أبي اسوي فحص شامل للقلب وين تنصحوني أروح ؟؟

[شمعة الدوحه]

السلام عليكم ورحمة الله وبركاته

حبيت اسأل ذوي الخبره عن أحسن دكتور للقلب في مستشفى القلب أو في الأهلي
أنا اولريدي خذت موعد في الأهلي عند دكتور جزائري اسمه جمال مادري اذا حد يعرف اذا زين أو لا ؟؟
سويت تخطيط قلب اكثر من مره في عيادة الدوحه وكان سليم ..

والتخطيط بالنسبه لي مايكفي ؟؟ لانه الاعراض اللي تصيدني مفاجئه
يعني فجأه احس ان قلبي وقف عن النبض وماقدر أوقف على ريلي وتصيدني دوخه عقب في ثواني يختفي ولا كأنه
صار شي

ناس وايد قالوا لي هبوط ضغط بس في اعتقادي لا .. لان كل ماروح ويفحصون ضغطي يكون طبيعي
فشوروا علي الله يخليكم

[حسن]

دكاتره مستشفى حمد ممتازين عندك عبدالواحد والسويدي والخليفي وبعدين انتي سويتي تحاليل في مستشفي حمد واشدراك ان النيض وقف عندك سولك تخطيط

[شمعة الدوحه]

دكاتره مستشفى حمد ممتازين عندك عبدالواحد والسويدي والخليفي وبعدين انتي سويتي تحاليل في مستشفي حمد واشدراك ان النيض وقف عندك سولك تخطيط

احساس وماحد قالي
أنا أدرى باللي أحس فيه
وماسويت تحاليل انطر الموعد اللي في الأهلي
وحابه أشوف مستشفى ثاني بعد
عشان أشوف الآراء
وطبعا مالي بد من مستشفى حمد أضمن
بس هل الدكاتره اللي ذكرتهم موجودين بعيادة القلب والا في المستشفى العام
وأشكرك أخوي حسن عالافاده

[بو خليفه 123]

ماعليك شر يا اختي العزيزه :(

اتوقع من كثرة الضغوطات عليك بما انك تعملين صباحاً و تدرسين مساءً ..

للعلم اذا النبض يوقف , يوقف ضخ الاوكسجين الى المخ و هذا يؤدي الى اتلاف خلايا المخ .. يعني هذا مجرد وسواس يصيدك او نغزات بالقلب بسبة الضغط والارهاق كما ذكرت ..

لكن عموماً الدكاتره افهم مني في شغلهم و انصحك بمستشفى حمد وماعليك من الي يعيب المستشفى ترا عندنا افضل ادوات و كفائات قطريه و لله الحمد لكن عليك انك ترتبين موعد في اقرب فرصه ..

خففي من الكنافه الي تسوينها دايماً و ان شاء الله امورك طيبه , و راقبي اكلك , والاملاح و ابتعدي تماماً على الاقل هذه الفتره من اي اكل فيه دهن او مقلي و عليك بالدجاج المسلوق والخضروات


اجر و عافيه و خطاك السو

[السيل الكبير]

يمكن إرهاق بسيط الأعراض عاديه
لو توقف القلب مثل ماتفضل بوخليفه يصير تلف لخلايا المخ وماتشوفين شر

[موضي قطر]

ماتشوفين شر ياشمعه وانا مع بو خليفة123

[فريج النجادة]

زوري بيت الله الحرام وابشري بلخير

[كازانوفا]

حاولي تقري نفسك وعايني خير ان شالله
مريت بهالحاله من فتره بسيطه ومع الرقيه اتغيرر الوضع تماما ولله الحمد

[شمعة الدوحه]

حاولي تقري نفسك وعايني خير ان شالله
مريت بهالحاله من فتره بسيطه ومع الرقيه اتغيرر الوضع تماما ولله الحمد


ماظنتي انها عين اختي
انا البقره الحمدلله قريتها 40 يوم متواصل

ورجعت بديت في الجدول مره ثانيه وحاليا مستمره عليه

والله يسمع منج

مشكوره اختي

[شمعة الدوحه]

