عملية الليزك لتصحيح النظر

[الرايــق]

السلام عليكم ورحمة الله وبركاته

يا اخوان اللي عمل عملية تصحيح النظر ( الليزك ) في الدوحة يخبرني عن تجربته وفي وين سواها

انا حبيت استشيركم خصوصا ان نظري ضعيف حوالي -3.25

هل ممكن اني اسوي هالعملية ولا ما يصير بحكم ان نظري ضعيف جدا ؟؟

[دااانة قطر]

عليكم السلااام والرحمه


اللي أعرفه ان اول شي تااخذ موعد لفحص النظر من خلاالها يمكنهم الرد عليك اذا العين مستعده للعمليه او لا
ممكن تااخذ موعد في اي من العياادات الخااصه ( المغربي والعمادي يمدحونهم وعندي معاارف من اهلل وصديقاات اجروها والحمدلله مافي اي مضااعفات
ناوويه اسويها بس متى ما تقبلت الفكره لاني متخوفه منها شوي

[الاستاندر]

مرحبا الشيخ
انا سويت العملية عند الدكتور خالد الشريف في مركز العيون التخصصي في عمارة الجبر
سويت العملية تقريبا قبل سنة وست شهور
الحمد لله ماشكي باس ووارتحت كثير
واعتقد نظرك يسمح لان واحد من الشباب كان نظره وايد تعبان وضبطت معاه
تروح اي وقت تبي حتى لو احين ان شاء الله بيسون لك فحص وبيرد عليك الدكتور نفس الوقت اذا عينك تسمح او لا وبيشوفون الفحص وبيعطونك النتيجه نفس الوقت اخوي قالوا له عنده ثقوب في القرنيه ولا زم يسوي عملية ليزر يسكر الثقوب وعقبها بشهرين يسوي العمليه
واي شي اخوي انا حاضر

[بـــــــنت النوخـّــــذه]

اخوي المكان المضمون والموثوق فيه هو :

مركز العيون التخصصي

ت : 44321393

فيه مختصين كبار بالبدايه راح يسوون لك كشف شامل متكامل ومن بعدها الدكتور يحدد اذا تحتاج ليزك او لا
ومن ثم اذا تحتاج فعلا" اطلب الدكتور الشريف (يجي من الاردن ) خصيصا" لاجراء عمليه الليزك في مركز العيون التخصصي باخذ موعد من المركز ذاته 00

ويعتبر الدكتور الشريف من احسن الدكاتره لعمل عمليه الليزك الي ماتاخذ منك الا 20 دقيقه 00

بالنسبه للعيادات الثانيه اسمحلي اقول لك بدون هضم لحقوقهم انك لاتقط فلوسك بشي على الفاضي خلك على مركز العيون التخصصي 00

العمليه كامله مع الكشف بتكلفك 10900 ريال قطري

والله يوفقك

[وافق شنن طبقة]

التخصصي يستقبل أطفال وحول الاطفال

[أنين]

الله الموفق

[سهم قطر]

شنو رايكم في عيادة ابوالفين
حد جربة

[ahsees]

السلام عليكم

انا ما سوتها بدوحه بالبحرين صار لي 4 سنوات والحمد الله ما اشتكي من شي

وارخص من الدوحه نص القيمه

ربي يوفقك

[رجل مثالي]

السلام عليكم بالنسبة لعملية الليزك بنتي وولدي اجروا العملية في

عيادة أبو الفين في منطقة المنتزه بالوحه بعد الاسكان الحكومي بعد

أجراء الفحوصات للعين وقدرة العين ونسبة النجاح وغيره


ولقد قال لي احد الاطباء التخصص العام وهو خبرة في الطب

انصح اللذين يريدون هذا الشىء من ضعف العين نسبة 4 وفوق

بعد التأكد من الفحص اوكي يجري ولكن بعد عدة سنوات لا ندري

ماذا سيجري على العين التي اجرينا عليها العملية

هذا حسب قول هذا الدكتور وان العلم ممكن

في التطور وممكن تعديل العين بدون جراحة في المستقبل لان

الطب في تطور مستمر في مجال العين والعلم عند الله

[Bu 7amad]

