي ما يبرد ما ابغيه ..

[GENIUS]

عليك بالشكر لله على نعمته .

ونصيحتي :


: "ما نقص مال عبد من صدقة"، .


فالمال لا ينقص من صدقة، وربنا تدرج معنا رب العباد ، فبدأ بقوله: {لله ملك السماوات والأرض}، ثم ملكنا وقال: {وأنفقوا مما رزقناكم}، ثم قال: {وما أنفقتم من شيء فهو يخلفه}، فجعله لنا ورغبنا في النفقة ثم يخلفه، ثم تدرج معنا فقال: {من ذا الذي يقرض الله قرضاً حسناً}، فالله الذي ملكك وأعطاك يستقرضك! وهذا من كرمه سبحانه.

وأفضلهم كفالة اليتيم كما ذكر اخونا الصاعقة .

الله يبارك لكم ويزيدكم من فضله.

[مونس]

مبروك
والراتب وفر منه وبعد فترة بيستوي مبلغ حليو وسو اللي في خاطرك

هو اسمه ما عاش .. وين الواحد يفور منه...

[مونس]

مبرووووووووووووووووووووووووووووووووووووووووووووووو وووووووووووووووك

الله يببببببببببببببببببااااااااااااااااارك فييييييييييككككككككممممممم

[الأصيلة]

رزق من رب العالمين
يحتاج شكر وحمد وصدقة وصلة رحم..

[مونس]

اكفل لك يتيمين اقل شي ومايكلفون ٢٠٠ ريال وبتبارك الراتب وبيزيد

الحمد لله .. سويتها من قبل الزياده

[المهندس عبدالعزيز]

1- تصدق

2- استثمر

[الصاعقة]

الحمد لله .. سويتها من قبل الزياده

خالي الحمد الله الكل امسويها قبل الزياده وانا أكلمك عقب الزياده عشان اتبارك عليك هالزياده

[مونس]

مبروووووووووووووووووووووووووووووك بس كانهم منزلين الراتب من وهل؟؟؟ الي اعرفه 26

الحمد لله .. ترى الرواتب يرسلونها للبنوك في ثاني اسبوع من الشهر والبنوك تشتغل فيها لين 25 الشهر وتنزل الرواتب .. راجعوا حساباتكم ..

[مونس]

صحيح نزلت الزيادة ووصلني مسج
وراح أحافظ عليها أن شاالله

مثل ما قالوا .. احفظ القرش الابيض لليوم الاسود .. يعلك ما تشوفه..

[مروج قطر]

الف مبرووووووووك الله يعطيك خيرها و يكفيك شرها

[مخطط قطري]

الله يوفقك وكثر الله خير على الغداء في فندق شرق وهني وعافيه يارب ومبروك انشالله منها الىالاعلى شوف ياذيب بنسبة لراتبك اول حاجه زيد المبالغ ليتامى اشووي بدل مايكون 100 مثلا زيدهم 50 او 100 وخلي نصيب من المبلغ حق اهلك هدايا كاش فرحهم اشوي وباقي افلوسك افتح حساب في مجموعه وكل فترة او كل شهر حط لحد ماتجمع وادخلها البورصه كا استثمار يعني كل سنة اخذ ارباح وبس ويالله يطرح فيك وفي راتبك البركة

[القحطاني505]

ما شاء الله تبارك الله

تستاهل أخوي والفال لنا طلاب الجامعات

ومثل ما قال(ت) الصاعقة اكفل لك يتيمًا أو يتيمين وستجد الأجر والثواب والبركة في راتبك إن شاء الله

[مونس]

الف مبروك ، وبالنسبة للراتب وش تسوي فيه عط أبوك ثلث وأمك ثلث وثلث لك :)

لا تحاتي .. ماني مقصر عليهم بشي ..

[هارودز]

حاسب من الديون وتصدق بالمبلغ ولو جزء بسيط
الف مبروك

[وحيد-الشوق]

اذا كنت مرتاح مع راتبك قبل الزيادة شيل الزيادة ولاتفكر فيها هذي الطريقة الي بسويها ان شاء الله

[مونس]

عليك بالشكر لله على نعمته .

