شله تهررن ؟

[MAZEN37]

السلام على اهل السلام
سبب الهرن؟ ممكن تقولي؟
واحد لف عليك وتبي تنبهه انك موجود هرن صغير اوكي , واحد يتعلم متدرب او شخص يقعطع الشارع وتبي تنبهه يسرع بخطواته علشان ما تدعمه اوكي
بس
واحد مسولي الهرن لعبه وكله مهوس عليه
ما تحسون انه المكان كله صار بازمه وشد عصب انا اطالب تفعيل القانون الموجود بالمخالفه لاستخدام الهرن باسلوب معوق.
ما يصير كل من هب ودب يسوق وما عنده ادب وصبر.

[chillis]

السلام على اهل السلام
سبب الهرن؟ ممكن تقولي؟
واحد لف عليك وتبي تنبهه انك موجود هرن صغير اوكي , واحد يتعلم متدرب او شخص يقعطع الشارع وتبي تنبهه يسرع بخطواته علشان ما تدعمه اوكي
بس
واحد مسولي الهرن لعبه وكله مهوس عليه
ما تحسون انه المكان كله صار بازمه وشد عصب انا اطالب تفعيل القانون الموجود بالمخالفه لاستخدام الهرن باسلوب معوق.
ما يصير كل من هب ودب يسوق وما عنده ادب وصبر.

ايه ذكرتني بمصر الي الهرن بسبب وبدون سبب ماكان قبل في مخالفه على من يهرن ؟

[بيانو]

طول بالك أخوي مازن

معلش

إمال لو رحت مصر وسمعت السنفونيات الهرنيه الطبيعيه من غير نوته تقول إيه ؟ :)

[صدى الحق]

وعليكم السلام ورحمة الله وبركاته

ذكرتني برسالة وصلتني على البلاك بيري اليوم اسمح لي انقلها لك كاضافة في موضوعك :)


عزيزي السائق :-
ونت ملتزم بالقانون نحترمك
ونت رابط الحزام وماتسرع نقول الله يحفظك
ونت ماتخطى من اليمين نقول بارك الله فيك
ونت تستخدم الإشارة نقول مثقف
ونت تبتسم وسط الزحمة نقول خلوق
لكن
ونت تخالف هذا كله نقول لك
تعال
أنزل شوي
بعد خطوتين
وصلت ؟
طززززززززززززز فيك
الحين برد قلبي
لأن المرور لابسين نظارات شمسية هذي الأيام

[تحداني]

صادق ابنفسها السواقه مزعجه .. بعد تكون بدون " صبر واحترام "
ما اقدر القى تفسير لهرن تسمعه وانت امام اشاره ضوئيه حمراء
احس هالانسان مريض .. ويعاني من خلل في الدماغ


جملك الله برضاه

[talal08]

العقول البسيطة سهل يديرها ابليس

[Rashid554]

عاد انا فيني حساسية من الهرن
سبحان الله صوته مزعج خصوصا بالمواقف السخيفه شي مزعج
خصوصا من الاسيوين شي مو طبيعي
احلى شي " تكبس بالليت " وخلاص

[بـنـت ڪرز]

ههههههههههههههههههههههههههههههههههههههههههههههههه

انا حزات خاطري تطلع من السيّاره يد كبيره تكفخ السياره اللي جمبي وتطيرها بعيد

[حسن]

شوف ياخوي بالنسبه لي دايما اهرن للنتباه لان خبرك السواقه عندنا وصلت القمه في 000 الاصفار ذي يعني حط اسواء كلمه تعرفها وبالنسبه لي افضل اسوق سياره بدون بريك ولاسياره بدون هرن

[qatari 111]

الصراحه ما أقدر اتخيل نفسي من غير هرن فالسياره لأنها هي وسيلة شفط عصبيتي فالسواقه

[كتكوت الوحش]

طول بالك أخوي مازن

معلش

إمال لو رحت مصر وسمعت السنفونيات الهرنيه الطبيعيه من غير نوته تقول إيه ؟ :)

الهرن يا باشا بيسموه كلكس
انهارك ابيض حبيبي

[الواعد]

والله اخوي الهرن ينفع للي مايسمع من اول مرة

لأن اكثر من مرة بغيت ادعم كذا سيارة وصاحبها ادق عليه هررررررررن

ومافيه فايدة الا في آخر لحظة وقف

وفوق هذا تبينا ماندق الا بشويش مع هالأشكال ؟؟؟

ادق بشكل مزعج ولا اندعم واتعطل وتتعطل مصالحي

ولا اني ادق بشكل خفيييييييف ويصير لي حادث بدوووووون داعي

[MAZEN37]

المشكله كل الناس مستعجله !
لازم تعاون لازم تعدي لاخطاء الغير مب قاعدلهم شرطي ما تبي احد يدوسلك على طرف والمشكله حط عصبيته بالهرن ما هو بحل عصري وحضاري

[ms-qtr]

للاسف في ناس مصخوها
هرن على كل صغيرة و كبيرة
خصوصا عند الزحمة ((الدوارات و الاشارات))
محسسيني ان الزحمة بتخف وله الناس بتسرع لو هرنو
بصراحة منظر غير حظاري و مزعج

[جمال اليافعي]

انا من كم من سنه نزلت دولة أسيوية للعمل 3 شهور , والله انه طوال ال 3 شهور في قلب عاصمة تلك البلاد اني ما سمعت صوت الهرن مره وحده ..

نزلت الدوحه من المطار الساعه 4 الفجر وراد البيت الا انفجر مخي من الاهرانه من المطار الى مدينه خليفه ... و الفجر بعد ... والله انا ما ابالغ بعد ما رجعت كانت نفسيتي هادئة الحين لو اسمع هرن والله لأنقض وانهش ارقبت الي يهرن ...

المشكلة أخوي ان أغلبيه الي يسوقون جايين من بلاد الهرن يستخدم بسبب وبدون سبب ..

[حسن]

انا من كم من سنه نزلت دولة أسيوية للعمل 3 شهور , والله انه طوال ال 3 شهور في قلب عاصمة تلك البلاد اني ما سمعت صوت الهرن مره وحده ..

نزلت الدوحه من المطار الساعه 4 الفجر وراد البيت الا انفجر مخي من الاهرانه من المطار الى مدينه خليفه ... و الفجر بعد ... والله انا ما ابالغ بعد ما رجعت كانت نفسيتي هادئة الحين لو اسمع هرن والله لأنقض وانهش ارقبت الي يهرن ...

المشكلة أخوي ان أغلبيه الي يسوقون جايين من بلاد الهرن يستخدم بسبب وبدون سبب ..

اخوي انت وصلت الى مرحله خطره لازم تشوف احمد عكاشه