اقتراح للاعضاء لتفعيل المقاطعة و جعلها اكثر حسية

[khaldoon]

السلام عليكم و رحمة الله و بركاته

لاحظت من خلال متابعتي للمواضيع في هذا القسم انه بعض الاعضاء بيخبرنا في المنتدى انه راح على محل مطلوب مقاطعته و يخبره انه محله محطوط على القائمة السوداء من اجل تنبيهه انه محله منبوذ الان بقرار مقاطعة حتى يعود لاسعاره السابقه.

بما اننا كأعضاء الكترونيين في المنتدى فربما لا يشعر بوجودنا فعلا التجار الجشعون ...ففكرت بطريقة اكثر حسية لهم و هي انه نقوم بتصميم ورقة صغيرة جدا مقاس a4 مكتوب عليها مثلا :

دعوة للمقاطعة

هذه دعوة لمقاطعة المحل ........ الكائن في منطقة ........ بسبب قيامه بعملية رفع اسعاره بعد تاريخ ........ و يرجى من الجميع التكرم بمقاطعة هذا المحل و محاربة الجشع...الخ

تكون نفس الورقه هذه مكتوبه دائما بنفس الخط و التغيير دائما بتفاصيل المحل فقط ...يعني مثل شهادة عامة لؤسسة مشهوره بحيث انه التجار اللي يرفعون اسعارهم يحصلون عليها دائما فيجدون نفس الشهادة في كل مره و كانها تصدر من مؤسسة او جهة واحده فقط

اعتقد وقتها راح يحسوا انه في جماعة لها وزنها تدعوا لمقاطعة فعلية للمحل و وقتها ان شاء الله راح يتعاملوا مع المقاطعة بطريقة اكثر جدية لان لما يشوفوا هذه الشهادة دائما امام اعينهم و يستلمونها من كذا عضو او زائر على سبيل التنبيه افضل من مجرد انه الناس تخبرهم انه محلكم في قائمة سوداء ما احد يعرف تفاصيلها

يقوم بتصميم هذه الشهادة احد الاعضاء المتطوعين الفنانين في عمل مثل هذه الشهادات و نتفق عليها فعلا و نصير نطبعا لما نقرر انه المحل الفلاني صار منضم للقائمة السوداء و قوتها يقدر الاعضاء بتسليمها للمحل على انهم طبعوها من الانترنت و ليسوا كأعضاء لهم علاقة بها

ايش رايكم بالاقتراح

لو يحتاج تنقيح بانتظار ارائكم

[sara jsm]

امممم هالشي مافيه مخالفة قانونيه ؟؟
لو على هالطريقة ممكن نلقى وااايد ناس يسون نفس الاوارق ويوزعونها ,,
انا اقترح نشتري صبغ اسود رش ونروح على هالمحلات ونكتب بلاك لست × :p
اشرايك جي احسن عشان يكون الاعلان واضح للكل ^ ^

[khaldoon]

امممم هالشي مافيه مخالفة قانونيه ؟؟
لو على هالطريقة ممكن نلقى وااايد ناس يسون نفس الاوارق ويوزعونها ,,
انا اقترح نشتري صبغ اسود رش ونروح على هالمحلات ونكتب بلاك لست × :p
اشرايك جي احسن عشان يكون الاعلان واضح للكل ^ ^

ههههههههههههههههه

اقتراحج مميز الصراحه...ممكن نتبناه ايام كنا في المدارس ...احييج عليه:victory:

بس الحين الاقتراح اللي انا اقوله ايش يفرق عن الدعوة للمقاطعة اللي بيمارسها الاعضاء في المنتدى؟

كل ما في الموضوع انه بدل ان نقول قاطعوا المحل الفلاني بمشاركة و بس بنصير نترجم مشاركتنا هذه على ورقة بتصير مألوفة لكل المحلات المخالفه ان شاء الله

يعني تخيلي لو خمس اعضاء مثلا قدموا نفس الورقه لنفس المحل ايش بيكون موقفه؟....بعدين العضو او العضوة اللي بيعطوا الورقه هذه لصاحب المحل ما عليهم شي لانها مجرد ورقة هم طبعوها من النت و سلموها للمحل من باب انهم يكسبوا اجر فيه باعلامه انه محله تحت المقاطعة

[بولينجر]

اقتراح ممتازاخوي خلدون... اضافة اقترح ان يكون تصميم الورقة باللونين الابيض والاسود فقط ليسهل طباعتها .....

[khaldoon]

اقتراح ممتازاخوي خلدون... اضافة اقترح ان يكون تصميم الورقة باللونين الابيض والاسود فقط ليسهل طباعتها .....

