عـنـدي عـيـوب فـي الـبـلاسـتـر ممكـن نـصـيحه.....

[برنس قطر]

سلام عليكم والرحمة الله وبركاته
عندي مشكله في البناي وهي " البلاستر الخارجي الفيلا" بعد لانتهاء من صبغ بين عيوب البلاستر تنفيخ عوجاج وصلات بين في وجهية الفيلا ولاجناب ,, الله يساامح المقاول ,, صار البيت شكله كريه ممكن احد يفيدني كيف اخفي لاعيوب بأقل تكلفه ...؟
انتظر لافادة منكم

[بن رومي]

الله يعينك

اذا في ضمان من المقاول

مافي الا الزامة بتغيير البلاستر ( لعدم عمله على المواصفات العامة )

وعلى فكرة وين الاستشاري اللي حاطة !

الله يوفقك وييسر امرك

[برنس قطر]

الله يعينك

اذا في ضمان من المقاول

مافي الا الزامة بتغيير البلاستر ( لعدم عمله على المواصفات العامة )

وعلى فكرة وين الاستشاري اللي حاطة !

الله يوفقك وييسر امرك

المقاول حيال
ولاستشاري الين العظم وخلص راح

[الســـهم]

هلا اخوي برنس قطر ..

الحل الاول انك تصبغ البيت بنوعية صبغ تكون سميكة وتخفي العيوب ان شاء الله , وتلقاها عند اصباغ الجزيرة ورغدان ( تكلفته من 40 ريال للمتر إلى 55 ريال اعتقد ) ، او انك تعمل نفس صبغ مسجد الدولة ويكون بالمسح اليدوي ( نفس اليص ) لكنه صبغ , موجود عند مؤسسة محمد مبارك بونجوم ( اصباغ جوتن )وهم اللي مشتغلين بجامع الدولة أو شركة التيسير ( اصباغ همبل ) والمتر بحدود 50 ريال ..

والحل الثاني تلبس البيت فوم , مثل المعمول بمسجد آل سعد , متخصص فيها القصر الكلاسيكي وسمعت ان فيه شركات ثانية ولكن ماعرفها ..

الله يعينك ان شاء الله ..

[eXpert*]

على حد علميّ المقاول يعطيك فترة يضمن لك الشغل ؟

[برنس قطر]

هلا اخوي برنس قطر ..

الحل الاول انك تصبغ البيت بنوعية صبغ تكون سميكة وتخفي العيوب ان شاء الله , وتلقاها عند اصباغ الجزيرة ورغدان ( تكلفته من 40 ريال للمتر إلى 55 ريال اعتقد ) ، او انك تعمل نفس صبغ مسجد الدولة ويكون بالمسح اليدوي ( نفس اليص ) لكنه صبغ , موجود عند مؤسسة محمد مبارك بونجوم ( اصباغ جوتن )وهم اللي مشتغلين بجامع الدولة أو شركة التيسير ( اصباغ همبل ) والمتر بحدود 50 ريال ..

والحل الثاني تلبس البيت فوم , مثل المعمول بمسجد آل سعد , متخصص فيها القصر الكلاسيكي وسمعت ان فيه شركات ثانية ولكن ماعرفها ..

الله يعينك ان شاء الله ..

الله يجزاك خير المشكله صبغت البيت جوتن صبغ رملي ...

[برنس قطر]

على حد علميّ المقاول يعطيك فترة يضمن لك الشغل ؟


لعب علي الفورمن الشركة قالي الي عندنا مب شي شغلهم بجيب ناس احسن وقعني على ورقه اني مابي البلاستر من شركة وبس يعني شركة مالها خص الحين والفورمان يقول انا مادري انه شغلهم جذي قبل مشتغلين عندي احسن .... وضاااعت سالفه بينهم

[باتريوتP]

الله يكن بعونك
بس لازم حد يشوف البلاستر عشان يعرف نوع المشكله
بس اتوقع انها بسيطه

[برنس قطر]

الله يكن بعونك
بس لازم حد يشوف البلاستر عشان يعرف نوع المشكله
بس اتوقع انها بسيطه


تمنى ذلك
بس من توقع يعرفله

[A.L.I]

الله يعينك اخوي

[.Q a T a R.]

اخوي برنس قطر

رقم على الخاص

[برنس قطر]

الله يعينك اخوي


الله يسلمك وشكرا على المرورك

[برنس قطر]

اخوي برنس قطر

رقم على الخاص


تم الرد على الخاص

[qatar2090]

فترة الضمان المتعارف عليها على البيت 400 يوم اي عيوب تطلع على البيت يتحملها المقاول غصبن عنه

[.Q a T a R.]

