رسوم جامعة قطر على الطالب القطري!!

[ROSE 26]

بسم الله الرحمن الرحيم


جامعتنا الموقره وايد تستغل طلابها وكل شي لازم تدفع له!!
الكتب يكلفك حوالي 300 او 400 ويعتمد كم مقرر
الباصات تقريبا 700

من احنا في المدارس كان هاي كل بالمجان وهاي جامعه حكوميه مب خاصه علشان يدفع لها الطالب القطري!

غير ذي حذف المواد والكورس المبلغ الصراحه وايد>> يعني انا شخصيا الكورس اللي طاف حذفته وطلع لي 3300 وهالمبلغ ممكن يزيد على حسب اليوم اللي حذفته وعلى حسب عدد المقررات!!

يعني الاهالي اللي عندهم اكثر من طالب من وين يدبر هالمصاريف ..
وقبل تقريبا 5 سنين كان هاي كله بالمجان بس الحين ادارة الجامعه صارت تستغل في كل شي
حتى المكتبه اللي فيها دفتر صغير مادري بكم اسعاره غاليه...ساعات الواحد يضطر ياخذ من عندهم..

وهاي غير اسعار الكافتريات المرتفعه وليته يسوى اكلهم عادي مب ذاك الزود يعني اقل وجبه تكلفك 15 ريال واكثر فاليوم يعني نهاية الشهر كم بيطلع وهاي اقل شي ممكن تاخذه..
يعني اذا انا اقدر ادفع غيري مايقدر والسالفه سالفة استغلال مب شي ثاني!

وبعدين احنا طلاب مانشتغل مالنا دخل غير اهلنا يصرفون علينا..
شنهو الحل معاهم؟؟؟
الله المستعان...

[love life]

حياتي إذا إنتي تشتكين احنا إيش لازم الأجانب يدفعون على الكورس يعني التصص يكلف فوق 6 الاف والتاسيسي تقريبا فوق 12 الاف واتخيلي أنا وخواتي كم يطلع
اعتقد الغرامه على حذف المواد بعد أسبوع الحذف والإضافه أحسن قرار علشان الطلاب ما يلعبون بالمواد طول الكورس وبعدين مرات يكون في ظروف هغ الواحد بس مرات الواحد يحجز المكان ويمنع غيره وأخرته يحذف ليش يعني هاي الطريقة أحسن

[الراقيه سبشل]

احمدو ربكم :)

احنا (الاجانب ) الكتب فوق الـ300 والباصات 1000 ريال وحذف الكورس على حسب ! ورسوم الكورس ما اذكر اني دفعت اقل من 7000 ريال وطبعا غير الاكل

وطبعا هالاسعار لكورس واحد بس يعني بالسنة بيكون الدبل

المصاريف كل سنة تزيد وللاسف احنا بنبتلش

مع ان هالاشياء كلها كانت ببلاش بأيام زمان حتى النا كأجانب

الله بعين ..

[qatar.syria]

المهم هو مستوى التدريس والله يفرج على الجميع

[Gentleman]

تستاهل بروش نجمه 24 قيراط ذهب تعلقه على ثوبك اليوم وتروح الدوام

ماتخيل في دوله على الكره الارضيه مراعيتكم كثر قطر

جزاج الله خير يا بنت كرز ورحم الله والديج
أنا أداوم بقميص وبنطلون وفي إجازة اليوم (منتظر أخبار الزيادات) :waiting:
:)

[النائب]

يعني الدراسة في جامعة قطر للقطريين فيها رسوم !
وين مجانية التعليم

[ROSE 26]

يعني الدراسة في جامعة قطر للقطريين فيها رسوم !
وين مجانية التعليم

الدراسه مالها رسوم على القطريين
لكن فيه رسوم الكتب والباصات وحذف المقرارت والكورس <<< وهاي قبل كمن سنه كان مجان على القطريين

[qtr-1234]

على كل شي تتشكون

[مخطط قطري]

