اقتراح للشرطه في دولة قطر بلاك بيري [الأرشيف]

كلاسيك قطر

27-09-2011, 09:59 PM

chillis

27-09-2011, 10:02 PM

يبيله والله وياريت لان الملاحظ وانت بالشارع واحد ماسك خط سريع ويمسي على 50 والسبب البلاك بيري ولا يدش عليك عرض بالشارع وسببه البلاك بيري مؤديه

cayenne s

27-09-2011, 10:08 PM

لازم الحد من هالتصرف ومعاقبه مستخدمين البلاك بيري

ابداع قلم

27-09-2011, 10:16 PM

مع 50 جلدة

القطري111

27-09-2011, 10:28 PM

والله قتراح في محلة ياريت يخلون المخالفة عشرة الاف او اكثر
جزاك الله خير على الاقتراح لنة الرواح الناس اهم من جهاز لا راح ولا جا

المسك1969

27-09-2011, 10:29 PM

والله أنا عبالي أن البلاك بري بيكون مثل الجوال... مادريت أن البي بي لين الحين ما حطوا له مخالفه

وانا كله اتييني بنقات واطنشها:tease: أقول مخالفه والمخالفه يعني ضد القانون وضد القانون يعني قد يدخل في اللي مايجوز

فعلا البي بي أو الفون جدا خطير وأنا أخوي ربي يحفظه صار له حادث بسبب الايفون

والايفون بعد لازم يخالف:tease:
والسماعة اللي تنحط في الأذن:tease:

كل مادة هاتفيه تستخدم في السيارة وحتى السماعه توضع في الأذن على المرور مخالفة صاحبها... لأن الهدف من المخالفه أن الشخص قد يتسبب في إعدام نفسه أو غيره بسبب عدم تركيزه في الطريق سواء بالانشغال بالكتابه أو التحدث بالجوال...ترى في ناس ماتركز وهي تتكلم جوال وأحيانا تتنرفز وأحيانا تسرح بالخيال والله المستعان

جزاكم الله خيرا وحفظنا وإياكم ومن يقرأ من كل مكروه..آمين:nice:

البحار00

27-09-2011, 10:29 PM

تخيلو

دعمني واحد كان سرحان مع البلاك بيري

حطو الغلط علي وحجتهم كانت عدم انتباة

قلت للشرطي جعلها في ذمتك ومشيت بدون مماطله

عيون الدوحة

27-09-2011, 10:35 PM

:shy:
وانا دخلت بالجزيرة بسبت الايباد
قاعدة احصد زرعي من لعبت السنافر
:weeping:

صغيرون قطر

27-09-2011, 11:11 PM

:shy:
وانا دخلت بالجزيرة بسبت الايباد
قاعدة احصد زرعي من لعبت السنافر
:weeping:

بشري كم حصلتي :tease:

لاتنسينا :omen2:

بوخالد911

27-09-2011, 11:13 PM

بل

الله يعيينا

الشرطة بيكدوون خيرررررررر

الله يحفظنا

وتذكروا : No to BlackBerry While Driving

بوسعود911

28-09-2011, 12:31 AM

مع 50 جلدة
سلامي عليك يابداع قلم :nice::nice::nice::nice:

الخزرجي قطر

28-09-2011, 12:43 AM

الحمد لله مااستخدم البلاك بيري حاليا وحتى الهاتف النقال عند القياده يجب الانتباه للطريق
فرض الغرامه ليس بهدف تحصيل المال ولكن للحد من الانشغال عن الطريق ومنع الحوادث
الله يحفظنا واياكم من الطرق ومن السيارات

كيلو حديد

28-09-2011, 12:47 AM

والي عنده نوكيا ويسولف فيه ما يعطونه مخالفه مثلا :eek5:

fahad123

28-09-2011, 01:16 AM

مو ناقصين مخالفات :(

ماخليتو شي الا وقلتو مخالفه بكره اخاف تقولون اللي يسوق سياره مخالفه
><

خالفو اللي مايعرفون يسوقون من الاجانب وخالفو من ينرفز الاخرين بتصرفاته خالفو من يتطاول ع الاخرين

اذا تبون تخالفون مو تقولون (التواير<< اول مره اسسمع ف ذا المخالفه ف دول العالم كله) والبلاك بيري << وين راح الايفون والنوكيا والسامسونق جلاكسي وووووو..........الخ

