ارتفاعات كبيرة في اسعار السيارات المستعملة

[S350]

مساكم الله بالخير

يمكن الكل لاحض زيادة اسعار السيارات المستعملة خصوصا التويوتا بشكل خاص هل زيادة الرواتب لها دور كبير في ارتفاع الاسعار بسبب توفر السيولة لديهم

كا مثال بسيط الكروزرات هل يعقل لاندكروزر موديل 2006 فئة استاندر ينباع بسعر 100 الف وبعضهم مبيوعين على 97 الف وغيرهم الكثير


وعلى حسب شخص بالوكالة قال ان الجي اكس 2012 بيكون سعرة 206 ولستاندر بيكون سعرة 176 الف


ياليت انشوف اراء اعضاء المنتدى

[rashid_qatar]

الاسعار كل شهر تزيد مع ان الين نااازل ولاكن الاسعار طايرة والشباب يقولون الوكالات ترفع الاسعار ومعارض السيارات يشترون كمية سيارات ويساهمون في رفع الاسعار يعني لقطري يشترك في رفع الاسعار

[يكفيني]

الله يعين على هالوكالات

[al-obaidly]

وبزيد بعد زياده

[سهم سهم]

خلوهااااااااااااااااااا اتصدي

[محمد77]

صح خلوها تصدري بس لو تحسب النسبه فءه قليله ممكن ما تشتري والبقيه بتاخذ يعني مافي فايده

[بوعلي-Qtr]

يالربع انتوا كل شهر تشترون سياره ؟
اخبر الهدد اللي عندنا كرفناه كرف اليهد لين ماخبط .. بعدين خذنا غيره
انتوا اركدوا شوي عشان الاسعار تثبت او تنزل
ومب شرط كل مانزل موديل شريتوه .. الموديل اللي قبله شزينه اللهم الخط والشبك يفرق بس الناس تحب الخساير

[طاش]

المشكلة فينا مب فيهم المفروض يقاطعون الوكلات الي ترفع الاسعار لو شهرين وراح اتشوف الاسعار راح تنزل بشكل كبير

[sos 12]

يالربع انتوا كل شهر تشترون سياره ؟
اخبر الهدد اللي عندنا كرفناه كرف اليهد لين ماخبط .. بعدين خذنا غيره
انتوا اركدوا شوي عشان الاسعار تثبت او تنزل
ومب شرط كل مانزل موديل شريتوه .. الموديل اللي قبله شزينه اللهم الخط والشبك يفرق بس الناس تحب الخساير

معك بقوة ...

[بني تميم]

المشكله مش في الوكاله

المشكله في الشعب

وتجار طرق سلوى الي مايخفون الله

عيل اناااااا مجنون اشتري جي اكس 2011 ب 190 الف 6 سلندر

على فكره الي يقووول ان ماافي بيت في الدوحه م فيه موتر تويوتا غلطان

بيتنه ولا موتر تويوتا ولا لكزس

الماني و امريكي :victory:

[مستثمر111]

ماله علاقه ارتفاع الرواتب الي ارتفع السيارات الجديده مثلا الفي اكس ار اذا نزل ب٣٠٠ بتحصل المستعمل موديل ٢٠١١ ب ٢٧٠ تقريبا ونفس الكلام على النيسان علشان كذا صار المستعمل مرغوب اكثر ارتفع من ٢٧٠ الجديد الى ٣٣٩ الف ادى هذا الى ان النيسان اليوم المستعمل ينباع من ٢٣٥ الى ٢٥٠ على حسب الموديل والنظافه المفروض حمايه المستهلك تتدخل وتمنع الاحتكار وتحط ضوابط والكلام الفاضي الي يقولونه انه الين ارتفع كلام فاضي الين والدولار كل يوم يرتفع وينزل بس عمره الارتفاع ما سوى هذي الفجوه في الاسعار وبعدين بامكان وزاره التجاره التحكم بالاسعار الان التجار يقدمون فواتير خاطئه للجمارك ويدفعون جمارك اقل من حق الدوله شلون يجيب اف جي ويجيب فاتوره ب ٦٠ الف تقريبا ويبيعها ب ١٤٠ يعني مسوي ربح اكثر من ١٠٠٪ وهذا خداع على المال العام المفروض وزاره التجاره تقول له على فاتوره الجمارك لك ٢٥% ربح فقط تشمل رواتب موظفين ومصاريف تشغيليه بيصفى له ١٢٪اقل شي ربحه
وشكرا *

[التميمي 3]

خلوها تصدي والموديل تعدي

[عيد823]

والله تفاجات من ارتفاع الأسعار
من يومين واحد من الربع بايع جي اكس أر موديل ٢٠٠٦ ب ١٠٥ الاف ريال ، أشوف السعر وايد مبالغ فيه ( الله يهني الشاري والبايع ) ، بس من كم شهر بعنا جي اكس أر ٢٠٠٧ ب٩٠ الف ريال .
شوف الفرق ، وهذا في اعتقادي من توابع زيادة الرواتب والقادم امرررر . *

[الـقـاسـي]

انا ودي اعرف هالمواتر كلها وين تروح كل سنه تنزل سيارات بالاف والشعب كله 300 الف وين تروح هالسيارات هل الناس ياكلونها بعد مايخلصون منها ولا شيسوون ..