أنا سويت للعمليه قبل سنتين عند الدكتور خالد الشريف في مركز العيون التخصصي في مبني الجبر

في ليزك وفي ليسيك
الليزك يحرقون تقريبا 70% من طبقة العين اما الليسيك فيحرقون 10% من طبقة العين
ميزة الليسيك انه مابيصيدك جفاف عقب العمليه والدكتور بيشرحلك اكثر وبيخيرك باللي تبيه

بالنسبة للدول المجاوره. أنا مانصح انك تسويها بره
لانه كل أسبوعين بتراجع العياده وبيشيكون عليك وبيغيرون الادويه كل فتره
بيوصل النظر 6/6 عقب شهرين او ثلاث

[ms-qtr]

سويتها عند يوسف بو ألفين
يجيب زاير من بره اردني على ما اعتقد والحمد لله الحين انا 6 على 6

و اصلا هو بيفحص عيونك قبل العملية وبيقولك يصير او ما يصير

انا بعد كانت عندي عين 3ونص وعين 2 ونص و عادي كل شي كان تمام
انصحك بالعملية وبشدة
العملية يمكن تاخذ عشر دقايق وراح تحس بنغزة بسيطة في العين
بعد العملية راح تحس بعدم راحة لمدة كم يوم و بعدها بتعيش حياتك بدون نظارة وعدسات و عوار راس

[أبورودي]

فى مصر تحصلها ارخص ويوجد اساتذه كثير سعرها مايزيد عن 3000 اريال

[نــويصــر]

اخوي عنده ضعف فالعين اليمنى يقدر يسويها

مع العلم عمره 14

[حسن]

انه مسوي العمليه عند مؤمن الريفي في مستشفى العسكري في البحرين من 10 سنين العين اليمين ضعيفه واليسار اوكي وتبي نصيحتي سوها في بانكوك المستشفي الامريكي واحد من الربع مسويها هناك يوم شرحلي عنها الصراحه تقول اللي عندنا يسون فينا حقل تجارب

[khaldoon]

اخوي انا اعرف انها حاليا رخصية في الاردن اكثر من انك تسويها في قطر

يمكن ما تقدر تسويها اذا كان نظرك فيه انحراف شديد و الله اعلم ..على العموم الدكاتره هم اللي بيقدروا يحددوا امكانية انك تعمل العملية او لا بناء على فحص النظر و جاهزية فلوسك!!

[حسن]

اخوي عنده ضعف فالعين اليمنى يقدر يسويها

مع العلم عمره 14

مانصحك يسوي العمليه لانه سنه صغير بفضل بعد العشرين

[الخـود]

اللي يقولون بيسوون برى .. الدكتور خالد الشريف _ اللي يعتبر افضل الدكاترة في هالمجال خاصة في الدوحة _ يقول ان الاجهزة في الدوحة افضل من الاجهزة اللي برى ... عشان جذي اغلى

وبعدين اخوي انت نظرك مب وايد ضعيف اعرف ناس 6 و 7 تقريبا وسوو العملية ما شالله ... واللي اسمعه كل ما كان نظرك اضعف كل ما كنت تحتاج العملية اكثر ...

اخيـــرا .. احدث شي سمعت عنه : الترا لزك اللي في دبي يجي دكتور زائر يسويه ، بدون جراحة وبالكمبيوتر ... يكلف تقريبا 25 الف .. واعرف ناس بيروحون هناك يسوون الالترا ليزك ...

والدكتور خالد الشريف قال لو جبت هالجهاز يمكن ما يكون في اقبال وايد عليه لانه يعتبر غالي شوي ...

