ابي حل حق هالمشكله ()()()()()()()()()()()()()()

[الجوكر90]

السلام عليكم ورحمه الله وبركاته
شحالكم ياجماعه الخير
ان شاء الله مرتاحين


انا عندي مشكله ذابحتني
من 2007 وانا مع هالمشكله ومب محصلها حل

بعد ماخلصت الثانويه دخلت الجامعه واذا دوامي الساعه 8 ماقدر ارقد فليل وهم ماقدر اقوم الصبح
ع ايام اول نومي كان ثقيل ماسمع صوت المنبه بس الحين نومي عادي اقوم ع المنبه بس اكمل رقاد

وبعدين طلعت من الجامعه والحين فالكليه دوامي 7 ونص من 2009 لين الحين لازم كل كورس اخذ انذار او انذارين ع الغياب

وانا ابي اداوم بس اقوم متاخر
ومحد يقوم من هلي الساعه 6 ونص عشان يقعدني لان ماعندنا احد فالمدرسه الا اخوي فالشفلح وهلي يقعدون الساعه 7 عشان يقعدونه

والحين صارلنا 3 اسابيع مداومين انا بس داومت 3 ايام
لا يومين كنت مواصل عشان جي داومت

تكفون اذا عندكم حل لاتبخلون علي زهقت ابي اداوم


وبالتوفيق ان شاء الله



.:. الجوكر90 .:.

[متداول عالمي]

تحجم وان شاء الله ترتاح

[MAZEN37]

لازم تحافظ على روتين معين بلرقاد يعني خل عنك الخربطه كل يوم شكل
مره سهران مره نايم بدري مره قيلوله مره لا ما يصير سو نظام واحلى نظام
التزم بالصلاوات وتشوف خير باذن ربي

[روح الاطلس]

اذا سهران اكيد بتروح عليك نومة

الساعه كم تنام بالليل؟

[boamir]

اخوي حاول ماتنام وايد الصبح او الظهر لين العصر
عشان تقدر تنام بالليل بدري
انا كنت نفسك قبل لا اداوم اسهر لين الفجر احيانا وارقد لين العصر
بس مع الإيام غيرت مواعيد النوم وصرت انام الساعه 10 ونص لين 11ونص بالكثير انا نايم
واقوم الصبح عادي على منبه الجوال
وحاول تحط بالجوال اكثر من منبه يعني مره على وقت 7 بالضبط ومنبه على 7 و5 وجي يعني كل 5 دقايق تخي الجوال يعلوزك شووي
لأنه احيانا بدون ماتحس تقوم وتصكر المنبه وتكمل رقادك

ومع الإيام بتتعود ان شاء الله انك تنام مبكر وتقوم مبكر
واهم شي الصلوات ماتخليها وتصليها بوقتها

[بيانو]

واصل طول اليوم من غير نوم

وتحصل حالك من الساعه 10 فالليل يجيك النوم

يعنى هتتعب أول يوم بعدين بترتاح

روح الكليه وارجع تغدى ونام ساع بالكتير لا تكتر

وبعدين قوم قدى يومك وزى ماقولتك 10 11 12 بالكتير انت نايم

[نوفا91]

سو مثل ماقالوا لك الاعضاء وانت بخيييير ..

[(الفيصل)]

انسى كل اللي قلته وأحضر صلاة الفجر (جماعه)
وراح تنحل مشكلتك

ولاتنساني من خالص الدعاء

[شمعة الدوحه]

اخوي حاول ماتنام وايد الصبح او الظهر لين العصر
عشان تقدر تنام بالليل بدري
انا كنت نفسك قبل لا اداوم اسهر لين الفجر احيانا وارقد لين العصر
بس مع الإيام غيرت مواعيد النوم وصرت انام الساعه 10 ونص لين 11ونص بالكثير انا نايم
واقوم الصبح عادي على منبه الجوال
وحاول تحط بالجوال اكثر من منبه يعني مره على وقت 7 بالضبط ومنبه على 7 و5 وجي يعني كل 5 دقايق تخي الجوال يعلوزك شووي
لأنه احيانا بدون ماتحس تقوم وتصكر المنبه وتكمل رقادك

ومع الإيام بتتعود ان شاء الله انك تنام مبكر وتقوم مبكر
واهم شي الصلوات ماتخليها وتصليها بوقتها

نفس ماقال أخوي حط أكثر من وقت في المنبه لانه مرات واحد منهم يصادف انك متعمق في النوم وماراح تسمعه فممكن تصحى عاللي عقبه .. انا هذي طريقتي احط 3 مرات للمنبه وكل وقت بينه وبين اللي قبله ربع ساعه ..

[سيف قطر]

انسى كل اللي قلته وأحضر صلاة الفجر (جماعه)
وراح تنحل مشكلتك

ولاتنساني من خالص الدعاء
:nice: مثل ماقال اخي الفيصل وازيدك ،،لاتنسى حظك من قيام الليل ،،يزيد من النشاط وسلاح ضد الكسل ،، ويزيد من متعة النوم :nice:

[الـقـاسـي]

انا نفس مشكلتك بالضبط وللحين اعاني منها ..

[monatee]

حل آخر:


تزوج وخل الحرمه كل يوم تقعدك :waiting:

[sendarala]

مثل ما قال لك الاخ ( الفيصل) صلاة الفجر جماعة وراح تنحل مشكلتك

[الجوكر90]

تحجم وان شاء الله ترتاح

سويت حجامه
ونومي صار خفيف بس ماقوم
ولاهنت ع المرور

[الجوكر90]

لازم تحافظ على روتين معين بلرقاد يعني خل عنك الخربطه كل يوم شكل
مره سهران مره نايم بدري مره قيلوله مره لا ما يصير سو نظام واحلى نظام
التزم بالصلاوات وتشوف خير باذن ربي

مايصير يالغالي
انا ماشتغل
فالجامعه مره دوامي 7 ونص ومره 1 ومره 9 ونص
الحمدلله صلواتي اغلبها جماعه
ومارقد الظهر خير شر يعني ماعرف اقيل
لاهنت ع المرور

[الجوكر90]

اذا سهران اكيد بتروح عليك نومة

الساعه كم تنام بالليل؟

مرات ادش من الساعه 11 اتم لين صلاه الفير مارقد

[الاستاندر]

نصيحه لاتقيل امسح كلمة المقيال من قاموسك وامورك في الروب

[الجوكر90]

اخوي حاول ماتنام وايد الصبح او الظهر لين العصر
عشان تقدر تنام بالليل بدري
انا كنت نفسك قبل لا اداوم اسهر لين الفجر احيانا وارقد لين العصر
بس مع الإيام غيرت مواعيد النوم وصرت انام الساعه 10 ونص لين 11ونص بالكثير انا نايم
واقوم الصبح عادي على منبه الجوال
وحاول تحط بالجوال اكثر من منبه يعني مره على وقت 7 بالضبط ومنبه على 7 و5 وجي يعني كل 5 دقايق تخي الجوال يعلوزك شووي
لأنه احيانا بدون ماتحس تقوم وتصكر المنبه وتكمل رقادك