ونصيحتي :


: "ما نقص مال عبد من صدقة"، .


فالمال لا ينقص من صدقة، وربنا تدرج معنا رب العباد ، فبدأ بقوله: {لله ملك السماوات والأرض}، ثم ملكنا وقال: {وأنفقوا مما رزقناكم}، ثم قال: {وما أنفقتم من شيء فهو يخلفه}، فجعله لنا ورغبنا في النفقة ثم يخلفه، ثم تدرج معنا فقال: {من ذا الذي يقرض الله قرضاً حسناً}، فالله الذي ملكك وأعطاك يستقرضك! وهذا من كرمه سبحانه.

وأفضلهم كفالة اليتيم كما ذكر اخونا الصاعقة .

الله يبارك لكم ويزيدكم من فضله.

زادني الله من نعيمه .. اللهم لك الحمد والشكر ..

[بوخالد911]

الله يجعلها زيادة خير

حاسب من الديون والبطرة الزااايدة
والحمد لله أولا وأخيرا ..........

[القطو السمين]

الله يزيده من نعيمه اللي زادنا اول ماتجيني الزيادة بخش منها

[basma222]

الف مبرووووووووك الله يعطيك خيرها و يكفيك شرها

[هنت المهونه]

على البركه

كبر مجلسك واكرم ضيفك ..

واعمل لاخرتك ..

[nor85]

مبروك والفال لنا وللباقي إحنا ننتظر السلب تأخر علينا هذا الشهر حتى مش عارفين بتنزل هذا الشهر او لا

[pink pearl]

بس اليوم 25 تو الناس !
على العموم اسجد لله شكر ، واكفل لك أيتام من باب شكر نعمة المال، والله يزيدك ويبارك لك في مالك وأهلك ، والحمدلله على كل شي أولاً وأخيراً*

[ahsees]

صباح الخير

مبرررروك

اذا مو فاتح لك توفير افتح لك توفير وحط الزياده فيها ... راح ينفعك اذا حتاجتها ..

وبتوفيق للجميع

[الليل]

قبل كل شي عليك بالصدقة عسى الله أن يبارك لك في مالك , و كما قال الرسول صلى الله عليه و سلم " ما نقص مالٌ من صدقة "

[راشد محمد]

الفال لنا

[cavok]

على البركة

[رذاذ]

الف الف مبروك وتستاهلون ياهل قطر

الفال للباقي انشالله

[الاجتماعي]

طلع زكاة الراتب .. وهي زكاة مستحفة على الرواتب الشهرية كما افتى بذلك العلماء وذلك بعد ان تخرج من الحسبة الاشياء الضرورية من الراتب والسلفيات وتخرج من المتبقي 2,5% وتستطيع اخراجها شهريا او مرة في السنة والاسهل لك ان تخرجها شهريا .. وترة المبلغ مب وايد يعني لو صفى لك 10 الاف تطلع زكاتهم 250 ريال .
تحياتي

[الـخـالـدي]

السلام عليكم ورحمة الله وبركاة

وسط زحمة المعاملات وكثرة الاتصالات ولغلاغة المراجعين :telephone: جاني مسج من البنك .. طوط طوط .. يوم فتحت المسج ولا الراتب النازل في الحساب زايد .. اي والله و الزياده حلوه بس شلون اصرف الراتب؟

مادري ارتب حق سفره .. ولا اخذ لي سياره جديده .. ولا اشرايكم؟

رايي انك تتصدق بجزء بصيط منه ولا تكفلك يتيم .. ترى ماراح يكلفك شي عشان الله يبارك لك في ما عطاك ويزيدك من خيره

:)

[فاطمه55]

مبروك الله يهنيك ان شاء الله اتسانس فيهم ونصيحه بدون قروض وديون وان شاء الله تشملنا احنا بعد يارب

[الاجتماعي]