في ناس والله يشترون بدون حاجه انا كنت محتاج لموتر ولكن بعد هالارتفاع فالاسعار مب شاري يا اما نزلت اسعار السيارات وردت مثل ماكانت ولا خل عبدالغني يصور مع سياراته

اليوكن مافيه الا العافيه والتاهو ابرك منهم وباقي السيارات الامريكيه افظل وارخص وأجود من الياباني اللي وصل سعر الاستاندر 160 الف

[abu m7md]

كلامكم عين العقل
بس لاتزعلون من كلامي
كلامي هذا قلت في منتدى ثاني وبعيده هنا
مستتتتتتتتتتتتتتتتتتتتتتتتتتتتتتتتتتتتتتتتتتتتتتتت تتتتتتتتتتتتتحيل نتكاتف .
لانه فينى طبع مش حلو الكل يبي يركب احسن موديل مانبي حد مثلنا نبي نكون مميزين
لله الحمد من توظفت ماشتريت غير موترين اثنين بس وكلهم من الوكاله
واذا ببيع ابيع بقناعه مب طمع. ولله الحمد.
ياريت نكون هالمره يد وحده هذا احنى بس نتكاتف في المعاصي ماتكلم عن الكل عند البعض

اعتذر عن كلامي هذا
تقبل مروري
اخوك
ابومحمد

[AL_MUTAEM]

بصراحه شي غريب عجيب وخاصه للتويوتا ..

انا اعرف واحد من الربع اشترى بصيف السنه الماضيه gx من الوكاله بسعر 173 وباع الموتر قبل كم يوم واهو ماشي فوق 80الف بسعر 170 الله يهني الشاري والبايع بس ماتشوفون ان السعر مبالغ فيه .

خذيت لفه على المعارض طلعت الاسعار من هالسعر وفوق السؤاااااال ليش ؟؟

[برشلوني قطر]

بصراحه شي غريب عجيب وخاصه للتويوتا ..

انا اعرف واحد من الربع اشترى بصيف السنه الماضيه gx من الوكاله بسعر 173 وباع الموتر قبل كم يوم واهو ماشي فوق 80الف بسعر 170 الله يهني الشاري والبايع بس ماتشوفون ان السعر مبالغ فيه .

خذيت لفه على المعارض طلعت الاسعار من هالسعر وفوق السؤاااااال ليش ؟؟


:rolleyes2::rolleyes2::rolleyes2:

اسمحلي اخوي بس الي شاري الموتر مادري اشلون يفكر..

استعمل المووتر اكثر من سنه وماشي 80 وخصر 3 الاف..

كيف ماتبي تزيد الاسعار دام هذا الي صاير..

الله يبارك للبايع والمشتري

[السد]

دام بعض التجار في منتدانا
الله يعينكم

[فهد العذبة]

انا اشتري وابيع فيها صراحة من فترة بسيطة والي لاحظتة ان الناس بعد رافعة اسعار سياراتهم موب

المعارض بس يعني نشتري غالي ونبيع غالي عشان ربح بسيط

[مساهم الشبكه]

هههههههههههههههاي لشريطيه يقرووووون بدون مايعلقون ...شكل هالنوع من المواضيع يزعجهم

[alhajri-100]

^^^^^


انشهدد ضاربته حله الحين ههههههههههههههههههههههههههههههه

[qtr1]

انتو بس لو تسوون حمله على الفيس بوك نفس اخونا السعوديين بس تكون صفحه عربي وانجليزي للمقاطعه وتكون من قطر لمقاطعة التيوتا والاسباب كثيره منها الاخطاء المصنعيه الي هي دعسة البترول الي تعلق ومات بسببها ناااس والاسعار المرتفعه من غير مبرر واحتكار الوكيل للسلعه يعني شالفرق من التضامن والطارق وعبد الغني كلها شركه وحده ويبيعون ع بعض يعني شوفو ياشركة تيوتا الام المبيعات عندنا في زياااااده والسياارت عندهم بالحوطه ومن غير التعاون بينهم وبعض المعارض تصريف السيارات والعموله بالنص فا لو صملنا بالمقاطعه صدقوووني ترا الوسيله الالكترونيه اقوى من اي وسيله ثانيه

[qtr1]

http://www.facebook.com/pages/%D8%A7...164483?sk=wall




رابط المقاطعه ع الفيس اخذته من موضوع اخونا المحاسب

[بويعقوب]

السلام عليكم ورحمة الله وبركاته ..


