البلاستر والصبغ ام الحجر الصناعي جي ار سي او خرسان

[almaf1a]

السلام عليكم


يا جماعه حاليا انا في طور البحث عن مقاول واخذ عروض اسعار
عظم بلاستر صرف صحي وتمديد الكهرباء

احترت كثير في موضوع الحجر ام الصبغ

الجي ار سي او الاسمنت للتشكيلات الي على الدرايش

والمشكله مب عارف الفرق في السعر
يعني لو خصمت سعر البلاستر للفيلا (18*17.4 * 12.45 )متر وعملت حجر صناعي كم راح تكون التكلفه

في نفس الوقت بالنسبه للداريش لان المقاولين يقولون لي الطوق الي على الدرايش مكلف
فبالجي ار سي الي هو اغلى طبعا هل راح يكون الفرق اكبر بواجد

احترت الصراحه
حتى المقاولين محتار معاهم
ياريت يا اخوان الي عنده شركة مقاولات يرشحها لي على الخاص الله يجزاكم خير

للعلم الفيلا + الملاحق 813 متر مربع واول عرض سعر جاني 894300 ريال

اذا بكم بشطب ؟؟ :(

[شموخ دائم]

,

,

مرحبا


اخوي الكريم


السعر هذا منطقي واعتبره طبيعي جدا عند الشركات الي فيها ستاف قوي من مهندسين وفنيين

تقريبا المتر عندك على 1100 ريال للعظم

وممكن تلاقي ارخص 1000 ريال او اقل حتى

المشكله الرئيسيه عندك ليست في الخرسانه او الاقواس او الشباك !!

لا طبعا ليست هذه المشكله الرئيسيه هذه امور ثانويه

المشكله عندك هي في ( المساحه ) 813

حتى لو حصلت السعر المتر على 1000 ريال راح تطلع التكلفه ( 800) الف تقريبا

:)

حتى تكون التكلفه في حدود القرض لازم ما تتجاوز المساحه عندك 600 متر

وهذه المساحه تعني بيت متوسط راح يناسب كل احتياجاتك ونت مرتاح وبيكون فيها

6 او 7 غرف وجميع احتياجاتك

بتكلفك عظم 600 الف ويبقى معاك 600 الف حق التشطيب بتكفي وانت مرتاح

:)

اذا رفعنا المساحه = رفعنا التكلفه

وراح ننصدم من الاسعار ونبحث عن السعر الرخيص

والسعر الرخيص بيجيب لنا مشاكل في مختلف مراحل البيت وتشطيب غير نظيف وفيه عيوب

هذا السيناريو يتكرر دائما في قطر جيل بعد جيل ولازم نحط له حل ونوعي الجميع له

والله يبعد المشكل عن الجميع

وعذرا اخوي الكريم اذا ردي هنا ما يحل مشكلتك

ولكن للتوضيح

والله يسعدك ويعينك على اتمام البيت

بالتوفيق لك

,


,


اخوك


شموخ دائم

[almaf1a]

بالعكس يا شموخ ردك وافي وكافي

انا ما ابي التكلفة تكون بالضبط على القرض
ماعندي مانع ادفع من جيبي لكن كم
ميه او ميتين حتى لو ثلاثمية الف فوق القرض
لكن الخوف وكل الخوف اني ابني ب ٩٠٠ الف والتشطيب يفوق ال ٤٠٠ الف

قلت للمقاولين ماراحواسوي البنت هاوس والمجلس الخارجي قالوا ماننصحك
ابي مره وحده علشان ترتاح بعدين ولا تدخل في سوالف التكسير مستقبلا

[باتريوتP]

السلام عليكم


يا جماعه حاليا انا في طور البحث عن مقاول واخذ عروض اسعار
عظم بلاستر صرف صحي وتمديد الكهرباء

احترت كثير في موضوع الحجر ام الصبغ

الجي ار سي او الاسمنت للتشكيلات الي على الدرايش

والمشكله مب عارف الفرق في السعر
يعني لو خصمت سعر البلاستر للفيلا (18*17.4 * 12.45 )متر وعملت حجر صناعي كم راح تكون التكلفه

