استفسار : الخطوط الجوية البريطانية ، من جربها ؟؟؟

[qtrose]

حابة منكم لو تكرمتوا تعطوني انطباعكم عن خطوطهم

شلون مستوى الخدمة عندهم ؟ مدى الانضباط في مواعيد الرحلات ؟

اللي جرب البزنس ينصح فيه أو لا ؟ شلون كراسيهم ونوعية الأكل

يسوى السعر ولا لا؟

أنا أتكلم عن الرحلات البعيدة ....


ومشكورين مقدما .

[eXpert*]

بختصر الكلام ،،

البريطانيين أنفسهم عايفين طيرانهم ..

يمدحون طيرانKLM الهولندي .

ويمدحون Lufthansa الالماني .

بس للامانة ما جربتهم :)

[qtrose]

مشكور ،،،


بس أنا أبي اللي جربوا يفيدوني

[الألماسي]

جربتها سنه 2008 هيثرو - الدوحه

و بكل امانه ممتازه

[Abdullah_89]

انا جربتها سنه 2008 بعد

على درجه رجال الاعمال

الخدمه ممتازة
والمواعيد مظبوطه
والسعر ارخص بوايد من الخطوط السيرلانكيه -- قصدي القطرية

والطياره ماعليها كلام جلد و تيك وحركات يعني دلع

[جـاد]

المواعيد مضبوطه . عندها رحلة واحدة يومية ليلية عبر البحرين.فيها درجة بين البيزنس والسياحية .الكراسي شوي اوسع.الوجبات والمضيفين تناسب الخليجين .

[cavok]

بس مشكلتها لو عندك كيلو واحد زيادة دفعوك ---- ولا افكر حتى اطير معاهم خبرك انجليز

[تحداني]

ركبتها مرتين لما رحت البحرين
قبل فتره بسيطه .. اقل من ست اشهر

رحلاتها سيئه
سواقتهم مثل وجهم
ريحه الطياره خايسه
الاكل يلوع الجبد

كل شي سئ في هالطياره

تقول امطلعين الطياره من الزباله اجلك الله
خساره اريال واحد على هالطياره


ما انصح فيها ابدا ابدا ابدا
تحمل


بخصوص الهولنديه ركبتها يوم رحت فينا
يعني مو لين اهناك .. بس مافي غير الاماراته والاتحاد والقطريه
الباقي ما ينفعون


جملك الله برضاه

[رجل الجزيرة]

أخبرها ممتازة جدا في سنة ما بين 1991 و1992 من الدوحة إلي لندن على طيران الخليج ومن لندن إلى سان فرانسسكو على البريطانية ومن العكس من سان فرانسسكو إلى لندن ومن لندن إلي الدوحة، فالحين ما أدري.