مطعم هيديارد طريق سلوى زيادة عيني عينك

[mE mYself & i]

http://www.2bb.me/0924-1316882387.jpg


أشوف الكل زاد أسعارة ولا في أي تدخل من أي جهه

الظاهر الكل راضي

[مسك روز]

من زينه عشان يزيد اسعاره

ترى الزياده للحين ماشفناها والله

شفيهم مستعيلين

[عيون الدوحة]

وش زين اكل البيت

[al saad]

انا اخر مره رحت لهم حجزت الطاوله الي في الزاويه للحفلات ب ٤٠٠ من غير الاكل قبل كانت ببلاش والطلب عادي
شليته من لسته المطاعم الي عندي
^ـــ^

[اللورد]

سندويش. ب ٤٣. ؟؟؟. مبطي اشتريه

[بـارود]

ماعنده وقت يعدل المنيو :omg:
لهالدرجة وصل الجشع ؟!

[ريتويت]

حلاته والله اكل البيت نظيف ومرتب وارخص والله.. الي يعرف مايطبخ الا فالبيت ويبتعد عن المطاعم وغيره

[عيون الدوحة]

هههههههه توها ضاهرة الصورة عندي

دفتر مدرسة مب مينيو

[ابوعلي]

http://www.2bb.me/0924-1316882387.jpg


أشوف الكل زاد أسعارة ولا في أي تدخل من أي جهه

الظاهر الكل راضي

لأن متعودين التجار ان للأسف والسموحة على الكلمة ان بعض هل قطر حجي وبدون فعل ومتعودين على الدفع

ولو كل شخص شاف اي زيادة وامتنع راح نشوف التجار يراكضون ورانا ولكن الحين احنا نراكض وراهم

[الخيالة]

بسوي احلي سندويج دياي مع جبن في البيت بدون ما ادفع ٣٣ ريال المشكله ان أنا متأكده للحين في ناس بيروحون عيل ليش زادوا السعر والله لو صج في مقاطعه خلال اسبوع بتشوفون اشلون ينزلون من السعر بس هالمطعم وايد ناس أعرفهم يروحون عادي اللي تحب تفوشر أنا تريقت في مطعم الفلاني ولي الفندق بو سبع نجوم وماعرف شنو دام عندنا ناس جذيه هاذيله بيزيدون ولا هامهم

[Mohammed2]

الاسعار مكتوبه على ورقه خارجيه ولاصقينها في المنيو

اي واحد ممكن يلصق ورقه على المنيو ويحط السعر اللي يبيه

المفروض محد يتبع الاسعار اللي تتلصق على المنيو

وحماية المستهلك لازم تنتبه لمثل هذه الامور

[Dawn]

هذا المطعم يسوون سندويتشات بخبز مررر وياابس الله يعز النعمه والله انا ما اذكر كم دفعت للطلب بس كان المبلغ كبير لان طلبت فطور لصديقاتي في الشغل وافتشلت فيهم الصراحه لان طعمه ما يسوى ومن يومها ما طلبت منه ..
وكم مره جبنا كيك منهم علشان ما اظلمهم الشكل اوكيه لكن الطعم مب ذاك الزود ..والسعر ما يسوى ..
قاطعوهم ترا كل هالاسعار اللي تدفعونها علشان اللبنانيين اللي عندهم انتو مب ملزومين تصرفون عليهم .. المبلغ اللي بتدفعه في عشا من هالمطعم حطه في صدقه ابرك والله والا عطه مطعم يسوي اكل زين ..

[كازانوفا]

بالفعل جبت اكله ما عجبني
الحمدلله نعرف نطبخ ونسوي احلى الاكلات والسندويشاات

دعايه لكل ربة منزل اعتني بعائلتك ههههه

[امير الاسهم]

انا تقهويت عندهم من كم يوم وشفت المنيو والطريقة الي تضحك الي زايدين فيها الاسعار

استكرات تفشل لاصقينها على الاسعار الاصلية .

[eXpert*]

عاد شالمبرر لهالزيادة؟؟

يعني قبل مشينها وقلنا علشان أزمة العقار و أرتفاع الإيجارات !!

بس هالمرة شالسبب !! علشان زادوا القطريين !!

أشد على أيديّ أصحاب المقاطعة الأشاوس ...

تباً للجشعيين من التجار ،، وللعلم أغلبهم لا يمتّ للبلد بصّله . همّه يزيد المبيعات علشان يستلم أرباح أكثر بالنسبة .

[abdulla4u]

وعلى الدنيا السلام لحمايه المستهلك اهداء

[بوفاطمه]

طيب ياجماعة الخير المطاعم الي ترفع اسعارها نقاطعها ونعلم جميع ربيعانا عن هذا المطعم.
غير بيت الاكل والله مافي،صحي100% واكل نظيف مضمون.
نصحيتي للجميع يفطرو ويتغدو ويتعشو في بيوتهم احسن لهم.
مو اصحاب المطاعم يضحكو علينا.
انشاء الله يخسرون خلهم يرفعون اسعارهم ،وبعدين بكيفهم .

[أخت الغالي]

طيب أبل بيز وشيليز وأوبرا شخبارهم ؟؟؟؟

مافي زياده