ادخل وشاركني براايك

[زئير الاسد]

السلام عليكم

اخوكم مخلص ثانويه العام ومايبي يقعد باطل عن العمل زيادة

المهم احتررررت كثير وجاتني كمن فرصه ورفضتها ، وحلمي تبدد بعد ماكنت اتمنى ان اكون مرشح المهم ( الحمدلله على كل حال) :)

كنت ناوي ادرس فالشارقه او عجمان قالولي المجلس الاعلى ان احتمال بعد سنين مايعترفون فيهم ، وشكثر قالولي عقب ان شهاده الامارات زينه لكن مب اقوى من جامعه قطر

الممممممهههم ، انا قررت ان شالله اني اتوظف فالديوان اذا حصلت فرصه. وادرس فكليه المجتمع مسائي

عندي كمن سوال ،

شلووون الرواتب

اذا اشتغلت الحين وعقب جبت الدبلوم شلون ترقيتي تصير فكم سنه اصير سنير ان شالله ؟

هل هناك راح تكون مفاظله عقب فترة ان شالله مثلا في الترقيات والمناصب بما ان شهادتي ( دبلوم) ان جبتها ان شالله


واسسسف ع الاطاله ، وانتظرر ردودكم : )

[SOUD.QA]

الله يوفقك ياخوي

ممكن كم سؤال لجل اعرف اوجهك!؟

كم نسبتك؟ كيف اللغه عندك؟ شنهي ميولك؟ شالتخصص اللي تحب تدرسه؟ عندك استعداد تغترب؟

[زئير الاسد]

الله يوفقك ياخوي

ممكن كم سؤال لجل اعرف اوجهك!؟

كم نسبتك؟ كيف اللغه عندك؟ شنهي ميولك؟ شالتخصص اللي تحب تدرسه؟ عندك استعداد تغترب؟

وياااك

النسبه 85 : s

اللغه ضعيفه جدااااا

والله افضل لا

[SOUD.QA]

اخوي ما شاء الله نسبتك حلوه حرام تضيع عمرك تشتغل بثانويه وتتغربل بدبلوم وتجمع بين الاثنين توك عالى هالسوالف

شوف اخوي افضل لك من ناحية التخصصات انها تكون مرتبطه بقطاع النفط والغاز وعندك الرياضه والدوله حاليا تحاول تطور المتاحف بشكل ما تتخيله وقاعدين يبتعثون طلبه لدراسة تخصصات متعلقه بالمتاحف هذي فرصتك معاهم انا اعرف ناس بتقدم السنه الجايه على ماجستير تخصص متاحف لان هذي فرصتهم في تولي المناصب بما ان المكان جديد وقاعدين يركزون عالقطريين فيه

هالقطاعات اللي ذكرتها امتيازات ورواتب وتطوير وإن شاء الله لما ربي يرزقك ببنت الحلال والعيال عيالك دراستهم على حسابهم وهالاشياء ما تلقاها فالترشيحه بما ان اغلب هلي فالجيش والشرطه اعرف حالتهم

توكل على الله اخوي لا تخلي اللغه عائق لك اغلبنا مشينا نفسنا وما كانت عندنا لغه اللي يبغي المستقبل المزهر له لازم يشد على نفسه ادرس بكالريوس لاحق عالراتب ولاحق عالموتر وعلى كل شي لي تخرجت بإذن الله بتسوي كل اللي بخاطرك بالراتب السنع ،،، دور الجامعات سواء بقطر ولا بره اللي لها علاقه بالقطاعات اللي ذكرتها لك قدم على بعثه عن طريق هيئة المتاحف إذا لك خاطر او راس غاز وعندك بعد جامعة قطر ممكن تدرس هندسه وتاخذ بعثه عن طريق اي شركة نفط تبغيها

الله يوفقك دنيا وآخره ويرزقك من فضله ،،، بس نصيحه مني لك انسى اي تطوير بالثانويه وانسى الدبلوم لان حاله من حال الثانويه

[ذيب ازغوى]

السلام عليكم

كيف حالك اخوي ؟

انا نصحتك وانصحك مره ثانيه باجامعة الشارقه وهي معترف فيها

ثاني شي اخوي انصحك في جامعة مصر وعندك بعد جامعاات الاردن ودوور

[المحقق كونان]

الديوان الاميري ممتاز و لهم امتيازات

بس يبي لك واسطة

الله يوفقك

[سهيل قطر]

اكمل البكاالريوس ولااا تترددد والله تحسفناا الللي مااكلمللناا

خللصت علمي ومن سنة 1999 وفي البترول وبعد ماوصلت للتب جنيرر قالواا السنيرر لازم شهاده بكالريوس المهم بعثتني الشركه الحين ادرس بجامعه تاكسس الامريكيه هندسه كيمياء فانصحك اخوي وانصح الشباب بعد الثانويه اللي يحصل فرصه يكمل وعنده مجال لاايتردد ويكمل ...واللغة امرهاا سهلل وتاتي مع الوقت والممارسه

وبالتوفيق لك

[mmbbss]

نصيحة اخو انسى الدبلوم لان حاله حال الثانويه

توكل على الله شوف لك جامعه تناسبك وخذ الباكلوريوس
ترى الايام تركض وبغمضة عين الشهاده فيدك