حيا الله الغالي بولينجر

اتفق تماما معاك و اشكرك كل الشكر على الاضافة القيمة ....فعلا معاك حق

[مرتبش]

فكرة حلوة..تستاهل التنفيذ

[khaldoon]

فكرة حلوة..تستاهل التنفيذ

الاحلى هو تشريفي بمرورك و تأييدك للموضوع اخوي العزيز مرتبش :victory:

[al-buainain]

الفكرة ممتازة ولا كن من بيقدم لنا الاوراق الثبوتية على الزيادة

وتبقى المسالة متعلقة بمحل واحد

لو اتكون المقاطعة عامة وذلك بسبب ان الاسعار مبالغ فيها هذه افضل

وتحياتي لك اخوي خلدون وعلى افكارك النييره

[khaldoon]

الفكرة ممتازة ولا كن من بيقدم لنا الاوراق الثبوتية على الزيادة

وتبقى المسالة متعلقة بمحل واحد

لو اتكون المقاطعة عامة وذلك بسبب ان الاسعار مبالغ فيها هذه افضل

وتحياتي لك اخوي خلدون وعلى افكارك النييره

حياك الله اخوي العزيز بوعنين على تشريفي بمرورك الرائع

ما نقدر نسوي مقاطعة عامة لاننا بالنهاية نبي نشتري احتياجاتنا و ما نظلم التجار الملتزمين

الاقتراح يتطبق بعد الاتفاق و التأكد فعلا على انه المحل ...اي محل زاد سعره

[sendarala]

معاكم قلبا وغالبا بس ابدوا فيها لان الكل ما مهتم للمقاطعة لان مثل ما قلت ما في شي حسي

[khaldoon]

معاكم قلبا وغالبا بس ابدوا فيها لان الكل ما مهتم للمقاطعة لان مثل ما قلت ما في شي حسي

كل الشكر و التقدير على تشريفي بمرورك و تأييدك للموضوع

الصراحه احس انه المقطاعة راح تنتهي مع مرور الايام و ما راح تستمر و الاسعار راح تستمر بالصعود

[غرِيبهـ]

معاك حق اخ خلدون
سايقنا يقول كل شي زاد ريال او ريالين هم حافظ الاسعار لان نطرشه دووم يشتري للبيت
نقاطع من ولا من شاللحل
انا كنت متحمسة بس من قالي هالشي فقدت الامل في ان الحل المقاطعة
لازم يكون في حل ثاني افضل واقوى يردعهم

[نجدي قطري]

آنا بصراحة مستغرب من الحكومة.
هل هم راضيين بالزيادة في الأسعار، ويشوفونها أمر مقبول؟ إنزين، يقولون لنا في الأخبار.
وإذا مب راضيين، ليش قاعدين وساكتين؟

[بو الجوري]

خلدون شخبارك :..

أتوقع لو كان عباره عن إستكـر (لزقه) نفس لزقة البلديه و الكهربا :..
حد يروح يلزقها على باب المحل :.. بعد التاكد من رفع الأسعار :..
بتكون أحسن :)

يعني مثلا يكون مكتوب فالأستكر :

تمت مقاطعة المحل بسبب رفع الأسعار ،،،،،،،،،،،، الخ
التوقيع
زبائن سابقين :)

[khaldoon]

معاك حق اخ خلدون
سايقنا يقول كل شي زاد ريال او ريالين هم حافظ الاسعار لان نطرشه دووم يشتري للبيت
نقاطع من ولا من شاللحل
انا كنت متحمسة بس من قالي هالشي فقدت الامل في ان الحل المقاطعة
لازم يكون في حل ثاني افضل واقوى يردعهم

لو استمر الوضع على ما هو عليه راح تنام المقاطعة و تنتهي و راح يستمر التجار في رفع الاسعار و ما راح نستفيد شي

نبي شي عملي مب بس مشاركات في المنتديات

شرفني مرورج الكريم

[khaldoon]

آنا بصراحة مستغرب من الحكومة.
هل هم راضيين بالزيادة في الأسعار، ويشوفونها أمر مقبول؟ إنزين، يقولون لنا في الأخبار.
وإذا مب راضيين، ليش قاعدين وساكتين؟

والله يمكن يكونوا ماشيين على مبدأ اللي معوش ما يلزموش و مد اللحافك على قد رجليك باعتبار انه البدائل كثيرة لاي منتج و الله اعلم

اتمنى يكون في مندوب عن حماية المستهلك معانا في المنتدى علشان ينقل كل افكارنا و اقتراحاتنا و شكاوينا لادارته و بنفس الوقت يوضح و يشرح لنا نظرتهم و مبادئهم في حماية المستهلك علشان ما نظن انهم مقصرين اذا كانوا فعلا مب مقصرين لانه ربما احنا نشوفهم مقصرين و نكون احنا الغلطانين في النهاية و الله اعلم

اسعدني مرورك الكريم

[khaldoon]

خلدون شخبارك :..