في نفس الوقت بالنسبه للداريش لان المقاولين يقولون لي الطوق الي على الدرايش مكلف
فبالجي ار سي الي هو اغلى طبعا هل راح يكون الفرق اكبر بواجد

احترت الصراحه
حتى المقاولين محتار معاهم
ياريت يا اخوان الي عنده شركة مقاولات يرشحها لي على الخاص الله يجزاكم خير

للعلم الفيلا + الملاحق 813 متر مربع واول عرض سعر جاني 894300 ريال

اذا بكم بشطب ؟؟ :(


السلام عليكم ورحمة الله وبركاته
نتمنى الله يوفقك في بيتكم ويسعدك فيه ويستر عليكم
اخوي الموضوع جدا سهل
انا شركه مقاولات وبنصحك نصيحه لوجه الله وانت وكيفك لكن كن على ثقة ان نصيحتي هذي ابغي فيها وجه الله فقط ومب شرط تبني عندنا
ااذا انت عارف السوق واقصد بالسوق التشطيبات ( المنيوم . شبابيك. ابواب . صبغ . سراميك . بلاط اطقم وغيره ) اخذ الفيلا عظم .
واحنا بالشركه واايد مروا علينا شباب نفس موضوعك محتارين بالعظم ويخاف يتوهق بالكهرباء وغيره .
فسوينا عرض سعر عظم بلاستر + تشطيب كهرباء والتسليم الي كهرماء+ جميع التمديدات الصحيه وتركيب الاطقم والاكسسوارات والتوريد علي المالك + تركيب السيراميك والتوريد على المالك + اعمال العازل .
هذا العرض بيريحك اخر راحه .
ولا تفكر انك توفر بشي انت ماعندك خبره فيه , لان هذا بيت العمر ولازم تدفع لبيت العمر .
اما بالنسبه عن البلاستر , فأنت ماعندك مشكله قل للمقاول ابي عظم بلاستر داخلي فقط بدون بلاستر خارجي وبيحسب لك .
وبالنسبه عن الاقواس الي على الشبابيك اذا كانت خرسانيه والله يالغالي ما تكلف المقاول غير مائه او مائه وخمسون ريال اعتقد مش متذكر , لان تفصيل القوس تقريبا خمسون ريال وتركيبه وشغل اليد مائه ريال ( طبعا مش متذكر بالضبط بس مش مكلفه ) .
وبالنسبه عن الحجر الخارجي حلو وجميل ومنظر عجيب وروعه بس مكلف يعني مثلا تقريبا المتر مربع حجر طبيعي يكلفك شراء + ايدي عامله وتركيب ما يقل عن 90 الي 120 ريال , وتركيبه مرات بالصق يعني نوع من انوع الاسمنت او بالمسامير او البراغي .
والحجر الصناعي بيكلفك اقل يعني 70 الي 100 ريال .
بالنسبه عن الجي ار سي يكلفك عالشباك تقريبا من 800 ريال الي 650 ريال وبصراحه احنا يعطونا اقل لاننا شركه مقاولات مره عطوني 450 ريال ( اقول الصرحه )
وبالنسبه عن الصندوق الجي ار سي على المكيفات الوندو يكلفك الصندوق الواحد من 200 ريال الي 350 ريال .