هذا والله أعلـــم

[موجه بحر]

اذا تبي تسوي انترا ليزك في البحرين عند دكتوره اسمها هيفا لا وعندهم دسكاون الحين بس اخر الشهر بيخلص كان بتلحق ب٧٥٠٠ ريال وعقب ها الشهر بتصير ب ٩٨٠٠ معا الفحص

[QtrGate]

موضوع مفيد

بس حبيت اعرف
الدكتور الشريف احسن من المغربي او العكس

وعلى كم العمليه

[احبك يابلد]

اذا ما كان عندك مشكله في التكلفه فانا انصحك وبكل قوة بمركز طب العيون في الرياض عند الدكتور خالد طباره

[الصاعقة]

الاشخاص الي مايشوفون من قريب ماتصلح لهم عملية الليزك ولا منها فايدة وعملية الليزك فقط حق الي مايشوفون الاشياء البعيده ... يعني الي يقرا والنظر عنده ضعيف ماينفع .

[بوفاطمه]

اخوي الرايق ما عليك شر.
بيض الله وجه جميع الاعضاء على نصائحهم.
انا واحد مثلك اخوي النظر عندي ضعيف،بس متخوف.
ماأدري البس نظارة طبيه،والا احط عدسات ،والا اسوي ليزك.
بيض الله وجهيكم ياأخوان.

[أم حمد]

فيه اللي اضعف منك نظر وسووهها

انا سويتها في دبي ب 15الف

عند خالد الشريف ممتاز الله يوفقه

تحمل تجرب عند حد غيره

هو يسوي العمليات هنا

خذ موعد وتوكل على الله

اهم شي انك ماتلبس عدسات لاني كنت البسها يوميا وتركتها قبل بشهر العمليه

والحين النظر 6 / 6 والحمدالله

لكن اهم حاجه تلتزم بالتعليمات بعد العمليه لانها مهمه جدا !

[للصبر اخر]

انا سويتها عند خالد الشريف
وكلفتني 10000 تقريبا
وكل اهلي مسوين عنده
وانصحك فيه

[qatar.syria]

سبحان الله الاسعار وايد غالية قرايبي عملها بسوريا حوالي 5000 ريال قطري بس

[khalid Qtr]

انا عن نفسي سويتها في البحرين عند الدكتور سعد آل خليفة

تكلفة العملية للعن الواحدة 3500 ريال تقريبا

[بوخالد911]

هلا

سوويتها بمركز العيون التخصصي
د خالد الشريف

ب 9000 ريال

والفحص الأولي : 600 ريال

المدة : 10 د

عيني كانت
-5
-
5.25

[QaTaRSouL]

يوجد في الإمارات جهاز مبتكر يعمل على التحليل البصري بالويف فرونت ، ويُنصح به لمن يعاني من نحافة القرنية وضعف درجة الإبصار.
في الدوحة ما زال العمل بالأجهزة التقليدية والتي من الممكن أن تؤدي إلى أعراض مصاحبة للعملية منها جفاف العين أو حدوث عتامة في القرنية تؤدي إلى توهج الأضواء أثناء القيادة الليلة.

كانت تكلفة العملية قبل سنتين بـ/ 15000 درهم إماراتي، ومن واقع تجربة تقبل نصيحتي بالذهاب إلى الإمارات حيث أن تكلفة علاج الأعراض المصاحبة للعملية في حال عدم نجاحها بشكل جيد قد يكلف ثلاثة إلى أربعة أضعاف قيمة العملية التقليدية.

وما تشوف شر


مواضيع ذات صلة

http://www.qatarshares.com/vb/showthread.php?t=238983&highlight=QATARSOUL


http://www.qatarshares.com/vb/showthread.php?t=356680

[حراير قطر]

أنا سويت للعمليه قبل سنتين عند الدكتور خالد الشريف في مركز العيون التخصصي في مبني الجبر

في ليزك وفي ليسيك
الليزك يحرقون تقريبا 70% من طبقة العين اما الليسيك فيحرقون 10% من طبقة العين
ميزة الليسيك انه مابيصيدك جفاف عقب العمليه والدكتور بيشرحلك اكثر وبيخيرك باللي تبيه

بالنسبة للدول المجاوره. أنا مانصح انك تسويها بره
لانه كل أسبوعين بتراجع العياده وبيشيكون عليك وبيغيرون الادويه كل فتره
بيوصل النظر 6/6 عقب شهرين او ثلاث

انا سويتها عند الدكتورة فاطمة الدوسري في البحرين

من 2007 والحمدلله الامور طيبه ...

