هـــرمــنــــــــا

[feva qatar]

سلام علييكم

من 7 شهور واانا ادور على وظيفة .. كل الهيئات والوزارات راسلتهم على ايميلهم
بحكم انيي ماقدر اروح لكل مبنى اقدم فيه

لكن عمك اصمخ محد رد عليي الا متحف الفن الاسلامي والشكر الجزيل للاستاذة عاشة الخاطر وحتى لو هي ماقبلت بتوظيفي بس الحق ينقال قابلتني وكان ردها عالايميل سريع جدا :)

اما الباقي ياما ايميلاتهم ماتشتغل ويجيني رد بان ( Delivery to the following recipients failed )

او يجيني الرد الالي بنشوف السي في وبنرد لك خبر ...

هرررمت واانا كل يوم اجيك عالايميل ماتوصلني غير رسايل المنتديات :(

موئسساتنا كلها عمالة اجنبية :weeping: احنى وين مكاانا ؟؟؟

مع ان مالي خاطر في المدارس لكني بحتد عليهااا وبقدم مجبر اخاك لابطل :( هذا لو قبلو فيني

[الخزرجي قطر]

الله يوفقك ان شاالله في وظيفه مناسبه لك

[moonبنتnight]

عندي حل 00
ركب عدسات زرق وصبغ شعرك اصفر وبمره جواز بلون لي عجبك بس لا تطلع عن بريطانيا وامريكا 00
والله وفقك ان شاء وتلاقي وظيفة 00

[feva qatar]

وعيال البلد وين يروحوون ؟؟؟ ليه المظاهر المغشوشة والكلام الي نسمعه عن التقطير والتقدم للوظائف بالايميل ؟؟ محد يرد علينا كلهم اكبر طااااااااااااااااااااااااااااااف

لي متى وموئسساتنا تهتم بالشكليات وماطبقهااا ابدا ؟

[.خالد]

شنو شهادتك ؟

[jeep-srt8]

اخوي انا تبهدلت مثلك واكثر واللحين الحمدلله استلمت وظيفة راتب غير مقبول بس شعور احسن ب 90%

بس

كل اسبوع سوي لك اعلانين في الشرق روح مبنى الشرق وسوي لك صيغة اعلان حلوة واذكر الجنسية وتاريخ الميلاد والمجال الي تبييه وبس سعر الاعلان رفعوه 60 ريال باليوم واعتقد باليومين يسون خصم يصير 100 ريال بس والله يوفقك ويعينك ولاتخاف تلفونك مابيهدى والا بالأخير ما الله يبعتلك ابن الحلال

[feva qatar]

شنو شهادتك ؟

ثانوووية

[هنت المهونه]

يارجال ..
انت منت بهين اللي تجيك رسايل من المنتديات

انا مايجيني الا رسايل الهوتميل ..

[رمــش الغلا]

شالمانع انك ماتروح لهم لين مكانهم
دور على كل وزارة ومؤسسه
قاعد اتطرش ع الايميل من فاضي ايرد عليك

[عيون الدوحة]

ههههههههههه
ضحكتني والله ترى كل الهيات والوزاراة مايدرون عن شي أسمة أيميل حاطينة بس أسم

روح قدم أوراقك ورقي ولا حط لك منوب يودي أوراقك كل الوزاراة الخ

[صوت الضمير]

انا جامعيه وصار لي سنه بالبيت

العذر لايوجد شاغر او ماعندي خبره

واخر مره قالولي انتي صغيره على الشغل مع ان عمري 25 الله يرحم والديكم قولوا مانبي نوظفك

بس لاتقولون صغيره وماعندي خبره ,,,ووزارة العمل حددت سن الموظف فوق 18

طيب محد يبي يوظفني من وين اجيب خبره؟؟

نصبر والله المستعان .. بس ياخوفي ادخل 30 ويقولون كبيره على الشغل

أبداع

[enjood]

الحل بسيط

عليك بالاستغفار والصدقه وصدقني بيجيك الفرج باذن الله

كل الود . .

[المشتاقه الى الجنه]

الحمد لله الحال واحد
قدمت لجميع الدوائر الحكوميه عالإيميل وما أحد رد علي

[sendarala]

الله يعينك ويساعدك


الكل يقول ما يبي جامعي اكا انت ثانوية وليش ما يردون عليك ويقبلون بس اسم يقولون نقطر الوظائف



حسبي الله ونعم الوكيل