ومع الإيام بتتعود ان شاء الله انك تنام مبكر وتقوم مبكر
واهم شي الصلوات ماتخليها وتصليها بوقتها

اخوي ماقدر
انا بقولك شي
انا واخوي الصغير مانرقد الظهر
يعني ماعرف اقيل
لو رقدت العصر برقد لين 7 عشان جي مارقد العصر
وانا لو رقدت الساعه وحده وقمت 6 ونص
عادي اتم لين 2 او 3 ثاني يوم النوده ماتجيني
ودوامي غير كل يوم غير عن الثاني
والويك اند يخرب كل شي

[الجوكر90]

واصل طول اليوم من غير نوم

وتحصل حالك من الساعه 10 فالليل يجيك النوم

يعنى هتتعب أول يوم بعدين بترتاح

روح الكليه وارجع تغدى ونام ساع بالكتير لا تكتر

وبعدين قوم قدى يومك وزى ماقولتك 10 11 12 بالكتير انت نايم
هم مافي فايده يالغالي
اواصل واتم لين صلاه العشى اصلي وارجع ارقد لين ثاني يوم الظهر
وماقيل ماحب اقيل
ولاهنت ع المرور

[الجوكر90]

سو مثل ماقالوا لك الاعضاء وانت بخيييير ..

سويت قبل لا يوقولن لي يالغالي مافي فايده
ابي حل او علاج اذا في؟

[الجوكر90]

انسى كل اللي قلته وأحضر صلاة الفجر (جماعه)
وراح تنحل مشكلتك

ولاتنساني من خالص الدعاء

الحمدلله اغلب صلواتي فالمسيد مع الجماعه
مرات ارقد
ولاهنت

[الجوكر90]

نفس ماقال أخوي حط أكثر من وقت في المنبه لانه مرات واحد منهم يصادف انك متعمق في النوم وماراح تسمعه فممكن تصحى عاللي عقبه .. انا هذي طريقتي احط 3 مرات للمنبه وكل وقت بينه وبين اللي قبله ربع ساعه ..

عندي تلفونين واحط منبه فكل تلفون
اححط 3 منبهات
منبهين حق الدوام ومنبه حق صلاه الفجر

المشكله اقوم اصكر المنبه بس ماقدر اكمل واروح اغسل ويهي ع طول ارقد
ولاهنتي

[الجوكر90]

:nice: مثل ماقال اخي الفيصل وازيدك ،،لاتنسى حظك من قيام الليل ،،يزيد من النشاط وسلاح ضد الكسل ،، ويزيد من متعة النوم :nice:

فكره
خل اجربها من السبت
ولاهنت يالغالي

[الجوكر90]

انا نفس مشكلتك بالضبط وللحين اعاني منها ..

الله يعين اخوي
ولاهنت ع المرور

[الجوكر90]

حل آخر:


تزوج وخل الحرمه كل يوم تقعدك :waiting:

والله العظيم افكر فيها
بس الوالده الله يهداها
تقول خلص دراستك وبعدين تزوج
اذا جي مطول وايد

[الجوكر90]

مثل ما قال لك الاخ ( الفيصل) صلاة الفجر جماعة وراح تنحل مشكلتك

مشكوره اختي
ولاهنتي ع المرور

[الجوكر90]

نصيحه لاتقيل امسح كلمة المقيال من قاموسك وامورك في الروب

ما قيل خير شر بس ماشفنا لا روب ولا لبنه
ولاهنت ع المرور

[b@@]

شهالسخافة !!
صج صج الحمدلله والشكر بس
هاي موضوع ينحط في الحوار العام

[الجوكر90]

شهالسخافة !!
صج صج الحمدلله والشكر بس
هاي موضوع ينحط في الحوار العام

اسف اخوي اذا عكرت مزاجك فموضوعي
واسعدني مرورك العطر

[Dawn]

شهالسخافة !!
صج صج الحمدلله والشكر بس
هاي موضوع ينحط في الحوار العام

يكون في علمج
ان هذي مشكله منتشره بشكل ملحوظ في المدارس والجامعات
واي تربوي يميز هالمشكله على طلابه وطالباته لان هالمشكله موجوده من الصغر من سن 5 و6 و7 سنين ،،، انا لما كنت مدرسه كنت اشوف طلاب وطالبات صغار يرقدون في الصف ،، يعني متوقع انهم راح يعانون من نفس هالمشكله في المستقبل ..

و اذكر على ايام الجامعه عرفت طالبتيين عطوهم انذارات وفصل وانطردوا من الجامعه وهم من أشطر البنات وكله بسبة مشكلة النوم ..

وانا شخصيا كنت اعاني منها على ايام الجامعه وبغيت انطرد لو ماكان عندي إصرار على اني احل مشكلتي بنفسي ..

كنت اروح مواصله يومين بلا نوم علشان احضر المحاضرات ..


اخ الجوكر المشكله ان احنا حياتنا منقسمه الى قسمين حياة دراسيه او عمليه ،، وحياة فيها الالتزامات الثانيه من التزامات دينيه وتواصل مع الربع والأهل ،، وممارسة الهوايات وغيرها وهذي المشكله اللي تقولها تدل على ان فيه جانب من حياتك يطغي على الثاني ..

الحياه ما تراعي انك طالب جامعي وعندك مقررات صعبه ويبيلها وقت ...

المطلوب الحين انك تشوف حياتك وتوازنها ،، اسأل نفسك هالسؤال ... شنهو الجانب من الحياة اللي انتا مهتم فيه اكثر من غيره وتحس انه يطغي على كل شي ويسبب هالمشكله ؟

هل عندك مشكله معينه في البيت مخربه على ادارتك للوقت ؟ ( اذا عندك مشكله حاول تحلها مع اهلك بأسرع وقت ) ... هل عندك أصدقاء مزعجين ويتصلون فيك في اي وقت وما يراعون مشاغلك مع الدراسه ؟ هل انتا وقتك يضيع على هوايه معينه ( الرياضه - الرحلات - القعده مع الربع في المجلس - الألعاب الالكترونيه .. الخ )

إذا جدولك مافيه محضارات المسا ممكن يكون الحل بمواصلة يوم كامل او ازيد بكم ساعه ،،،
يعني واصل اليوم وارجع من الدوام وخلك صاحي لصلاة العشاء وبعدها نام وصدقني انتا بنفسك راح تقوم قبل صلاة الفجر بدون منبه .. يمكن راح تقوم قبل الصلاه باربع او 5 ساعات هالوقت استغله في الدراسه والابحاث والمشاريع وغيرها .. ( لا تحاول تقعد لبعد الساعه 10 بالليل لانك بتخرب كل شي واذا تعديت هالساعه راح تسهر للصبح وبترجع لنفس المشكله ،، انا اكلمك من تجربه )

وللكورسات الجايه لا تاخذ اكثر من 12 او 15 ساعه ،، يمكن الضغط بالدراسه مسبب لك هالمشاكل كلها .. لان القلق من كثر المشاغل ممكن يسبب الأرق ..