بس اخوي ليه ترجع لهم كل اسبوعين

اللي اخبره عقب اسبوع يشلون العدسات منك

انا سويتها بالبحرين وراجعت عند الدكتور فهد القحطاني ...

[الفرحه]

السلام عليكم انا سويتها من اربع سنين في الدوحه عند خالد الشريف في مركز العيون التخصصي .
الصراحه اذا تفكر تسافر برع علشان توفر فما انصحك لان بعد العمليه لازم ما تتعرض لاشعه وتلبس نظارة سودة .

[fefea]

أنا سويت العملية في العمادي بعد الفحص عند الدكتور عبدالعظيم
واللي سواها لي الدكتور رمزي بشارة ممتاز ولا تحس بأي شي
بالتوفيق :victory:

[خالد النعيمي]

انصحك تروح البحرين عندك ثلاث دكاترة
حسن العريض
مامون الريفي
فاطمة الدوسري

انا سويت العمليه اول مانزل الجهاز تقريبا سنة 1998 في البحرين 5000 ريال
عند حسن العريض
وهم شي الفحص لان هو الدكتور اللي بيحدد نوع العمليه

[الرايــق]

مشكورين يالربع وما قصرتوا على الردود

وتووكلنا على الله ..

[chillis]

مستشفى العين التخصصي الي هو الجبر للعيون الاستشاري الاردني خالد الشريف يجي كل شهر عندهم يسوي عمليات كانت ب 10 الاف ريال واعرف وايد ناس سوها عنده وممتاز

[Abdullah_89]

انا سويتها العام عند الدكتور أحمد بديوي في عياده الجبر لتكنولوجيا النظر

مكانهم بعد معهد التنمية الادارية عاليمين

كلفتني العملية 9000 ريال مع مراجعه شهر مجانا

الحمد لله ماحسيت بشي والدكتور ممتاز وعليه ضغط وماشاء الله ايده خفيفه


في نفس العياده الدكتور خالد الشريف ممتاز لكن تواجده بالدوحة قليل

[هدوء الليل]

انا سويت العمليه في البحرين وصار لي 3 سنوات

الحمد لله , يعني سويتها في البحرين وبعدين فالدوحة كنت اراجع مع الدكتور فهد القحطاني

[الحال مايساعد]

أنصحك بـ مركز العيون التخصصي صوب إشارات السنما
سويت عندهم من فترة والنتيجة رائعة بكل المقايس ، ماراح أتكلم عن باقي المراكز لأني ماعرفهم لكن أكلمك عن إللي أعرفة وجربته ، وبالنسبة لحالتك هذي أعتقد انه يناسبك 100 % لأن النظر عندك ضعيف وايد
خذ موعد حق الفحص بيكلف 900 ريال وبعد ساعتين بتقعد مع الدكتور وراح يعطيك شرح مفصل عن العملية وعن حالتك وإذا حبيت تكمل بيحددلك موعد حق العملية وراح تكلف 9000 ريال ، وبعدها بتستمر عندك المراجعات وياهم وكلها مجانية لكن في مجموعة من الأدوية راح تستمر عليها فترة طويله قد تقارب السنه كامله ، أنا للحين شغال على "القطرات الصناعية" وعندي كل فترة وفترة مراجعة لكن النظر تحسن ولله الحمد
توكل على الله وسوها

للعلم فقط المركز هذا يعتبر فرع للمستشفى التخصصي في الأردن والحقيقة أسعار العملية مايقارب 3000 ريال قطري فقط!!

[khaldoon]

أنصحك بـ مركز العيون التخصصي صوب إشارات السنما
سويت عندهم من فترة والنتيجة رائعة بكل المقايس ، ماراح أتكلم عن باقي المراكز لأني ماعرفهم لكن أكلمك عن إللي أعرفة وجربته ، وبالنسبة لحالتك هذي أعتقد انه يناسبك 100 % لأن النظر عندك ضعيف وايد
خذ موعد حق الفحص بيكلف 900 ريال وبعد ساعتين بتقعد مع الدكتور وراح يعطيك شرح مفصل عن العملية وعن حالتك وإذا حبيت تكمل بيحددلك موعد حق العملية وراح تكلف 9000 ريال ، وبعدها بتستمر عندك المراجعات وياهم وكلها مجانية لكن في مجموعة من الأدوية راح تستمر عليها فترة طويله قد تقارب السنه كامله ، أنا للحين شغال على "القطرات الصناعية" وعندي كل فترة وفترة مراجعة لكن النظر تحسن ولله الحمد
توكل على الله وسوها