أتوقع لو كان عباره عن إستكـر (لزقه) نفس لزقة البلديه و الكهربا :..
حد يروح يلزقها على باب المحل :.. بعد التاكد من رفع الأسعار :..
بتكون أحسن :)

يعني مثلا يكون مكتوب فالأستكر :

تمت مقاطعة المحل بسبب رفع الأسعار ،،،،،،،،،،،، الخ
التوقيع
زبائن سابقين :)

حياك الله يا الغالي

موضوع اللزقة بتصير شي مكلف و مين فينا مستعد يسويه لزقة؟...و ممكن فيه مساءلة قانونيه و بعدين مين و كم واحد بينا يتجرأ و يحط لزقة على باب المحل و في محلات عليها كاميرات مراقبة و سيكيوريتي بعد الاغلاق

بعدين راح تدل على انه في جهة ممولة للمقاطعة و ممكن مقاضاتها قانونيا

انا كانت فكرتي بسيطه و هي اني لاحظت انه في اعضاء قالوا انهم تعمدوا يروحوا على المحلات اللي رفعت اسعارها و يبلغونهم انهم في قائمة المقاطعة من باب الاستفزاز لهم و دفعم للرجوع الى الاسعار القديمة ففكرت انه لو سووا نفس الشي مع طباعة الورقة اللي نتفق عليها كفورمات علشان يأكدون كلامهم فما راح يقدر احد انه يحاسبهم او انه يقول انهم يحرضون على المقاطعة بل انهم سووا هالشي من باب انهم يكسبوا معروف في التجار اللي ما يعرفون شي عن المقاطعة عن طريق النت خاصة انه في كثير تجار ما يعرف اي شي عن النت حتى لو مر النت جنبه في الشارع ما راح يعرفه :rolleyes2:

[al-buainain]

حياك الله اخوي العزيز البوعينين على تشريفي بمرورك الرائع

ما نقدر نسوي مقاطعة عامة لاننا بالنهاية نبي نشتري احتياجاتنا و ما نظلم التجار الملتزمين

الاقتراح يتطبق بعد الاتفاق و التأكد فعلا على انه المحل ...اي محل زاد سعره

الله يحيك يا اخوي خلدون وتسلم على الكلام الطيب

المقاطعة مهب ابدية يا الغالي لازم اتكون هناك موازنه في المقاطعه على سبيل المثال 20 محل اسعارهم غاليه وانا اقصد هنا ان اسعارهم غالية من قبل المكرمة يعني مطعم يبيع سندويش بـ 7 ريال ومطعم آخر يبيعه بـ 4 ريال اقاطع الاول وادعم الثاني

هنا المقاطعة الصحيحه عشان اجبر الاول انه ينزل بالاسعار لاجل يكسب الزباين

ولازم اتكون عامة عشان الكل يعتبر ويتعظ من المحل المقاطع وما يجي عليه الدور

وتحياتي لك وانشاءلله قدرت اوصل لك فكرتي

[khaldoon]

الله يحيك يا اخوي خلدون وتسلم على الكلام الطيب

المقاطعة مهب ابدية يا الغالي لازم اتكون هناك موازنه في المقاطعه على سبيل المثال 20 محل اسعارهم غاليه وانا اقصد هنا ان اسعارهم غالية من قبل المكرمة يعني مطعم يبيع سندويش بـ 7 ريال ومطعم آخر يبيعه بـ 4 ريال اقاطع الاول وادعم الثاني

هنا المقاطعة الصحيحه عشان اجبر الاول انه ينزل بالاسعار لاجل يكسب الزباين

ولازم اتكون عامة عشان الكل يعتبر ويتعظ من المحل المقاطع وما يجي عليه الدور

وتحياتي لك وانشاءلله قدرت اوصل لك فكرتي

جزاك الله كل خير يا الغالي البوعينين على هذا الاقتراح الطيب و انا متفق معاك في الفكره :victory:

[المدريدي]

100 % معاك في الاقتراح

[عازف العود]

امممم هالشي مافيه مخالفة قانونيه ؟؟
لو على هالطريقة ممكن نلقى وااايد ناس يسون نفس الاوارق ويوزعونها ,,
انا اقترح نشتري صبغ اسود رش ونروح على هالمحلات ونكتب بلاك لست ×
اشرايك جي احسن عشان يكون الاعلان واضح للكل ^ ^


وانا ارد عليج واقولج واقولج ان التجار هم اللي خالفو القوانين الواضحه والصريحه وخالفو توجيهات الامير وولي العهد بعدم رفع الاسعار والمواطنين هم اولى من التجار وخصوصا المستهلكين

[khaldoon]

100 % معاك في الاقتراح

شرفني تأييدك للاقتراح:victory:

[khaldoon]

امممم هالشي مافيه مخالفة قانونيه ؟؟
لو على هالطريقة ممكن نلقى وااايد ناس يسون نفس الاوارق ويوزعونها ,,
انا اقترح نشتري صبغ اسود رش ونروح على هالمحلات ونكتب بلاك لست ×
اشرايك جي احسن عشان يكون الاعلان واضح للكل ^ ^


وانا ارد عليج واقولج واقولج ان التجار هم اللي خالفو القوانين الواضحه والصريحه وخالفو توجيهات الامير وولي العهد بعدم رفع الاسعار والمواطنين هم اولى من التجار وخصوصا المستهلكين

جزاك الله كل خير على الاضافة القيمة للموضوع