شي اخير : خل الاساتذه يعرفون مشكلتك لان صدقني المدرس راح يحاول يراعيك اذا درى ان حالتك خاصه .. وممكن يقترح عليك حلول للمشكله هذي .. وانتا بتلتزم بالمقترحات لانك تعرف انه هالشخص متابعك بشكل يومي ..

وبالتوفيق ان شا الله

[حقيقه]

عليك بالرياضه قبل ماتروح للسرير

ومب من أول مره بيتعدل رقادك يبيلك فتره لين تتعود

[الراقيه سبشل]

انت حط ببالك انك تصحى بدري واقنع نفسك انو اهم اشي بحياتك هو قومتك الصبح

وقبل ماتنام حط براسك انك لااااااازم تصحى قبل ال 7

وان شااء الله بتنفع معك لانها نفعت معاي مع العلم انو نومي ثقيل كمان ولا أي منبه ممكن ينفع معاي :)

[fhd4]

لا تمسك الجوال أو اللابتوب او الايباد او التلفزيون او اي جهاز ثاني من الساعة 9 ... وتعشى بدري بس عشا خفيف ...

وحط راسك الساعة 10 وان شاء الله راح تقوم في الوقت اللي تبيه ...

[بوالبيض]

رتب يومك وكل شي بصير اوكي
اتوقع يمكن انت الظهر ترقد عشان جي ما ترقد عدل فليل
وخل عنك السهر وبيكون وضعك في السليم

[السهم الشمالي]

انسى كل اللي قلته وأحضر صلاة الفجر (جماعه)
وراح تنحل مشكلتك

ولاتنساني من خالص الدعاء


أزيد على كلام أخوي الفيصل جزاه الله خير
لاتعشى متأخر ولاتثقل في العشى
وحاول أنك تنام بدري يعني لو حصل وقدرت تاكل عشاك مابين صلاة المغرب وصلاة العشى شي طيب ، وتجنب النوم في النهار ، وخاصة النوم بعد صلاة العصر .
والله يوفقك .

[بيانو]

أخوى الجوكر 90

دام كل الإقتراحات أنت سوتها من قبل ومانفعت معاك

فعليك بمراجعة طبيب متخصص

[كازانوفا]

حط جنبك ديك هاي احسن حل

[tradesman]

ارقد في مكان مو مكانك

يعني اذا ترقد بالغرفه غير

وارقد بالصاله

على الكرسي وخل التلفزيون على الجزيرة الوثائقية

صدقني بتقوم

لانه بعدين يكون عندك حس السمع اقوى شي

[روح الاطلس]

اذا الحالة جديدة معاك وماكنت موجودة من قبل روح افحص دمك هذا أولاً

ثانياً شكلك تعاني من الأرق دام تقول تدش من 11 ومايجيك نوم للفجر وكل هالمدة تحاول تنام ومافي امل تنام .. في هالحالة اذا مرت ساعة وانت على السرير بدون نوم قوم على طول وسوي اي نشاط فيه مجهود اقرا كتاب مثلا حاول تحفظ شي او اقعد استغفر ( الشيطان يستانس لما تسوي عبادة يطمر عليك سيدة ويخليك تنعس )

ثالث شي وانا جربته بنفسي رياضة المشي .. على الساعة تسعه كل يوم اطلع امشي لمدة نص ساعة وبعدها تعشى عشى خفيف وعلى 11 او 12 ادخل نام

من الامور الحلوة الزيوت العطرية وخاصة زيت اللافندر تحط قطرات منه على مخدتك ريحته عجيبة ويرخي الاعصاب وتنام احلا نومة وبعمق

ان كنت تشرب منبهات او تاخذ ادوية معينة ياليت توضح

[toomi9]

انا نفسك والله
بس الحين تحرقصت لان مستواي نزل مايلاعبوون خخخخخخ
الحل ياخوي عندي وجربه وبينفعك واناا اختك
حط لك منبهين اوول منبه عند راسك يصحيك من عز نومك وبعدهاا ب خمس دقايق خل المنبه الثاني يرن لكن الثاني لا تخليه عند راسك خله بعيد عنك يعني تضطرر تقوم من السرير عشان تسكره ومن جذيه انت قمت من النوم وسكر المكيف وانت قايم وافتح الليتات

واكيد قبل هاي كله لازم تنظم نومك
اماا انك ماتقيل وترقد 10 او 11
اوو انك تقيل لك ساعتين وبعد حاول ترقد بدري 11 / 12 بالكثير انت تشاخر ع السرير هههههه
بس نفس ماقلت لك خل منبهين الاول يرن عند راسك وبعدها بخمس دقايق يرن الثاني وهو بعيد
وفالك طيب ان شاء الله

[toomi9]

اي صح .. جيك على الفيتامينات
بذات فيتانين داال
انا جات فتره اخذ فيتامين دال لانه ناقص استعدل نومي وصرت انشط من قبل

[GENIUS]

جرب هالحل وهو انك تخلي المنبه سواء كان تيلفون او ساعة تنبيه بعيده عن متناول يدك في مكان نومك يعني لازم تقوم من مكانك عشان تسكت جرس التنبيه وصدقني انا جربتها ومشت معاي سهالات لأنك إذا قمت خلاص راح تكون بوعيك وتنتبه لنفسك ولعامل الوقت

[موضي قطر]

مارس نشاط رياضي مثل المشي ساعة ولا تقيل


وحاول تخلص الالتزامات اللي عليك وانت صاحي


وبعد صلاة العشاء او بالكثير 10 حط راسك ونام ..


ومثل ماقال اخونا الفيصل عليك بالصلاة في جماعة ..

او حاول تصلي ركعتين قبل ماتنام ..

لازم تجبر عمرك في الأول على الالتزام بالمواعيد الجديدة للنوم

الله يعينك

[بوحارب]

الله يعينك

اتوقع مالك الا ان الزواج احسن حل ههههههههه

[الجوكر90]

يكون في علمج
ان هذي مشكله منتشره بشكل ملحوظ في المدارس والجامعات
واي تربوي يميز هالمشكله على طلابه وطالباته لان هالمشكله موجوده من الصغر من سن 5 و6 و7 سنين ،،، انا لما كنت مدرسه كنت اشوف طلاب وطالبات صغار يرقدون في الصف ،، يعني متوقع انهم راح يعانون من نفس هالمشكله في المستقبل ..

و اذكر على ايام الجامعه عرفت طالبتيين عطوهم انذارات وفصل وانطردوا من الجامعه وهم من أشطر البنات وكله بسبة مشكلة النوم ..