وتحمل ونصيحه لك ولغيرك انتبه من الي يعطيك السعر على المتر دون ما يشوف الخرائط
لان الخرائط هي التي تحدد سعر المتر اذا كان ب1000 او 2000 او 900 ريال , وتخلي حد يساومك على السعر الي عرضته دون ما يشوف مخططك وخرائط الحديد والطابوق والخرسانه , ولا تقول بيني وبين المقاول العقد وبس , لا انتبه بينك وبين المقاول عقد وسعر معقول وسعر يدش العقل , لان وايد شباب وقعوا عقود بأسعار رخصيه وبالاخير فللهم سنتين ثلاث واقفه وبالمحاكم , والمقاول مب خايف من شي لانه ما بيجيه شي بس عقب سنتين ثلاث بيجي حكم علي المقاول وبيجي المقاول بيدفع المبلغ بالمحكه عقب ما جمع مشاريع وعقود طول المده الي بالمحكمه وكان الله غفور رحيم بس الي بيتوهق المالك محاكم وايجارات وبيته يتاخر وتعب وهم وغم وفلوس محاكم .
فأنتبه من السعر والعقد لان في كميه حديد وخرسانه وطابوق وفي كيبل كهرباء اذا كان مع الكهرباء .
اتمنى اكون جاوبتك وريحتك بالاجابه واتمنى اكون كفيت ووفيت
والشركات الناجحه وايد
واذا تبي تعرض خرايطك بطرش لك رقمي عالخاص وحياك واقعد وشوف عرضنا يمكن يعجبك
واذا اعجبك الله يوفقنا ويوفقك واذا ما اعجبنا يارب يوفقنا ويوفقك بعد
تحياتي لك اخوي ( باتريوت للتجاره والمقاولات )

[almaf1a]

الف شكر لك اخوي باتريوت
وان شاء الله راح امر عليك

وننتظر مشاركات الاعضاء مشكورين

[ahmed jasim]

نصيحة باتريوت صحيحة ماعدا تركيب السيراميك

(عرض سعر عظم بلاستر + تشطيب كهرباء والتسليم الي كهرماء+ جميع التمديدات الصحيه وتركيب الاطقم والاكسسوارات والتوريد علي المالك + تركيب السيراميك والتوريد على المالك + اعمال العازل).

بالنسبة للحجر الصناعي ركبت نفس المساحة عند البيت الأزرق ب 110 ألف + شعاير حجر طبيعي سعودي للنوافذ و الأبواب ب 15 ألف.

التشطيب يعتمد على الميزانية وإتفق مباشرة مع الشركات وهى تقريبا 600 ألف

[almaf1a]

نصيحة باتريوت صحيحة ماعدا تركيب السيراميك

(عرض سعر عظم بلاستر + تشطيب كهرباء والتسليم الي كهرماء+ جميع التمديدات الصحيه وتركيب الاطقم والاكسسوارات والتوريد علي المالك + تركيب السيراميك والتوريد على المالك + اعمال العازل).

بالنسبة للحجر الصناعي ركبت نفس المساحة عند البيت الأزرق ب 110 ألف + شعاير حجر طبيعي سعودي للنوافذ و الأبواب ب 15 ألف.

التشطيب يعتمد على الميزانية وإتفق مباشرة مع الشركات وهى تقريبا 600 ألف

مشكور اخوي على المعلومات



الملاحظ ان بعض الشركات تعطي كوتيشن واضح والبعض كلمتين والسعر

[V.I.P_QATAR]

يالغالي انا اشوف سعره غالي من وجهة نظري انا بيتي في ديكورات وفيه قبه كبيرة وارتفاعها 2 متر وفيها تشكيلات وعندي في الواجه صبيات للغرميط وعندي ديكورات ومساحة بيتي 848 متر مع الملاحق وكلفني في احدود 970 الف ريال مع البيفيتر والكهرباء فا من وجهة نظري شوف ودور واتعب وادخل ابيوت وشوف بناي الشركات بتعين ارخص صدقني

[almaf1a]

يالغالي انا اشوف سعره غالي من وجهة نظري انا بيتي في ديكورات وفيه قبه كبيرة وارتفاعها 2 متر وفيها تشكيلات وعندي في الواجه صبيات للغرميط وعندي ديكورات ومساحة بيتي 848 متر مع الملاحق وكلفني في احدود 970 الف ريال مع البيفيتر والكهرباء فا من وجهة نظري شوف ودور واتعب وادخل ابيوت وشوف بناي الشركات بتعين ارخص صدقني

ان شاء الله

مشكور

[باتريوتP]

نصيحة باتريوت صحيحة ماعدا تركيب السيراميك

(عرض سعر عظم بلاستر + تشطيب كهرباء والتسليم الي كهرماء+ جميع التمديدات الصحيه وتركيب الاطقم والاكسسوارات والتوريد علي المالك + تركيب السيراميك والتوريد على المالك + اعمال العازل).