للعلم فقط المركز هذا يعتبر فرع للمستشفى التخصصي في الأردن والحقيقة أسعار العملية مايقارب 3000 ريال قطري فقط!!

اخوي اول مره اعرف انه في قطرات الواحد ياخذها لمدة سنة ....مع اني اعرف ناس كثيرة سوتها خلال اجازاتها السنويه في الاردن و غيرها وما احد قالي هالشي

يرجى التوضيح ...بعدين انت قلت سعرين مره قلت 9000 و مرة 3000 ممكن توضح

[الاستاندر]

برد عنه ههههههههههههه
اول شي 3000 تكلفتها في الاردن والجهاز الموجود هناك سمعت انه افضل من اللي عندنا
والقطرات مب شرط تكون سنه انا استخدمتها 5 شهور على ماعتقد اللي هي قطرات ترطب العين
ضروريه ترى انا المفروض استخدمها في البدايه شهرين بس صادني جفاف في العين بسبة ضروب الشغل
مع اني كنت استخدمها في الشغل بس اوقات انساها واستمريت عليها فتره خمس شهور
والحمد لله عقب تركتها وانا مسوي العمليه قبل سنه في العيون التخصصي لو اي وقت اطلب موعد
يشيكون على العين بلاش ادخل واشيك وادخل على الدكتور ويشوف واطلع هالميزه فيهم حلوووه

[khaldoon]

برد عنه ههههههههههههه
اول شي 3000 تكلفتها في الاردن والجهاز الموجود هناك سمعت انه افضل من اللي عندنا
والقطرات مب شرط تكون سنه انا استخدمتها 5 شهور على ماعتقد اللي هي قطرات ترطب العين
ضروريه ترى انا المفروض استخدمها في البدايه شهرين بس صادني جفاف في العين بسبة ضروب الشغل
مع اني كنت استخدمها في الشغل بس اوقات انساها واستمريت عليها فتره خمس شهور
والحمد لله عقب تركتها وانا مسوي العمليه قبل سنه في العيون التخصصي لو اي وقت اطلب موعد
يشيكون على العين بلاش ادخل واشيك وادخل على الدكتور ويشوف واطلع هالميزه فيهم حلوووه

جزاك الله كل خير على التوضيح

ياخي بروح اتهاوش معاهم اللي اسألهم و اقولهم ايش سويتوا و ايش النتائج بيقولوا ابدا سوينا العملية و اعطاني الدكتور قطرات امشي عليها اسبوع و خلاص

[R 7 A L]

مؤمن الريفي في البحرين 6600 ويومين وترجع
والقطرات لمده شهر وانتهت السالفـــــة

[ولد شرق]

السلام عليكم ورحمة الله وبركاته

يا اخوان اللي عمل عملية تصحيح النظر ( الليزك ) في الدوحة يخبرني عن تجربته وفي وين سواها

انا حبيت استشيركم خصوصا ان نظري ضعيف حوالي -3.25

هل ممكن اني اسوي هالعملية ولا ما يصير بحكم ان نظري ضعيف جدا ؟؟







اخوي الجزء الاول من السؤال اقدر اجاوب لك عليه...
تجربتي كانت مع دكتور زاير في عيادة الدكتور يوسف بو الفين الدكتور فوق الممتاز
وماعليه كلام
كلم العيادة وشوف متى جاي الدكتور وتوكل على الله

اما يصير اتسوي العمليه ولا مايصير... نصيحتي لاتاخذ فتاوي امعلبه من اي حد... لازم اتشوف استشاري مختص احسن لك وهو اللي بيحدد لك يصير ولا لاء...

والله يوفقك واتسوي العمليه بكل نجاح...