يجماعه الخير شفيكم طبيتو في بطون الاجانب!!!!
التعليم والصحه المفروض لنا ولهم بلاش
والحمدلله حامدين ربنا وشاكرينه على النعمة
حتى في تعاليم مب راحمين حد
ترا بعض الاجانب مساكين مب كلهم في خير ونعمه
نفس مافي قطريين من الطبقه المخمليه والطبقه الكادحه هم الاجانب فيهم هالشي
انا اتكلم عن الاجانب العرب المسلمين مب الاجانب الانجليز وطختهم
الله يزيدنا من نعيمة ويزديهم وجعلنا في خير في ظل قياده اميرنا المحبوب الشيخ حمد جعل العين ماتبكية

[mohd89]

احمدوا ربكم الدراسه للحين ببلاش

في اغنى دول العالم الدراسه بفلوس في امريكا واستراليا وبريطانيا
كله بفلوس مافي شي ببلاش

وأنتوا تتشكون ع الكتب !
قولوا الحمدلله

[الراقيه سبشل]

يجماعه الخير شفيكم طبيتو في بطون الاجانب!!!!
التعليم والصحه المفروض لنا ولهم بلاش
والحمدلله حامدين ربنا وشاكرينه على النعمة
حتى في تعاليم مب راحمين حد
ترا بعض الاجانب مساكين مب كلهم في خير ونعمه
نفس مافي قطريين من الطبقه المخمليه والطبقه الكادحه هم الاجانب فيهم هالشي
انا اتكلم عن الاجانب العرب المسلمين مب الاجانب الانجليز وطختهم
الله يزيدنا من نعيمة ويزديهم وجعلنا في خير في ظل قياده اميرنا المحبوب الشيخ حمد جعل العين ماتبكية

كلامك درر:victory:

[بوسلمان 2010]

الله ييسر اموركم ويشلون القرارات عنكم

[ROSE 26]

موضوعي اتكلم فيه عن الرسوم على الطالب القطري اللي المفروض يكون ببلاش
لان قبل كان بالمجان واخواني وخواتي ماكانو ياخذون منهم رسوم


وبالنسبه اللي يقولون على اي شي يتشكون اظن هالشي يبيله نقاش
انتو على ريالين زادوا في السلعه تقولون حماية مستهلك ومب عارفه ايش
انا اتكلم عن 1000ريال زادوا !!!

[بوحارب]

وبالنسبة ان القطري يدفع هذي عليها 1000 علامة ؟؟؟؟


في بلاده ويدفع على التعليم :omg: والله قمة الظلم من متى يدفع القطري في الجامعة

اخبر الأهل ادرسوا في الجامعة وتخرجوا ومادفعوا ريال واحد :omen2:

قدموا كتاب يالقطريين لأدارة الجامعة وطالبوا بأسقاط الرسوم :)

[دااانة قطر]

[c"]وبالنسبة حق صلب الموضوع ان القطري يدفع هذي عليها 1000 علامة ؟؟؟؟
في بلاده ويدفع على التعليم :omg: والله قمة الظلم من متى يدفع القطري في الجامعة
اخبر الأهل ادرسوا في الجامعة وتخرجوا ومادفعوا ريال واحد :omen2:
قدموا كتاب يالقطريين لأدارة الجامعة وطالبوا بأسقاط الرسوم :)


الله المستعاان
حتى الدرااسه؟؟؟؟؟؟؟؟

[دااانة قطر]

يعني الدراسة في جامعة قطر للقطريين فيها رسوم !
وين مجانية التعليم

؟؟؟؟؟؟؟؟؟؟؟؟؟؟؟؟؟؟؟؟؟؟

[nadeemy]

عذرا للاطاله وياريت نركز على لب الموضوع المهم
انا ارى انه اذا كان لابد من الرسوم فياريت يتم اعفاء المتميزين , يعني معدل الجيد جدا واعلى يتم اعفاءهم , واذا نزل المعدل يلزم الطالب بدفع الرسوم
مجرد اقتراح
شكرا لصاحب الموضوع

[ROSE 26]

بالنسبه اللي يسالون عن رسوم الدراسه فهاذي بالمجان
لكن رسوم الباصات والكتب وحذف المقررات والكورس بعد الفتره المحدده من التسجيل بفلوس والمفروض يكون بالمجان نفس ماكان قبل كمن سنه!