وانا شخصيا كنت اعاني منها على ايام الجامعه وبغيت انطرد لو ماكان عندي إصرار على اني احل مشكلتي بنفسي ..

كنت اروح مواصله يومين بلا نوم علشان احضر المحاضرات ..


اخ الجوكر المشكله ان احنا حياتنا منقسمه الى قسمين حياة دراسيه او عمليه ،، وحياة فيها الالتزامات الثانيه من التزامات دينيه وتواصل مع الربع والأهل ،، وممارسة الهوايات وغيرها وهذي المشكله اللي تقولها تدل على ان فيه جانب من حياتك يطغي على الثاني ..

الحياه ما تراعي انك طالب جامعي وعندك مقررات صعبه ويبيلها وقت ...

المطلوب الحين انك تشوف حياتك وتوازنها ،، اسأل نفسك هالسؤال ... شنهو الجانب من الحياة اللي انتا مهتم فيه اكثر من غيره وتحس انه يطغي على كل شي ويسبب هالمشكله ؟

هل عندك مشكله معينه في البيت مخربه على ادارتك للوقت ؟ ( اذا عندك مشكله حاول تحلها مع اهلك بأسرع وقت ) ... هل عندك أصدقاء مزعجين ويتصلون فيك في اي وقت وما يراعون مشاغلك مع الدراسه ؟ هل انتا وقتك يضيع على هوايه معينه ( الرياضه - الرحلات - القعده مع الربع في المجلس - الألعاب الالكترونيه .. الخ )

إذا جدولك مافيه محضارات المسا ممكن يكون الحل بمواصلة يوم كامل او ازيد بكم ساعه ،،،
يعني واصل اليوم وارجع من الدوام وخلك صاحي لصلاة العشاء وبعدها نام وصدقني انتا بنفسك راح تقوم قبل صلاة الفجر بدون منبه .. يمكن راح تقوم قبل الصلاه باربع او 5 ساعات هالوقت استغله في الدراسه والابحاث والمشاريع وغيرها .. ( لا تحاول تقعد لبعد الساعه 10 بالليل لانك بتخرب كل شي واذا تعديت هالساعه راح تسهر للصبح وبترجع لنفس المشكله ،، انا اكلمك من تجربه )

وللكورسات الجايه لا تاخذ اكثر من 12 او 15 ساعه ،، يمكن الضغط بالدراسه مسبب لك هالمشاكل كلها .. لان القلق من كثر المشاغل ممكن يسبب الأرق ..

شي اخير : خل الاساتذه يعرفون مشكلتك لان صدقني المدرس راح يحاول يراعيك اذا درى ان حالتك خاصه .. وممكن يقترح عليك حلول للمشكله هذي .. وانتا بتلتزم بالمقترحات لانك تعرف انه هالشخص متابعك بشكل يومي ..

وبالتوفيق ان شا الله

مشكوره الشيخه ع كل الكلام الي قلتيه
وفي اشيا وايد مفيده

عن نفسي لله الحمد ماعندي مشاكل كلش لا فالبيت ولا برع البيت
وانا من النوع الي المشاكل ماتاثر فيني او احد يعرف ان عندي مشاكل

وحياتي الله يسلمج الصبح عندي الكليه لين العصر
ارجع اقعد فالبيت لين العشى
بعدها اطلع لين الساعه 10 او مرات اتاخر لين 11 ونص

وهواياتي ماعندي شي يومي بس الي مسبب لي المشكله الدوري الاسباني مبارياتهم من 9 لين 1

والشي الطاغي علي احب اقعد مع الربع فالميلس

احنا نظامنا اقل شي 20 ساعه فالاسبوع لين 26 ساعه
وماقدر احذف ولا ماده لان بتاخر كورس لو حذفت

وامس قريت كلامج لاني كنت مواصل
رقدت بعد المغرب بدون ماحس وماقمت الا قبل صلاه الظهر اليوم

يمكن نسيت اقول اني احب النوم لدرجه اني ارقد وماقوم :shy:

وتسلمين الشيخه ولاهنتي ع المرور

[الجوكر90]

عليك بالرياضه قبل ماتروح للسرير

ومب من أول مره بيتعدل رقادك يبيلك فتره لين تتعود

صحيح جربت اني امشي فالفريج بس ماقدرت اكمل
بس ان شاء الله برجع امارس الرياضه
مشكوره اختي ع المرور

[الجوكر90]

انت حط ببالك انك تصحى بدري واقنع نفسك انو اهم اشي بحياتك هو قومتك الصبح

وقبل ماتنام حط براسك انك لااااااازم تصحى قبل ال 7

وان شااء الله بتنفع معك لانها نفعت معاي مع العلم انو نومي ثقيل كمان ولا أي منبه ممكن ينفع معاي :)

كل يوم اقول لازم اقوم عشان اداوم واقنع نفسي اني بقوم
واخر شي اقوم متاخر
ولاهنتي ع المرور اختي

[الجوكر90]

لا تمسك الجوال أو اللابتوب او الايباد او التلفزيون او اي جهاز ثاني من الساعة 9 ... وتعشى بدري بس عشا خفيف ...

وحط راسك الساعة 10 وان شاء الله راح تقوم في الوقت اللي تبيه ...



فليل اذا ابي ارقد مامسك الاب توب الا شوي
بس العشى هو الي مخرب علي
الشباب مايتعشون الا ع الساعه 10
وانا معاهم
شكلي ببدا من السبت بتعشى الساعه 8
مشكور اخوي
ولاهنت

[الجوكر90]

رتب يومك وكل شي بصير اوكي
اتوقع يمكن انت الظهر ترقد عشان جي ما ترقد عدل فليل
وخل عنك السهر وبيكون وضعك في السليم

لا اخوي ماقيل الظهر
ومشكور ع المرور

[الجوكر90]

أزيد على كلام أخوي الفيصل جزاه الله خير
لاتعشى متأخر ولاتثقل في العشى
وحاول أنك تنام بدري يعني لو حصل وقدرت تاكل عشاك مابين صلاة المغرب وصلاة العشى شي طيب ، وتجنب النوم في النهار ، وخاصة النوم بعد صلاة العصر .
والله يوفقك .

