من يبي كتبي القانون ..ياخذهم ,,,,,,

[ليــــــان]

السلام عليكم ورحمة الله وبركاته
الحمد لله تخرجت من كلية القانون جامعة قطر من 4 سنين
واحتفظت في كتبي عشان استفيد منهااا... بس انا حابه اتبرع
بهااا الحين للي محتاج كتب قانون
مع العلم انه احنا الطلبه كنا نشتري الكتب من الجامعه يعني ماكانت مجانيه
حتى لنا احنا القطرين كانت برسوم وكانت غاليه كتب القانون
ويوم صاروا يطبقون انه ندرس القانون القطري صاروا الدكاتره يحطون
ملازم ومذكرااات في المكاتبات وبعد نشتري وللعلم المواد نفس المواد ماتتغير والقانون نفسه مايتغير .
فاإي حد محتاج اي كتاب اي ملزمه لاي ماده في القانون اذا موجوده عندي ماعطيتهاا احد يطرش لي على الخاص او العام بس العام انا ماادخل المنتدى كل يوم وابشروا الي يبي بدال مايشتري يطرش لي شيبي من المواد وانا حاضره متبرعه بهااا لوجهه تعالى ماابي الا الدعاء
والف شكر لكم يااعضاء منتداي الاعزاء

[ساج الوقت]

يعطيك العافيه على هذه البادره الطيبه .. والله يوفقك ..

[شميرام]

أنا لين الحين ارجع حق الكتب ،،، اذا ما تستفدين منهم عطيهم حد يستفيد منهم احسن بس يمكن عقب ترجعين لهم او تحتاجينهم

[روح الاطلس]

يمكن تحتاجينهم لو فكرتي تكملين دراسات عليا؟! ولا ما في نية كلش :)

[(الفيصل)]

يبدو أن دخولك لهذا التخصص كان صدفة أو تحصيل حاصل
وليس رغبة (حقيقية ) منك

والا لن تفرطي في هذه الكتب فهي بمثابة مراجع لكِ بالمستقبل
وينبغي أن تكون في مكتبتك إلى أبد الأبدين

جزاك الله خيرا على مد يد العون لمن ربما سيكون مثلك بالدخول لهذا التخصص وربما سوف يفعل كما فعلتي بعد اربع سنوات أو أكثر ، والله لايحرمك الاجر.

[شنايدر]

انا ادرس قانون وفي حاجه لهم،

وممكن ادرس منهم وارجعهم لك اذا بغيت بعد . .

انتظر ردك، وجزاك الله خير

[ليــــــان]

يبدو أن دخولك لهذا التخصص كان صدفة أو تحصيل حاصل
وليس رغبة (حقيقية ) منك

والا لن تفرطي في هذه الكتب فهي بمثابة مراجع لكِ بالمستقبل
وينبغي أن تكون في مكتبتك إلى أبد الأبدين

جزاك الله خيرا على مد يد العون لمن ربما سيكون مثلك بالدخول لهذا التخصص وربما سوف يفعل كما فعلتي بعد اربع سنوات أو أكثر ، والله لايحرمك الاجر.

عزيزي الفيصل دخولي لهذا التخصص كان بكل رغبه وحب وللعلم انا حولت من صباحي بلاش وكان مجموعي يدخلني اي كليه بس سياسه الجامعه توديك التخصص على حسب المعدل ومن كثر حبي للقانون حولت موازي ادفع فلوس عشان اتخصص قانون والحمدلله تحقق لي حلمي
والسبب اني مابيهم لاني في شغلي كل الكتب القانونيه والمراجع متوفره لي وعندي المكتبه القانونيه في شغلي وخبراء ومستشارين قانونين يفيدوني في كل صغيره وكبيره غير الجرايد الرسميه الي كل ماصدر قانون اوتغير او مرسوم اوتعديل يطرشونه لي على طول
وهاذي الكتب عندي في البيت وماتستفيد منها في الحياه العمليه تستفيد منهااا بس في الدراسه وانا فكرت في غيري وحاليا مقدمه اوراقي للدراسات العليا الماستر ان شاءالله وراح استفيد من خبره المستشارين والقانونين الي معاي ماراح ارجع للكتب الدراسيه الي تنفع بس للدراسه فقط للحفظ
وانا عرضتهاا للي محتاجها يعني للقانونين الطلبه الي يدرسون قانون واعرف انه بعضهم محتاجهااا وانا قلت اني من 4 سنين خريجه يعني طول هالفتره مااحتجت اني ارجع لها لاني معتمده على المستشار القانوني الي موفره لي الشغل والمكتبه القانونيه وارجع للخبراء القانونين الي عندي
ففكرت هالفكره
وللعلم اخوي الفيصل ترا القانون مااحد يقدر يتخصصه على كلامك تحصيل حاصل لان اغلب الطلبه حولوا كليات ثانيه مااقدروا يكملون
اما تحصيل حاصل الي يتخصص تاريخ ولا تربيه ولا اداره هاي الي تحصيل حاصل والظاهر انك ماتعرف هالتخصص عدل بس راي تقوله وبس
وشكرااااااا

[دمي حمر]

السلام عليكم ورحمة الله وبركاته
اختي انا ابيهم اذا كانو موجودين....
وشكرا مسبقا سواء كانت لي او لاي احد اخر
وجزاج الله الف خير

[سبحآن اللـه]

انا في هالتخصص
انا ابي بعض الكتب اذا ماعليج امر ..!!