وياليت ينزلون من اسعار الكافتريات والمطاعم لانها غاليه شوي خصوصا على الطالب لان ماعنده دخل غير ان اهله يصرفون عليه...

[vtc-4800]

ياجماعة الخير أنا طالب بالجامعة وكانت الكتب بالمجان والباص بالنسبة للبنات شي رمزي لايذكر (يالله يكفي راتب السواق)
لاكن كانو بعض الطلاب بعد كل امتحان يقطون الكتب الله يعز القاري فزبالة يابلفيت احتفال
والجامعة بدورها فرضت على القطريين رسوم الكتب عشان ماتنتشر الظاهرة هاي كل السالفة وانا اشوفها مقنعة

لاكن بصراحة سالفت الباصات امصخت وايد واعتقد انها وصلت 1000 ريال بالكورس

[صوت الضمير]

الحمدلله خلصنا دراسه وانا حاسه فيكم ..

اذكر كنت مضطره احذف مقرر دفعت 1500 .. لانهمم وقفوا تسجيلي للمواد الكورس اللي بعده

الكتب بفلوس صحيح ندفع نص القيمه لكن بعد تكلف يوصل المبلغ 300 واكثر..

اتمنى انه القطرين يعفون من الرسوم .. ترا احنا صرنا الاقليه ونستاهل

هذا غير اسعار الكافتيرات اللي مدري وش السر اللي يدفعهم انه مايغيرونها .. لانه معروف من المالك*_^

اتمنى محاسبة المسؤلين ..

وشكرا

[راقي]

انـا بتـكلم بصراحهـ

الباصات مدري عنها صراحه بس الكتب والرسوم لما تبي تحذف ممقرر . :))
صراحه اشووف لهم حق ياخذون لانه اغلب اللي معاي والله واحلف انه يجون الجامعه بس حق التكشخ والسوالف و و و وانه تقضية وقت وكل وحده تقوول ويي مابجيب الايلز وخلاص ..

يعني .. حرام الدوله تسوي على نااس ما تستاهل وبس جايه كذا !!


ثاني شي الكتب لازم تندفع عليها لانه واااااجد طلااب ما يحسون بقيمة الشي الا لما يدفعون فيها فلوس : )) يحسون بالقيمه ولا والله لو كانت بلاااش كان الطلاب كلهم كتبهم وسط الساحه : ))

ثاني شي بالنسبه لحدذ المقرر .. : )) انا اشوف بعد معاهم حق يااخذون لانه واجد بناااات يغيبون ويتساهلون واللي مايحظرون في خلااص مايقدرون يقدمون الامتحان ولازم يحذفون الكورس والسبه اهمالهم . :)) والدوله مب مسوؤله تصرف على ناس مستهتره :))

وانا ما يبط جبدي الا لما البناات يجون الجاامعه وهم عارفيين ما بيكملون ولا قدهـأ بس يجون حق التسليه ولاحد يقول انا غلطااااانه
لانه والله شكثر بنات اعرفهم كذا .. : ))


..// .. // .. //



واخـر شي اقول احمدو ربـكم على النعمه .. تــرى والله غيــرنــأ .. محرومين من كل شي ولا يدفعون بعد ..
يعني احنا بخير ونعمة والدولة مب مقصره صراحه .. // و ترى الدول الثانيه الطلاب المواطن يدفع على كل شي : )) و يمكن يدفع اكثر من اللي ندفعه باضعااف . :))

الحمدالله على النعمه اللي احنا فيهـا والله يدوم النعمه