اي ان شاء الله بحاول اكل الساعه 8
وبسوي الاشيا الي ذكرتوها
ولاهنت ع المرور

[الجوكر90]

أخوى الجوكر 90

دام كل الإقتراحات أنت سوتها من قبل ومانفعت معاك

فعليك بمراجعة طبيب متخصص

ياخي والله انت فاهمني
كنت ناطر واحد يقولي روح حق دكتور
افكر فدكتور نفسي
بس يستقبلون هالحالات ولا في قسم ثاني
ومشكور ع المرور

[الجوكر90]

حط جنبك ديك هاي احسن حل

مافي فايده بطرده وبكمل
قبل اسبوع خليت باب الغرفه مفتوح
وقلت لمي قعديني لاني سمعت انها بتقعد من الصبح هاليوم
المهم قعدتني قمت بس حدي تعبان اول ماشفتها طلعت رحت قفلت الباب وكملت
ومشكوره ع المرور

[الجوكر90]

ارقد في مكان مو مكانك

يعني اذا ترقد بالغرفه غير

وارقد بالصاله

على الكرسي وخل التلفزيون على الجزيرة الوثائقية

صدقني بتقوم

لانه بعدين يكون عندك حس السمع اقوى شي

فكره حلوه
بحاول اسويها
ومشكور ع المرور

[الجوكر90]

اذا الحالة جديدة معاك وماكنت موجودة من قبل روح افحص دمك هذا أولاً

ثانياً شكلك تعاني من الأرق دام تقول تدش من 11 ومايجيك نوم للفجر وكل هالمدة تحاول تنام ومافي امل تنام .. في هالحالة اذا مرت ساعة وانت على السرير بدون نوم قوم على طول وسوي اي نشاط فيه مجهود اقرا كتاب مثلا حاول تحفظ شي او اقعد استغفر ( الشيطان يستانس لما تسوي عبادة يطمر عليك سيدة ويخليك تنعس )

ثالث شي وانا جربته بنفسي رياضة المشي .. على الساعة تسعه كل يوم اطلع امشي لمدة نص ساعة وبعدها تعشى عشى خفيف وعلى 11 او 12 ادخل نام

من الامور الحلوة الزيوت العطرية وخاصة زيت اللافندر تحط قطرات منه على مخدتك ريحته عجيبة ويرخي الاعصاب وتنام احلا نومة وبعمق

ان كنت تشرب منبهات او تاخذ ادوية معينة ياليت توضح

لا معاي من الابتدائيه
بس كان نومي ثقيل قبل
الحين بعد الحجامه اسمع المنبه بس ماقدر اقوم
او اصكره وارقد

المشكله انتي بنبه وانا ولد
يعني انتي قاعده فالبيت وماتطلعين فليل
انا ولد اطلع لين الساعه 10 و11 محد يقولي شي عشان جي المشي صعب علي
بس ان شاء الله بحاول

وشو الزيوت العطرية وخاصة زيت اللافندر
ومن وين؟

لا الحمدلله ماعاني من اي مرض ولا عانيت
والله يحفظ كل المسلمين من الامراض

ومشكوره اختي ع المرور

[ابوالكلام]

مارس تماريين رياضية لرفع ليقاتك

[الجوكر90]

انا نفسك والله
بس الحين تحرقصت لان مستواي نزل مايلاعبوون خخخخخخ
الحل ياخوي عندي وجربه وبينفعك واناا اختك
حط لك منبهين اوول منبه عند راسك يصحيك من عز نومك وبعدهاا ب خمس دقايق خل المنبه الثاني يرن لكن الثاني لا تخليه عند راسك خله بعيد عنك يعني تضطرر تقوم من السرير عشان تسكره ومن جذيه انت قمت من النوم وسكر المكيف وانت قايم وافتح الليتات

واكيد قبل هاي كله لازم تنظم نومك
اماا انك ماتقيل وترقد 10 او 11
اوو انك تقيل لك ساعتين وبعد حاول ترقد بدري 11 / 12 بالكثير انت تشاخر ع السرير هههههه
بس نفس ماقلت لك خل منبهين الاول يرن عند راسك وبعدها بخمس دقايق يرن الثاني وهو بعيد
وفالك طيب ان شاء الله

احط منبهين الشيخه
واحد عند راسي والثاني ع الطاوله الي جنبي وفي وقت بينهم

وحتى لو قمت وفتحت الليت ماعنجي مشكله اكمل

ومافي مكيف فبيتنا سنترال وهاي مشكله لان الجو دوم بارد وجو رقاد
ولاهنتي الشيخه

[الجوكر90]

اي صح .. جيك على الفيتامينات
بذات فيتانين داال
انا جات فتره اخذ فيتامين دال لانه ناقص استعدل نومي وصرت انشط من قبل

اشلون اشيك
مع اني اكل كل شي
خضروات وفواكه
ولاهنتي مره ثانيه :shy:

[الجوكر90]

جرب هالحل وهو انك تخلي المنبه سواء كان تيلفون او ساعة تنبيه بعيده عن متناول يدك في مكان نومك يعني لازم تقوم من مكانك عشان تسكت جرس التنبيه وصدقني انا جربتها ومشت معاي سهالات لأنك إذا قمت خلاص راح تكون بوعيك وتنتبه لنفسك ولعامل الوقت

ان شاء الله بجرب وبحط منبه بعيد عني
ومشكور ع المرور اخوي

[الجوكر90]

مارس نشاط رياضي مثل المشي ساعة ولا تقيل


وحاول تخلص الالتزامات اللي عليك وانت صاحي


وبعد صلاة العشاء او بالكثير 10 حط راسك ونام ..


ومثل ماقال اخونا الفيصل عليك بالصلاة في جماعة ..

او حاول تصلي ركعتين قبل ماتنام ..

لازم تجبر عمرك في الأول على الالتزام بالمواعيد الجديدة للنوم

الله يعينك

اي بحاول امشي
والالتزامات قمت اكتب نوتات عشان اقراهم واخلصهم
وان شاء الله بصلي قبل لا ارقد
ومشكوره ع المرور

[الجوكر90]

الله يعينك

اتوقع مالك الا ان الزواج احسن حل ههههههههه

اعطيك رقم الوالده عشان تقنعها :tease:
ولاهنت ع المرور

[الجوكر90]

مارس تماريين رياضية لرفع ليقاتك

ان شاء الله اخوي
ولاهنت ع المرور

[al_jo0ory]

انزين انا عندي حل مجرب وان شاء الله ينفع معاك

جرب تنزل لك عالايفون ولا الايباد ولا الجالكسي برنامج المنبه اللي مايتصكر لييييييييين ماتحل معادله

انا في البدايه قلت بجرب يوم واحد وصج ترى لما تقوم غصبببببببببببببببببن عنك وتشغل مخك علشان تحل المعادله يطير النوم على طووووووووووووول ... ويفضل ان تحط نغمة المنبه عااااااااليه لو انت ماتقوم على صوت المنبه العادي وتحط الجوال في مكان بعيد علشان تضطر انك تقوم


بس حاسب لاتحذف التلفون عالطوفه :tease::tease::tease:

[الجوكر90]

انزين انا عندي حل مجرب وان شاء الله ينفع معاك

جرب تنزل لك عالايفون ولا الايباد ولا الجالكسي برنامج المنبه اللي مايتصكر لييييييييين ماتحل معادله

انا في البدايه قلت بجرب يوم واحد وصج ترى لما تقوم غصبببببببببببببببببن عنك وتشغل مخك علشان تحل المعادله يطير النوم على طووووووووووووول ... ويفضل ان تحط نغمة المنبه عااااااااليه لو انت ماتقوم على صوت المنبه العادي وتحط الجوال في مكان بعيد علشان تضطر انك تقوم