[(الفيصل)]

عزيزي الفيصل دخولي لهذا التخصص كان بكل رغبه وحب وللعلم انا حولت من صباحي بلاش وكان مجموعي يدخلني اي كليه بس سياسه الجامعه توديك التخصص على حسب المعدل ومن كثر حبي للقانون حولت موازي ادفع فلوس عشان اتخصص قانون والحمدلله تحقق لي حلمي
والسبب اني مابيهم لاني في شغلي كل الكتب القانونيه والمراجع متوفره لي وعندي المكتبه القانونيه في شغلي وخبراء ومستشارين قانونين يفيدوني في كل صغيره وكبيره غير الجرايد الرسميه الي كل ماصدر قانون اوتغير او مرسوم اوتعديل يطرشونه لي على طول
وهاذي الكتب عندي في البيت وماتستفيد منها في الحياه العمليه تستفيد منهااا بس في الدراسه وانا فكرت في غيري وحاليا مقدمه اوراقي للدراسات العليا الماستر ان شاءالله وراح استفيد من خبره المستشارين والقانونين الي معاي ماراح ارجع للكتب الدراسيه الي تنفع بس للدراسه فقط للحفظ
وانا عرضتهاا للي محتاجها يعني للقانونين الطلبه الي يدرسون قانون واعرف انه بعضهم محتاجهااا وانا قلت اني من 4 سنين خريجه يعني طول هالفتره مااحتجت اني ارجع لها لاني معتمده على المستشار القانوني الي موفره لي الشغل والمكتبه القانونيه وارجع للخبراء القانونين الي عندي
ففكرت هالفكره
وللعلم اخوي الفيصل ترا القانون مااحد يقدر يتخصصه على كلامك تحصيل حاصل لان اغلب الطلبه حولوا كليات ثانيه مااقدروا يكملون
اما تحصيل حاصل الي يتخصص تاريخ ولا تربيه ولا اداره هاي الي تحصيل حاصل والظاهر انك ماتعرف هالتخصص عدل بس راي تقوله وبس
وشكرااااااا

شكراً على التوضيح
والله يوفقك دنيا وأخره
جزاك الله خيرا

[شميرام]

بس بعد حتى لو شغل فيه كتب ومكاتب قانونيه ارجع حق كتب الكليه اسهل مخططه مقسمه

[ليــــــان]

بس بعد حتى لو شغل فيه كتب ومكاتب قانونيه ارجع حق كتب الكليه اسهل مخططه مقسمه

ماتقدرين ترجعين للكتب الدراسيه مستحيل لان العملي غير بعطيج امثله وهاي مايعرفه الا القانونين الي درسوا قانون وشافوا الفرق في الحياه العمليه
مثلا : اذا كنت في قضايا الدوله في وزارة العدل شنو الكتاب الي ترجعين له يفيدج في هالشي ياريت يكون فيه اجابه
مثال 2 : لو كنت في ادارة التسجيل العقاري واحتجت قانون تملك الاجانب شنو الكتاب الي راح ترجعين له ؟؟؟
مثال 3 : لو كنت في النيابه العامه شنو الكتاب الي ترجعين له ؟؟
مثال 4: لو كنت في امن الدوله شنو الكتاب الي ترجعين له ؟؟ظ
مثال 5: لو كنت في البلديه في لجان فض المنازعات شنو الكتاب الي راح ترجعين له ؟؟؟
مافيه اي كتاب من كتب الجامعه راح يفيدج في كل الي ذكرت في النهايه بيرجع الواحد للقوانين الي عنده في المكتب وحتى هالقوانين وايد صار عليها تعديل وبعضها اضافات وبعضها الغي وبعضها عدل فيه بعض المواد لازم الواحد يعرف كل هالاشياء قبل مايقول رايه ولا حاب يزيد راي وبس ؟؟؟
ياااريت تجاوبيني عشان اقدر بعد اجابتج اشرح وواضح .
القانونين هم الي يعرفون هالشي عقب التخرج والحياة العمليه .

[راية الفخر]

نصيحه اختي لاتعطينهم الا لطلاب قطريين لانهم يدفعون للكتب من جيبهم .. اما الاجانب فتدفع لهم الدوله مصاريفهم