مو ناقصين مخالفات الله يرحم والديكم

فكونا بسسسسسس

للصبر اخر

28-09-2011, 08:07 AM

صحييح مو ناقصين مخالفات بس بعض الشباب مستهتر وتلاقيهم ماسكين البلاك بري ولا هم حد بالشارع
واذا بس حسو ان اللي طافتهم بنت تعال شووووف شيسووي والله يصير صارووووخ
لازم ينحط حد
مو بس البلابك بري
كل الهواتف النقالة

رآعي موآجيب

28-09-2011, 08:14 AM

آنا أقترح يتم تحويل 74% من الراتب لإدارة المرور كمخالفات أستباقيه
و 1 % لباقي الألتزامات و 25 % للمعيشه ونكون ماشين على نظام المصرف المركزي :nice:

R 7 A L

28-09-2011, 08:17 AM

كل انواع اجهزة الاتصال المفروض يكون عليها مخالفة
مو بلاك بيري بس

حتى الأي فون صار اخطر

بوسلمان 2010

28-09-2011, 08:41 AM

انا ايد هذي المخلفات

مناحي السادس عشر

28-09-2011, 08:43 AM

ولو يقطعون خدمة البلاك بيري نهائيا ابرك

khalid Qtr

28-09-2011, 08:45 AM

أنا اشوف انها عقوبة رادعة ، ولو اضفنا لها حجز المخالف 3 ايام يكون احسن بعد ..

QatariFallah

28-09-2011, 09:48 AM

مع 50 جلدة

ههههههههههه

QatariFallah

28-09-2011, 09:52 AM

المخالفة باستخدام البلاك بيري اثناء القياده تم طرحها من عام تقريبا في قطر
وتناقشوا فيها ولكن مادري شصار..تم غض النظر عنها وللا لم تطبق ؟؟!!

اذا تم تطبيقها .. اطالب ايضا بتطبيقها في الدوام..حكومه وشركات ومؤسسات..ولكن تطبيق خاص من جهة رب العمل لموظفيه..ليس لان الشغل يتأخر..ولكن لان المنظر مقرف عندما تدخل اي دائره وترى ال....
لدرجة ان البعض ينسى الاحساس بنفسه جسديا وحسيا او ماحوله..وانتو عارفين
وشكرا

fhd4

28-09-2011, 09:59 AM

أنا رايي ... اللي يمسكونه يستخدم البلاك بيري وهو يسوق ...

يمنعون عنه البلاك بيري للابد وممنوع يستخدم أي جوال غير هذا طول حياته ...

http://www.fonearena.com/blog/wp-content/uploads/2010/03/nokia-3310-old-gold.jpg

al-buainain

28-09-2011, 10:23 AM

السلام عليكم ورحمه الله بركاته

دولة قطر والحوادث اكثرت في الديره بسبب البلاك بيري وسبت الزحمه من الجوال البلاك بيري

انا عندي اقتراح لوزير الداخليه

================

في الامارات العربيه المتحده في اماره ابوظبي تعلن عن مخالفه جديده يتم اعلان عنها خلال الايام القادمه وهي

(( استخدام هاتف البلاك بيي اثناء القيادة ))

قيمه المخالفه 1000 درهم

وحجز السياره 30 يوم ( غير قابل للدفع )

-====================

وانتو شرايكم في الاقتراح علشان مافي حوادث ومافي زحمه

الراي 100% في 100% واتمنى انها تدرس بجديه وتطبق في القريب العاجل

ليش

لان العالم امفهيه في الشارع ما يدرون عن السيد مشى ولا هو واقف

ايلفون عليك وهم مهب حاسين باعمارهم

والي يقهر انهم يعصبون اذا دقيت لهم هرن للتنبيه

الكلدي

28-09-2011, 10:31 AM

اهم شي يحددون المخالفه اذا كان الجهاز ابيض او اسودر كريف او بولد

الحمد لله الايفون ما عليه مخالفات

ياجماعه الاتشغال بغير الطريق مخالفه وخلاص يعني اللي ماسك جوال باليمين والسكان باليسار يتخالف
بس الللي ماسك الكرك باليسار والجباتي ياليمين ما عليه مخالفه

