شراء مديونية

[AL-GokaR]

السلام عليكم ورحمة الله

تحية طيبة للجميع ،،


مثل ماتشوفون الموضوع فوق :weeping: عندي مديونية في بنك قطر الوطني

وانا من قدماء المقترضين :rolleyes2: وتعبت مع الاقساط ابي انقل لبنك

إسلامي يشتري مديونتي بس ماحصلت كلمت المصرف ومصرف الريان قالو

مايقدرون وانا الصراحه ابي انقل وافتك من الربا بس ياليت للي عنده خبره

يفيدني والله يجزاه الف خير

[hamoor4ever]

ليش مايقدرون اخوي ؟

[hamoor4ever]

اذا اتحب تقدر تعطيني التفاصيل على الخاص ، لانه لدي خبره مصرفيه سابقه

[eXpert*]

جرب بنك بروة ,, ولا تيأس أصدق النية وتوكل على الله.. وربي بيفرجها إن شاء الله وتفتك من الدين الربوي .

الله يكفيك بحلاله عن حرامه ،، ويغنيك بفضله عمن سواه .

[الخزرجي قطر]

البنوك الاسلاميه ماتشتري القروض حسب علمي بس في طريقة تمويل شرا اسهم من البنوك انت حدد لهم المبلغ وهم بيعطونك الطريقه وسمعت ان بنك بروه يشتري المديونيه وسعر الفائده مناسب حاليا
الله يوفقك ان شاالله ويسد دينك

[AL-GokaR]

ماتقصرون والله للي ردو على الموضوع

والله يجزاكم خير انشالله

[الكولونيل]

ارسل لي رقمك ع الخاص وباخلي واحد يكلمك وإنشاءالله يقدر يساعدك

[عضو قديم]

من قال لك ان البنوك الاسلامية مايصير تشتري مديونيتك!!!!!!؟
انا كنت في البنك البريطاني وكان علي بس ٨٠ الف ورحت بنك اسلامي وقالوا لي بنسوي معاك عملية تورق والحمدلله مشت الامور ولله الحمد والمنة
بس بصراحة الحين احسن ان فلوسي فيها بركة ولله الحمد والمنة

[Abdullah_89]

الدولي الإسلامي

روح لهم الفرع وتوقع على اوراق يعطونك شيك تروح تسدد للبنك قيمه المديونيه كامله وبعدها انت تسدد للدولي الاسلامي طبعا بعد ماتحول راتبك كامل عليهم

[بو خليفه 123]

مايقدرون يشترون مديونيتك للأسباب التاليه بما انك ماذكرتها :

1 السقف الائتماني لدى مديونيتك يتعدى الـ 75% من الاساسي والعلاوه الاجتماعيه

2 شيكات مرتجعه خلال اخر 6 شهور

3 متأخرات و تعثر في مديونيتك

4 بلاك لست في بنوك قطر


ماعدا ذلك , بامكان اي بنك اسلامي شراء مديونيتك


فالك التوفيق

[سوالف بورصة]

الدولي الإسلامي

[بوسلمان 2010]

الله يفرج همك وتفتك من البنوك الربوية ان شاء الله

[قطريه ماركه]

ان شاء الله تفتك من البنك الربوي ....

[شبح الصمت]

الله يوفقك اخوي

وترى يصير يشترون مديونيتك من قال لك لا ..

بروه - مصرف الريان ..

شوف الشباب فيهم الخير والبركه ولو تبي اي استفسار بعطيك ارقام شباب مثلكم وشرواكم وراح يفيدونك إن شاء الله ..

شوف شلي بيصير معاك وخبرني ..

[بوخالد911]

الله يهونها علييك

[alwahesh]

فعلا كلامك صحيح الشيخ والله يعينك

والقرار من البنك المركزي الى نهاية 2011 فقط

والفرص الي قدامك

1-بنك بروه على الاقل اسلامي ولكن النسبه تكسر الظهر حتى لو قالو 3.5 % نسبتهم الحقيقيه 5% واكثر
2- اذا كان القرض اقل من مليون تقدر ترتب مع الاولى للتمويل وتسدد القرض دون تغيير البنك
3- بعد سداد الدين الي عليك انت مخير للانتقال الى اي بنك اسلامي

[سهيل قطر]

اناا كنت في بنك ربوي وطللعت للدولي الاسلامي وسددوو المديونيه وعطيتهم الفرق اللي ماقدرو يدفعونه 200 الف

والله الموفق

[ابو ذياب]

فعلا كلامك صحيح الشيخ والله يعينك

والقرار من البنك المركزي الى نهاية 2011 فقط

والفرص الي قدامك

1-بنك بروه على الاقل اسلامي ولكن النسبه تكسر الظهر حتى لو قالو 3.5 % نسبتهم الحقيقيه 5% واكثر
2- اذا كان القرض اقل من مليون تقدر ترتب مع الاولى للتمويل وتسدد القرض دون تغيير البنك
3- بعد سداد الدين الي عليك انت مخير للانتقال الى اي بنك اسلامي


ممكن تفهمنا ولا عليك أمر وشلون الاولى ترتب لاني ممكن اروح للاولى على شأن التسديد