مبروك الله يهنيك ان شاء الله اتسانس فيهم ونصيحه بدون قروض وديون وان شاء الله تشملنا احنا بعد يارب

آآآمييين

[روعة الجوري]

اكفل يتيم وتصدق وعط امهاتك خل يتبارك معاشك

ووفر لك كمن بيزة عشان فعلا تعرف شتسوي بها

[مونس]

مبروك الله يهنيك ان شاء الله اتسانس فيهم ونصيحه بدون قروض وديون وان شاء الله تشملنا احنا بعد يارب

أأأأأأأأأأأأأأأمين الله يبارك لج لاتوصين حريص كفايه ماجاني ان شاء الله شامله الكل

[قطري متواضع]

الله يبارك لك فيها

حنا في قابكو نزل اليوم في السيستم والله كريم انشاء الله الشهر الجاي اثر رجعي

[مشتاقة لقطر]

مبروووك وتستاهل

هالشهر ريح نفسك ودلعها


بس من الشهر الياي فكر بالتوفير شوي الين جاك ظرف والا سفرة والا مواجيب يكون عندك رصيد حليو

[جرير]

يعني شنسوي لك فرحان انه نزل راتبك . . . الحمد لله والشكر

ان شالله كل هل قطر بتنزل لهم الزياده . . .

وبعدين كم راتبك انت عشان تشتري سياره حسستني انك وزير مثلا

سو برودكاست وطرش حق العالم كلهم . . . وحط فيه نزل راتبي

احمد ربك على النعمه اللي انت فيها غيرك عايش وضع صعب



















.











عايش وضع صعب بين انه ينزلون له الزياده هالشهر او الشهر الجاي :weeping:

على العموم عليك بالعافيه . . . وان شالله تستانس بالراتب وتونس غيرك

يعني اذا فيه يهال عندكم عطهم كل واحد 3000 ريال او 5000 ريال

جذي بيخلص الراتب :eek5:

خلهم يشترون العاب ويحسون بالزياده بعد . . . الله الله في الخدم

كفاله يتيم . . . صدقه جاريه على الماشي . . . ممكن وانت تقرا

هالرساله عالسريع طرش حق كيوتل الرقم اللي تتصدق فيه

92133 مسج فاظي ويخصمون منك 25 ريال على الماشي

الله يزيدك ويوفقك ويكثر راتبك

(( ترى االدعوه غشمره . . . مزح . . . وسع خاطرك ))

[بونو]

مع احترامي لك حبيبي ... الرواتب ماتنزل يوم 25 !!!!!!!
ـ اذا كنت محظوظ يوم 26 بالليل او 27 ....
ـ ولا اشرايكم يالربع ؟؟

[panda]

طلع زكاة الراتب .. وهي زكاة مستحفة على الرواتب الشهرية كما افتى بذلك العلماء وذلك بعد ان تخرج من الحسبة الاشياء الضرورية من الراتب والسلفيات وتخرج من المتبقي 2,5% وتستطيع اخراجها شهريا او مرة في السنة والاسهل لك ان تخرجها شهريا .. وترة المبلغ مب وايد يعني لو صفى لك 10 الاف تطلع زكاتهم 250 ريال .
تحياتي

http://www.saaid.net/Doat/binbulihed/f/178.htm

[panda]

السلام عليكم ورحمة الله وبركاة

وسط زحمة المعاملات وكثرة الاتصالات ولغلاغة المراجعين :telephone: جاني مسج من البنك .. طوط طوط .. يوم فتحت المسج ولا الراتب النازل في الحساب زايد .. اي والله و الزياده حلوه بس شلون اصرف الراتب؟

مادري ارتب حق سفره .. ولا اخذ لي سياره جديده .. ولا اشرايكم؟

بالبركة ان شاء الله:nice:

[بوراشد82]

أفتح حساب توفير وقط فيه مبلغ شهري وأنساه ...