بالنسبة للحجر الصناعي ركبت نفس المساحة عند البيت الأزرق ب 110 ألف + شعاير حجر طبيعي سعودي للنوافذ و الأبواب ب 15 ألف.

التشطيب يعتمد على الميزانية وإتفق مباشرة مع الشركات وهى تقريبا 600 ألف




هلا اخوي ahmed jasim

بالعكس انا اشوف السيراميك مهم الا اذا اهو يعرف حد يركب له صح وعلى حسب اصول الصنعه يعني اللفل والمنسوب ويستخدم المسطره الخاصه بالاعمال .
اذا يقدر يوفر حد يركب له شي طيب وبيكون افضل له
بس المشكله ياخوي اغلب المقاولين الي برع اذا جافوا الشغل عن طريق المالك مباشره يقوم يحاول يتفلسف
لانه يدري مافي فورمن ولا مهندس ولا شي .
تحاتي لك اخوي ahmed jasim والله يبارك لك في بيتك

[فنجان قهوة]

شوف اخوي هناك شركات مصنفة و غير مصنفة... والمصنفة درجات من الدرجة 1 الى الدرجة 6 بتحصلها في موقع وزارة التخطيط... وهناك مقاولين في السوق لا تجدهم في التنصنيف المذكور.

نصيحتي لك خذ اكبر قدر من عرض الاسعار من المقاولين المصنفين من الدرجة الثالثة و ما دون + مقاولين غير مصنفين من السوق ... و حدد طلباتك باضبط لهم مثل ما ذكر باتريوت عرض سعر عظم بلاستر + تشطيب كهرباء والتسليم الي كهرماء+ جميع التمديدات الصحيه وتركيب الاطقم والاكسسوارات والتوريد علي المالك + تركيب السيراميك والتوريد على المالك + اعمال العازل .
وهذا افضل حل ...لاتستعجل خذ راحتك ..شوف شغل المقاولين على الواقع

ملاحظة: معظم عرض الاسعار الي بتحصلها بتكون مبالغ فيها و بتحسب تقريبا 1200 للمتر عظم ... بس ما عليك منهم وصلها الى 750 الى 800 للمتر ...لان العظم هو سعر لمواد ثابته في القيمة مثل الطابوق و الاسمنت و الحديد والرمل... ولكن السعر المتحرك هو لبقية الاشياء في التشطيبات.

والله يوفقك

[ahmed jasim]

أخوي باتريوتp أنا ما أشكك فى كلامك
فقط حبيت أنصح بما مريت به ولمصلحة الطرفين

صاحب الموضوع
ضيف على اللسته (دك الحوش وعمل 10 سم صبية إسمنت وحديد) وعمل السور

[باتريوتP]

أخوي باتريوتp أنا ما أشكك فى كلامك
فقط حبيت أنصح بما مريت به ولمصلحة الطرفين

صاحب الموضوع
ضيف على اللسته (دك الحوش وعمل 10 سم صبية إسمنت وحديد) وعمل السور




علي رااسي والله ياخوي انت وكل الي بالسته :victory:

[قطري قديم]

مرحبا اخوي انا انصحك عظم + بلاستر + تمديد وتركيب الكهرباء كامل +وحفر وتمديد المنهولات بالاضافه لشغل البايب فيتري كامل + تركيب العوازل كامل اما باقي التشطيبات ممكن تتفق مع المقاول علي اساس يعطيك كل شي وبسعرة علشان لوماعجبك تخصم سعرة وتجيب المادة بنفسك والمقاول يركب والله يوفقك اولا واخرا في بيت العمر
عموما اخوي انا عندي شركه مقاولات ممكن تمر علينا الشركة اوترسل لي الخرايط ماعليك امر وانا انشاء الله اعطيك سعر في نفس اليوم وسوا بنيت عندي اوبنيت عند غيري ياخوي لاتشتري سمك في بحر اي شركة بتتفق معاها انشاء الله شوف شغلهم اول واذا عينت حد بناء عندهم بعد خير وبركه عموما الله يوفقك واذا تبقي عرض سعر مر علينا وابشر يالشيخ.