زوري بيت الله الحرام وابشري بلخير

خوش اقتراح وأمنية حياتي أروح .. بس امي الله يهداها دايما تروح بدون ماتعطيني خبر

وسفراتها مفاجئه

يعطيك الف عافيه اخوي

[شمعة الدوحه]

ماتشوفين شر ياشمعه وانا مع بو خليفة123

الشر مايجيج اختي موضي

بعد التحاليل راح اطمنكم ان شاء الله

وان شاء الله يطلع وسواس مثل ماقلتوا

[شمعة الدوحه]

يمكن إرهاق بسيط الأعراض عاديه
لو توقف القلب مثل ماتفضل بوخليفه يصير تلف لخلايا المخ وماتشوفين شر

الشر مايجيك اخوي

مادري والله انا بروحي موب عارفه شاللي يصير لي

وانا بشيك عالقولون مره وحده بعد يمكن يكون له دور في هالشي

[شمعة الدوحه]

ماعليك شر يا اختي العزيزه :(

اتوقع من كثرة الضغوطات عليك بما انك تعملين صباحاً و تدرسين مساءً ..

للعلم اذا النبض يوقف , يوقف ضخ الاوكسجين الى المخ و هذا يؤدي الى اتلاف خلايا المخ .. يعني هذا مجرد وسواس يصيدك او نغزات بالقلب بسبة الضغط والارهاق كما ذكرت ..

لكن عموماً الدكاتره افهم مني في شغلهم و انصحك بمستشفى حمد وماعليك من الي يعيب المستشفى ترا عندنا افضل ادوات و كفائات قطريه و لله الحمد لكن عليك انك ترتبين موعد في اقرب فرصه ..

خففي من الكنافه الي تسوينها دايماً و ان شاء الله امورك طيبه , و راقبي اكلك , والاملاح و ابتعدي تماماً على الاقل هذه الفتره من اي اكل فيه دهن او مقلي و عليك بالدجاج المسلوق والخضروات


اجر و عافيه و خطاك السو

الشر مايجيك بوخليفه

ههههههههههههه اما الكنافه تدري اني شاريه مكوناتها امس ابي اسويها هالويكند خاطري فيها

بحاول ان شاء الله

[دااانة قطر]

ماتشوفين شر
ارقي نفسج واخذي لج عمره مع الأهل

[شمعة الدوحه]

ماتشوفين شر
ارقي نفسج واخذي لج عمره مع الأهل

الشر مايجيج اختي

مثل ماذكرت سابقا قاعده اقرى البقره

والله يحفظكم ويحميكم ان شاء الله من كل شر

[منهم وفيهم]

ماتشوفين شر ...

[أبو البنات]

أختي ما تشوفين شر

ذكرتيني بقصه مضحكه ولكن العبره منها أهمية أن يعرف الشخص كيف يشخص مرضه بطريقة صحيحه


مرضت أحدى بنات الأمراء في عهد الطبيب المسلم ابن سينا فنودي عليه لعلاجهآ ..
دخل ابن سينا على المريضه وبعد فحصهآ لم يجد في ظاهر جسدها علة ..
فأمسك نبضهآ وراح يردد على مسامعهآ أسماء مناطق وأحياء المدينة , وعندما وصل إلى اسم حي معين زاد نبضها وضربات قلبهآ ..
ردد ابن سينا أسماء بيوت الحي على المريضٌه فزاد نبضهآ عند ذكر اسم بيت أسرة بعينها , عندها أخذ الطبيب الحاذق يردد أسماء من يسكنون ذلك البيت حتى وصل إلى اسم معين من فتيانّ الأسرة .. فإذا بقلب المريضٌه يدق بسرعة ويزداد نبضهآ زيادة ملحوظة.
- عندها صاح ابن سينا وقال : زوجوا ابنتكم ‏​​​​مِّنْ ذآلك الفتى فهو علاجهآ  !!.