بس حاسب لاتحذف التلفون عالطوفه :tease::tease::tease:

عندي ايفون
بس ممكن اسم البرنامج
لان فكره حلوه
لا وين احذف الايفون دافع عليه 3000
ومشكوره ع المرور

[almaf1a]

تروح مواصل للجامعه وترقد الساعه كم؟
بعد الغدا والا العصر ؟

[al_jo0ory]

عندي ايفون
بس ممكن اسم البرنامج
لان فكره حلوه
لا وين احذف الايفون دافع عليه 3000
ومشكوره ع المرور


للأسف ما اعرف والله اسم البرنامج في الاب ستور ... لأني منزله هالبرنامج في الجالكسي وعجيييييييييييييب
بس جرب تكتب في البحث في الاب ستو alarm وبتلقى ان شاء الله

[العـوا]

السهر ابتعد عنه نصيحه

[العقل الحر]

لا منبه بنفعك
لا عشى بدري بنفعك
لا سهر بنفعك
لا تحاول تنام بدري بنفعك
لا مقيال بنفعك
وادري انك ماتقيل

لازم يصيدك شي يغير من حياتك 180 درجه وبعدها بتغير نومك

او تراجع طبيب مختص فقط لا غير

وجميع الخيارات المتاحه من منبه او غيره ليست بحل

واسئل مجرب

[الجوكر90]

تروح مواصل للجامعه وترقد الساعه كم؟
بعد الغدا والا العصر ؟

لا مب دوم اروح مواصل
بس هالكورس اضطريت 3 ايام اروح مواصل عشان مارقد واطوفني المحاضرات
واذا واصلت ارقد بعد العشى
بس امس رقدت بعد المغرب

[الجوكر90]

للأسف ما اعرف والله اسم البرنامج في الاب ستور ... لأني منزله هالبرنامج في الجالكسي وعجيييييييييييييب
بس جرب تكتب في البحث في الاب ستو alarm وبتلقى ان شاء الله

دورت الشيخه بس ماحصلت
ممكن تصورين لي البرنامج يمكن مب مطتوب انه مع تمارين
والسموحه ع الازعاج

[الجوكر90]

السهر ابتعد عنه نصيحه

بحاول مع الحلول الي اذكروها لي الاعضاء
ولاهنت

[الجوكر90]

لا منبه بنفعك
لا عشى بدري بنفعك
لا سهر بنفعك
لا تحاول تنام بدري بنفعك
لا مقيال بنفعك
وادري انك ماتقيل

لازم يصيدك شي يغير من حياتك 180 درجه وبعدها بتغير نومك

او تراجع طبيب مختص فقط لا غير

وجميع الخيارات المتاحه من منبه او غيره ليست بحل

واسئل مجرب

شي يغير حياتي
تقصد اتزوج صح
امبله امبله تقصد اتزوج:tease:

والله يالغالي بجرب اني اتعشى بدري
وباقي الحلول الي عطوني ياها الاعضاء
ولاهنت ع المرور

[الاستراتيجي]

مرحبى اخوي الجوكر

هذا البرنامج اللي طلبته للايفون

(c.r.a.z.y alarm) كريزي الارم

مميزات برنامج رائع جدا , يوجد اكثر من 20 نغمة للتنبيه , والبرنامج يوجد مجاني ويوجد كامل
ويوجد ميزه وهي: مثال وضعت منبه الساعة 6 صباحا
وبعد ما صار الساعة 6 راح يذكرك البرنامج بتنبيه الذي وضعته ويطلب منك تشغيل البرنامج وتحريكه
لــ100 مرة حتى يتوقف الصوت,وحتى اذا ضغطت ع زر هوم راح يعطيك رسالة ان لازم تحركه الجهاز,

وما تقدر تخفض الصوت, ويوجد عدد تحريك الجهاز 30-50-100-300-500-1000

يعني برنامج عجبني كثير ويستحق استخدامه لمن هو كسول في نومه

--------------




بالنسبة لمشكلتك هو نوع من الارق يعاني منها الكثير والسبب هو ارتفاع درجة حرارة الجسم بالليل وقت النوم مما ينتج عنه خلل وانك ما تقدر تنام

الحل

هو انك تنزل حرارة جسمك بس كيف :ok2:

اجلس في حوض به ماي دافي لمدة دقايق وبعدها بتنزل حرارة جسمك وبتشعر بالنعاس

[مرتبش]

اتفق مع الاخ بيانو
باين انك جربت اغلب افكار واقتراحات الاعضاء..فلذلك راجع طبيب مختص ..يعطيك المفيد لك بعد شرح الحالة بكل جوانبها..مهما يكون احنا في المنتدى تبقى بعض الاشياء غير واضحة لنا ومجهولة

وماتشوف شر

[مستر بن]

انا نفسك والله
بس الحين تحرقصت لان مستواي نزل مايلاعبوون خخخخخخ
الحل ياخوي عندي وجربه وبينفعك واناا اختك
حط لك منبهين اوول منبه عند راسك يصحيك من عز نومك وبعدهاا ب خمس دقايق خل المنبه الثاني يرن لكن الثاني لا تخليه عند راسك خله بعيد عنك يعني تضطرر تقوم من السرير عشان تسكره ومن جذيه انت قمت من النوم وسكر المكيف وانت قايم وافتح الليتات

واكيد قبل هاي كله لازم تنظم نومك
اماا انك ماتقيل وترقد 10 او 11
اوو انك تقيل لك ساعتين وبعد حاول ترقد بدري 11 / 12 بالكثير انت تشاخر ع السرير هههههه
بس نفس ماقلت لك خل منبهين الاول يرن عند راسك وبعدها بخمس دقايق يرن الثاني وهو بعيد
وفالك طيب ان شاء الله



ياا حظكم ,,

الله يخلي الواالد ,


يقووول علي بصووت عاالي ’’


عـ طول الله يعزكم > الحمام > وانتوو بكراامة خخخخ

[استغفرالله]

اكشف على الغدة والاملاح بعد

[ms-qtr]

فعلا اذا ما تقدر تقوم
صل الفجر ومن عقبها لا تنام

[أحاول]

حط لك منبهين يرنون في وقت واحد والثالث يرن عقبهم بعشر دقايق شرط تقوم غصب سوى مثلي بعدين قوم نفسك غصب قول حق نفسك خلاص انتهى النوم بيطير من عينك وبتقوم من واقع تجربة سواء لصلاة الفجر اوبعدها للدوام وبعضهم يأخر الفجر ويصليها مع صحوته للدوام وعود نفسك لا تسهر وفقك الله لما يحب ويرضى

[ام السعف]