[nor85]

الراتب يمكن نزل عندهم في الشغل السلب وغالبا السلب ينزل تاريخ ٢٥ او / ٢٦ واهو نزل عنده وعرف انه الزياده بتنزل هذا الشهر بس والله اعلم الاغلبيه الشهر الجاي الضباط والمؤسسات البترولية والغاز كلها الشهر وشكل مؤسسه حمد معاهم بعد بكره راح تتضح الرؤيا اكثر

[الكادي99]

اي وزارة ما تنزل رواتبها الا بعد 27 من الشهر....اعتقد اللي نزل مكافأه على شئ

[بيانو]

تستاهلون ياهل قطر كل خير

وبارك الله في سمو الأمير حفظه الله

وعليكم بالزكاه والصدقه من أول راتب ينزلكم هذا الشهر بعد الزياه

جميع اللى نزلهم الزياده الفعليه بالله عليكم زكو منها أول ماتخرج من مكينة البنك

ولا تقول بأجلها الشهر الجاي لاني عندي إلتزامات - لااااااا - إعتبرها أنت ماجت هذا الشهر وقم بالزكاه منها

ليبارك لكم الله فيها

وإنتبهو الله يخليكم لا تتسرعو فى أخذ القرارات بعد الزياه
اللى يجري على البنك ويطلع سياره واللى يسافر واللى ...... إلخ

إستأنسو ولكن بلا هموم جديده - هموم = ديون

الله يفكنا منها جميعاً ويهومن علينا ونخلص من القروض اللى علينا ملنا والله منها ماتبى تخلص :(

وجزاكم الله خير

[alghalya1]

ان شاء الله بتصدق بجزءمنها والباقي على طول بحولة على حساب التوفير
الله يبعدنا عن الديون

[مــــلاك]

اذا كنت مرتاح مع راتبك قبل الزيادة شيل الزيادة ولاتفكر فيها هذي الطريقة الي بسويها ان شاء الله



عجبني هالرد ... مع بعض الردود الي تكلموا عن كفالة اليتيم وعن الصدقه ..

بالنسبه لي مابيتغير شي ان شاءالله
وبحط جزء كبير منها توفير

[ذيب ولد ذيب]

تبرع بجزء من هالزياده للصومال او غيره واكفل لك كم يتيمين بـ 300 حتى لو كنت كافل قبل ,, ولاتنسى ابوك وامك واهلك من الهدايا البسيطه ,,

واذا تبي مشروع كبير ابني لك مسجد في افريقيا بـ 40الف , والله في قرى في افريقيا ماعندها مساجد مثل الناس وينقهرون من المسيحيين اللي الكنيسه تبني لهم افضل الكنائس مع مدارس ومستشفيات عشان تنصر المسلمين وغيرهم ,,

او على الاقل ابني بير ماي في الصومال او غيرها من الدول مايكلفك 15 الف ,,

والله يبارك لنا في هالزياده

[استغفرالله]

بالمبارك- الله يباركلك في الراتب والزيادة وعقبال الباقي

[ABO MUBARAK]

السلام عليكم ، انا اقول تصدق على شان ربي يبارك لك .

[بصمة قطرية]

الف مبروك أخوي تستاهل
و الفال للباقي يفرحون بالزيادة ان شاء الله .

ماشاء الله الاعضاء ما قصروا بالنصايح الحلوة ..
وانا اقول لك زيادة عليهم ..
خصص جزء من المبلغ ووزعه على اللي حولك ..
بالذات اللي ما يشتغلون ..
القراب منك حتى الخدم ,,
فرح قلوبهم ..

[QatarSafety]

بالنسبة للشركات لين الحين مانزل شي بالسيستم
وعلى العموم الله يهنئيكم بالزيادة ان شاء الله.
بس صدقوني اهم شي الراحة النفسية يا شباب الله يبعد
عنكم الشرق اسئيووووين والجنوب افريقيييين وملحقآتهم
الي مايحبون القطرييييين.
*_*

[شـعـشـبـونـه]

الف مبروك

افتح حساب توفير والزياده في راتبك خلها فالتوفير وانساها

لاتغير شي في صرفيتك القديمه ولا تتعود عالراتب الجديد

نصيحه لله وانت بكيفك :victory:

[ريتويت]

الفال لنا انشالله يااااارب

[khaleeji]

عطني اياها بجمعها لكescape

[sendarala]

بالمبارك على الزيادة

رايي الشخصي اذا ما عليك ديون وفرها


ما تدري بالمثل اللي يقول ( القرش الابيض ينفع في اليوم الاسود ) والله يبعد عنك سواد هذه الايام

[هبوب الكوس]

حولها في حسابي بستثمرها لك :telephone:

[العساس]

دلع نفسك

[ابن قطر]

مبروك وتستاهل اخوي ابتعد من الديون وكل اهل قطر يستاهلون والله يطول بعمر سمو الامير وولي عهده الامين

والله يجيب الخير لنا جميعا

[hamad almohd]

ههههههههه مونس نف الشعور بصراحه قمت الفرحه والوناسه الله يديمها علينا من نعمه ويحفظ لنا اميرنا وبلادنا

[هدى ورحمه]

النعمه زواله فأستعن على قضاء حوائجك بالكتمان


وترى لولا الحسد ما مات احد


وبالبركه

[Qt.1]

السلام عليكم ورحمة الله وبركاة

وسط زحمة المعاملات وكثرة الاتصالات ولغلاغة المراجعين :telephone: جاني مسج من البنك .. طوط طوط .. يوم فتحت المسج ولا الراتب النازل في الحساب زايد .. اي والله و الزياده حلوه بس شلون اصرف الراتب؟

مادري ارتب حق سفره .. ولا اخذ لي سياره جديده .. ولا اشرايكم؟

اول شي تستاهل كل خير , لكن اخوي منزل موضوع اتقول الراتب نزل شسوي فيه رايكم !!

يعني انت كاتب موضوع اتقول للناس تعالو قولو لي شسوي في الفلوس !!

اسمح لي بس موضوعك غريب بصراحه !!

[للصبر اخر]

مبروووووووك لكل اللي ياتهم الزيااااادة
تستاهلوووووون كل خير

[Abdulraman]

تستاهل الزياده
انا نزل راتبي بس بدون زياده في الاساسي زادوني في الاجتماعيه فقط
القانون الخربوط في تفسير المربوط

[ولدالمنتدي]

الف مبرووووووووك

[مونس]

الراتب يمكن نزل عندهم في الشغل السلب وغالبا السلب ينزل تاريخ ٢٥ او / ٢٦ واهو نزل عنده وعرف انه الزياده بتنزل هذا الشهر بس والله اعلم الاغلبيه الشهر الجاي الضباط والمؤسسات البترولية والغاز كلها الشهر وشكل مؤسسه حمد معاهم بعد بكره راح تتضح الرؤيا اكثر

الراتب نزل في البنك يوم 25/9/2011 الساعة 11-30

[مونس]

مع احترامي لك حبيبي ... الرواتب ماتنزل يوم 25 !!!!!!!
ـ اذا كنت محظوظ يوم 26 بالليل او 27 ....
ـ ولا اشرايكم يالربع ؟؟

الحمد الله كل شهر تنزل الواتب عندنا ..... يا 24 او 25

[سارونه]

الف مبروك ، وبالنسبة للراتب وش تسوي فيه عط أبوك ثلث وأمك ثلث وثلث لك :)

:nice::nice::nice::nice::nice::nice:

احسن نصيحة توجهت لك - الوالدين احرص على رضاهم وبرهم ولا تبخل عليهم

بارك الله لك في راتبك ..

[مونس]

اي وزارة ما تنزل رواتبها الا بعد 27 من الشهر....اعتقد اللي نزل مكافأه على شئ

لا الله يسلمك احنا يا .....24 او 25

[Abdulraman]

مع احترامي لك حبيبي ... الرواتب ماتنزل يوم 25 !!!!!!!
ـ اذا كنت محظوظ يوم 26 بالليل او 27 ....
ـ ولا اشرايكم يالربع ؟؟

الاخ شغال في البنك المركزي
يالحبيب في بعض البنوك تنزل الراتب تاريخ 23 و 24 25 لا تسوي نفسك بالعريف وانت ماتعرف شي

[ريتويت]

اليوم نزلو الرواتب.. بس مازادونا مع الاسف

الحمدلله على كل حال

[Abdulla Al.F]

الف مبروك للكل ..