تم الرد على الخاص

ما وصلني شي اخوي

[بن غيث]

لا ترقع .... غير البلاستر بالكامل
ما عليك من الي يقولك عندي حل

[khaldoon]

اخي العزيز.....انصحك بما يلي

اما انك تغير البلاستر كامل بس هذا شيء مكلف و غير منطقي

اما انك تغير المناطق المموجة كثير و قبيحة لدرجة كبيرة فقط و تتقبل الحوائط و الواجهات اللي تموجها معقول

اما انك تحاول انك تلعب بالاضاءة و الظل في الليل و النهار علشان تخفي التموجات في البلاستر ...يعني بالنهار تظهر التموجات بشكل قبيح جدا بعد الساعة 10 صباحا و بالليل لو انك حاطط اضاءة موجهة على الحوائط و الواجهات بتفضح عيوب البلاستر فشيلها احسن

اما انك تشتري من محلات الدهان مادة خاصة مثل المعجون تعدل فيها تموجات سطح البلاستر..اعتقد المادة غالية شوي بس مضمونه و تمسك على الدهان مباشرة ....سويناها في مشروع خلال يوم خميس و جمعة على السريع و اصبحت الواجهة مقبولة لانها كانت الحيطة خليط من بلاستر عمره فوق 20 سنة و بلاستر جديد ...من جوتن بس طبعا بتكون مكلفه لو مساحات كبيره فانت ممكن تستخدمها للمناطق الاكثر تموجا

بالتوفيق

[khaldoon]

نسيت اقولك شي مهم.....دائما لما تحب تصلح اي شي يحتاج مقاول و عقد يعني مب شي بسيط فلازم انك تقوم بما يلي (على سبيل المثال مشكلة البلاستر عندك):

اولا صور واجهات البيت كلها بطريقة جيده تظهر حالة البلاستر قبل التصليح و لازم الصور تكون واضحة و دالة فعلا على حالتها...يعني ما تصور حيطه نحتار وين هي فعلا وتكون محل شك و خلاف و غير واضحة

ثانيا قبل انك تخلي المقاول يشتغل و علشان ما يصير اي مفاجأت و خلاف في النتيجة النهائيه فلازم تختار واجهة او حيطه بمساحة لا تقل عن 5 م2 و تكون سيئه فعلا من حيث التموج و العيوب و تمثل حالة البيت الخارجية و تتفق مع المقاول عليها انها بتكون عينة لعمله بحيث لو قبلت هذه العينة فراح تكون mock-up لكل اعمال التصليح يعني لما يشتغلها علشان يبين لك مستوى شغله و يعجبك و تقبله فعلا من حيث التصليح و اخفاء العيوب فبيصير المقاول ملزم انه يقدم لك نفس المستوى فعلا لكل البيت علشان تجبره بهالطريقة انه يشتغل مثل ما انت تحب ومثل ما اتفقتوا قبل العمل و اي حيطه بيتم تصليحها وما تكون بنفس المستوى للعينة فهو ملزم باعادة التصليح بدون اي تكلفه اضافية و طبعا ما تنسى تصورها له خصيصا قبل و بعد التصليح يعني بتكون بمثابة عقد على مستوى العمل مضمون مسبقا

اهمية هالطريقة انك تضمن الشغل بنفسك وما تمشي على كلام فلان و علان انه هذا مقاول جيد او ممتاز او درجة اولى او احسن مقاول في قطر و صلح لي بيتي و من هالكلام...يجوز كل الكلام صحيح بس ما اعطاك الاهتمام اللي اعطاه لغيرك و الاسباب كثيرة بس ما تهمنا

لو الحوائط مموجه و سيئه بشكل كبير فعليك باللجوء للبلاستر الخشن و غير الناعم مثل البلاستر المخدش او الحال نفسه بالدهان علشان تقلل من مستوى العيوب و تظهرها انها بسبب طبيعة البلاستر او الدهان

طبعا هذا التصليح له مدة صيانة و ضمان تتفقوا عليها بالعقد و ساعتها ما تحتاج لا استشاري ولا اي حد طالما عرفت المستوى اللي انت تبيه و راح تحصل عليه مسبقا

هذا ما يحضرني الان لو تذكرت شي بخبرك

[خالد32]

اذا البلاستر فيه فراغ و صوت لين اتطق عليه خلهم يشيلونه و يسوونه مره ثانيه
و اذا كان السطح مب مستوي عدل و تبي تخفيه فعليك بالصبغ البروفايل
عند جوتن اعتقد المتر 30- 35
و من ناشيونال جيب لك صباغين و بيكون مع الشغل 17-20 للمتر
هذا اسهل شي

[qatara]

مالك تشيلها و تريح نفسك من البدايه
والا تحط رشه اسمنتيه زي
البيوت الشعبيه بيكون تماسك البلاستر احسن وتعيش عمر

الصبغ راح تتبهدل معاه كل فتره تبي تصبغ

الله يعينك

[alme3mary]

اخوي انا انصحك ترجع للاستشاري وتخليه يطلع معاك يشوف البيت حتى لو أخذ مبلغ على الزيارة .... وزي ماقالو الاخوان قبلي اعيدلك ان اي مكان فيه فراغ وصوت احسنلك كسره وسوية من جديد .... الله يوفقك