اكشف على مخك يمكن ساعتك البيلوجية فيها عطب فني

وان طلعت ساعتك البيولوجية ما فيها شي ،،

حاول انك تصرخ بحس عااااااااااااااالي في كومة غترة اتحطها على حلجك
علشان صوتك ما ينسمع ويفضل اتشغل شي وترفع الصوت ،،
وعقب تركب على الكرسي واتطب وتركب على السرير واتطب منه
وتتحرك حركات هستيرية نص ساعة بالضبط ولا تتوقف كلش ،،

جرب هالسالفة اسبوع
بتحصل نتايج مبهرة

[صوت الضمير]

انا كنت نفسك كله اغياب اول كورس بالجامعه ... لكن عقب عرفت الحل

حطيت دوامي بالجامعه يبدأ من 10 الصبح إلى 5 العصر او 6 المغرب

لازم تعود نفسك على الاعتماد على النفس اذا حطيت ببالك انه احد يقعدك مراح تقوم

لازم انت تحط منبه وتقوم عليه ..حاول تنام بدري وتقلل من المنبهات .. بس انصحك فيها الصبح *_^ تعطيك مزاج عالي

وبالتوفيق اخوي ... شد حيلك الايام تمشي بسرعه

[الجوكر90]

مرحبى اخوي الجوكر

هذا البرنامج اللي طلبته للايفون

(c.r.a.z.y alarm) كريزي الارم

مميزات برنامج رائع جدا , يوجد اكثر من 20 نغمة للتنبيه , والبرنامج يوجد مجاني ويوجد كامل
ويوجد ميزه وهي: مثال وضعت منبه الساعة 6 صباحا
وبعد ما صار الساعة 6 راح يذكرك البرنامج بتنبيه الذي وضعته ويطلب منك تشغيل البرنامج وتحريكه
لــ100 مرة حتى يتوقف الصوت,وحتى اذا ضغطت ع زر هوم راح يعطيك رسالة ان لازم تحركه الجهاز,

وما تقدر تخفض الصوت, ويوجد عدد تحريك الجهاز 30-50-100-300-500-1000

يعني برنامج عجبني كثير ويستحق استخدامه لمن هو كسول في نومه

--------------




بالنسبة لمشكلتك هو نوع من الارق يعاني منها الكثير والسبب هو ارتفاع درجة حرارة الجسم بالليل وقت النوم مما ينتج عنه خلل وانك ما تقدر تنام

الحل

هو انك تنزل حرارة جسمك بس كيف :ok2:

اجلس في حوض به ماي دافي لمدة دقايق وبعدها بتنزل حرارة جسمك وبتشعر بالنعاس

اي يالغالي نزلته تسلم وماتقصر
والحين بجربه

تهقى لان جسمي حرارته مرتفعه
شكلي بغطس فالجكوزي كل يوم
تسلم ع المرور
ولاهنت

[الجوكر90]

اتفق مع الاخ بيانو
باين انك جربت اغلب افكار واقتراحات الاعضاء..فلذلك راجع طبيب مختص ..يعطيك المفيد لك بعد شرح الحالة بكل جوانبها..مهما يكون احنا في المنتدى تبقى بعض الاشياء غير واضحة لنا ومجهولة

وماتشوف شر

الشر مايجيك اخوي
هاي الي بسويه
بس قلت بجرب حلول الاعضاء اسبوعين او ثلاث وبعدها بدور لي ع دكتور مختص
ومشكور ع المرور

[الجوكر90]

ياا حظكم ,,

الله يخلي الواالد ,


يقووول علي بصووت عاالي ’’


عـ طول الله يعزكم > الحمام > وانتوو بكراامة خخخخ

يوم كنا صغار امي كانت تجرنا جر عشان نقوم
وكنا نرقد فالحمام وانتو بكرامه

[الجوكر90]

اكشف على الغدة والاملاح بعد

بعد
هاي شي يديد
المهم حبه حبه
اخر شي بسويه الكشف والدكاتره
ولاهنتي ع المرور

[أخت التفاؤل]

كثر من الدعاء أخوي
وحط المنبه بعيد عنك .. بحيث تضطر تقوم تسكره

[أخت التفاؤل]

انزين انا عندي حل مجرب وان شاء الله ينفع معاك

جرب تنزل لك عالايفون ولا الايباد ولا الجالكسي برنامج المنبه اللي مايتصكر لييييييييين ماتحل معادله

انا في البدايه قلت بجرب يوم واحد وصج ترى لما تقوم غصبببببببببببببببببن عنك وتشغل مخك علشان تحل المعادله يطير النوم على طووووووووووووول ... ويفضل ان تحط نغمة المنبه عااااااااليه لو انت ماتقوم على صوت المنبه العادي وتحط الجوال في مكان بعيد علشان تضطر انك تقوم


بس حاسب لاتحذف التلفون عالطوفه :tease::tease::tease:

هههههههههه عجييييب :nice::nice:
بس اللي ما يعرف رياضيات شيسوي ؟

[الجوكر90]

فعلا اذا ما تقدر تقوم
صل الفجر ومن عقبها لا تنام

لا وين لو مارقدت لين الفير يعني لازم اواصل
ومشكوره ع المرور

[الجوكر90]

حط لك منبهين يرنون في وقت واحد والثالث يرن عقبهم بعشر دقايق شرط تقوم غصب سوى مثلي بعدين قوم نفسك غصب قول حق نفسك خلاص انتهى النوم بيطير من عينك وبتقوم من واقع تجربة سواء لصلاة الفجر اوبعدها للدوام وبعضهم يأخر الفجر ويصليها مع صحوته للدوام وعود نفسك لا تسهر وفقك الله لما يحب ويرضى

تسلم اخوي
ولاهنت

[الجوكر90]

اكشف على مخك يمكن ساعتك البيلوجية فيها عطب فني

وان طلعت ساعتك البيولوجية ما فيها شي ،،

حاول انك تصرخ بحس عااااااااااااااالي في كومة غترة اتحطها على حلجك
علشان صوتك ما ينسمع ويفضل اتشغل شي وترفع الصوت ،،
وعقب تركب على الكرسي واتطب وتركب على السرير واتطب منه
وتتحرك حركات هستيرية نص ساعة بالضبط ولا تتوقف كلش ،،

جرب هالسالفة اسبوع
بتحصل نتايج مبهرة

هاي ان ماخاب ظني كويتي عنده دكتوراه فطب النفس كان عنده نفس حالتي او شي مشابه راح امريكا وواحد دكتور قاله سوو جي وقام يسوي هالحركات ونفعت معاه
ومشكوره ع المرور

[الجوكر90]

انا كنت نفسك كله اغياب اول كورس بالجامعه ... لكن عقب عرفت الحل

حطيت دوامي بالجامعه يبدأ من 10 الصبح إلى 5 العصر او 6 المغرب

لازم تعود نفسك على الاعتماد على النفس اذا حطيت ببالك انه احد يقعدك مراح تقوم

لازم انت تحط منبه وتقوم عليه ..حاول تنام بدري وتقلل من المنبهات .. بس انصحك فيها الصبح *_^ تعطيك مزاج عالي