^ هذولا الأطباء اللي يفهمون في الطب
مو أطباء اليوم
يعطونك بنادول

[مرتبش]

ماتشوفين شر
اعتقد مستشفى حمد اضمن لاي فحوصات.. يوجد جهاز يوضع على الجسم لمدة 24 ساعة لمراقبة القلب ويشوفون اي حركة غريبة..

روحي العصر العيادة المسائية ب 50 ريال بدل انتظار المواعيد (اللي هي المشكلة الرئيسية في حمد)

[&من ذهب&]

انا كنت في مستشفى القلب اليوم وركبو لي جهاز وبكره بوديه عشان يشوفون دقات قلبي لانه حزات تكون سريعه بمعدل ٣ ساعات الى اربع يوميا مع العلم ان فيني القولون العصبي وارتجاع في المريء وهذي كلها بسيطه بس القلق والخوف والكتمه اللي يسببها القولون تخلي الشخص يوسوس مع العلم انه لي اكثر من سنتين على هالحاله فا اعتقد ان اللي فيج قولون ومسبب لج كل هذا وماعليج شر وللامانه خدمة مستشفى القلب في حمد ممتازه لذلك انصحج تروحين هناك وماعليج شر

[اشكرك يارب]

سلامات ماتشوفين شر

[خشوف]

في العمادي دكتور قلب ممتاز
انا سوا لي تلفزيون على القلب اسمه الايكو

وركب لي جهاز على القلب 24 ساعة يسجل النبض

الحمدلله طلع تمام
اذا عندك تامين روحي تتدخلين على طول


ماتشوفين شر

[طاش]

الله يسلمك احتمال يكون عندك الغدة هاذي أعراضها سو فحص الغدة في مختبر أشعة الخليج وروح حق اي طبيب مختص في الغدد في الاهلي فيه واحد مصري زين او محمد امين زبيب في المعمورة خلف سوق الخضرة والله اعلم اذا كان فحص القلب سليم أنا مرة علي ذي الحالة وطلع غدة وتعالجت والحمدلله واذا بغيت طبيب قلب على مستوى ابشر ارسل لي رقمك على الخاص وارسلة لك بس في الأردن وأسئل الله رب العرش العضيم ان يشفيك

[شمعة الدوحه]

مشكووورين وماقصرتوا كلكم

وأقدر لكم اهتمامكم

طلع معي جرثومه بالمعده وخذت العلاج اليوم من عيادة الدوحه

ونقص في فيتامين د والحديد طبعا راح ابدى بكورس الفيتامينات عقب كورس الجرثومه

واحتمال كبير ان التعب اللي يصيدني والطيحه بسبة الفيتامينات

وبالنسبه للقلب رحت عند دكتور وليد في العياده الخارجيه النبض سليم

وقالي ان الضغط عندي واطي

خذو مني دم بعد عشان الفحوصات ومن بينها الغده وللحين انطر النتيجه عقب اسبوع ونص


حبيت اطمن اللي كانوا يحاتون

واشكر اللي فادوني باسماء عيادات ودكاتره شكر خاص

[بوعلي2]

ماتشوفين شر اختي شمعه اجر وعافيه يارب :(

[الماريّة]

ماتشوفين شر فديتج
:)

[بوحارب]

نصيحة سوي تحليل دم اول شي لأنه الأعراض اللي فيج نفسي تقريبا وطلع عندي فقر دم :rolleyes2:


وماتشوفين شر

[بوعلي2]

نصيحة سوي تحليل دم اول شي لأنه الأعراض اللي فيج نفسي تقريبا وطلع عندي فقر دم :rolleyes2:


وماتشوفين شر

من الكرك شرب دمك :(

خف من الكرك وعليك بحليب بل :shy: --> خف علينا

ماتشوف شر بوحروب :(

[أبو البنات]

اختي المفروض أن اليوم تطلع نتيجة التحليل

بشرينا ان شاء الله خير

[بوحارب]

من الكرك شرب دمك :(

خف من الكرك وعليك بحليب بل :shy: --> خف علينا

ماتشوف شر بوحروب :(

اي والله الظاهر الكرك دمرني ووقفت عنه خلاص :weeping:

ويبيله حليب ابل ههههههههههههه

الشر مايجيك