اخواني الاعزاء ,,


(( كلمة الحق تجرح ))

المشكلة فينا احنا وسببها الطمع الله يكفينا شره ويرزقنا القناعه في امور الدنيا


مثال : سياره تسوى 50 - 55 ألف
يعرضها بــ 75 ألف (( يمكن تجيب الــ 65 ألف ))

هذا مثال من شخص مستخدم ويمكن يكون المالك اول للسياره

وبعض اصحاب المعارض و بعض التجار الله يهدينا واياهم

نفس المشكله عندهم , الطمع والمدخول السريع

سياره جديده شاريها من الوكاله بــ 208 آلاف

بس لأنه سمع ان الشركة ماعندها كميه متوفره وقبل العيد الناس محتاجه تبغي تكشخ

رفع السعر من 208 آلاف الى 220 ألف

هذا احتكار عيني عينك وطمع وجشع والعياذ بالله


والله يشهد اني ماقلت هالكلام الا من باب النصيحه ..

والعذر والسموحه منكم ..

[alhajri-100]

اي والله انك صادق يالغالي
وانا اولهم رايح الوكاله ابي احجز
الفيكسار ٢٠١٢ قالو لي كامل بعد الخصم ٢٨٢٠٠٠
بس انا معذور ماعندي موتر الا جي اكس ٢٠٠٢ للمقناص ومكسر الله يعين بس

[نشمي 2022]

المشكله مش في الوكاله

المشكله في الشعب

وتجار طرق سلوى الي مايخفون الله

عيل اناااااا مجنون اشتري جي اكس 2011 ب 190 الف 6 سلندر

على فكره الي يقووول ان ماافي بيت في الدوحه م فيه موتر تويوتا غلطان

بيتنه ولا موتر تويوتا ولا لكزس

الماني و امريكي :victory:




معااااااااااااااااك وحالنا حالك

[asulaiti]

الحل الوحيد هو كسر الإحتكار .. والسماح لتعدد الموزعين وورش تقديم خدمة الصيانة عند الموزعين ..

وعلى شركة تويوتا الأم أن تعمل بنفس سياسة جنرال موترز .. ضمان دولي .. أو حتى ضمان الخليج العربي على الأقل ..

وهنا ستبدأ المشكلة تنتهي تدريجياً .. إذا علم الوكلاء أن بإمكان شعوب المنطقة أن تشتري من أي وكيل آخر أو
موزع محلي آخر ..
وبالتأكيد ستبدأ حرب الأسعار والتخفيضات .. وستتحسن خدمة مابعد البيع .. وفي الأخير الكل رابح ..
التاجر والمستهلك ..

أما مسألة وجود وكيل واحد .. بالتأكيد هو الذي سيتحكم بالسعر .. والضحية هو المستهلك ..

[الجوكر90]

السلام عليكم
الحمدلله مع ان موتري مب عاجبني وكنت افكر اخذ تيوتا بس يوم شفت الجي اكس ب175 الف 2010 هونت هالسالفه العام
وتميت ع موتري وبخليه لين السنه الجايه وبعدين ببيعه وباخذ لي موتر نيسان او لكزس بس افكر من عمان ارخص واحسن
وبالتوفيق ان شاء الله

[Alpinestars]

الشريطيه اللي في خط سلوى اهم اللي خربو السالفة

مثلأ / يشترون السياره من الوكالة 200 يعرضونها ب 230 هم اللي ساعدوا الوكالات على رفع الاسعار

الطمع و من طمع >>> طبع

الله المستعان

[بويعقوب]

الشريطيه اللي في خط سلوى اهم اللي خربو السالفة

مثلأ / يشترون السياره من الوكالة 200 يعرضونها ب 230 هم اللي ساعدوا الوكالات على رفع الاسعار

الطمع و من طمع >>> طبع

الله المستعان

كلامك صحيح 100%

بس بعض الاشخاص الله يهديهم ماعندهم نية البيع , يقوم ويعرض موتره من باب الملل واللقافه يبغي يعرف كم يجيب في السوق وطبعا السعر يكون غالي لانه مايبغي يبيع .

المشكلة تصير اذا انباع الموتر العالم تظن ان هذا سعره في السوق , والكل يعرض موتره بسعر جنوني مثل اخونا في الله .


الحل : عدم عرض السياره سواء في معرض او موقع الا بالسعر المعقول المتعارف عليه
إلا في بعض الحالات الخاصة مثل سياره مخزنه أو كلاسيك أو نادره أو. . . . الخ

والله يكفينا واياكم من شر الغلاء الفاحش

[تمون]

اترك لكم التعليق

http://www.qatarshares.com/vb/showthread.php?t=487514