وبالتوفيق اخوي ... شد حيلك الايام تمشي بسرعه

الشيخه يمكن عندج لبس فالموضوع
انا فكليه الشمال الاطلنطي
يعني مب انا احط الجدول هم يعطوني الجدول جاهز
ودوامي هالكورس كله 7 ونص اول محاضره ولين الساعه 4 ونص اغلب الايام

ومشكوره ع تفاعلج فالموضوع
ولاهنتي الشيخه

[الجوكر90]

كثر من الدعاء أخوي
وحط المنبه بعيد عنك .. بحيث تضطر تقوم تسكره

ان شاء الله
ولاهنتي ع المرور

[هدى ورحمه]

اخوي تعديل مواعيد النوم مهمه اكيد كلنا جربنا نلخبط مواعيدنا وكلنا جربنا معاناه تعديله

بس انها توصل انك تتدهور في امورك الحياتيه والتزاماتك وتوصل انذارات اسمح لي انت تحتاج لتدخل حد

لانك دخلت في دوامه البرمجه الذاتيه ، برمجت نفسك بسبب تكرار هذه العاده السيئه حتى اصبحت تحس انك مسير غير مخير ..في حين انك تقدر تتجاوزها
بعطيك حل سحري
انا نفسي استخدمه لما تكون عندي مواعيد صباحيه مهمه او احس اني سهرت واحتاج اصحى الصبح الحل السحري هو
(( قبل لا تنام اشرب كوب نسكافيه ، ايوه كوب نسكافيه ومش بالضروره مركز اشربه مع حليب وملعقه صغيره من النسكافيه بكافيين ،لو نعسان ماراح يطير النوم من عينك ، بتنام صدقني ، لكن بيبدأ مفعول النسكافيه قبل نومك بساعه تقريبا ، بحيث يبدأ يكون نومك خفيف ،انشالله لو نايم الساعه 3 الفجر ومضطر تداوم الساعه 7 راح تنام بس بتقوم نشيط وايد ومافي احساس نعاس وخمول وثقل وكسل ، بيتم احساس النشاط معاك لحد انقضاء اليوم
اذا حابب تكرر الشغله لحد ما يتعدل موعد رقادك اوكي )))
والله مجربه شخصيا ، شغله ثانيه تساعدك تقوم من السرير غصبا عنك
خل المنبه بعيد مب جنبك بحيث اذا رن المنبه ماتمسكه بيدك وانت نايم وتطفيه لا ، خله بعيد يعني عشان تسكره لازم تقوم تمشي ، بالطريقه هذي راح يطير النوم + كوب النسكافيه قبل النوم = وبتدعي لي

[بوسلمان 2010]

نعم عليك بصلاة الفجر في جماعة والله بيسهل امورك وعليك باالحجامة سبحان الله يتغير النوم عندك من ثالث


يوم تقريبا وبتحس بنشاط مو طبيعي

[الجوكر90]

اخوي تعديل مواعيد النوم مهمه اكيد كلنا جربنا نلخبط مواعيدنا وكلنا جربنا معاناه تعديله

بس انها توصل انك تتدهور في امورك الحياتيه والتزاماتك وتوصل انذارات اسمح لي انت تحتاج لتدخل حد

لانك دخلت في دوامه البرمجه الذاتيه ، برمجت نفسك بسبب تكرار هذه العاده السيئه حتى اصبحت تحس انك مسير غير مخير ..في حين انك تقدر تتجاوزها
بعطيك حل سحري
انا نفسي استخدمه لما تكون عندي مواعيد صباحيه مهمه او احس اني سهرت واحتاج اصحى الصبح الحل السحري هو
(( قبل لا تنام اشرب كوب نسكافيه ، ايوه كوب نسكافيه ومش بالضروره مركز اشربه مع حليب وملعقه صغيره من النسكافيه بكافيين ،لو نعسان ماراح يطير النوم من عينك ، بتنام صدقني ، لكن بيبدأ مفعول النسكافيه قبل نومك بساعه تقريبا ، بحيث يبدأ يكون نومك خفيف ،انشالله لو نايم الساعه 3 الفجر ومضطر تداوم الساعه 7 راح تنام بس بتقوم نشيط وايد ومافي احساس نعاس وخمول وثقل وكسل ، بيتم احساس النشاط معاك لحد انقضاء اليوم
اذا حابب تكرر الشغله لحد ما يتعدل موعد رقادك اوكي )))
والله مجربه شخصيا ، شغله ثانيه تساعدك تقوم من السرير غصبا عنك
خل المنبه بعيد مب جنبك بحيث اذا رن المنبه ماتمسكه بيدك وانت نايم وتطفيه لا ، خله بعيد يعني عشان تسكره لازم تقوم تمشي ، بالطريقه هذي راح يطير النوم + كوب النسكافيه قبل النوم = وبتدعي لي

اي هالمشكله اني تعودت من وانا صغير اني اسهر وماقوم
اشلون اخلي احد يدخل؟؟ مافهمت

احم
نسكافيه مره وحده
شوفي طريقتج ماعليها غبار
بس معاي انا صعبه
لان امس ابي انام النوده طالعه من عيوني بس ماقدرت
لو شربت بتم قاعد اكثر
بس بجرب ليش لا اذا الاشيا الثانيه مانفعت ماعندي غير هالحل
ومشكوره ع المرور

[الجوكر90]

نعم عليك بصلاة الفجر في جماعة والله بيسهل امورك وعليك باالحجامة سبحان الله يتغير النوم عندك من ثالث


يوم تقريبا وبتحس بنشاط مو طبيعي

مشكور ع المرور اخوي
ولاهنت

[الجوكر90]

السلام عليكم
ياجماعه
كل الاقتراحات سجلتها عندي واحاول اتعبها من امس وبنطر اسبوع وبقولكم وشو راح يصير معاي
ومشكورين وماقصرتوا
وان شاء الله فميزان حسناتكم
ولاهنتوا

[كحيلآن]

والله كنت نفسك أقسم بالله خمس ساعات منبه بو جرس تعرفه خخخخخخخخخخ والله خمسه ما يصحوني وبين كل تنبيه خمس دقايق .. لـ درجة إني شلت جدور من المطبخ وحطيت ساعتين فيهم ونفس الحاله اقوم الساعه 8 ضبط ودوامي يكون بادي 7 وربع ... تبرعت بالدم وتحسن وضعي .. تبــرع بالدم ولا سو حجامه ووقت المنبه على صلاة الفجر إن شاء الله تبي تتغير ..

فيه نصيحة ثانيه .. الربع خل لهم وقت محدد يعني لآ تسهر معاهم لـ اخر الليل ترى بعدين ما بيفيدونك سوالف المجالس خلها عنك خخخخخخخخخخ يعني الساعه 10 بالكثير تكون نايم ... مصلحتك أهم وانا اخوك :)