انا راتبي ناقص .. ههههههه !! ^^

[صدى الحق]

المؤمن كيس فطن

بداية مبروك عليك الزيادة قبل الكل :)

وانا اخوك لاتنسى نفسك من أجر التجارة مع الله

وتذكر ( والكلام للكل ) اول ما تستلم الراتب تقول اللهم بارك لي فيه

ونكررها كل شهر يوصلنا خبر نزول الراتب فوالله ان في هذا الدعاء مفعول مايعرفه ويحس فيه الا اللي تعود عليه كل شهر

اسألوا مجرب .

[صدى الحق]

:fight: كح كح كح :fight:

لا حول ولا قوة الا بالله يالربع انا دخلت على الموضوع ورديت من غير ما اقرا الردود وليتني ما قريتها ولا مريتها

غبرة وعفسة وعقال طاير وغترة مشققة

شسالفة وايش اللي صاير

ترا صاحب الموضوع دخل يبشركم ويفرحكم

لكن البعض ما يعجبهم شي لازم لافتة خالف تعرف

الحين متى نزل وكيف نزل والطلام اللي دار كله وش الفايدة منه غير مضيعة وقت

كلمة مبروك والله يبارك لك كفاية وفيك الخير لوزدته بدعاء .

[الفهد1]

مبروك وراجع الخاص بقولك شتسوي في الزيادة امزح معاك ومبروك مرة اخرى

[سارونه]

اليوم نزلو الرواتب.. بس مازادونا مع الاسف

الحمدلله على كل حال

:nice::nice::nice::nice::nice::nice:

واحنا بعد مالنا زيادة رواتب - نزلو الرواتب يوم 25 - الحمد لله

وربي يفرح الي زادوهم ويحسنون بالتصرف السليم بالراتب ..

[qaswed]

انصح كل واحد في بنك ربوي ان ينقل حسابه لبنك اسلامي ويفتك من الحرام وهذي فرصه للي كانت رواتبهم ماتسمح لهم ينقلون

والله يوفق الجميع

[nor85]

واحنا بعد مافي زيادة :(

[صدى الحق]

انصح كل واحد في بنك ربوي ان ينقل حسابه لبنك اسلامي ويفتك من الحرام وهذي فرصه للي كانت رواتبهم ماتسمح لهم ينقلون

والله يوفق الجميع

صدقت الله يحرم خطاك على النار

واجب عليكم بارك الله فيكم ياللي مازالت رواتبكم في بنوك ربوية

ليبيا الغت التعامل مع الربا واغلقت كل البنوك الربوية ان شاء الله يتحقق هذا عندنا قريب .

[وافق شنن طبقة]

رساله البنك طولت ماجاتني. ليكون نسوني

[chillis]

يعني لازم تصرفه جمعه

[أبـوسعـود]

مبارك عليك اخوي

عندي وجهة نظر يالغالي الله يشهد مااقصد اي شي اخر

الموضوع يمكن يثير مشاعر كثير من الناس

منهم الفقير او المديون او اللي رواتبهم بسيطه وعندهم عيال لان الانترنت مفتوح للجميع

الغني والفقير لو يكون الموضوع اقتراحاتكم لافضل استغلال للزياده

والله اسف ماقصد اكدر عليك ومبرووووووك يالغالي

اهم شي الوناسه ماتكون فيها معصيه لله

وعقبالنا الشهر الجاي باثر رجعي هههههه

[كبير المتداولين]

تصدق فأن الصدقه تطفى غضب الرب

[الـقـاسـي]

احسن حل مدام انك الحمد لله ماعليك ديون حول مبلغ الزياده لحساب توفير مدام انك متعود على راتبك القديم وومشي امورك ولو تقدر تزيد شوي المبلغ ابرك لك ..