كلاسيك قطر

28-09-2011, 11:23 AM

السلام عليكم ورحمة الله وبركاته

والله يبيلهم القانون يطبقونه عليهم في قطر

انت تدري شنهو الشعور اذا انت في الزحمه ورايح الشغل وطابور السيارات واصل الى اخر الدنيا والذي جدامك في السياره قاعد يلعب او بالاحرى تلعب في التلفون ولا كأنه احد في الشارع وياهم واذا صيحت لهم هرن علشان يتحركون يزعلون ويطالعك بعين وحده وكان الشارع مال ابوه

واتمنى يحطون جهاز مراقب بلاك بيري نفس هذا

http://qtrgoal.com/up/uploads/13171981261.bmp

talal08

28-09-2011, 01:29 PM

في جريدة الوطن يوم الاربعاء اللي فات بتاريخ 21/9/2011

شابان قطريان ابتكروا جهاز قاطع ارسال

نفس اللي في المساجد يقطع ارسال الجوال عن

قائد المركبة فقط ، عند تجاوزة سرعه معينه

وتم مقابلتهم من قبل الخرجي ووزير الداخلية ( نقلا عن جريدة الوطن)

وان شاء الله هالجهاز يكون له مردود طيب في ارض الواقع

كلاسيك قطر

28-09-2011, 09:27 PM

ان شاءالله انشوف الجهاز واتمنى ذالك

Abdullah_89

02-10-2011, 10:07 AM

مع 50 جلدة

ومعاها 50 فلقه :nice: :tease:

مخطط قطري

02-10-2011, 10:10 AM

بل بل ياجماعة في اسلوب ثاني تقدرون فيه تمنعون الوحد يستخدم البلاك بيري وهو يسوق الله يهديكم لهدرجة لي يسوق وهو مستخخدم البلاك بيري مصيبة؟؟؟

بن رومي

02-10-2011, 10:15 AM

100%

ويظيفون عليه منع التدخين للسايق

والسكران يغرمونة 10 ادبال ويمنعونه من السواقة سنة كاملة

اتهقون يستجرؤن

بن رومي

GENIUS

02-10-2011, 10:22 AM

وممنوع للسائق ان يتحدث مع أي شخص آخر في السيارة لأن ذلك يشتت إنتباهه ويفقد قدرته على التركيز في قيادة سيارته في الشارع. ( قانون تحت البحث والمناقشة )

بلاك بيري .

تواير البالون.

الجوالات بكل أنواعها .

طيب ليش ما أثاروا سياسة البعض وبالذات الأجانب الحديثوا العهد بقيادة السيارة وهي سياس التطنيش واللعب بأعصابنا واحنا في الشوارع .

bu 3li

02-10-2011, 10:33 AM

ادارة المرور لازم تنظم جلسه وديه مع الجماهير وتسمع مقترحاتهم وحلولهم لـ بعض المشاكل

بدال مايلزمونا بـ قانون يعاقب على السرعه والبالون وينسى الناس الميتين فالشارع اللي يمشون 60 ومايهدون الخط السريع ويمشون على قوانين بلادهم اللي تعلموا عليها

واتمنى (( ياليت والله )) يعيدون النظر في سرعة بعض الشوارع مثل خط امسيعيد وخط الشمال
يعني الله يرضى انهم يخشون لنا رادارات ورى مرادم وطابوق ودرامات ؟؟؟؟

الحين صكت مخالفاتي 5000 ريال كلها رادارات متحركه على خط الشمال وسرعتي دوم تكون 130 ولا 125 ولا حتى 140 .. مع العلم شغلي في راس لفان واحيان اكون بايت فالوكره ومضطر اسوق بهالسرعه عشان اوصل فـ الوقت وماتاخر عالدوام

لكن شنقول الشكوى لله .. ويقولون بعد الرادار عشان يردع المسرعين ..
ياخي افتح الخطوط الخارجيه لـ 140 بدال 120 وخلنا نسوق اشوي

catqat

02-10-2011, 10:49 AM

أتوقع بكرة يصير البلاك بيري جريمة نفس المخدرات،، اللي يحصلونه بسيارته ع طووول سحب الليسن والسيارة والجواز بعد ....

كلن عقله في راسه مش من المنطق اسوق واكتب مسج وان صار الحادث ألوم الجهاز اللي بيدي.