وشوف بعد فتره بتحصل مبلغ حلو متجمع لك ..

[أخت الغالي]

حتى أنا نزلت لي (: (:

ومبرووووووووووووووووك

[نتفـه]

بالمبارك تستاهل اليادة اخوي .. ننطر الراتب ولو اني ما اتوقع القى فيه شي زايد .. بس الله كريم ,, :)

[nor85]

اغلبيه الناس مانزلت لهم هذا الشهر والجرائد كاتبين الاغلبيه نزلت لهم مادري من وين مصادرهم

[pink pearl]

مانزل شي للحين :/

[nor85]

الداخليه مانزلت ومؤسسه حمد مانزلت وراس غاز مانزلت اللي اعرفه المجلس الاعلي نزلت

[رمــش الغلا]

ألف مبروك والله ايهنيك بالزيادة

احنا مانزلت لنا :( الله كريم
الشهر الجاي بأثر رجعي

[أبو راكان]

لاجاني اشعار راتب من جهة عملي ولا نزلي شي فالحساب

[استغفرالله]

مانزلت الزيادة

[فيزيائية]

مبروك لنا ولك
باول زيادة لازم نشكر الخالق عليها
فمشروع صغيرون للآخرة وصدقة حلوة تبارك فيها
ولاننسى خدمنا وعيالنا ووالدينا
واشتر اللي بخاطرك اهم شي بدون اسراف

[basma222]

مانزل شي للحين

[بوجسمه]

الحمد لله انزلت الزياده هاي الشهر :-)

[السهم الملتهب]

الحمد الله وشكر لله سبحانه عز وجل


أنزلت الزيادة اللهم لك الحمد والشكر


:victory::victory::nice:

[ahsees]

السلام عليكم

اليوم بجريده الرايه كاتبين راح تنزل الزياده الاسبوع الجاي ..

والله كريم

[nor85]

الاسبوع الجاري مش الجاي

[السهم الملتهب]

السلام عليكم

اليوم بجريده الرايه كاتبين راح تنزل الزياده الاسبوع الجاي ..

والله كريم


أخوي الاسبوع الجاري تعني في اللغة العربية الاسبوع الحالي :nice:

وليس الاسبوع الجاي أو القادم :)

على كل حال نزلت الرواتب وفيها زيادة ولله الحمد والمنا:nice::nice:

لي ولبعض أصدقائي

واللي مانزل راتبه اليوم أكيد بكرة أو بعد بكرة وان شاء الله فيها الزيادة المقررة من الحكومة :nice:

واذا مانزلت الزيادة فالشهر القادم ستنزل لا محالة وبأثر رجعي شهرين وبتكون أحلى وأحلى:nice::nice:

[مهره]

الف الف مبروك من راي اول راتب افرح فية تنغنغ والي عقب وفرة وسو لك مسجد احسن استثمار

[mannoo66]

خذها نصيحة اصرف اللي تعودت تصرفه من راتبك قبل والباقي وفررررررره ..ماتدري متى تحتاج هالفلوس زواج بنيان سياره سفر علاج الله لايحوجك ......وقبل كل شي تصدق بمبلغ عشان ربي يبارك لك فيه

[بنـ الدحيل ـت]

الحمدلله الذي بنعمته تتم الصالحات

[أخو من طاع ربه]

الله يطرح فيه البركه

تصدق لو جزء منه عسى الله يبارك فيه

[بنت الأجوادQ]

في حد يعرف متى بتنزل زيادة المتقاعدين والمحتلين للبنك المركزي هل لهم زيادة؟؟ ارجو الرد

[بنت الأجوادQ]

قصدي المحولين للبنك المركزي هل بتنزل لهم زيادة هالشهر ؟

[مونس]

تستاهلون يا أهل قطر
والله يزيدكم من فضله ونعيمه
والنعم تستاهل الحمد والشكر
الف حمدلله يا رب العالمين

[مـراحـب]

الشهر الجااي

بحوول الله مع المعاااش الجاااي

ههههههههههههههه